INNHALD

Samandrag

Denne rapporten omtalar funn gjort ved tilsynet med helsetenestene til barn og unge med psykiske problem i Lærdal kommune.

Tilsynet omfatta fylgjande område:

Kommunen si planlegging, organisering og styring med helsetenestene slik at

• barn og unge med psykiske problem får individuell undersøking og oppfylgjing
• smarbeidet om barn og unge med psykiske problem vert ivareteke
• at det vert utarbeida individuelle planar til dei som har rett til slik plan

Kommunen sine systematiske tiltak for å sikre dette (internkontrollsystemet) vart vurdert i høve til kvart område. Tilsynet er eit av dei felles tilsyna alle Fylkeslegane i landet skal gjennomføre etter felles mal. Etter førespurnad har Fylkeslegen i forkant av tilsynet gjort telefonintervju med barnevernstenesta og PPT i kommunen. Opplysningar frå desse intervjua vert nytta som observasjonar i tilsynsrapporten.

Helsetenesta i Lærdal kommune har planlagt, organisert og styrt tenestene slik at barn og unge med psykiske problem får individuell undersøking og oppfylgjing. Born mellom 15 månader og skulestart får regelmessig undersøking, og det vert gjennomført målretta undersøkingar ved indikasjon. Dei born som har trong for det, får vidare oppfylgjing. Born og unge med psykiske problem vert undersøkt av lege ved behov, og lege henviser vidare til BUP. Tenesta har tilsett personell med nødvendige kvalifikasjonar. Tenesta har eit forbedringspotensiale når det gjeld ordningane for å sikre nødvendig informasjon til fastlege når denne ikkje er skulelege/helsestasjonslege.

Helsestasjon/skulehelsetenesta har etablert strukturar for tverrfagleg samarbeid med PPT, barnevern, sosialtenesta, barnehage, skule og BUP for å hjelpe born med psykiske problem. Tenesta er organisert slik at opplysningsplikta til sosialtenesta vert ivareteke. Meldeplikta til barnevernet er kjend men vert ikkje praktisert i tilstrekkeleg grad.

Tenesta har på eige initiativ utarbeida mal for individuell plan som innheld hovudpunkta i samsvar med myndigheitskrava. Malen er tenkt nytta som felles mal for alle deltenestene i kommunen. BUP og barnevern har meldt om born med behov for å få utarbeida slik plan til helsetenesta. Planen er ikkje administrativt forankra.

Tenesta har ikkje sikra seg formell avtale med lege om medisinsk ansvar for skulehelsetenesta.

Tenesta sine ordningar for å sike lovpålagt innhald og omfang i tenestene er ikkje fullverdige då tenesta mellom anna manglar opplæringsplan eller oversikt over korleis ein sikrar nødvendig opplæring i nytt regelverk, oversikt over organisering, ansvarsdeling og stillingsomtalar. Det manglar også "overbygning". Fylkeslegen kan ikkje seie at internkontrollsystemet er i samsvar med krava i lov om statlig tilsyn med helsetjenesten § 3.

Dato: 16.12.02

1. Innleiing

Rapporten er utarbeidd etter systemrevisjon i Lærdal kommune 23.10.02. Tilsynet inngår som ein del av Fylkeslegen si planlagde tilsynsverksemd i år, og inngår i dei felles tilsyna alle fylkeslegane skal utføre etter same opplegg for å vurdere om helsetenetene til barn og unge med psykiske problem stettar lovkrava. Dette gjeld i høve til kommunen si planlegging, organisering og styring av helsetenetene for å sikre individuell undersøking og oppfylgjing, samarbeid og utarbeiding av individuell plan for dei som har rett til slik plan.

Kommunen sine systematiske tiltak for å sikre dette (internkontrollsystemet) vert vurdert i høve til dei einskilde områda for tilsynet.

Ein systemrevisjon vert gjennomført ved gransking av dokument, ved intervju og ved verifikasjonar. Verifikasjonar inneber å sjekke om rutiner, prosedyrar og instruksar blir følgde opp i praksis, og om dei fysiske forholda tilfredsstiller myndigheitskrava. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav som styresmaktene stiller.
• Merknad er tilhøve som ikkje vert omfatta av definisjonen for avvik, men der tilsynet med utgangspunkt i krav som styresmaktene har stilt, avdekkjer potensial for betring.

2. Skildring av verksemda - særlege tilhøve

Av kommunen sine KOSTRA data for år 2001 går det fram at Lærdal kommune har 2178 innbyggjarar der 492 er mellom 0 og 16 år. 24 av desse er innvandrarar. Kommunen har 87 16-18 åringar. 25 born var fødde i 2001, og det var 27 16 –åringar, 31 6-åringar og 27 5-åringar. 30 born hadde fått fullført helseundersøking ved skulestart, dette utgjer at 111,1% har fått fullført slik undersøking. Ingen born hadde fått fullført helseundersøking i 3.klasse.

Kommunen sin økonomiske situasjon og forbruk i høve til inntening målt som netto driftsresultat i prosent av driftsinntektene er –2,7%, noko som er lågare enn for gruppa av kommunar Lærdal kan samanlikne seg med ( 2,5%) og lågare enn gjennomsnittet for kommunane i fylket ( - 0,5%). Dette syner at Lærdal har eit negativt resultat i driftsrekneskapet og dermed brukar meir pengar enn dei tenar.

Kommunen si prioritering av kommunehelsetenesta målt som netto driftsutgifter i % av totale nettodriftsutgifter er 7,7%, noko som ligg langt over snittet for den samanliknbare gruppa og gjennomsnitt for kommunane i Sogn og Fjordane.

Prioriteringar i høve til netto driftsutgifter til helsestasjon og skulehelseteneste per innbyggjar 0-16 år er 1010, noko som er i underkant av snittet for kommunegruppa ( 1557) og også i underkant av snittet for fylket (1108).

Når det gjeld dekningsgrad, har Lærdal 5,3 årsverk legar per 10000 innbyggjarar 0-6 år på helsestasjon/skulehelseteneste. Dette er under både gjennomsnitt for den samanliknbare kommunegruppa og kommunane i Sogn og Fjordane. Tilsvarande dekning helsesøsterårsverk er 50. Dette er under snittet for gruppa Lærdal kan samanlikne seg med, men over gjennomsnittet for kommunane i fylket. Tenesta har 4 timar per veke med legar på helsestasjon/skulehelseteneste og 37,5 timar per veke med helsesøster på helsestasjon/skulehelseteneste.

3. Dokumentunderlag

Verksemdas eigen dokumentasjon:

• Oversikt over tilsette
• Organisasjonskart Lærdal kommune
• Framlegg til plan for skulehelsetenesta 2002 – 2006
• Kopi av kvalitetshandboka – helsestasjon – ulike prosedyrar
• Samarbeid mellom helsestasjon og skulelege
• Helsetenesta i skulen
• Helsesirkelen
• Kartotek for oppfølging av elevar
• Samarbeid med fysioterapitenesta
• Samarbeid med PPR
• Samarbeid med BUP
• Samarbeid med barnevern
• Samarbeid med barnehabilitering Helse Førde, sentralsjukehuset
• Samarbeid med områdepediater
• Årsmelding Lærdal helsestasjon 1998, 1999, 2000, 2001
• Utarbeida framlegg til rehabiliteringsplan for Lærdal kommune
• Opptrappingsplan for psykisk helse 2001-2004
• Utarbeida mal for individuell plan

Utdelt tilsynsdagen:

• Kopi av kvalitetshandboka – prosedyrar
• Prosedyre og rapporteringsskjema for ulykker/nestenulykker
• Teieplikt
• Avvikshandsaming – prosedyre og meldeskjema
• Innhaldsoversikt – kvalitetshandbok
• Kopi av tilsettingsbrev for helsestasjonslege
• Skjema – løyve til å utveksle naudsynte opplysningar i samarbeid

Korrespondanse mellom verksemda og fylkeslegen:

• Brev frå Fylkeslegen til Lærdal kommune dagsett 01.07.02 med varsel om tilsyn
• Brev til Lærdal kommune frå Fylkeslegen dagsett 29.08.02
• Brev frå Lærdal kommune til Fylkeslegen dagsett 16.09.02
• Brev til Fylkeslegen frå Lærdal kommune med vedlegg dagsett 23.09.02
• Brev til Lærdal kommune frå Fylkeslegen med dagsorden dagsett 26.09.02

4. Gjennomføring

Systemrevisjonen omfatta følgjande aktivitetar:

Melding om tilsyn blei sendt ut 01.07.02

Opningsmøte vart halde 23.10.02

Intervju
4 personar vart intervjua.

Verifikasjonar
Følgjande verifikasjonar blei gjennomførde:

• Gjennomsyn av skjema for oversikt over målretta undersøkingar
• Gjennomsyn av helsekort og elektroniske journalar
• Gjennomsyn av referat frå ansvarsgruppemøte
• Gjennomsyn av kvalitetshandbok

Sluttmøte var halde 23.10.02

På førehand, den 30.09.02, vart det gjort telefonintervju med Vigdis Bruheim, leiar for PPT i Årdal og Lærdal, og med Marianne Voldum, leiar for barnevernet i Lærdal kommune.

5. Reviderte områder og funn

Område 1: Om kommunen har planlagt, organisert og styrt helsetenestene slik at barn og unge med psykiske problem får individuell undersøking og oppfylgjing

Det vart ikkje funne avvik i høve til myndigheitskrava på dette området

Dette er basert på fylgjande observasjonar:

• Tenesta har ordningar for ivaretaking av undersøking av barn mellom 15mndr og skulestart
• Det vert gjennomført femårs kontrollar før skulestart av alle born
• Det vert gjennomført målretta undersøkingar ved skulehelsetenesta
• Undersøkingane vert utført etter melding frå skule, helsesøster, barnehage, foreldre.
• Tenesta har ordningar for oppfylgjing av born som er vurdert til behov for målretta undersøkingar ved skulestartundersøkinga
• Helsetilsynet sin veileder vert nytta som grunnlag for tenesta sine ordningar
• Tenesta har utarbeida skriftleg prosedyre for slik oppfylgjing
• Barn og unge med psykiske problem vert undersøkt av lege
• Helsesøster fører desse opp på helsestasjonslegen si timeliste
• Barn og unge vert tilvist til BUP/PPT av lege etter at helsesøster har skrive ut henvisning og lege skriv under
• Aktuell problemstilling vil vera avgjerande i høve til korvidt medisinsk undersøking vert utført før henvisning til BUP.
• Tenesta har tilsett personell med nødvendige kvalifikasjonar

Tenesta har ikkje fullgode ordningar for å sikre nødvendig informasjon til fastlege

Merknaden er basert på fylgjande observasjonar:

• Kommunen har fleire legar, helsestasjonslege er også fastlege men arbeider ikkje i kontorfellesskap
• Tenesta har ikkje rutine for informasjon om tilvising/igangsetting av tiltak til fastlege dersom dette ikkje er helsestasjonslege

Område 2: Om kommunen har planlagt, organisert og styrt helsetenestene slik at samarbeidet om barn og unge med psykiske problem vert ivareteke

Det vart ikkje funne avvik frå myndigheitskrava på dette området

Dette er basert på fylgjande observasjonar

• Helsestasjonen/skulehelsetenesta har etablert strukturert tverrfagleg samarbeid med andre instansar for å hjelpe born og skuleelevar med psykiske problem
• Etter oppsett halvårig møteplan samhandlar helsestasjon/skulehelseteneste, PPT, barnevern/sosial, miljøterapeut, psykiatrisk sjukepleiar, turnuskandidat og BUP. Helsestasjonslege/fastlege vert også kalla inn til møta.
• Gjennom intervju gjekk det fram at det vert ikkje skrive referat frå desse møta. Saker vert melde inn på førehand, og generelle problemstillingar vert drøfta i tillegg til enkelt saker som vert drøfta enten som NN- saker eller med namn etter innhenta samtykke.
• Helsesøster deltek i ressursgrupper med skule/PPT
• Helsesøster deltek i ulike ansvarsgrupper og er også kordinator for nokre ansvarsgrupper
• Helsestasjonslege deltek i ansvarsgrupper
• Helsestasjon har møte med barnevern i forkant av samhandlingsmøta med BUP
• Gjennom intervju gjekk det fram at opplysningsplikta til og samarbeidet med sosialtenesta vert ivareteke
• BUP si tilbakemelding til helsetenesta funger godt med kopi av timeinnkalling og epikrise til helsestasjon
• Helsestsjon/skulehelsetenesta nyttar BUP til rådgjeving, og BUP er lett å kontakte ved behov

Tenesta si meldeplikt til barnevernet vert ikkje gjennomført i tilstrekkeleg grad

Merknaden er baser på fylgjande observasjonar:

• Tenesta kjenner meldeplikta til barnevernet
• Barnevernet har teke meldeplikta opp som tema både med skule, barnehage og helsestasjon/skulehelsetenesta
• Det vert nytta skriftlege meldingar
• Helsestasjon tek bekymringar problemstillingar opp muntleg med barnevernet, men få saker vert melde frå helsetenesta
• Gjennom intervju med barnevern vert det gjeve uttrykk for oppleving av at helsetenesta vegrar seg for å melde saker til barnevernet
• Helsetenesta opplever at skule/barnehage vegrar seg for å melde saker

Område 3: Om kommunen har planlagt, organisert og styrt helsetenestene slik at det vert utarbeida individuelle planar for barn og unge med psykiske problem som har rett til slik plan

Avvik 1

Tenesta sine ordningar for å sikre planlegging, gjennomføring og styring av tenestene er ikkje fullgode

Avvik frå fylgjande myndigheitskrav:

• Lov om statlig tilsyn med helsetjenesten §3

Dette er basert på fylgjande observasjonar:

• Tenesta har utarbeida ordningar for internkontroll for helsestasjon og skulehelsetenesta
• Det er utarbeida avvikprosedyre og skjema for melding av avvik
• Det er utarbeida ulike fagprosedyrar
• Det er ikkje utarbeida opplæringsplanar eller oversikt for å sikre nødvendig opplæring og innføring i nytt regelverk
• Internkontrollsystemet manglar overbygning slik at det heng i hop med resten av helsetenesta sitt internkontrollsystem
• Det manglar oversikt over organisering, ansvarsdeling og stillingsomtalar

Det vart ikkje funne andre avvik på dette området

Dette er basert på fylgjande observasjonar:

• Tenesta har utarbeida mal for individuell plan på tenestenivå og planen er tenkt nytta som felles mal for alle tenesteområda
• Planen er ikkje teken i bruk, men tenesta har barn der planen er tenkt nytta
• Mal innheld hovedpunkta i høve til regelverket, med oversikt over tiltak og teneste, ansvar for igangsetting av utarbeiding av slik plan, ansvar for yting av tenester, ansvar for koordinering og framdrift av tenester.
• BUP og barnevern har meldt om born med behov for utarbeiding av individuell plan til helsetenesta.
• Prosedyre/rutine for oppfølging av innhald i individuell plan er under utarbeiding

Medisinsk ansvar for skulehelsetenesta er ikkje formelt avklara

Dette er basert på fylgjande observasjonar:

• Helsesstasjonslege si avtale med kommunen omtalar ikkje ansvar for skulehelsetenesta
• Oppgåvene som skulelege vert faktisk utført av helsestasjonslege slik at born og unge får dekka sine behov for helsetenester

Tenesta sin utarbeida mal for individuell plan er ikkje administrativt forankra

Merknaden er basert på fylgjande observasjonar:

• Gjennom intervju gjekk det fram at tenesta har av eige initiativ utarbeida mal for individuell plan
• Utarbeida mal for individuell plan er ikkje administrativt godkjent
• Regelverket om individuell plan er kjend av alle i tenesta

6. Deltakarar ved tilsynet

Oversikt over personer frå verksemda som var direkte involvert i revisjonen.

I tabellen under er det gitt ei oversikt over deltakarane på opningsmøte og sluttmøte, og over kva for personar som blei intervjua.

Frå fylkeslegen deltok:
Øyvin Myrmel, observatør
Bjørg Eikum Tang, revisor
Anne Eli Wangen, revisjonsleiar