INNHALD

1. Innleiing
2. Dokumentunderlag
3. Omfang
4. Gjennomføring
5. Avvik

Innhald i rapporten

Hovudkonklusjon

Ingen av dei meir enn 50 verksemdene som skulle ha ny godkjenning innan 31. desember 1998 har fått slik godkjenning. Det er att eit omfattande arbeid.

Innan dei reviderte områda blei det påpeikt følgjande avvik:

• Ingen verksemder (barnehagar og skolar) som er omfatta av Forskrift om miljøretta helsevern i barnehagar og skolar m.v. § 2 og som skulle hatt ny godkjenning per 31. desember 1998, er godkjende. Avvik frå Forskrift om miljøretta helsevern i barnehagar og skolar m.v. § 6, jf. Lov helsetenesta i kommunene § 4a-2.
• Askøy kommune har ikkje påbegynt arbeid for å etablere internkontrollsystem for godkjenning av og tilsyn med miljøretta helsevern i barnehagar og skolar m.v. Avvik frå Lov om statleg tilsyn med helsetenesta § 3, 1. ledd.

Dato: 16. september 1999

1. Innleiing

Formålet med tilsynet er todelt: For det første å bidra til kvalitetsutvikling. For det andre å vurdere korleis verksemda oppfyller krav som følgjer av lover og forskrifter for helsetenesta.

Tilsynet omfatta mellom anna:

• om internkontroll i verksemda er formålstenleg og dekkjande
• om aktivitetar vert utførte slik dei er framstilte skriftleg og muntleg.
• om verksemda når måla sine og driv verksemda innanfor rammene som styresmaktene har sett.

Tilsynet blei gjennomført ved gransking av dokument og ved intervju. Rapporten omhandlar avvik og merknader som vart avdekte ved tilsynet.

Avvik er definert som mangel på oppfylling av krav som styresmaktene stiller.

2 Dokumentunderlag

• Regelverk
  Lov av 30. mars 1984 nr 15 om statleg tilsyn med helsetenesta.
  Lov av 25. september 1992 om kommunar og fylkeskommunar.
  Lov av 10. februar 1967 om behandlingsmåten i forvaltningssaker.
  Lov av 19. november 1982 nr 66 om helsetenesta i kommunane.
  Forskrift av 1. desember 1995 nr 928 om miljøretta helsevern i barnehagar og skolar mv.
• Rettleiar 3-98 til Forskrift om miljøretta helsevern i barnehagar og skolar m.v. frå Statens helsetilsyn.
• Rundskriv IK-12/98 av 29. mai 1998 frå Statens helsetilsyn.
• Korrespondanse mellom Askøy kommune og Fylkeslegen.
• Dokumentasjon frå Askøy kommune, jf vedlegg 1.

3. Omfang

Tilsynet var avgrensa til kommunen sin internkontroll ved godkjenning av og tilsyn med miljøretta helsevern i barnehagar og skolar og om desse tenestene oppfylte krav til:

• Internkontroll.
  Lov om statleg tilsyn med helsetenesta av 30. mars 1984 nr 15, § 3.
  Lov av 19. november 1982 nr 66 om helsetenesta i kommunane kap. 4a.
  Forskrift av 1. desember 1995 om miljøretta helsevern i barnehagar og skolar m.v.
• Nødvendig kompetanse til å godkjenne og føre tilsyn
  Lov av 19. november 1992 om helsetenesta i kommunane § 3-3.
  Lov om statleg tilsyn med helsetenesta av 30. november 1984 nr 15, § 3.
• Fordeling av mynde, ansvar og oppgåver
  Lov av 19. november 1982 nr 66 om helsetenesta i kommunane §§ 4a-2, § 4a-3 jf. lov om kommunar og fylkeskommunar § 23.
• Saksbehandling ved søknad om godkjenning
  Lov av 10. februar 1967 om behandlingsmåten i forvaltningssaker § 2,1. ledd jf. kap IV- VI.
  Forskrift om miljøretta helsevern i barnehagar og skolar § 6.
• Bruk av vilkår eller dispensasjon ved godkjenning av barnehagar og skolar,
  Forskrift om miljøretta helsevern i barnehagar og skolar § 26.

4. Gjennomføring

Melding om tilsyn blei sendt til Askøy kommune 29. juni 1999. Dokumentasjon som fylkeslegen ba om, blei motteken i ekspedisjon av 12. august 1999. Fylkeslegen mottok meir opplysningar i ekspedisjon av 1. september 1999, jf. vedlegg 1. Framlegg til program blei oversendt 17. august 1999. Endeleg program blei oversendt 24. august 1999.

I opningsmøtet 3. september gav Fylkeslegen informasjon om formålet med og gjennomføringa av tilsynet. Det blei gjennomført 3 intervju. I sluttmøtet gav Fylkeslegen ei oppsummering og presentasjon av resultat. Oversyn over deltakarane ved tilsynet går fram i vedlegg 2.

5. Avvik

• Avvik frå: Forskrift om miljøretta helsevern i barnehagar og skolar m.v. § 6, jf. Lov om helsetenesta i kommunene § 4a-2

Følgjande observasjonar ligg til grunn for avviket:

• Dokumentasjon tilsendt før tilsynet og opplysningar i intervju syner at helseavdelinga ved avdeling for miljøretta helsevern har gjort eit omfattande arbeid med å informere godkjenningspliktige verksemder om forskrifta om miljøretta helsevern i barnehagar og skolar, om formålet med forskrifta og om søknadsprosedyrer. Helseavdelinga har fagkompetanse og kunnskap om krav i gjeldande lovverk.

I intervju er det opplyst at:

• Helseavdelinga har oversyn over dei godkjenningspliktige verksemdene.
• Søknader er mottekne frå alle kommunale verksemder med unntak av ein. Det er motteke søknader frå 5 av 11 private barnehagar. Opplysningar når det gjeld målingar av inneklima manglar for ein del av skolane og alle barnehagane.
• Mynde til å godkjenne og føre tilsyn med verksemdene er vidaredelegert frå rådmannen til helseavdelinga ved kommuneoverlegen 27. august 1999.
• Mottekne søknader om godkjenning er ikkje saksbehandla i helseavdelinga og det er førebels ikkje vurdert kor strenge krav som skal stillast for å kunne godkjenne verksemdene.
• Saksbehandling av søknadene blir neppe starta opp før helseavdelinga får tilført meir ressursar. Dette er kjent for rådmannen.
• Det er rapportert til rådmannen og kjent for politiske styresmakter at barnehagar og skular m.v. som skulle hatt ny godkjenning før 31. desember 1998 per dags dato ikkje er godkjende.

Avvik 2
Askøy kommune har ikkje påbegynt arbeid for å etablere internkontrollsystem for godkjenning av og tilsyn med miljøretta helsevern i barnehagar og skolar m.v.

• Avvik frå: Lov om statleg tilsyn med helsetenesta § 3, 1. ledd.

Følgjande observasjonar ligg til grunn for avviket:

• Dokumentasjon tilsendt før tilsynet syner at det ikkje er utarbeidd internkontrollsystem for godkjenning av og tilsyn med barnehagar og skolar m.v.
• Plan for etablering av internkontrollsystem kunne ikkje verifiserast.
• Gjennom intervju har helseavdelinga skissert korleis saksbehandling av søknader om godkjenning vil bli gjennomført.
• Gjennom intervju går det fra at det ikkje er teke stilling til korleis tilsynet med barnehagar og skolar skal gjennomførast.

Vedlegg 1

DOKUMENTUNDERLAG FOR TILSYNET

• Årsmelding Askøy kommune 1998
• Administrativt organisasjonskart for kommunehelsetenesta
• Delegasjonsreglement for Askøy kommune, 17.04.97, sak 41/97 og 11.12.97, sak 122/97
• Søknadsskjema for godkjenning av skoler og barnehagar m.v av november 1997 frå Fylkeslegen i Akershus
• Veileder til søknadsskjema om godkjenning av barnehagar og skoler m.v. av november 1997 frå Fylkeslegen i Akershus
• Oversyn over godkjenningspliktige barnehagar og skolar i Askøy kommune
• Notat av 10.09.98 til skoler og barnehagar m.v. i Askøy kommune frå kommuneoverlege og avd. ing. Miljøretta helsevern
• Brev av 14.09.98 til alle kommunale skolar og barnehagar i Askøy "Vedr. forskrift om miljøretta helsevern i barnehagar og skolar søknad om ny godkjenning – informasjon" frå avd. ingeniør miljøretta helsevern
• Referat av 29.09.98 frå informasjonsmøte, godkjenning av bygg 25.09.98, styrarar og rektorer i kommunale verksemder/bygg.

• Notat av 19. august 1999 frå helseavdelinga, avd. miljøretta helsevern til rådmannen "Nye forskrifter miljøretta helsevern – delegasjon".
• Brev av 27. august 1999 "Delegasjon av mynde frå rådmann til fag/stabssjefer".
• Askøy kommune - Organisasjonsstruktur pr. 15.06.99, jf adm.utv. sak 7/99

Vedlegg 2