INNHALD

1. Innleiing
2. Særlege tilhøve
3. Dokumentunderlag
4. Omfang
5. Gjennomføring
6. Avvik, Sandviken bydel
7. Merknader, Sandviken bydel
8. Avvik, Bergen Røde Kors sykehjem
9. Merknader, Bergen Røde Kors sykehjem

Vedlegg 1: Dokumentunderlag for tilsynet
Vedlegg 2: Verifikasjonar som vart utførte ved tilsynet
Vedlegg 3: Deltakarar ved tilsynet

Innhald i rapporten:
Denne rapporten omtalar påpeikte avvik og merknader innan dei reviderte områda i Sandviken bydel og ved Bergen Røde Kors sykehjem 25. og 26. juni 1998. Dei reviderte områda var internkontroll, saksbehandling ved søknad om tenester og avslag på søknad om tenester, og dekking av grunnleggjande behov.

Tilsynet vart utført med heimel i lov om statleg tilsyn med helsetenesta §§ 2 og 3 og var del av eit landsomfattande tilsyn med helsetenestene til eldre, gjennomført etter oppdrag frå Statens helsetilsyn. Det er gjennomført tre slike tilsyn i Hordaland. Tilsynet vart utført i sone Lønborg, Sandviken bydel og ved post 1, Bergen Røde Kors sykehjem.

Hovudkonklusjon:
Personalet har stort ansvar og strekkjer seg langt for å imøtekome behov for naudsynt helsehjelp. Ufaglærte utfører regelmessig pleieoppgåver. Det er dokumentert at grunnleggjande behov ikkje blir ivaretekne. Sandviken bydel har hatt store problem med rekruttering av sjukepleiarar og Bergen Røde Kors sykehjem har det same problemet.

Bergen kommune har ikkje avtale med Bergen Røde Kors sykehjem. Frå kommunen er det såleis ikkje stilt krav til det faglege nivået på tenestene ved sjukeheimen. Forhandlingar om avtale mellom kommunen og sjukeheimen er i gang.

Rapporten kapittel 6 og 7 gjeld avvik og merknad for Sandviken bydel.

Rapporten kapittel 8 og 9 gjeld avvik og merknader for Bergen Røde Kors sykehjem.

Innan dei reviderte områda er det påpeikt følgjande avvik i Sandviken bydel:

• Pasientar i sone Lønborg får ikkje dekka grunnleggjande behov.
  Avvik frå krav i lov om helsetenesta i kommunane av 19. november 1982, § 2-1, jf § 6-3 og lov om statleg tilsyn § 3, jf dessutan forskrift om kvalitet i pleie og omsorgstenestene av februar 1997 § 3.

Fylkeslegen har gitt følgjande merknad til Sandviken bydel:

• Arbeidet med å etablere internkontrollsystem er kome kort i Sandviken bydel.

Innan dei reviderte områda er det påpeikt følgjande avvik ved Bergen Røde Kors sykehjem:

• Pasientar ved post 1, Bergen Røde Kors sykehjem får ikkje dekka grunnleggjande behov
  Avvik frå krav i lov om helsetenesta i kommunane av 19. november 1982, § 2-1, jf § 6-3 og lov om statleg tilsyn § 3 og forskrift for sjukeheim og buform for heildøgns omsorg og pleie av 14. november 1988 § 3-2d.
• Pasientar ved Bergen Røde Kors sykehjem er ikkje undersøkte av lege i samsvar med krava i journalforskrifta. Avvik frå forskrift om leges og helseinstitusjons journal for pasient §§ 6 og 7, jf lov om legar § 43.
• Bygningen tilfredsstiller ikkje krav til utforming og funksjon i samsvar med pasientane sine behov. Avvik frå krav i forskrift for sjukeheim og buform for heildøgns omsorg og pleie §§ 4 - 1, 4 - 2, pkt a og c, og 4 - 3.

Fylkeslegen har gitt følgjande merknader til Bergen Røde Kors sykehjem:

• Omfattande bruk av vikarar og ufaglærte.
• Organisering og ansvarstilhøve ved Bergen Røde Kors sykehjem.
• Samarbeid mellom legar og pleiepersonell.
• Bergen Røde Kors sykehjem har kome kort i arbeidet med etablering av internkontroll.

1. Innleiing

Formålet med tilsynet er todelt: For det første å bidra til kvalitetsutvikling. For det andre å vurdere korleis verksemda oppfyller krav som følgjer av lover og forskrifter for helsetenesta.

Tilsynet omfatta mellom anna:

• om internkontroll i verksemda er formålstenleg og dekkjande
• om aktivitetar vert utførte slik dei er framstilte skriftleg og muntleg.
• om verksemda når måla sine og driv verksemda innanfor rammene som styresmaktene har sett.

Tilsynet vart gjennomført ved gransking av dokument, ved intervju, synfaring ved Bergen Røde Kors Sykehjem og ved verifikasjonar, jf vedlegg 2. Rapporten omhandlar avvik og merknader som vart avdekte ved tilsynet.

• Avvik er definert som mangel på oppfylling av krav som styresmaktene stiller.

• Merknad er tilhøve som ikkje vert omfatta av definisjonen for avvik, men der tilsynet med utgangspunkt i krav som styresmaktene har sett, avdekkjer potensial for betring.

2. Særlege tilhøve

Bergen Røde Kors sykehjem er ein privat institusjon med eige styre. Bergen Røde Kors er eigar. Sjukeheimen får i all hovudsak driftsmidlar frå Bergen kommune. Driftsmidlane vert tildelte i budsjettet til Sandviken bydel. Det føreligg ikkje skriftleg avtale mellom kommunen og institusjonen. Bergen Røde Kors sykehjem er oppført i den kommunale helse- og sosialplanen. Institusjonen har 230 senger der fem av bydelane i Bergen kvar disponerer ein bestemt del av plassane. Fast sjukeheimsplass vert tildelt etter vedtak i fagteam i kvar av bydelane. Sandviken bydel skal disponere 102 plassar.

Ved tilsynet vart fylkeslegen informert om at Bergen kommune ikkje har nokon innverknad på det faglege tilbodet ved sjukeheimen.

Både pleie og omsorgstenestene i Sandviken bydel og Bergen Røde Kors sykehjem har i lengre tid hatt ledige stillingar for sjukepleiarar. Arbeidsbelastning for sjukepleiarane er stor. I sone Lønborg er det soneleiar som er sjukepleiar og ein sjukepleiar som arbeider i ½ stilling. På dagtid er det 4 -5 tilsette på vakt, av desse kan det vere to som er ufaglærte og det kan vere 10 -11 oppdrag pr person. Sjukepleiar i bakvakt på kveldstid må jamleg rykke ut til pasientar. På kveldsvakter er det i heile bydelen 10 - 13 personar som skal hjelpe 150 pasientar.

Ved post 1, Bergen Røde Kors sykehjem er det 7 personar på dagvakt, inklusive avdelingssjukepleiar, 4 på ettermiddagsvakt og 1 på nattevakt. I helger er det 6 personar på dagvakt, 2 hjelpepleiarar og dei andre ufaglærte, og 4 på ettermiddagsvakt, 2 hjelpepleiarar og 2 ufaglærte.

Ved Bergen Røde Kors sykehjem er det på kveld og natt 2 til 3 sjukepleiarar som har ansvaret for alle pasientane.

3. Dokumentunderlag

• Aktuelle lover og forskrifter:
• Lov av 30. mars 1984 nr 15 om statleg tilsyn med helsetenesta (tilsynslova)
• Lov av 19. november 1982 nr 66 om helsetenesta i kommunane (kommunehelsetenestelova)
• Lov av 13. juni 1980 nr 2 om legar (legelova)
• Lov om behandlingsmåten i forvaltningssaker av 10. februar 1967 (forvaltningslova)
• Forskrift av 17. mars 1989 nr 277 om leges og helseinstitusjons journal for pasient (journalforskrifta)
• Forskrift av 14. november 1988 for sjukeheim og buform for heildøgns omsorg og pleie (sjukeheimsforskrifta)
• Forskrift av 27. februar 1997 om kvalitet i pleie og omsorgstenestene (kvalitetsforskrifta)
• Korrespondanse mellom Sandviken bydel og fylkeslegen.
• Dokumentasjon frå Sandviken bydel og frå Bergen Røde Kors sykehjem, jf vedlegg 1.
• Dokumentasjon overlevert i samband med tilsynet, jf vedlegg 1.
• Verifikasjonar, jf vedlegg 2.

4. Omfang

Tilsynet var avgrensa til helsetenester til eldre i pleie- og omsorgstenenstene i sone Lønborg, Sandviken bydel, og ved Bergen Røde Kors sykehjem og om desse tenestene oppfyller krav til:

• Internkontroll
  Lov om statleg tilsyn med helsetenesta av 30. mars 1984 nr 15, § 3.
  Forskrift om kvalitet i pleie og omsorgstenestene av 27. februar 1997, § 3.
• Saksbehandling ved tildeling av tenester og ved avslag på søknad om tenester.
  Lov om behandlingsmåten i forvaltningssaker av 10. februar 1967.
  Lov om helsetenesta i kommunane av 19. november 1982, § 2-1 og § 2-4, jf § 1-1 og 1-3.
• Dekking av grunnleggjande behov.
  Lov om helsetenesta i kommunane av 19. november 1982, §§ 1-1 og 2-1, jf § 1-3, § 3-3 og § 6-3, tredje ledd.
  Forskrift om kvalitet i pleie og omsorgstenestene av 27. februar 1997, § 1 og 3.
  Forskrift for sjukeheim og buform for heildøgns omsorg og pleie av 14. november 1988.
  Lov om leger av 27. februar 1997, § 43.
  Forskrift om leges og helseinstitusjons journal for pasient av 17. mars 1989.

5. Gjennomføring

Tilsynet vart gjennomført som systemrevisjon og omfatta følgjande aktivitetar:

Melding om tilsyn vart sendt til Sandviken bydel 14. april 1998, og utfyllande opplysningar vart sendt 15 mai 1998. Det vart også sendt eiga melding om tilsynet til Bergen kommune v/ rådmannen 29. mai 1998.

Dokumentasjon som fylkeslegen ba om, vart motteken frå Sandviken bydel i ekspedisjon av 8. og 27. mai 1998. Dokumentasjon vart motteken frå Bergen Røde Kors sykehjem i ekspedisjon av 20. mai 1998.

Framlegg til program vart oversendt 8. juni 1998 og endeleg program vart oversendt 16. juni 1998. Etter tilbakemelding 23. juni 1998 frå Bergen Røde Kors sykehjem om tilsynslege ved post 1, vart programmet justert og oversendt 23. juni 1998.

I opningsmøtet 25. juni vart det gitt informasjon frå fylkeslegen om formålet med og gjennomføringa av tilsynet. Det vart gjennomført 11 intervju. Eitt intervju vart avlyst på grunn av sjukdom. Det vart gjennomført synfaring ved post 1, Bergen Røde Kors sykehjem og verifikasjonar, jf vedlegg 2. I sluttmøtet 26. juni 1998 ga fylkeslegen ei oppsummering og presentasjon av resultat. I vedlegg 3 er det gitt eit oversyn over deltakarane ved tilsynet.

6. Avvik, Sandviken bydel

Avvik 6.1 Pasientar i sone Lønborg får ikkje dekka grunnleggjande behov

Avvik frå:

• Lov om helsetenesta i kommunane av 19. november 1982 § 2-1, jf § 6-3
• lov om statleg tilsyn § 3, jf
• forskrift om kvalitet i pleie og omsorgstenestene av 27. februar 1997 § 3.

Følgjande observasjonar ligg til grunn for avviket:

• Det er opplyst at enkelte pasientar ikkje alltid får i seg nok mat og drikke fordi dei ikkje får den oppfølginga dei treng i samband med måltid.
• Det er ikkje etablerte rutinar eller fast praksis som sikrar at munnstell blir følgd opp.
• Enkelte pasientar får morgonstell seint, mellom klokka 10.00 og 11.00, og må vente på å få hjelp til å stå opp. Enkelte ligg med våte bleier.
• Pasientar i pleie- og omsorgstenesta får tilbod om å dusje kvar 14. dag. Enkelte får dusje oftare, men berre når heimesjukepleiar meiner det trengst, ikkje etter eige ønskje frå pasienten. Dersom vedkomande kan greie å dusje åleine, eventuelt medan heimehjelp er til stads, gjer dei det.
• Enkelte pasientar som treng hjelp til å kome på toalettet må bruke bleie fordi dei ikkje får hjelp ofte nok. Tilfelle av obstipasjon kunne ha vore unngått dersom pasientar fekk hjelp oftare.
• Tilhøva gjeld fleire forskjellige pasientar, og denne situasjonen har vara i lengre tid.

7. Merknad, Sandviken bydel

Merknad 7.1: Arbeid med etablering av internkontrollsystem er kome kort i Sandviken bydel

Kommentar:
I pleie og omsorgstenesta er det nedsett arbeidsgruppe som reviderer eksisterande prosedyrar og som skal lage framlegg til nye prosedyrar for å sikre at grunnleggjande behov vert ivaretekne. Ansvaret er plassert hjå pleie og omsorgssjef. I følgje årsmelding 1997 for pleie og omsorgstenesta skal arbeidet med system av skriftlege prosedyrar jf forskrift om kvalitetet i pleie og omsorgstenesta § 3, vere avslutta i løpet av 1998.

Bydelen ventar nærare oppdrag frå sentraladministrasjonen, kommunalavdeling helse og sosiale tenester når det gjeld arbeid med å opprette internkontrollsystem jf tilsynslova § 3. Arbeidet er planlagt iverksett hausten 1998. Koordineringsansvaret i bydelen er plassert hjå administrasjonssjef.

8. Avvik, Bergen Røde Kors Sykehjem

Avvik 8.1: Pasientar ved post 1, Bergen Røde Kors sykehjem får ikkje dekka grunnleggjande behov

Avvik frå:

• Lov om helsetenesta i kommunane av 19. november 1982 § 2-1, jf § 6-3,
• lov om statleg tilsyn med helsetenesta § 3 og
• forskrift for sjukeheim og buform for heildøgns omsorg og pleie av 14. november 1988 § 3-2d.

Følgjande observasjonar ligg til grunn for avviket:

• Det er opplyst at pasientar ved post 1 ikkje får kome på toalettet når dei treng eller ønskjer det, jf avvik 3. For dei fleste er det kø og ventetid inntil 45 minutt for å kome på toalettet etter måltid og for mange "går det gale" i ventetida. Alle pasientane brukar bleier.
• Dei mest pleietrengjande pasientane må ofte liggje i helgene fordi det ikkje er personell nok til å hjelpe alle opp. På kvardagar er alle pasientane oppe.
• Pasientane vert lagt for kvelden/natta frå klokka 16. 00 og pasientar som må bruke heis for å kome i seng, vert lagt før klokka 20.30. Ein til to pasientar kan få vere oppe og få hjelp til å kome i seng av nattevakta.
• Pasientane vert vanlegvis dusja kvar 14. dag, jf avvik 3. Kvar vekedag er det vanlegvis 3 pasientar som får dusje. Dersom nokon ber om å få dusje oftare og dette vert imøtekome, innverkar dette på tilbod til dei andre pasientane. Personalet søkjer å få pasientane til å følgje innarbeidd regime. Dersom enkelte pasientar av faglege grunnar treng å dusje oftare, får dei det.
• Det er ikkje faste rutinar eller felles praksis for å sikre at pasientane får naudsynt munnstell.
• Det er opplyst at pasientane får for lite drikke og at det ikkje er faste rutinar eller felles praksis for å kontrollere væskeinntak.
• Det er opplyst at pasientane treng mykje hjelp. Post 1 har 30 sengeplassar. Ved tilsynet var det 26 pasientar på post 1. Av desse måtte 21 pasientar ha hjelp for å kome på WC, 12 av desse måtte også bruke heis. 18 pasientar brukte rullestol.
• Middagen blir servert i løpet av ein time. 3 pasientar måtte matast ved måltid og 8 pasientar trong tilsyn ved måltid.
• Det er opplyst at det er ein omfattande bruk av ufaglærte vikarar og vidare at dei ikkje har tilstrekkeleg kunnskap til å sjå behov, pleie eller følgje opp pasientane, jf merknad 1.

Avvik frå:

• Forskrift om leges og helseinstitusjons journal for pasient §§ 6 og 7, jf lov om legar § 43.

Følgjande observasjonar ligg til grunn for avviket:

• Ved verifikasjon av pasientjournalar var ikkje innkomststatus alltid ført dei siste 3 - 4 åra. Årleg status for langtidspasientar var heller ikkje ført i denne perioden, jf journalforskrifta § 7.
• I intervju vart det opplyst det ikkje har vore praksis å ta opp innkomststatus av nye pasientar og at det heller ikkje har vore utført årleg undersøking (status) av langtidspasientar.
• Overlegane som arbeider ved sjukeheimen er tilsette i løpet av det siste året.

Kommentar:
I dokumentasjon som vart tilsendt før tilsynet mottok fylkeslegen kopi av rutinar for journalføring ved Bergen Røde Kors sykehjem. Desse er daterte 14. mai 1998 og gjeld frå 1. juni 1998.

Avvik frå:

• Forskrift for sjukeheim og buform for heildøgns omsorg og pleie §§ 4 - 1 og 4 - 2, pkt a og c, og § 4 - 3.

Følgjande observasjonar ligg til grunn for avviket:

• Det er fire toalett på post 1. Berre eitt av desse kan brukast av pasientar som er avhengige av heis for å kome på toalettet.
• Det eit toalett som er stort nok til at pasientar som treng hjelp på toalettet, kan få det.
• Det er også to mindre toalett. Desse er tronge og lite høvelege for andre pasientar enn dei som er særleg sjølvhjelpne. Jf avvik 1 er det regelmessig kø til toalett etter måltid. Det opplyst at bruk av bleier kunne vore redusert dersom det var fleire og meir høvelege toalett. Ved tilsynet er det og opplyst at Bergen Røde Kors sykehjem har teke dette opp med Bergen kommune fleire gonger.
• Det er to dusjar og eit bad på post 1. Den eine dusjen er inne på baderommet, badekaret blir ikkje brukt. Den andre dusjen er i same rom som det eine toalettet, delvis skilt frå dette med halvvegg. Dusjrommet er svært trongt og lite høveleg for pasientar treng hjelp til å dusje, og denne blir difor berre brukt unntaksvis.
• Pasientar på tosengsrom blir ofte flytte frå eit rom til eit anna fordi pasientane ikkje "høver saman". Det er opplyst at det kan vere vanskeleg å finne fram til dei som kan bu i lag.
• Det er fire eisengsrom på posten. Pasientar som får tildelt eisengsrom vert sjeldan flytte til tosengsrom.
• Pasientar som bur på tosengsrom kan alt etter korleis sengene er plasserte, ta med ein kommode og eller ein liten stol. Det er eitt skåp til kvar pasient.

Kommentar:
Krav til utforming følgjer av forskrift om sjukeheimar og buform for heildøgns omsorg og pleie. Jf § 4 -2 skal buforma ha naudsynte rom for å ivareta hygiene. Det følgjer av § 4 - 1 at "Soverommene skal som hovedregel være enerom. Det kan innredes felles soverom for ektefeller eller andre som ønsker å bo sammen. Soverommene skal ha en størrelse og en utforming som forenkler stellet av sengeliggende pasienter. Rommene bør ha uttak for telefon. Det skal være et Wc-rom i tilknyting til hvert soverom." Pasientromma må vere store nok og utforma slik at det mogeleg å møblere rommet heimleg og likevel ha golvplass til å forflytte seg, til dømes i rullestol. Bebuarar som får tildelt fast plass skal i størst mogeleg utstrekning kunne ta med seg sine eigne møblar, jf § 4 - 3.

9. Merknader, Bergen Røde Kors Sykehjem

Merknad 1: Omfattande bruk av vikarar og ufaglærte

Kommentar:
Arbeidsmengda for dei tilsette på post 1 er stor. Dei trivst, men det er opplyst at sjukefråværet er høgt, 20 % (102 vakter) i løpet av ein månad på denne posten. For å dekke opp vaktene brukar Bergen Røde Kors sykehjem ufaglærte vikarar. Utanom avdelingssjukepleiar som er til stades på dagtid, har post 1 ein sjukepleiar som går i turnus. Det er såleis hjelpepleiarar og ufaglærte vikarar som i all hovudsak pleier og følgjer opp pasientane. Hjelpepleiarane har stort ansvar både i stell og observasjon av pasientane, også fordi det i praksis er dei som gir opplæring og kontrollerer arbeidet som vikarane utfører. Vikarane er lite vane med å bruke kardex for informasjon om dei enkelte pasientane. Difor er det i staden lagt "gule lappar" og stellelister med opplysningar for kvar pasient inne på romma.

Ved avvikling av sommarferien 1998 vil mellom 60% og 70% av personalet ved sjukeheimen vere ufaglærte. Bergen Røde Kors sykehjem karakteriserte dette som uforsvarleg.

Risiko for svikt er til stades.

Det følgjer av forskrift om somatisk sjukeheim og buform for heildøgns omsorg og pleie § 3-2 d at det skal vere tilsett nok personale for å sikre naudsynt omsorg og bistand, jf lov om helsetenesta i kommunane § 3 -3.

Kommentar:
Fylkeslegen har motteke stillingsintruks for avdelingsoverlege, sak 3/94, og stillingsinstruks av 1990 for direktør. Bergen Røde Kors Sykehjem har to overlegestillingar. Det er tilsett ein overlege i 1/1 stilling, ein overlege i ¾ stilling og ein lege arbeider på korttidsavdelinga i omlag ¼ stilling. Sjukeheimen har avdelingsoverlege. Direktøren har opplyst at avdelingsoverlegen ikkje er tilsett ved Bergen Røde Kors Sykehjem. Det følgjer av stillingsinstruksen at han er ansvarleg for medisinsk fagleg standard ved sjukeheimen. Ved tilsynet vart det gjeve motstridande opplysningar om kva lege som har det medisinske ansvaret ved post 1.

Det følgjer av stillingsinstruksen at direktøren berre skal rapportere til styret. Jf kapittel 2 tek Bergen Røde Kors sykehjem imot pasientar frå fem bydelar i Bergen kommune. Institusjonen får i all hovudsak driftsmidlar frå Bergen kommune. Hittil har det ikkje vore skriftleg avtale mellom institusjonen og kommunen. Det vert no forhandla om avtale mellom kommunen og eigar av Bergen Røde Kors sykehjem.

Kommentar:
Rutinar for informasjon til sjukepleiarar om endringar i medisinering vert ikkje alltid følgde. Til dømes har opplysningar på medikamentkort i kardex og medikament i dosett blitt endra av lege utan at sjukepleiar er blitt informert og utan at medisinark som blir brukt ved tillaging av medisinar var oppdatert.

Ved tilsynet vart fylkeslegen informert om at det vert forordna behandling som pasientane ikkje får fordi dei ikkje vil ha denne eller fordi det ikkje er tid eller personell til å gjennomføre behandlinga. Leiinga ved sjukeheimen er kjend med dette.

I den grad pasientane etter ei medisinsk fagleg vurdering treng behandling som dei av ovannemnde grunnar ikkje får, kan dette medføre risiko for svikt.

Kommentar:
Bergen Røde Kors sykehjem har snart fullført internkontrollsystem for helse, miljø og tryggleik. Dette har vore prioritert. Direktøren planlegg å bruke same systematikk for å lage internkontrollsystem, jf lov om statleg tilsyn med helsetenesta § 3. Arbeidet er nyleg begynt og er planlagt fullført i 1998. Det er ikkje inngått avtale mellom sjukeheimen og Bergen kommune om å lage system av prosedyrar for å dekkje grunnleggjande behov, jf kvalitetsforskrifta § 2. På post 1 er avdelingssjukepleiar i gang med å lage prosedyrebok for posten. Då tilsynet vart gjennomført, var det ikkje gjeve opplæring eller delegert oppgåver. Ansvaret ligg såleis hjå direktøren.

Vedlegg 1 - DOKUMENTUNDERLAG FOR TILSYNET

Styrings- og informasjonssystemet for helse- og sosialtenesta i kommunane. Samanlikningstal for kommunane 1997, kommune 1201 Bergen, Sandviken bydel.

• Tilsynsrapport, Bergen Røde Kors sykehjem, Fylkeslegen i Hordaland av 11.10.93.

I ekspedisjon av 08.05.98 mottok fylkeslegen følgjande dokumentasjon frå Sandviken bydel.

• "Målsetting for pleie- og omsorgstjenesten i Bergen kommune". (Udatert).
• "Handlingsplan for pleie- og omsorgsavdelingen, Sandviken bydel 1998."
• "Årsmelding 1997 for pleie- og omsorgsavdelingen, Sandviken bydel."
• Organisasjonskart for pleie- og omsorgsavdelingen, Sandviken bydel.
• Informasjonshefte: "Avdeling pleie- og omsorg, Sandviken bydel, presenterer seg."
• "Arbeidsbeskrivelse for pleie og omsorgssjef i avdeling pleie og omsorg." Ikkje datert eller signert.
• "Funksjonsbeskrivelse for soneleder i pleie- og omsorgsavdelingen." Ikkje datert eller signert.
• "Funksjonsbeskrivelse for gruppeleder i pleie- og omsorgsavdelingen." Ikkje datert eller signert.
• "Samarbeidsordninger mellom Bergen Røde Kors sykehjem og pleie- og omsorgstjenestene." Ikkje datert eller signert.
• "Oversikt over belegg på BRKS pr. 24.04.98."
• "Hjemmesykepleiesøknad" Flytskjema for saksbehandling datert 01.12.94.
• Standardbrev for svar på søknad om heimesjukepleie. Vedtak.
• "Orientering til hjem som får hjemmesykepleie."
• STELLA - Opplysningsskjema.
• "Fast plass sykehjem" Flytskjema for saksbehandling datert 24.06.94.
• "Korttidsopphold sykehjem" Flytskjema for saksbehandling datert 23.06.94.
• "Søknad om pleie- og omsorgstjenester." Søknadsskjema.
• "Legeopplysninger ved søknad om plass i trygdeleilighet/aldershjem/sykehjem."
• Søknadsskjema for institusjonsophold
• Standardbrev for svar på søknad om sjukeheimsplass. Vedtak.
• "Melding om tildeling - Langtidsopphold ved sykehjem - Sandviken bydel."
• "Egenbetaling v/opphold i institusjon." Rundskriv av desember 1993 frå Bergen kommune.
• "Oppgave over disponibel inntekt."
• "Retningslinjer for medikamenthåndtering. Pleie- og omsorgsavdelingen, Sandviken bydel." Signert og datert 01.04.98.
  "Godkjenning ihh til retningslinjer for utlevering av ferdigtillaget medisin til brukere av pleie- og omsorg (PLOMS)" er godkjent 25.01.98.
  Alle de øvrige prosedyrer er godkjent 25.03.98.
• "Oppbevaring av pasientopplysninger." Ikkje datert eller signert.
• "Info og datasikkerhet", brosjyre Bergen kommune, helse og sosiale tenester
• "Meldingsskjema EDB-bruker", frå Bergen kommune.
• "Reglement for bruk av Bergen kommunes EDB-anlegg"
• "Meldingsskjema for registeransvarlige, brukere med autorisasjonsansvar og driftsansvarlige" frå Bergen kommune. Datert 05.01.95.
• "Ansvarsfordeling". Frå foilsett IT-sikkerhetspolitikk HOST, 16.05.95.
• "For sikkerhets skyld. Noen enkle råd for sikrere databehandling." Frå Bergen kommune.
• "Opplærings- og kompetanseutviklingsplan 1998, Sandviken bydel/avd. pleie- og omsorg."
• "Om etablering av internkontrollsystem."
• Telefaks av 27. mai 1997 frå Sandviken bydelsadministrasjon om legar ved Hellen legekontor og personell i sone Lønborg, sone Nyhavn og sone Øyjorden.

• Stillingsinstruks for direktøren ved Bergen Røde Kors sykehjem, datert 04.01.90, signert av ... (kan ikkje tyde motteken kopi)
• Stillingsinstruks for avdelingsoverlege ved Bergen Røde Kors sykehjem, sak 3/94, ikkje signert eller datert.
• Diagram, fordeling driftsutgifter 1997 og fordeling driftstilskot 1997.
• Bergen Røde Kors sykehjem, to overordna mål for verksemda.
• Prosjekt Hospice for eldre og gamle.
• Organisasjonskart for Bergen Røde Kors sykehjem, datert september 1991. Det er opplyst at nytt organisasjonskart er under utarbeiding og til behandling i dei naudsynte organ.
• Samarbeidsordningar mellom Bergen Røde Kors sykehjem og pleie og omsorgstenesta.
• Prosedyrar for tildeling av heimesjukepleie og for tildeling av plass i somatisk sjukeheim og buform for heildøgns omsorg og pleie; opplysningar om kven som tildeler plass og om bygningsmessige tilhøve.
• Notat frå overlegane av 14.05.98:
  Om prosedyrar for tildeling av plass.
  Om kvaliteten på medisinsk behandling.
  Om overbehandling/underbehandling.
  Om vaktordning for legar.
  Om handtering av pasientopplysningar og journalnotat.
• Handtering av pasientopplysningar og journalnotat, nye rutinar etter innføring av ny pasientjournal, gjeld frå 1. juni 1998. Signert avdelingsoverlege, datert 14.05.98.
• Innhaldsliste, kvalitetshandbok - legemidlar:
  innhald del I, ajourført pr 29.12.97.
  innhald del II, diverse skjema knytt til legemiddelbruk, ajourført pr 24.03.97.
  innhald del II, hjelpepleiarar, ajourført pr 24.03.97
• Om opplæringsplan for vedlikehald av fagleg kompetanse hjå helsepersonell.
• Planlagte kurs og opplæringstiltak ved Bergen Røde Kors sykehjem -98.
• Om internkontroll, 11 utarbeidde prosedyrar.

• "Samarbeidsavtale mellom legetjenesten og PLOMS i Sandviken bydel". Datert 25. 06.96, signert av helsesjef og pleie og omsorgssjef.
• Standard skjema "Melding om tildeling langtidsopphold ved sykehjem Sandviken bydel".
• Utskrift av svar til tre søkjarar på søknadar om heimesjukepleie, melding om vedtak om tildeling av heimesjukepleie.
• Utskrift av svar til to søkjarar på søknadar om plass i sjukeheim, melding om vedtak.

• Sak 96/96 "Metodebok behandling og omsorg eldre og gamle - Bergen Røde Kors Sykehjem. Utkast til innholdsfortegnelse". Datert 14.10.97.
• Brukersamtaler ved Bergen Røde Kors Sykehjem.
• Stillingsinstruks for avdelingssykepleier ved Bergen Røde Kors Sykehjem, dag/natt-tilpasset funksjon. Vedtatt i styremøte 12.02.91.
• Kopi av s. 11 og 12 i "Kvalitetsbok", om forskjellige prosedyrar.
• Bergen Røde Kors Sykehjem, informasjonsbrosjyre.
• Bergen Røde Kors Sykehjem, informasjon til nye medarbeidarar.
• Opplysningar om hjelpebehov hjå pasientar ved post 1, jf kapittel 10.