INNHALD

1. Innleiing
2. Dokumentunderlag
3. Omfang
4. Gjennomføring
5. Avvik

Det er ikkje avklara korleis det framtidige arbeidet med godkjenning av og tilsyn med miljøretta helsevern i barnehagar og skolar skal tilretteleggast. Kommunestyret har ikkje fatta vedtak om delegering og oppgåvene er hittil ikkje tillagt nokon.

Plan for etablering av internkontrollsystem for helsetenesta er ikkje utarbeidd og etablering av internkontrollsystem for godkjenning av og tilsyn med miljøretta helsevern i barnehagar og skolar er ikkje påbegynt.

Innan dei reviderte områda er det påpeikt følgjande avvik:

• Fitjar kommune har ikkje påbegynt arbeid for å etablere interkontrollsystem for godkjenning av og tilsyn med miljøretta helsevern i barnehagar og skolar. Avvik frå Lov om statleg tilsyn med helsetenesta § 3, 1. ledd.
• Fitjar kommune har ikkje laga faste rutinar for å innhente og bruke nødvendig fagleg kompetanse ved godkjenning av og tilsyn med miljøretta helsevern i barnehagar og skolar. Avvik frå Lov om helsetenesta i kommunane § 3-3, 1. ledd og § 3-4, siste ledd, jfr Lov om statleg tilsyn med helsetenesta § 3.

Dato: 9. oktober 1999

Formålet med tilsynet er todelt: For det første å bidra til kvalitetsutvikling. For det andre å vurdere korleis verksemda oppfyller krav som følgjer av lover og forskrifter for helsetenesta.

Tilsynet omfatta mellom anna:

• om internkontroll i verksemda er formålstenleg og dekkjande
• om aktivitetar vert utførte slik dei er framstilte skriftleg og muntleg.
• om verksemda når måla sine og driv verksemda innanfor rammene som styresmaktene har sett.

Tilsynet blei gjennomført ved gransking av dokument, ved intervju og verifikasjonar. Rapporten omhandlar avvik og merknader som vart avdekte ved tilsynet.

Avvik er definert som mangel på oppfylling av krav som styresmaktene stiller.

Merknad er tilhøve som ikkje vert omfatta av definisjonen for avvik, men der tilsynet med utgangspunkt i krav som styresmaktene har sett, avdekkjer potensial for betring.

• Regelverk
  Lov av 30. mars 1984 nr 15 om statleg tilsyn med helsetenesta.
  Lov av 19. november 1982 nr 66 om helsetenesta i kommunane.
  Forskrift av 1. desember 1995 nr 928 om miljøretta helsevern i barnehagar og skolar mv.
  Lov av 10. februar 1967 om behandlingsmåten i forvaltningssaker.
  Lov av 25. september 1992 nr. 107 om kommunar og fylkeskommunar.

• Rettleiar 3-98 til forskrift om miljøretta helsevern i barnehagar og skolar m.v. frå Statens helsetilsyn.

• Rundskriv IK-12/98 av 29. mai 1998 frå Statens helsetilsyn.

• Korrespondanse mellom Fitjar kommune og Fylkeslegen
• Dokumentasjon frå Fitjar kommune, jf vedlegg 1

Tilsynet var avgrensa til kommunen sin internkontroll ved godkjenning og tilsyn med miljøretta helsevern i barnehagar og skolar og om desse tenestene oppfylte krav til:

• Internkontroll
  Lov om statleg tilsyn med helsetenesta av 30. mars 1984 nr 15, § 3.
  Lov av 19. november 1982 nr 66 om helsetenesta i kommunane kap. 4a.
  Forskrift av 1. desember 1995 om miljøretta helsevern i barnehagar og skolar m.v.

• Nødvendig kompetanse til å godkjenne og føre tilsyn
  Lov av 19. november 1992 om helsetenesta i kommunane § 3-3.
  Lov om statleg tilsyn med helsetenesta av 30. november 1984 nr 15, § 3.
• Fordeling av mynde, ansvar og oppgåver
  Lov av 19. november 1982 nr 66 om helsetenesta i kommunane §§ 4a-2, § 4a-3 jf lov av 25. september 1992 nr. 107 om kommunar og fylkeskommunar § 23.
• Saksbehandling ved søknad om godkjenning
  Lov av 10. februar 1967 om behandlingsmåten i forvaltningssaker § 2,1. ledd jf kap IV- VI.
  Forskrift om miljøretta helsevern i barnehagar og skolar § 6.
• Bruk av vilkår eller dispensasjon ved godkjenning av barnehagar og skolar,
  Forskrift om miljøretta helsevern i barnehagar og skolar § 26.

Melding om tilsyn blei sendt til Fitjar kommune 29. juni 1999. Dokumentasjon som Fylkeslegen ba om, blei motteken i ekspedisjon av 13. juli 1999. Fylkeslegen mottok meir opplysningar i ekspedisjon av 31. august 1999. Framlegg til program blei oversendt 17. august 1999.

I opningsmøtet 9. september gav Fylkeslegen informasjon om formålet med og gjennomføringa av tilsynet. Det blei gjennomført 4 intervju. I sluttmøtet gav Fylkeslegen ei oppsummering og presentasjon av resultat. Oversyn over deltakarane ved tilsynet går fram i vedlegg 2.

Avvik frå:

• Lov om statleg tilsyn med helsetenesta § 3, 1. ledd.

Følgjande observasjonar ligg til grunn for avviket:

• Det følgjer av dokumentasjon tilsendt før tilsynet at kommunestyret gav ny godkjenning til alle barnehagar(4) og skolar(4) 16. juni 1999.
  Godkjenninga av skolane er gitt på vilkår, frå 1 til 8 vilkår for kvar skole.
  Skolesjefen delegerte til ein medarbeidar i skoleetaten å leggje fram søknader og førebu sak om godkjenning for kommunestyret.

• Gjeldande delegasjonsreglement for Fitjar kommune kunne ikkje verifiserast.
• Plan for etablering av internkontrollsystem for helsetenesta, jfr tilsynslova § 3, kunne ikkje verifiserast.
• Det følgjer av dokumentasjon tilsendt før tilsynet og blei stadfest i intervju at arbeidet med internkontrollsystem for godkjenning av og tilsyn med miljøretta helsevern i barnehagar og skolar ikkje er påbegynt.

Det blei opplyst i intervju at:

• Kommunestyret har ikkje fatta vedtak om delegasjon for godkjenning av og tilsyn med miljøretta helsevern i barnehagar og skolar. Det er ikkje teke stilling til korleis vidare arbeid med godkjenning av og tilsyn med miljøretta helsevern i barnehagar og skolar skal gjerast.
• Organisering av arbeidsoppgåvene i samband med godkjenning av og tilsyn med miljøretta helsevern i barnehagar og skolar er uklar med omsyn til ansvar- og oppgåvefordeling. Oppgåvene som følgjer av Forskrift om miljøretta helsevern i barnehagar og skolar var ikkje kjent for alle som vart intervjua.

Avvik frå:

• Lov om helsetenesta i kommunane § 3-3, 1. ledd og § 3-4, siste ledd, jfr
• Lov om statleg tilsyn med helsetenesta § 3.

Følgjande observasjonar ligg til grunn for avviket:

• Det følgjer av dokumentasjon som blei tilsendt før tilsynet og det blei stadfest i intervju at kommunelege og helsesyster blei kontakta undervegs i arbeidet med å førebu søknadene om godkjenning, men at dei ikkje kunne prioritere dette arbeidet.
• I arbeidet med å førebu søknadene om godkjenning utførte Stord-Fitjar bedriftshelseteneste dei tekniske målingane av inneklima som den skolefaglege administrasjonen ikkje kunne gjere sjølv. I dette arbeidet blei det også teke kontakt med avdeling for plan og miljø i kommunen og med næringsmiddeltilsynet.

Det blei opplyst i intervju at:

• Kommunen ikkje har laga faste rutinar for å innhente og bruke nødvendig fagleg kompetanse i samband med godkjenning av og tilsyn med miljøretta helsevern i barnehagar og skolar.
• Det er ikkje nytta helsefagleg kompetanse i kommunen eller frå andre for å vurdere søknadene om godkjenning av barnehagar og skolar.
• Sak om godkjenning av barnehagar og skolar vart ikkje lagt fram for medisinsk fagleg rådgjevar for uttale før den vart handsama av kommunestyret, jfr Lov om helsetenesta i kommunane § 3-4, siste ledd.

Dokumentasjon motteken frå Fitjar kommune i ekspedisjon av 13. juli 1999

• Møtebok utval for oppvekst og omsorg Fitjar kommune 10. mai 1999: Ny godkjenning av skular og barnehagar.
• Årsmelding 1998 oppvekst- og omsorgsavdelinga Fitjar kommune.
• Organisasjonskart Fitjar kommune mars 1999.
• Protokoll av 18. juni 1992, ikkje offentleg.
• Utlysing ledig stilling for helsesyster søknadsfrist september 1994.
• Utlysing ledig stilling for jordmor søknadsfrist juli 1997.
• Plan for 60% helsesysterstilling Fitjar kommune av 25. august 1996.
• Orientering om 80% stilling som fysioterapeut i Fitjar kommune.

• Kommunestyresak 31/99 av 16. juni 1999: Ny godkjenning av skular og barnehagar.
• Kopi av uttale frå kommunelege I av 30. august 1999.
• Kopi av søknad om godkjenning frå Fitjarstølane Barnehage, Rimbareid skule og Fitjar vidaregåande skule.

• Formannskapet sak F-13/94 Delegasjon til råd og utval og til administrasjonen.
• Kommunestyret sak K-6/94 Delegasjon av avgjerdsrett til helse- og sosialetaten.
• Kommunestyret sak K-7/94 Delegasjon til råd og utval og til administrasjonen. Vedtak
• om delegasjon av mynde til administrasjonssjefen, gjeldande til 31.12.95.
• Brev av 9. mars 1994 til etatssjefane frå rådmann: Delegasjon m.m.

Frå Fylkeslegen
Ass. Fylkeslege Harald Aasen
Konsulent Børth- Eivind Lid
Rådgjevar Anne Grete Robøle, revisjonsleiar
Observatør: Tone Poulsson Torgersen, Statens helsetilsyn