INNHALD

Samandrag

Innhald i rapporten:
Tilsynet blei gjennomført som systemrevisjon ved Selbjørn pleie- og omsorgssenter Austevoll kommune 23. - 24. oktober 2002 og omfatta følgjande tema:

• saksbehandling ved tildeling av og avslag på søknad om plass i sjukeheim, herunder informasjon og medverknad frå pasient/brukar
• medisinsk utgreiing av eldre ved mistanke om mental svikt
• dekking av grunnleggjande behov, herunder medbestemming og individuell tilrettelegging i dagleg utføring av tenestene
• legemiddelhandtering
• føring av pasientjournal

Rapporten omtaler avvik og merknad som blei påpeikte innan dei reviderte områda.

Hovudkonklusjon:
Austevoll kommune har sett i verk fleire tiltak for å rekruttere og halde på kvalifisert pleiepersonell og personell til leiaroppgåver innan pleie- og omsorg, mellom anna desentralisert sjukepleiarutdanning og utdanningstilbod til ufaglærte. Tilsette får også tilbod om å delta på relevante kurs, til dømes om aldersdemens.

Austevoll kommune har som målsetjing å omfordele ressursar i pleie- og omsorg til heimesjukepleien. Kommunen har venteliste til plass i sjukeheim og for tida ikkje høve til å gje alle som treng det plass i skjerma eining. Avdelingsleiar fattar vedtak om tildeling av heimesjukepleie. Søknader om plass i sjukeheim blir behandla i inntaksteam. Søkjar får ikkje alltid opplysningar om dei faktiske forholda vedtaka byggjer på.

Etterspurnaden etter pleie- og omsorgstenester er generelt stor. Ved tilsynet blei det opplyst at det er lite høve til systematisk utviklingsarbeid.

Personell som deltek i utdeling av legemiddel ved Selbjørn pleie- og omsorgssenter har gjennomgått opplæring og fått delegasjon frå lege, men det er svikt i dei praktiske rutinane. Ved mistanke om mental svikt medverkar heimesjukepleien til at pasientar kjem til lege. Lege er tilgjengeleg ved sjukeheimen. Det er ikkje avsett tid til anna enn direkte pasientretta oppgåver. Planar om etablering av kommunalt demensteam og felles rutinar for utgreiing av aldersdemens er ikkje realiserte. Pasientar i skjerma eining er ikkje alltid utgreidde og grunnlaget for diagnosen aldersdemens går ikkje alltid fram av pasientjournalane.

Det varierer i kva grad pasientane får medverke i dagleg utføring av tenestene. Pleieplanar er ikkje utarbeidde og felles rutinar som skal søkje å sikre at tenestene blir best mogeleg individuelt tilpassa, er ikkje tilstrekkeleg innarbeidde. Personellet er innforstått med at det ikkje skal brukast tvang. uUfaglærte og vikarar har ikkje alltid naudsynt kjennskap til pasientane og deira individuelle behov, ønskje og evne til å medverke.

Ved tilsynet blei det påpeikt fem avvik. Fylkeslegen gav ein merknad.

Avvika er:

Dato: 26. november 2002

1. Innleiing

Rapporten er utarbeidd etter tilsyn ved Selbjørn pleie- og omsorgssenter Austevoll kommune 23. og 24. oktober 2002.

Formålet med tilsynet er å få stadfest at verksemda oppfyller krav som følgjer av lover og forskrifter for helsetenestene.

Tilsynet omfatta mellom anna:

• om styringssystemet i verksemda er formålstenleg og dekkjande.
• om aktivitetar blir utførte slik dei er framstilte skriftleg og munnleg.
• om verksemda blir driven innanfor rammene som styresmaktene har sett.

Tilsynet vart gjennomført som systemrevisjon, ved gransking av dokument, intervju, synfaring ved Selbjørn pleie- og omsorgssenter (sjukeheimen) og verifikasjonar. Rapporten omhandlar avvik og merknader som er avdekte ved tilsynet.

• Avvik er definert som mangel på oppfylling av krav som styresmaktene stiller.
• Merknad er tilhøve som ikkje blir omfatta av definisjonen for avvik, men der tilsynet med utgangspunkt i krav som styresmaktene har sett, avdekkjer potensial for betring.

Selbjørn pleie- og omsorgssenter omfattar tenester frå heimesjukepleien (Sone Sør) og tenester ved sjukeheimen. Kvart tenesteområde er leia av ein avdelingsleiar som rapporterer til pleie- og omsorgsleiar i stab hos helse- og sosialsjef. Pleie- og omsorgsleiar er tilsett i vikariat og sluttar om kort tid. Avdelingsleiar ved sjukeheimen blei tilsett 1. august 2002. Ved Selbjørn pleie- og omsorgssenter er det ikkje sjukepleiar på alle vakter. Det er oppretta ei felles bakvaktsordning for heile kommunen, Selbjørn pleie- og omsorgssenter og Storebø pleie- og omsorgssenter (sjukeheim og heimesjukepleie Sone Nord).

Talet på plassar og pasientbelegget ved skjerma eining, Selbjørn pleie- og omsorgssenter, er for tida slik at det ikkje er plass til menn med aldersdemens som treng plass i eininga.

3. Dokumentunderlag

Dokumentunderlaget for tilsynet var:

• Aktuelle lover og forskrifter:
  - Lov av 30. mars 1984 nr. 15 om statlig tilsyn med helsetjenesten.
  - Lov av 19. november 1984 nr. 66 om helsetjenesten i kommunene.
  - Lov av 10. februar 1967 om behandlingsmåten i forvaltningssaker (forvaltningslova).
  - Lov av 2. juli 1999 nr. 63 om pasientrettigheter.
  - Lov av 2. juli 1999 nr. 64 om helsepersonell m.v.
  - Forskrift av 21. desember 2000 om pasientjournal.
  - Forskrift av 27. februar 1997 om kvalitet i pleie- og omsorgstjenestene.
  - Forskrift av 14. november 1988 nr. 932 for sykehjem og boform for heldøgns omsorg og pleie.
  - Forskrift av 23. november 1983 nr. 1779 om lovbestemt sykepleietjeneste i kommunene helsetjeneste.
  - Forskrift av 18. november 1987 nr. 1153 om legemiddelforsyningen mv. i den kommunale helsetjeneste.
• Korrespondanse mellom Austevoll kommune og fylkeslegen jf. kapittel 5.
• Dokumentasjon motteken frå Austevoll kommune før og under tilsynet går fram av vedlegg 1.
• Verifikasjonar jf. kapittel 6.

4. Omfang

Tilsynet var avgrensa til følgjande tema:

• saksbehandling ved tildeling av og avslag på søknad om plass i sjukeheim, herunder informasjon og medverknad frå pasient/brukar i samband med tildeling av/ avslag på søknad om tenester.
• medisinsk utgreiing av eldre ved mistanke om mental svikt.
• dekking av grunnleggjande behov, herunder medbestemming og individuell tilrettelegging i dagleg utføring av tenestene.
• legemiddelhandtering.
• føring av pasientjournal.

5. Gjennomføring

Tilsynet blei gjennomført som systemrevisjon og omfatta følgjande aktivitetar:

Melding om tilsyn blei sendt 19. juli 2002. Framlegg til program blei sendt 2. oktober og korrigert program blei sendt 9. oktober 2002.

I opningsmøtet 23. oktober 2002 blei det orientert om formålet med og gjennomføringa av tilsynet. Det blei gjennomført 12 intervju, av desse eit telefonintervju 15. oktober 2002, synfaring i skjerma eining og i pleieavdelinga ved sjukeheimen, og verifikasjonar jf. kapittel 6. I sluttmøtet gav fylkeslegen ei oppsummering og presentasjon av resultat. Deltakarar ved tilsynet går fram av vedlegg 2.

6. Resultat av verifikasjonar

6.1 Søknader om plass i sjukeheim/heimesjukepleie og vedtak.

Fylkeslegen bad om å få lagt fram åtte saksmapper (søknader, funksjonsjournalar, rapportar frå heimesjukepleien, medisinske opplysningar og vedtak). Av desse var det fem vedtak på søknad om plass i sjukeheim. To vedtak gjaldt tildeling av heimesjukepleie. Eit vedtak gjaldt tildeling av kommunal særyting og blei ikkje gjennomgått. Den 24. oktober 2002 blei det lagt fram ytterlegare fire saker, men for seint til at det var mogeleg å gjennomgå dei.

Det blei sett etter:

• kva opplysningar som ligg til grunn for vedtaka (opplysningar om funksjon/pleiebehov og medisinske opplysningar),
• om dei skriftlege meldingane om vedtaka inneheld informasjon om kva tenester søkjar får tilbod om,
• om vedtaka er grunngjevne og
• om dei skriftlege meldingane om vedtaka inneheld informasjon om klage- og innsynsrett.

I to av fem saker låg det føre medisinske opplysningar. I melding til søkjar om vedtak blir det vist til opplysningar som ligg til grunn. Desse opplysningane er ikkje alltid dokumenterte i saka og følgjer ikkje som vedlegg til meldinga om vedtak til søkjar. Søkjar blir såleis ikkje informert om det faktiske grunnlaget og det faglege skjønnet som ligg til grunn for vedtaket.

Det er fatta vedtak om å tildele plass i sjukeheim og setje søkjar på venteliste. Ho/han blir informert om at denne lista blir fortløpande vurdert i inntaksmøta og blir opplyst om klagerett, men ikkje om at vedtaket er eit avslag på søknaden om plass i sjukeheim og ikkje om retten til innsyn i dokumenta.

Funksjonsjournal låg ved dei skriftlege søknadane. I melding til søkjar om vedtak er det ikkje opplyst om det faktiske grunnlaget eller den faglege vurderinga av behov for helsehjelp. I vedtaka er det teke atterhald om endring i omfang av tenestetilbod etter fortløpande vurdering av behov for helsehjelp. Eit vedtak om tildeling gir konkrete opplysningar om kva helsehjelp som blir tildelt. Søkjar blir informert om retten til å klage på vedtaket, men ikkje om innsynsrett i dokumenta.

Referat frå inntaksmøta for tidsrommet 13. desember 2001 til 15. oktober 2002 blei gjennomgått.

Av referata går det mellom anna fram kva søknader som er blitt behandla i inntaksmøte, kven som er tildelte plass i sjukeheim og sette på venteliste, og kven som er tildelte korttids- eller langtidsplass. Av referata går det fram at søkjar som er innvilga plass i sjukeheim har venta i meir enn åtte månader på å få denne plassen.

6.3.1 Det blei sett etter om ordinasjon av legemiddel til pasientar på sjukeheimen er signert av lege.

Ordninasjon er ikkje alltid signert av lege.

6.3.2 Det blei sett etter om det er samsvar mellom opplysningar om ordinasjon og seponering av legemiddel i medikamentkort og på dosett til pasientar i heimesjukepleien.

Det er ikkje alltid samsvar mellom opplysningar i medikamentkort og dosett om kva legemiddel som er seponerte. Det er ikkje alltid klart kva døgndose som er ordinert og "sjekkliste" for å kontrollere at endringar i medisinering blir ført i medikamentkort og på dosettar, er ikkje alltid utfylt.

Seks pasientjournalar frå skjerma eining og åtte frå pleieavdelinga ved sjukeheimen blei gjennomgått.

Det blei sett etter om:

• diagnose/diagnosar på pasient går fram av pasientjournalane.
• det går fram av pasientjournal kva som er grunnlaget for diagnosen aldersdemens og at denne er stilt på forsvarleg grunnlag.
• det går fram opplysningar om individuelle tiltak og evaluering av desse tiltaka.
  det er treft avgjerd om openbert manglande samtykkekompetanse i høve til helsehjelp, om dette er dokumentert og grunngitt, og om det i slike høve er innhenta informasjon og vurderingar frå pårørande.
• det er treft avgjerd om openbert manglande samtykkekompetanse i høve til helsehjelp, om dette er dokumentert og grunngitt, og om det i slike høve er innhenta informasjon og vurderingar frå pårørande.
• innkomstdato, innkomststatus, status ved årleg undersøking av langtidspasientar, signatur av journalnotat, og namn på næraste pårørande.
• opplysning om journalansvarleg.

Opplysning om diagnosar går fram av hovudkort i kardeks og "legejournal". Det er ikkje alltid samsvar mellom dei diagnosane som står oppførte. Hovudkort i kardeks er ikkje alltid oppdatert. På skjerma eining er hovudkort i kardeks oppdaterte i oktober 2002. Det er oppført opplysningar om individuelle behov. Namn på næraste pårørande er oppført i kardeks. Grunnlaget for diagnosen aldersdemens går ikkje alltid fram av pasientjournal når utgreiinga ikkje er gjort i spesialisthelsetenesta. Det går ikkje alltid fram av journalnotata kven som har skrive dei. Det er ikkje dokumentert at det er treft avgjerd om at pasientar openbert manglar samtykkekompetanse i høve til å ta imot helsehjelp. Det er dokumentert at pårørande sine ønskje vedkomande helsehjelp er tekne til følgje. Pleieplanar blei ikkje lagt fram.

7. Avvik

Følgjande observasjonar ligg til grunn for avviket:

• I einskilde pasientjournalar er det opplyst om "lett demens" og "moderat demens". I desse pasientjournalane mangla opplysningar om grunnlaget for demensdiagnosen, jf. resultat av verifikasjonar kapittel 6.4.
• Det blei også opplyst i intervju at alle pasientar i skjerma eining ikkje er utgreidde med omsyn til aldersdemens.

Følgjande observasjonar ligg til grunn for avviket:

• Når pasienten ikkje er utgreidd i spesialisthelsetenesta, går Ddet går ikkje alltid fram av pasientjournalane kva som er grunnlaget for diagnosen aldersdemens, jf. resultat av verifikasjonar kapittel 6.4.
• Det blei opplyst at enkelte pasientar med langtkomen aldersdemens ikkje kunne samtykke til helsehjelp.
• Det er ikkje dokumentert i pasientjournal om pasientens evne til å samtykke til helsehjelp er vurdert og at det er teke avgjerd om at pasienten openbert manglar samtykkekompetanse. Det er dokumentert at pårørande sine ønskje om helsehjelp er tekne til følgje.
• Det er ikkje alltid samsvar mellom opplysningar om diagnose i kardeks og "legejournal".
• Det går ikkje alltid fram opplysningar om når pasienten blei innlagt i sjukeheimen, innkomststatus, status ved årleg undersøking av langtidspasientar, og kven som har ført journalnotata.
• Det blei opplyst at alle hovudkort i kardeks ikkje er oppdaterte, jf. resultat av verifikasjonar kapittel 6.4.
• Ordninga med ein journalansvarleg for kvar pasientjournal er ikkje sett i verk.

Følgjande observasjonar ligg til grunn for avviket:

• Det er ikkje utarbeidd "system av skriftlige prosedyrer" som skal søke å sikre at grunnleggjande behov blir ivaretekne jf. forskrift om kvalitet i pleie- og omsorgstjenestene § 3.
• Det er ikkje utarbeidd pleieplanar.
• Det blei opplyst at det er ulike oppfatningar av pasientane sine individuelle behov og evne til å medverke. I kva grad pasientane sjølve får medverke varierer med kva personell som er på vakt. Tilbodet ved skjerma eining er i større grad tilrettelagt for at pasientane skal få medverke. Nytilsette og ufaglærte har ikkje alltid naudsynt kjennskap til pasientane og individuelle behov for tilrettelegging
• Det er ulik praksis for å informere pårørande.
• Alt personell er ikkje kjent med kva det inneber å vurdere samtykkekompetanse og kven som kan ta avgjerd om helsehjelp. Det går fram av pasientjournal og blei opplyst i intervju at pårørande sine ønskje om helsehjelp er tekne til følgje.

Følgjande observasjonar ligg til grunn for avviket:

• Personar som søkjer om plass i sjukeheim blir tildelt plass utan å få opplysningar om kor lenge det vil ta innan plassen faktisk blir tildelt. Referat frå møta i inntaksnemnda viste at ein søkjar hadde venta på den tildelte plassen i om lag åtte månader, jf. resultat av verifikasjonar kapittel 6.x.2
• Det går ikkje alltid fram av vedtak om tildeling av heimesjukepleie kva tenester som vil bli tildelte.
• Skriftleg melding til søkjar om vedtaket (underretning om vedtak) er ufullstendig med omsyn til opplysningar om dei faktiske forholda og den faglege vurderinga som ligg til grunn for vedtaket. Det blei opplyst at det er ofte er munnlege opplysningar i møte i inntaksnemnda som ligg til grunn for vedtak om plass eller avslag på søknad om plass i sjukeheim. Opplysningane blir ikkje refererte for søkjar og kan difor ikkje vere bakgrunn for klage frå vedkommande.
• Korkje malane for melding til søkjar eller dei meldingane om vedtak som blei sett på ved tilsynet inneheld opplyser om retten til innsyn i dokumenta.

Følgjande observasjonar ligg til grunn for avviket:

• Ordinasjonar av legemiddel til pasientar på sjukeheimen er ikkje alltid signerte av lege, jf. resultat av verifikasjonar kap. 6.3.
• Det er ikkje alltid samsvar mellom opplysningar i medikamentkort og dosettar til pasientar som mottek heimesjukepleie om kva medikament som var seponerte, og det var ikkje alltid klart kva døgndose som var ordinert, jf. resultat av verifikasjonar kapittel 6.3. "Sjekkliste" for kontroll av at endingar i forordning blei ført i medikamentkort og på dosett, var ikkje ført slik det blei opplyst at praksis skulle vere.
• Skriftlege retningsliner for legemiddelhandtering i heimesjukepleien ikkje leggast fram. Det blei opplyst at arbeid som tidlegare var påbegynt med å lage skriftlege retningsliner for legemiddelhandtering i heimesjukepleien ikkje var fullført.
• Registrerte avvik i legemiddelhandtering er ikkje behandla.

Følgjande observasjonar ligg til grunn for merknaden:

• Det blei opplyst at arbeidsbelastninga varierer, men at det generelt er travelt. På kveldsvaktene er det lite å gå på. I periodar når det er mykje å gjere, blir pårørande ofte kontakta og bedne om å hjelpe til. Pleieoppdrag kan bli forseinka og tilsyn til andre pasientar blir utsette eller ikkje gjennomførte.

Vedlegg 1 - Dokumentasjon motteken i ekspedisjon av 9. og 18. september 2002:

• Årsmelding år 2001 pleie og omsorg. Saksframlegg. Sak 0028/02. Helse og sosial omsorg.
• Innkalling til møte i kantina mellom HPO sør og Selbjørn. Til alle tilsette. Brev av 26. mars 2002 med vedlegg: Visjon og behov i helsesektoren i Austevoll
• Hovudmål for helsepolitikken i Austevoll
• Organisasjonsmodell for helse- og sosialetaten. Rundskriv til alle avdelingane i helse- og sosialetaten frå rådmann. Datert 28. februar 2002
• Stillingsinstruks for områdeleiar/oversjukepleiar for Storebø pleie- og omsorgsenter (PO- område Nord). Instruks vedteken 13. juni 1995. Ikkje signert.
• Stillingsinstruks for områdeleiar/oversjukepleiar for Selbjørn pleie- og omsorgsenter (PO- område Sør). Instruks vedteken 13. juni 1995. Ikkje signert.
• Arbeidsbeskrivelse/stillingsbeskrivelse for avdelingssjukepleiarane ved Storebø pleie- og omsorgssenter og Selbjørn pleie- og omsorgsenter – Intstitusjonsavdeling (sjukeheimar og aldersheim). Datert 16. april 1999. Underskriven av helse- og sosialsjef
• Stillingsinstruks for pleie- og omsorgsleiar/nestleiar ved helse- og sosialetaten. Datert 22. april 2002.
• Oversyn over arbeidsoppgåvene til avdelingsleiar ved Eidsbøen bufellesskap – stillingsinstruks. Notat frå helse- og sosialsjef. Datert 14. juni 2002. Vedlegg: Stillingsinstruks for avdelingsleiar ved Eidsbøen bufellesskap, vedteken av rådmann 16. mai 2002.
• Mal, standardbrev – melding om tildeling av omsorgsbustad.
• Mal, standardbrev – melding om tildeling av langtidsplass i sjukeheim.
• Mal, standardbrev – melding om avslag på søknad om langtidsplass i sjukeheim.
• Mal, kontrakt for leige av kommunal omsorgsbustad.
• Vedtak, omgjering av korttidsplass til langtidsplass.
• Vedtak, tildeling av korttidsplass i sjukeheim.
• Vedtak, tildeling av langtidplass i sjukeheim.
• Vedtak, tildeling av korttidsopphald.
• Vedtak, tilbod om langtidsplass i sjukeheim.
• Vedtak, tildeling av korttidsopphald i sjukeheim.
• Vedtak tildeling av langtidsplass i sjukeheim.
• Vedtak, avslag på søknad om langtidsplass i sjukeheim.
• Vedtak, avslag på søknad om langtidsplass i sjukeheim.
• Vedtak, avslag på søknad om langtidsplass i sjukeheim.
• Svar på klage på avslag på langtidsplass i sjukeheim.
• Bemanning og institusjonar. Brev av 6. september 2002.
• Bemanningsplan pleie- og omsorg. Selbjørn pleie- og omsorgsenter.
• Bemanningsplan pleie- og omsorg. Storebø pleie- og omsorgsenter.
• Turnusplan Storebø pleie- og omsorgsenter.
• Turnusplan Selbjørn pleie- og omsorgsenter
• Storebø pleie- og omsorgsenter. Mal, standardskriv. Delegasjon av mynde til å levera ut ferdig tillaga medisinar.
• Håndhygiene, kapittel 6 Personlig hygiene, Hygieneperm for sykehjem og langtidsinstitusjoner.
• Melding om tilsyn med helsetenester til eldre i Austevoll kommune. Rutinar for handsaming av avvik. Notat datert 6. september 2002 frå helse- og sosialsjef til pleie- og omsorgsleiar.
• Vedtak, tildeling av heimesjukepleie.
• Vedtak, avslag på søknad om trygghetsalarm.
• Mal, standardbrev – vedtak om tildeling av heimesjukepleie
• Mal, standardbrev – vedtak om tildeling av heimehjelp
• Vedtak, tildeling av heimesjukepleie
• Utgreiing av alders demens. Brev av 16. september 2002 til pleie- og omsorgleiar frå kommunelege 2
• Utgreiing av alders demens. Brev av 9. september 2002 til pleie- og omsorgleiar frå kommunelege 2
• Mal for aldersedemensutredning i Austevoll kommune

• Standard skjema for delegasjon av mynde til å levere ut ferdig tillaga medisin når sjukepleiar ikkje er til stades, eller er opptatt med akutt arbeid.
• Skjema for registrering av feil og nesten-feil i legemiddelhandtering
• Skjema for gjennomgang av avdelingssjukepleiar i henhold til veileder, sjå punkt 3 og 4.
• Veiledning i resistering av feil og nesten-feil i legemiddelhåndtering, utarbeidd av Faramsøytisk rådgjevingsteneste Solli 1994
• Kontrollskjema for ukedosett, Selbjørn pleie- og omsorgssenter, institusjonsavdeling
• Notat datert 21. august 2002. Møte med Farmasøytisk rådgjevingsteneste Haukeland sykehusapotek Bergen
• Rapport frå tilsyn 14. mai 2002 frå Farmasøytisk rådgjevingsteneste i Hordaland
• Rapport samarbeid - ettersyn frå Farmasøytisk rådgjevingsteneste 8. november 1995
• Rapport frå tilsyn av Farmasøytisk rådgjevingsteneste 17. desember 1996, datert 7. mars 1997
• Retningsliner for legemiddelforsyninga på Selbjørn pleie- og omsorgssenter, (viser til endring av forskrift av 18. november 1987 om legemiddelforsyningen i den kommunale helsetjeneste med endringar 21. januar 1991), ikkje daterte
• Skjema for "trusler eller vold" retta mot tilsette i Austevoll kommune.
• Skademeldingsskjema – Selbjørn pleie- og omsorgssenter. Registrering av skade og nesten-uhell pasientar
• Prosedyrar for legemiddelhandtering. Institusjonsbaserte tenester. Austevoll kommune, godkjende og gjeld frå 1. mars 2001
• Protokoll for dokumentasjon av at pasientar er blitt bundne
• Perm pleie- og omsorg: Prosedyrehandbok HPO - sone sør. Diverse retningsliner
• Perm: Medisindelegering 1999. Kursbevis og delegasjonar.

Vedlegg 2 - Deltakarar ved tilsynet med helsetenester til eldre Selbjørn pleie- og omsorgssenter Austevoll kommune 23. og 24. oktober 2002

Frå Fylkeslegen i Hordaland:
Ass. fylkeslege Agnes Maria Stafsnes, revisor
Fylkessjukepleiar Elisabeth Moen, revisor
Rådgjevar Anne Grete Robøle, revisjonsleiar

Observatør:
Seniorrådgjevar Ellen Thorbjørnsrud, Statens helsetilsyn