INNHALD

Innhald i rapporten
Hovudkonklusjon
1.Innleiing
2.Spesielle forhold
3.Dokumentunderlag
4. Omfang
5.Gjennomføring
6.Resultat av verifikasjon
7.Avvik
8.Merknader

Vedlegg 1 Dokumentasjon frå Sveio kommune
Vedlegg 2 Deltakarar

Innhald i rapporten

• Saksbehandling ved tildeling av tenester
• Medisinsk utgreiing av eldre ved mistanke om mental svikt
• Medbestemming og individuell tilrettelegging av pleie- og omsorgstenester til alders demente pasientar for å førebyggje bruk av tvang

Hovudkonklusjon

Sveio kommune har som mål å tilby eit differensiert pleie- og omsorgstilbod og ei overordna målsetjing for Sveio omsorgssenter om å leggje til rette slik at pasientar kan ivareta eigenverd og identitet. Tilbod til alders demente er organisert i bukollektiv. Ved tilsynet blei det gitt uttrykk for positive erfaringar med dette. Pleie- og omsorgstenestene har ei erfaren og stabil grunnbemanning. Det er iverksett systematisk arbeid for å kvalifisere ufaglærte. Sveio sjukeheim har rutinar for informasjon til og opplæring av (ferie)vikarar.

Pasientar medverkar ved tildeling av tenester. Tildelinga er basert på faglege vurderingar og det går fram av vedtak kva tenester som blir tildelte. Heimesjukepleien bidreg til at pasient ved behov kjem til lege. Kommunikasjon med spesialisthelsetenesta går via lege.

I den daglege utføringa av tenestene ved Sveio omsorgssenter blir det lagt til rette for at pasientane kan medverke, men praksis varierer noko med kven som er på vakt. Personalet ved omsorgssenteret drøftar kva tiltak som kan setjast i verk for å førebyggje bruk av tvang i høve til konkrete situasjonar. Ved tilsynet var det likevel ulike oppfatningar av kva omgrepet "tvang" inneber. Det er ikkje eins praksis eller retningsliner for tverrfagleg samarbeid og oppfølging av pasientar ved mistanke om mental svikt. Pasientar med alders demens har ikkje alltid vore utgreidde.

Internkontrollsystem for pleie og omsorgstenestene manglar viktige element og informasjon til tilsette om dei praktiske følgjene av krav i helselovgjevinga er mangelfull.

Ved tilsynet er det påpeikt to avvik og ein merknad:

Avvik 1:Ikkje alle pasientar som har fått diagnosen alders demens ved Sveio sjukeheim er utgreidde.

Avvik frå:Lov om helsetenesta i kommunane § 6-3, jfr. lov om helsepersonell § 4.

Avvik 2:Internkontrollsystem for pleie- og omsorgstenestene manglar viktige element.

Avvik frå: Lov om statleg tilsyn med helsetenesta § 3 og Forskrift om kvalitet i pleie- og omsorgstenestene § 3.

Fylkeslegen har gitt følgjande merknad:

Merknad 2: Sveio kommune er komen kort med å gje tilsette i pleie- og omsorgstenestene opplæring om dei praktiske følgjene av krav i helselovene.

Dato: 30. august 2001

1. Innleiing

Rapporten er utarbeidd etter tilsyn ved Sveio omsorgssenter 13. juni 2001.

Formålet med tilsynet er å få stadfesta at verksemda oppfyller krav som følgjer av lover og forskrifter for helsetenestene.

Tilsynet omfatta mellom anna:

• om styringssystemet i verksemda er formålstenleg og dekkjande.
• om aktivitetar blir utførte slik dei er framstilte skriftleg og muntleg.
• om verksemda når måla sine og om verksemda blir driven innanfor rammene som styresmaktene har sett.

Tilsynet blei gjennomført ved gransking av dokument, ved intervju og verifikasjonar.

• Avvik er definert som mangel på oppfylling av krav som styresmaktene stiller.

• Merknad er tilhøve som ikkje blir omfatta av definisjonen for avvik, men der tilsynet med utgangspunkt i krav som styresmaktene har sett, avdekkjer potensial for betring.

2. Spesielle forhold

Sveio omsorgssenter blei opna i januar 2001. Sjukeheimen med avdelingane Solbakken og Klokkarbakken og Vestbakken er ein del av senteret. Ingen av avdelingane er definerte som skjerma einingar. Solbakken og Klokkarbakken er bukollektiv for alders demente. Avdeling Vestbakken har korttids- og langtidspasientar med somatiske lidingar.

Då tilsynet blei gjennomført fungerte avdeling Klokkarbakken p.g.a. pasientsamansetjinga i prasksis som ei skjerma eining. Avdelinga har 13 pasientar fordelt på to grupper.

Tilsynslegen har vore tilsett sidan 1. november 2000.

3. Dokumentunderlag

Dokumentunderlaget for tilsynet var:

• Aktuelle lover og forskrifter:
  - Lov av 30. mars 1984 nr. 15 om statleg tilsyn med helsetenesta.
  - Lov av 19. november 1984 nr. 66 om helsetenesta i kommunane.
  - Lov av 10. februar 1967 om behandlingsmåten i forvaltningssaker.
  - Lov av 2. juli 1999 nr. 63 om pasientrettar.
  - Lov av 2. juli 1999 nr. 64 om helsepersonell.
  - Forskrift av 21. desember 2000 om pasientjournal.
  - Forskrift av 27. februar 1997 om kvalitet i pleie- og omsorgstenestene.
  - Forskrift av 14. november 1988 nr. 932 for sjukeheim og buform for heildøgns omsorg og pleie.
• Korrespondanse mellom Sveio kommune og Fylkeslegen jfr. kapittel 5.
• Dokumentasjon frå Sveio kommune jfr. vedlegg 1.
• Verifikasjonar jfr. kapittel 6.

4. Omfang

Tilsynet var avgrensa til følgjande tema:

• Saksbehandling ved tildeling av tenester
• Medisinsk utgreiing av eldre ved mistanke om mental svikt
• Medbestemming og individuell tilrettelegging av pleie- og omsorgstenester til alders demente pasientar for å førebyggje bruk av tvang

5. Gjennomføring

Tilsynet blei gjennomført som systemrevisjon og omfatta følgjande aktivitetar:

Melding om tilsynet blei sendt 19. april 2001. Dokumentasjon frå Sveio kommune blei motteken i ekspedisjon av 14. mai 2001. Framlegg til program blei sendt 23. mai 2001. Endeleg program blei sendt 6. juni 2001. I opningsmøtet 13. juni blei det gitt informasjon frå fylkeslegen om formålet med og gjennomføringa av tilsynet. Det blei gjennomført 9 intervju. I sluttmøtet 13. juni 2001 gav fylkeslegen ei oppsummering og presentasjon av resultat. I vedlegg 2 er det gitt eit oversyn over deltakarane ved tilsynet. Verifikasjonar som blei utførte går fram av kapittel 6.

6. Resultat av verifikasjonar

6.1 Vedtak om tildeling av heimesjukepleie og plass i sjukeheim

Standardbrev ved saksbehandling av søknader og vedtak om tildeling og avslag på tildeling av tenester (heimesjukepleie og plass i sjukeheim) blei mottekne før tilsynet.

Det blei sett etter om vedtaka var grunngitt, om det gjekk fram kva tenester som var tildelte og om det var opplyst om klagerett:

Vedtak om tildeling (eller avslag om tildeling) byggjer på faglege vurderingar. Vedtak er grunngitt, det går fram av vedtak kva tenester som blir tildelte og det er opplyst om klagerett.

Det blei sett etter kva undersøkingar og vurderingar som låg til grunn for at pasientar hadde fått diagnosen alders demens.

Tolv journalar blei verifiserte. Av dei verifiserte journalane var det ein pasient som var utgreidd og diagnostisert i spesialisthelsetenesta. Pasienten har vore til oppfølgingsundersøkingar.

Av dei andre journalane gjekk det ikkje alltid fram kva som var grunnlag for diagnosen.

Det gjekk fram av ein journal at pårørande var informert og hadde gitt samtykke til helsehjelp.

Det gjekk elles ikkje fram om samtykkekompetanse var vurdert eller om samtykke var innhenta frå pårørande.

Kommentar:
Diagnosar i hovudkort (sjukepleiedokumentasjon) var ikkje alltid i samsvar med dei som gjekk fram av "legejournal". Diagnosar som kunne lesast ut av "legejournal" blei lagt til grunn ved verifikasjon.

Avvik 1: Ikkje alle pasientar som har fått diagnosen alders demens ved Sveio sjukeheim er utgreidde.

Avvik frå:

• Lov om helsetenesta i kommunane § 6-3 jfr. lov om helsepersonell § 4.

Følgjande observasjonar ligg til grunn for avviket:

• Ved verifikasjon av pasientjournalar gjekk det ikkje alltid fram kva undersøkingar, eventuelt vurderingar som låg til grunn for diagnosen.
• Det er ikkje felles rutinar eller retningsliner for oppfølging av pasientar ved mistanke om mental svikt. I intervju blei det gitt ulike opplysningar om og kva tiltak som blir iverksette ved slike høve.

Avvik frå:

• Forskrift om kvalitet i pleie- og omsorgstenestene § 3, jfr lov om statleg tilsyn med helsetenesta § 3.

Følgjande observasjonar ligg til grunn for avviket:

• Det er ikkje utarbeidd skriftlege rutinar som skal medverke til å sikre at brukarar av pleie- og omsorgstenester får tilfredsstilt grunnleggjande behov. Forskrift om kvalitet i pleie- og omsorgstenestene er ikkje kjend av alle avdelingsleiarar. Med unntak av retningsliner for legemiddelhandtering var eventulle andre utarbeidde prosedyrar ikkje kjende av tilsette.
• Det er ikkje rutinar for å registerte og rapporterte uhell og feil. Prosedyre for avviksbehandling av 12.06.2000 var ukjent og ikkje iverksett ved Sveio omsorgssenter.

8. Merknader

Merknad 1: Sveio kommune er komen kort med å gje tilsette i pleie- og omsorgstenestene opplæring om dei praktiske følgjene av krav i helselovene.

Følgjande observasjonar ligg til grunn for merknaden:

• Det er ikkje gitt informasjon og opplæring til alle tilsette om ny helselovgjeving og kva denne inneber for praksis, t.d om vurdering av samtykkekompetanse. Lov om pasientrettar og lov om helsepersonell var ikkje kjende for tilsette med leiar/fagansvar. I intervju gjekk det fram at fleire alders demente opplagt ikkje var i stand til å samtykke på eigne vegne. Ved verifikasjon av pasientjournalar var det ein pasient som hadde oppnemnd hjelpeverge. Det gjekk elles ikkje fram av pasientjournalar (lege og sjukepleiedokumentasjon) at samtykkekompetanse var vurdert.
• Medbestemming og tiltak for å førebygge bruk av tvang har vore og blir drøfta blant tilsette. Det var ikkje ei felles oppfatning av kva omgrepet "tvang" inneber.

Vedlegg 1

DOKUMENTASJON MOTTEKEN FRÅ SVEIO KOMMUNE I SAMBAND MED TILSYN 13. JUNI 2001

• Standardbrev for vedtak om tildeling av heimehjelp, heimesjukepleie, omsorgsløn, psykiatrisk sjukepleie, reiserett med transportordninga for funksjonshemma, tryggleiksalarm, varm matutlevering, langtidsopphald- og korttidsopphald ved Sveio Omsorgssenter
• Standardbrev for vedtak om avslag på søknad om korttidsopphald
• Fem vedtak om tildeling av langtidsopphald ved Sveio Omsorgssenter
• Vedtak om tildeling av heimesjukepleie
• Vedtak om tildeling av heimehjelp, heimesjukepleie og tryggleiksalarm
• Vedtak om heimehjelp
• Vedtak om auka heimehjelp
• Vedtak om varmmat-utlevering, auke i heimehjelp og heimesjukepleie
• Vedtak om avslag på søknad om korttidsopphald i institusjon
• Vedtak om avslag på langtidsopphald i institusjon
• Vedtak om avslag på søknad om langtidsopphald i institusjon
• Oversyn over institusjonar der det bur alders demente, tilsett personell og bemanning på vakt
• Oversyn over bustadtilbod til eldre og funksjonshemma
• Oversyn over personell i heimetenestene og heimesjukepleien
• Årsmelding 2000 helse og pleie og omsorg
• Organisasjonsplan sektor oppvekst og omsorg
• Overordna mål for pleie- og omsorgsavdelinga i Sveio kommune,
  hovudmål for bufellesskap Klokkarbakken,
  hovudmål for dagavdeling/dagsenter,
  hovudmål for langtidsavdeling,
  hovudmål for rehabilitering/korttidsavdeling,
  hovudmål for heimebaserte tenester,
  hovudmål for bufellesskap for psykisk utviklingshemma
• Instruks for pleie- og omsorgsleiar, godkjent Sveio kommunestyre sak 68/93
• Tilsynslege ved sjukeheimen
• Sveio kommune, kompetanseutviklingsplan 1998 – 2001, pleie- og omsorgsavdelinga
• Informasjon til alle som har demente pårørande, eller som arbeider med demente, 8.12.97
• Velkomen til Sveio omsorgssenter
• Internkontrollhandbok – helsetenestene for Sveio kommune
  prosedyre for avviksbehandling

Telefaks av 5. juni 2001 vedlagt oversyn over tilsette i pleie- og omsorgstenestene

• Prosedyre av 13.12.95 "Bruk av tvang". Prosedyren byggjer på Kap. 4 A i Forskrift til lov om sosiale tenester
• Velkomen som arbeidstakar i Sveio kommune, pleie- og omsorgsavdelinga
• Opplæringshefte til nyansatte ved Sveio omsorgssenter
• Papirutskrift av datajournal - sjukepleiedokumentasjon

Vedlegg 2

Frå Fylkeslegen i Hordaland:
Ass. fylkeslege Agnes Maria Stafsnes
Fylkessjukepleiar Elisabeth Moen
Rådgjevar Anne Grete Robøle, revisjonsleiar