INNHALD

Samandrag

Systemrevisjonen omfatta følgjande område:

• Internkontroll
• Tilbod om helseundersøkingar og rettleiing til skuleelevar
• Tilbod til elevar med særskilde behov
• Tiltak for å få oversikt over helseproblem blant elevar og risikofaktorar som kan ha samanheng med skulemiljøet.

Aurland kommune gjev tilbod om skulehelseteneste til alle grunnskulane og den vidaregåande skulen i kommunen. Leiande helsesyster er administrativ leiar for skulehelsetenesta, det medisinsk faglege ansvaret er lagt til kommunelege 1. Innføring av den nye "veilederen" for helsestasjon og skulehelsetenesta er komen i gang, og dannar grunnlag for utarbeidinga av nye års- og handlingsplanar i kommunen. Dei fleste tilsette kjenner godt til krav fastsett i lover og føreskrifter, men komunelegen gir uttrykk for at hans ansvar er ein rådgivarfunksjon og ikkje som medisinsk fagleg ansvarleg for tenesta.

Alle som byrjar i grunnskulen får tilbod om helseundersøking. Det vert gjeve tilbod om individuelle samtalar og det vert sendt ut informasjonsmateriell til skule, heim og til elevane.

Det er etablert faste tverrfaglege samarbeidsmøte mellom skulehelsetenesta og samarbeidspartnerar som skule, PPT, barnevern, sosialkontor og Barne- oug ungdomspsykiatrien. Elevar med spesielle behov vert følgde opp både individuelt og i grupper. Kunnskapen om helsetilstand og risikofaktorar i skulemiljøet vert formidla vidare gjennom årsmelding og munnleg formidling til skuleleiing, foreldre/føresette og leiinga i kommunen.

Dato: 29.05.2002

1. Innleiing

Rapporten er utarbeidd etter systemrevisjon ved Aurland kommune 05. april 2002 . Revisjonen inngår som ein del av fylkeslegen si planlagde tilsynsverksemd i år. Revisjonen er initiert på bakgrunn av at fellestilsyn med skulehelsetenesta i 2000 avdekte manglar i skulehelsetenesta, og at denne tenesta har relativt låg prioritet i mange kommunar.

Føremålet med systemrevisjonen er å vurdera korleis verksemda tek i vare ulike krav frå styresmaktene ved hjelp av internkontroll. Revisjonen omfatta undersøking om:

• aktivitetar blir utført slik dei er framstilte skriftleg og muntleg
• verksemda når måla sine og driv verksemda innanfor rammene som styresmaktene har sett.

Ein systemrevisjon vert gjennomført ved gransking av dokument, ved intervju og ved verifikasjonar. Verifikasjonar inneber å sjekke om rutinar, prosedyrar og instruksar blir følgde opp i praksis, og om dei fysiske forholda tilfredsstiller krava frå styresmaktene. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav som styresmaktene stiller.
• Merknad er tilhøve som ikkje vert omfatta av definisjonen for avvik, men der tilsynet med utgangspunkt i krav som styresmaktene har stilt, avdekker potensial for betring.

2. Skildring av verksemda - særlege tilhøve

Aurland kommune har ca.1800 innbyggarar og det er 5 grunnskular i kommunen, av desse er det ein barne- og ungdomsskule, vidare er det ein vidaregåande skule. Skulehelsetenesta er ein del av helsestasjonsverksemda i kommunen og er organisert som ei delteneste under helse- og sosialetaten. Skulehelsetenesta har fast kontorstad og kontortid ved alle skulane i kommunen. Det er tilsett helsesyster i 100% stilling og jordmor i 50% stilling i kommunen, Kommunelege 1 har 4 timar pr. veke i helsestasjon og skulehelsetenesta i kommunen. Fysioterapiverksemda i kommunen er organisert som eiga eining og yter teneste til helsestasjons- og skulehelsetenesta etter avtale. Skulehelsetenesta i Aurland har god tradisjon for tverrfagleg arbeid kring einskild elevar og grupper. Helsesyster samordnar oppgåver og kontakt til skulen. Helsesyster er barnerepresentant i kommunen.

Skulehelsetenesta omfattar følgjande oppgåver:

• Systematisk medisinsk undersøking, individuelle råd om korleis ein kan bevare god helse og andre medisinske tiltak, m.a. vert det drive helseopplysning.
• Strukturert tverrfagleg samarbeid spesielt med skulen, PPT og sosialtenesta.
• Gi råd til skulen sitt personale som gjeld hygieniske forhold og arbeidsmiljø samt vere med å leggje til rette for integrering av funksjonshemma born.
• Hjelpe til med undervisning i den grad skulen ynskjer det.
• Koordinere ansvarsgruppene til funksjonshemma born.

3. Dokumentunderlag

Verksemda sin eigen dokumentasjon:

• Organisasjonskart
• Tenesteerklæring for helsestasjonstenesta (skulehelsetenesta er ein del av denne).
• Stillingsomtale for helsesyster
• Stillingsomtale for kommunelege 1
• Plan og metode for skulehelsetenesta i Aurland kommune
• Retningslinjer for kvalitetsutviklingsarbeidet i helse- og sosialsektoren
• Årsmelding 2000 frå tenestene i helse- og sosialsektoren
• Årsmelding 2001 Helsestasjonen
• Verksemdsplan 2002 Helse og sosialsektoren
• Plan for habilitering og rehabilitering
• Retningslinjer for utarbeiding av individuell plan
• Smittevernplan

Korrespondanse mellom verksemda og fylkeslegen:

• 13.02.02 Melding om tilsyn med skulehelsetenesta i Aurland kommune frå Fylkeslegen
• 27.02.02 Ny melding om tilsyn frå Fylkeslegen med endra dato
• 25.03.02 Brev frå Aurland kommune med vedlagt dokumentasjon til tilsynet med skulehelsetenesta
• 26.03.02 Brev frå Fylkeslegen med program og tidsplan for gjennomføringa av tilsynet

4. Gjennomføring

Systemrevisjonen omfatta følgjande aktivitetar:

Melding om tilsyn blei sendt ut 13.02.02

Formøte vart ikkje halde

Opningsmøte vart halde 05.04.02 Kl. 09.45 – 10.15.

Intervju
6 personar vart intervjua.

Verifikasjonar
Følgjande verifikasjonar blei gjennomførde:

• Helsekort (journal) for 3 elevar i 1. klasse
• Referat frå ansvarsgruppemøte
• I tillegg til tilsendt materiell vart diverse delplanar og dokument for helsestasjon og skulehelsetenesta sitt arbeid lagt fram.

Sluttmøte vart halde 05.04.02 14.15 – 14.30

5. Reviderte område og funn

Område 1: Organisering. Internkontroll

Kommunen er i gang med å arbeide ut eit heilskapleg overordna system for kvalitetsutvikling i helsetenesta. Skulehelsetenesta er ein del av dette systemet, og har utarbeidd eigne skriftlege prosedyrar for denne deltenesta. Kommunen har bygd opp systemet med ein overordna styringsdel som syner organisasjonsoppbygging, lovkrav og mål for helsetenesta i kommunen. Kvalitetssystemet er knytt opp til planane for helsetenesta i kommunen. Helsestasjon og skulehelsetenesta er godt i gang med å utarbeide ein eigen kvalitetsperm i smarbeid med nabokommunane Lærdal og Årdal. Systemet manglar nokre element som gjer at det ikkje fullt ut tilfredsstiller lovkrava i Lov om statlig tilsyn med helsetjenesten §3:

Avvik frå fylgjande krav i forskrift om skulehelseteneste § 7:

Avviket er basert på fylgjande observasjon:

Kommunelegen oppfattar sitt ansvar som medisinskfagleg rådgivar og ikkje som medisinsk-fagleg ansvarleg for tenesta.

Merknad 1

IK-systemet inneheld dei overordna føringane, men manglar ein del av implementeringa i organisasjonen

Merknaden er basert på følgjande observasjonar:

Gjennom intervju går de fram at einskilde arbeidstakarar ikkje er kjend med regelverk og faglege standardar for skulehelsetenesta og skuleverket.

Område 2: Tilbod om helseundersøking og rettleiing til skuleelevar

• Forskrift av 23. Nov.1983 om helsetenester i skular jf.§2 andre ledd.
• Lov av 19.nov.1982 nr 66 om helsetenesta i kommunane jf §6-3, tredje ledd.

Det vart ikkje funne avvik eller peikt på merknader på dette området.

Område 3: Strukturert tverretatleg samarbeid

• Forskrift av 23. Nov.1983 om helsetenester i skular jf.§2 andre ledd.
• Lov av 19.nov.1982 nr 66 om helsetenesta i kommunane jf §6-3, tredje ledd.

Det vart ikkje funne avvik eller peikt på merknader på dette området.

Område 4: Tilbod og rådgjeving til skulen om tilrettelegging for elevar med særskilde behov

• Forskrift av 23. Nov.1983 om helsetenester i skular jf.§2 andre ledd.
• Lov av 19.nov.1982 nr 66 om helsetenesta i kommunane jf §6-3, tredje ledd og § 1-4.

Det vart ikkje funne avvik eller peikt på merknader på dette området.

Område 5: Kommunehelsetenesta /skulehelsetenesta sitt oversyn over helsetilstanden til skuleelevar og risikofaktorar i skule og oppvekstmiljø (helseovervaking).

• Forskrift av 23. Nov.1983 om helsetenester i skular jf.§2 andre ledd.
• Lov av 19.nov.1982 nr 66 om helsetenesta i kommunane jf §1-4.

Det vart ikkje funne avvik på dette området.

6. Deltakarar ved tilsynet

Oversikt over personer frå verksemda som var direkte involvert i revisjonen.

I tabellen under er det gitt ei oversikt over deltakarane på opningsmøte og sluttmøte, og over kva for personar som blei intervjua.

Frå fylkeslegen deltok:
Bjørg Eikum Tang, revisjonsleiar
Berit Ødegård Myklestad, revisor
Tove Hovland, revisor