INNHALD

1.Innleiing
2.Spesielle forhold
3.Dokumentunderlag
4Omfang
5.Gjennomføring
6.Resultat av verifikasjon
7.Avvik
8.Merknader

Vedlegg 1
Vedlegg 2
Vedlegg 3

Innhald i rapporten

Tilsynet blei utført ved Luranetunet omsorgsbustader (kommunal drift) og Os sjukeheim og omfatta følgjande tema:

• Saksbehandling ved tildeling av og avslag på søknad om plass i sjukeheim
• Medisinsk utgreiing av eldre ved mistanke om mental svikt
• Medbestemming og individuell tilrettelegging av pleie- og omsorgstenester til alders demente pasientar for å førebyggja bruk av tvang
• Dekking av grunnleggjande behov
• Avviksbehandling

Bebuarane ved Luranetunet omsorgsbustader er i all hovudsak sjukeheimspasientar, til dels med omfattande behov for behandling og pleie. Luranetunet fungerer i praksis som sjukeheim. Ved tilsynet var det ikkje klart korleis legetenestene til bebuarane vert organisert vidare, om kvar skal bruka sin fastlege eller om det vert andre ordningar. Ved Os sjukeheim er lege til stades dagleg.

Avvik frå: Kommunehelsetenestelova § 1-3a, jf. legalitetsprinsippet

Avvik 5 Vurdering og eventuell avgjerd om manglande samtykkekompetanse vert ikkje dokumentert.

Avvik frå: Pasientrettslova § 4-3, 2. 4. ledd

Avvik 6 Rutinar for avviksbehandling med sikte på å førebyggja svikt er ikkje iverksette.

Avvik frå: Tilsynslova § 3

Merknadene er:

Merknad 1 Tilbodet til aldersdemente pasientar i bukollektiv for alders demente/avdeling for alders demente er lite tilpassa deira særlege behov for aktivisering og stimulering.

Merknad 2 Kommunen har ikkje avklara korleis legetenestene til bebuarar ved Luranetunet skal organiserast for framtida.

Dato: 29. april 2002

Revisjonsleiar Anne Grete Robøle

Revisor/sekretær Rune Tjøsvoll

1. Innleiing

Rapporten er utarbeidd etter tilsyn ved Luranetunet omsorgsbustader (kommunal drift) og Os sjukeheim 20. 21. mars 2002.

Formålet med tilsynet er å få stadfest at verksemda oppfyller krav som følgjer av lover og forskrifter for helsetenestene.

Tilsynet omfatta mellom anna:

• om styringssystemet i verksemda er formålstenleg og dekkjande.
• om aktivitetar blir utførte slik dei er framstilte skriftleg og muntleg.
• om verksemda når måla sine og om verksemda blir driven innanfor rammene som styresmaktene har sett.

• Avvik er definert som mangel på oppfylling av krav som styresmaktene stiller.
• Merknad er tilhøve som ikkje blir omfatta av definisjonen for avvik, men der tilsynet med utgangspunkt i krav som styresmaktene har sett, avdekkjer potensial for betring.

2. Spesielle forhold

Dei kommunale tenestene i Os er under omorganisering. Kommunen vil i løpet av året gå over til ein bestillar- /utførarmodell. Det er oppretta kundeombod og det vert utarbeidd servicefråsegner som år for år skal visa kva innbyggjarane i Os kommune kan venta seg av dei kommunale tenestene.

I Os kommune er det er to leiarnivå der einingsleiar rapporterer direkte til rådmann eller ein av to kommunaldirektørar i hans stab. Einingsleiar for pleie- og omsorg har personal, økonomi og fagansvar for alle pleie- og omsorgstenester, heimesjukepleie, heimehjelp, dagtilbod, Os sjukeheim og Luranetunet omsorgsbustader. Dei ulike avdelingane i heimetenestene, ved sjukeheimen og Luranetunet blir leia av avdelingssjukepleiarar.

Luranetunet omsorgsbustader var ferdig hausten 2001 og inngår i kommunens Handlingsplan for eldre. I alt er det 80 bustader, av desse er det 72 omsorgsbustader og 8 servicebustader. Halvparten av plassane er konkurranseutsette og vert drivne av Norlandia omsorg, Luranetunet omsorgsdrift AS. Pleie- og omsorgstenestene i Os kommune har ansvaret for dei 40 andre plassane. Alle pasientar/brukarar er ”vekta” ut frå pleie- og omsorgsbehov og dei vert prissett i 8 kategoriar, jf. avtale mellom Os kommune og Pleie- omsorgstenesta. Tilsynet omfatta ikkje tenestene som vert gitt av Norlandia omsorg, Luranetunet omsorgsdrift AS.

Ved tilsynet vart det opplyst at bebuarane ved Luranetunet omsorgsbustader i all hovudsak er sjukeheimspasientar og at verksemda i praksis fungerer som sjukeheim. Ved innflytting i omsorgsbustadene vart fleire pasientar flytta frå sjukeheimen, til dømes pasientar med alders demens og andre sterkt pleietrengjande som i lengre tid hadde budd på institusjon. Bebuarane betalar husleige og har i tillegg inngått avtale med kommunen om betaling for måltid, medisinsk forbruksmateriell, straum og diverse utgifter.

Os sjukeheim har 45 plassar fordelte på ei korttidsavdeling, ei behandlingsavdeling og ei langtidsavdeling med eit eige avsnitt for psykogeriatri.

3. Dokumentunderlag

Dokumentunderlaget for tilsynet var:

• Aktuelle lover og forskrifter:
  Lov av 30. mars 1984 nr. 15 om statlig tilsyn med helsetjenesten (tilsynslova).
  Lov av 19. november 1984 nr. 66 om helsetjenesten i kommunene
  (kommunehelsetenestelova).
  Lov av 10. februar 1967 om behandlingsmåten i forvaltningssaker (forvaltningslova).
  Lov av 2. juli 1999 nr. 63 om pasientrettigheter (pasienrettslova).
  Lov av 2. juli 1999 nr. 64 om helsepersonell (helsepersonellova).
  Forskrift av 21. desember 2000 om pasientjournal (pasientjournalforskrifta).
  Forskrift av 27. februar 1997 om kvalitet i pleie- og omsorgstjenestene
  (kvalitetsforskrifta).
  Forskrift av 14. november 1988 nr. 932 for sykehjem og boform for heldøgns omsorg
  og pleie (sjukeheimsforskrifta).
  
• Korrespondanse mellom Os kommune og fylkeslegen jfr. kapittel 5.
• Dokumentasjon frå Os kommune jfr. vedlegg 1.
• Verifikasjonar jfr. kapittel 6.

• Saksbehandling ved tildeling av og avslag på søknad om plass i sjukeheim
• Medisinsk utgreiing av eldre ved mistanke om mental svikt
• Medbestemming og individuell tilrettelegging av pleie- og omsorgstenester til alders demente pasientar for å førebyggja bruk av tvang
• Dekking av grunnleggjande behov
• Avviksbehandling

5. Gjennomføring

Tilsynet vart gjennomført som systemrevisjon og omfatta følgjande aktivitetar:

Melding om tilsynet vart sendt 17. januar 2002. Dokumentasjon frå Os kommune vart motteken i ekspedisjon av 14. februar 2002. Program for tilsynet vart sendt 1. mars og korrigert program 18. mars 2002.
I opningsmøtet 20. mars var det gjeve informasjon frå fylkeslegen om formålet med og gjennomføringa av tilsynet. Det vart gjennomført 16 intervju. I sluttmøtet ga fylkeslegen ei oppsummering og presentasjon av resultat. I vedlegg 2 er det gjeve eit oversyn over deltakarane ved tilsynet. Verifikasjonar som vart utførte går fram av kapittel 6.

6. Resultat av verifikasjonar

6.1 Søknader om plass i sjukeheim/heimesjukepleie og vedtak

Fylkeslegen ba om å få lagt fram 11 saksmapper (søknader, kartleggingsskjema, innhenta medisinske opplysningar og vedtak). Av desse gjaldt 6 tildeling av plass i institusjon eller omsorgsbustad. Eitt vedtak gjaldt tildeling av heimesjukepleie og fire gjaldt vedtak om avslag på plass i sjukeheim.

Det vart sett etter

• kva opplysningar som låg til grunn for vedtaka (opplysningar om funksjon/pleiebehov og medisinske opplysningar),
• om dei skriftlege vedtaka inneheldt informasjon om kva tenester søkjar fekk tilbod om,
• om vedtaka var grunngjevne og
• om vedtaka inneheldt informasjon om klage- og innsynsrett.

• diagnose/diagnosar på pasient gjekk fram av pasientjournalane,
• det gjekk fram av pasientjournal kva som var grunnlaget for diagnosen aldersdemens og at denne var stilt på forsvarleg grunnlag (kva undersøkingar og vurderingar som låg til grunn for diagnosen alders demens),
• det gjekk fram opplysningar om individuelle behov,
• det gjekk fram opplysningar om individuelle tiltak og evaluering av desse,
• det var treft avgjerd om manglande samtykkekompetanse i høve til helsehjelp og om det i slike høve var innhenta samtykke frå pårørande
• namn på pårørande var oppført

Generelt om "legejournalane":

Dei verifiserte legejournalane ved Luranetunet var uoversiktlege og vanskelege å finna fram i. Legejournalane ved Os sjukeheim var ryddige og oversiktlege.

Rette diagnosar/oversikt:

Det fanst ingen oppdatert og lett tilgjengeleg oversikt over aktuelle diagnosar. I legejournalane fanst opplysningane ved å leita seg fram i gamle og nye epikriser, gamle sjukepleierapportar og i gamle og nye journalnotat. Det var og stor grad av diskrepans mellom diagnosar i legejournalane og i kardexane. Mange av diagnosane var/bør vera historiske (interkurrent sjukdom), og når demensdiagnose berre gjekk fram av epikrise frå sjukehusopphald utan at pasienten var vurdert med omsyn til demens (til dømes operasjon etter lårhalsbrot eller tilpassing av høyreapparat), er det usikkert om alle diagnosane var/er rette.

Opplysningar om diagnosar i legejournal og samsvar med kardex hos pasientar i avdeling for aldersdemente ved Luranetunet:

Opplysningar om diagnose mangla i fire av 15 legejournalar ved bukollektiv for alders demente/ avdeling for alders demente på Luranetunet. I ni av legejournalane kunne opplysningar om diagnose lesast ut av diverse epikriser og sjukepleiarrapportar. I to av legejournalane gjekk opplysningar om diagnose fram av innkomstnotat/journalnotat.
Opplysningar om diagnosar var oppført i sju kardexar, men av desse mangla opplysningar om grunnlaget for diagnosen i fire tilhøyrande legejournalar. I tre av kardexane var det delvis samsvar med opplysningar om diagnosar i legejournalane.

Opplysningar om grunnlaget for diagnosen alders demens hos pasientar i bukollektiv for alders demente / avdeling for alders demente ved Luranetunet:

I åtte av dei 15 legejournalane som vart verifisert ved Luranetunet var det omtalt at pasienten er (senil) dement, har demens, cerebral arteriosklerose, kognitiv svikt, eller multiinfarkt demens. To av desse pasientane har fått diagnosen fastsett etter utgreiing i spesialisthelsetenesta. For dei seks andre pasientane mangla det opplysningar om grunnlaget for diagnosen og/eller kven som har stilt diagnosen. For tre av dei seks pasientane var det gjort mini-mental-status med score på 18 eller dårlegare. Det var ikkje sett i verk vidare utgreiing på bakgrunn av testresultatet.

Opplysningar om diagnosar, samsvar med kardex og grunnlag for diagnosen alders demens hos pasientar i langtidsavdeling ved Os sjukeheim:

Diagnosane er tilgjengelege i dei verifiserte legejournalane frå langtidsavdelinga ved Os sjukeheim, men det er ikkje fullt samsvar mellom opplysningar om diagnose/diagnosar i legejournal og kardex. Grunnlaget for diagnosen alders demens låg føre i fire av dei fem verifiserte journalane på sjukeheimen. Den femte var ikkje ferdig utgreidd.

Dokumentasjon i pasientjournalar på vurdering av samtykkekompetanse, avgjerd om manglande samtykkekompetanse, og innhenta samtykke frå pårørande:

Dokumentasjon på vurdering og eventuelt avgjerd om manglande samtykkekompetanse kunne ikkje verifiserast. Dokumentasjon på at det var innhenta samtykke til helsehjelp frå pårørande kunne ikkje verifiserast.

Opplysningar om individuelle behov, tiltak og evaluering:

Opplysningar om individuelle behov, tiltak og evaluering gjekk ikkje fram av dei verifiserte legejournalane for pasientar på Luranetunet.

Pleieplanar:

Fylkeslegen ba om å få lagt fram pleieplanar til pasientar i avdeling for alders demente ved Luranetunet 1. etasje (kommunal drift) og i langtidsavdelinga ved Os sjukeheim.

Det var ikkje utarbeidd pleieplanar for alle pasientar i bukollektiv for alders demente/avdeling for alders demente ved Luranetunet. Utarbeidde planar var ikkje alltid oppdaterte, for enkelte var siste oppdatering gjort i 1999.

Fire av fire verifiserte pleieplanar frå langtidsavdelinga ved Os sjukeheim var oppdaterte.

Namn på pårørande

Namn på pårørande gjekk fram av dei verifiserte legejournalane og kardexane på Luranetunet.
Fylkeslegen har ikkje grunnlag for å vurdera om desse var oppdaterte.

6.5 ”Legevisittbok”

”Legevisittbok ” frå kvar stove i avdeling for alders demente og bu/pleieavdelinga ved Luranetunet og langstidsavdeling ved Os sjukeheim vart lagt fram.

”Legevisittboka” er ei notatbok for meldingar mellom pleiepersonalet og tilsynslegen. I kvar bok er det fortløpande notert pasientopplysningar, spørsmål om behandling, legemiddel m.v. og enkelte svar frå lege.

6.6 Avviksbehandling

Fylkeslegen ba om å få lagt fram protokoll/mapper med rapporterte avvik frå bu/pleieavdelinga og bukollektiv for alders demente/avdeling for aldersdemente på Luranetunet og frå langtidsavdelinga ved Os sjukeheim.

Alle rapporterte avvik gjaldt legemiddelhandtering. Ved bu/pleieavdelinga var det i perioden 16. november 2000 11. mars 2002 registrert 14 avvik, og ved avdeling for alders demente var det i perioden 15. oktober 2001 11. mars 2002 registrert 5 avvik. Ved langtidsavdelinga på sjukeheimen vart det verifisert 5 avvik. Dei rapporterte avvika gjaldt i hovudsak feil ved at det var sviktande dobbeltkontroll, medisin var gitt til feil pasient og/eller til feil tid, eller at medisin som vart liggjande igjen ikkje vart registrert som ikkje utdelt. Oppsummering og analyse av rapporterte avvik kunne ikkje verifiserast.


7. Avvik

Avvik 1 Vedtak om tildeling av eller avslag på søknad om plass i sjukeheim og heimesjukepleie oppfyller ikkje krav til einskildvedtak. Ved tildeling av tenester får søkjar ikkje alltid opplyst kva helsehjelp som vil verte gjeven. Vedtak om avslag på søknad om helsehjelp vert ikkje grunngjevne, og det vert gjeve avslag på søknad om plass av di det manglar plassar.

Avvik frå:

• Forvaltningslova §§ 17, 1. ledd, 23, 24, 1. ledd, 25 og 27, 3. ledd
• Kommunehelsetenestelova § 2-4

Følgjande observasjonar ligg til grunn for avviket:

• Det er mangelfull dokumentasjon på kva opplysningar som er innhenta og kva som er grunnlag for vedtak. I intervju vart det opplyst at søkjar, eventuelt pårørande, vert gjort kjende med kva opplysningar som vert lagt til grunn for vedtak ved at dei er til stades når pleie- og omsorg innhentar informasjon ved kartlegging og heimebesøk. Det vart og opplyst at det i nokre tilfelle var innhenta munnleg informasjon om medisinske opplysningar frå lege, men at denne ikkje alltid vart nedskriven. Ved verifikasjon av saksmapper var det ut over opplysningar i søknadane ikkje dokumentasjon på kartlegging av pleiebehov/ eventuelt innhenta medisinske opplysningar i 10 av 11 saker der kommunen har gjort einskildvedtak, sjå resultat av verifikasjonar punkt 6.1.
• Det er ikkje rutinar for å vurdera om søkjar har samtykkekompetanse i samband med behandling av søknader om helsehjelp.
• Ved avslag på søknad om plass i sjukeheim, er det andre forhold enn faglege vurderingar av behov for helsehjelp som ligg til grunn for avslaget. I verifiserte avslag på søknad om plass i sjukeheim / bustad med heildøgns omsorg og pleie er vedtaka grunngjeve med mangel på plassar, sjå resultat av verifikasjonar punkt 6.1. Grunngjeving i kvart vedtak om avslag er likelydande med formulering i standardbrev for ”Avslag på fast plass i institusjon/heildøgns omsorgstilbod” motteke før tilsynet, jf. vedlegg 1, dokument nr. 17.
• I intervju vart det opplyst at søkjar, eventuelt pårørande, vert kontakta og informert pr. telefon dersom det vert gjort vedtak om tildeling av ei anna teneste enn det er søkt om. Dokumentasjon av kva informasjon som eventuelt var gjeven gjekk ikkje fram i verifiserte saksmapper.
• I vedtak der søkjar får tildelt ei anna teneste enn det var søkt om, vert det ikkje informert om at dette er eit avslag på søknaden.
• I vedtak om tildeling av plass i sjukeheim / bustad med heildøgns omsorg og pleie, manglar informasjon om tenestene som søkjar skal få tildelt. Etter vedtaka skal tilbodet vera individuelt tilpassa og basert på individuell kartlegging/omsorgsplan som gjer greie for det konkrete hjelpebehovet. Omsorgsplan som vedtaka viser til ligg ikkje føre når vedtaka vert fatta. Verifikasjon av omsorgsplanar syner at det ikkje er rutinar for å utarbeida omsorgsplan når det vert gjort vedtak om tildeling av plass, sjå resultat av verifikasjon punkt 6.2. Det er ikkje utarbeidd pleieplanar for alle pasientar, sjå resultat av verifikasjon punkt 6.4.
• I alle verifiserte vedtak er det opplyst om feil klagefrist, og med eitt unntak vert det ikkje opplyst om at klage skal behandlast av kommunalt klageorgan før denne eventuelt vert sendt til fylkeslegen.

Avvik 2 Pasientar i bukollektiv for alders demente/avdeling for alders demente har ikkje alltid fått forsvarleg medisinsk utgreiing før dei har fått diagnosen alders demens og det er ikkje rutinar for utgreiing ved mistanke om mental svikt.

Avvik frå:

• Kommunehelsetenestelova § 2-1, 1. ledd, jf. § 1-3a

Følgjande observasjonar ligg til grunn for avviket:

• Av dokumentasjon motteken før tilsynet går det fram at pasientar som får tildelt plass i bukollektiv for alders demente/avdeling for alders demente skal vera utgreidde og ha fått diagnosen alders demens, jf. vedlegg 1, dokument nr. 43.
• Det går ikkje alltid fram av legejournalane kva utgreiing, undersøkingar og faglege vurderingar som ligg til grunn for at pasienten har fått diagnosen alders demens. Det går heller ikkje alltid fram kven som har stilt diagnosen, sjå resultat av verifikasjon punkt 6.4.
• I intervju vart det opplyst at det ikkje er etablert praksis eller skriftlege rutinar for å iverksetja utgreiing av pasientar ved mistanke om mental svikt. Pleiepersonalet deltek ikkje ved utgreiing og eventuell revurdering av pasientar som har fått diagnosen alders demens.
• Ved verifikasjon av legejournalar gjekk det fram at score 18 eller dårlegare på mini-mental- status ikkje var følgd opp med vidare utgreiing.

Avvik frå:

• Helsepersonellova §§ 39 og 40, jf. pasientjournalforskrifta §§ 7 og 8

Følgjande observasjonar ligg til grunn for avviket:

• Opplysningar om diagnose/diagnosar går ikkje alltid fram av verifiserte legejournalar ved Luranetunet og diagnose/diagnosar oppførte i kardex kan ikkje alltid verifiserast i legejournal. Det går ikkje alltid fram av legejournal kva som er grunnlaget for diagnosen og kven som har stilt den, sjå resultat av verifikasjonar punkt 6.4.
• Legejournalane ved Luranetunet er i liten grad oppdaterte og inneheld sjeldne og korte notat.
• Det går ikkje alltid fram av legejournal når pasienten vart innlagd på sjukeheimen.
• Det vert ikkje dokumentert i legejournal eller kardex at pasienten, eventuelt pårørande eller andre, er informerte om helsehjelpa som blir gitt. Det går ikkje fram av journalen om og kven som har gjeve samtykke til helsehjelpa, sjå resultat av verifikasjonar punkt 6.1 og avvik 5.
• ”Legevisittbok” i avdelingane inneheld personopplysningar og opplysningar om behandling, legemiddel m.v. som skal førast i pasientjournalen til kvar einskild pasient, sjå resultat av verifikasjonar punkt 6.5. I intervju vart det opplyst at opplysningar som er ført i ”legevisittbok”, til dømes svar frå lege om vidare behandling ikkje alltid blir overført til kardex. Dei verifiserte ”legevisittbøkene” er ført fortløpande, kvar med pasientopplysningar frå seinsommar/haust 2001 fram til tidspunkt for tilsynet.

Avvik frå:

• Kommunehelsetenestelova § 1-3a, jf. legalitetsprinsippet

Følgjande observasjonar ligg til grunn for avviket:

• Det vart opplyst i intervju at ordninga med kodelås var noko som hadde vore frå bygget var nytt, utan at dette var noko ein hadde vurdert i høve til bebuarane.
• Det er ikkje alltid høve til å følgje pasientar ut når dei ber om det/ viser at dei vil ut.
• Opplysningar som vart innhenta frå avdelinga ved tilsynet viser at 18 av 24 pasientar treng hjelp til å orientere seg i avdelinga, eventuelt til å gå ut og 11 av 24 pasientar bruker rullestol, sjå vedlegg 3.
• Ved synfaring i avdeling for alders demente/ bukollektiv for alders demente på Luranetunet var det ikkje mogleg å koma seg ut frå kvar stove i avdelinga utan å kjenna koden og bruka kodelåsen.

Avvik 5 Vurdering og eventuell avgjerd om manglande samtykkekompetanse vert ikkje dokumentert.

Avvik frå:

• Pasientrettslova § 4-3, 2. 4. Ledd

Følgjande observasjonar ligg til grunn for avviket:

• Det ligg ikkje føre dokumentasjon på vurdering eller avgjerd om manglande samtykkekompetanse i verifiserte journalar, sjå resultat av verifikasjonar punkt 6.4.
• Det vart opplyst i intervju at ikkje alle pasientane sjølve er i stand til å gje informert samtykke, men det er ikkje rutine for å dokumentera vurdering og eventuell avgjerd om manglande samtykkekompetanse ved tildeling av helsetenester.

Avvik 6 Rutinar for avviksbehandling med sikte på å førebyggja svikt er ikkje iverksette.

Avvik frå:

• Tilsynslova § 3

Følgjande observasjonar ligg til grunn for avviket:

• Det følgjer av dokumentasjon motteken før tilsynet at pleie og omsorg har rutine for avviksbehandling og skjema for rapportering av avvik, jf. vedlegg 1, dokument nr. 44 og 45.
• I intervju vart det opplyst at skjema vert nytta til rapportering av feil ved legemiddelhandtering, sjå resultat at verifikasjon punkt 6.6 Avviksbehandling. Det er ikkje iverksett rutinar for systematisk gjennomgang av rapporterte feil for å førebygga svikt. Det er ikkje innarbeidd praksis for rapportering av andre feil og uønskte hendingar. Tilsette kjende ikkje til at rapportering av feil hadde ført til endring av rutinar.
• I sluttmøtet vart det opplyst at registrerte feil som gjeld legemiddelhandtering i ei avdeling vert systematisk gjennomgått ein gong i halvåret. Dette kunne ikkje verifiserast.

8. Merknader

Merknad 1 Tilbodet til alders demente pasientar i bukollektiv for alders demente/avdeling for alders demente ved Lurantunet er lite tilpassa deira særlege behov for aktivisering og stimulering.

Følgjande observasjonar ligg til grunn for merknaden:

• I intervju kom det fram at personalet ut over å gje naudsynt stell og pleie hadde lite høve til å aktivisera pasientane og koma i møte deira særlege behov stimulering. Avdelinga har ikkje lengre tilbod om miljøterapi og det er lite tid til sosiale aktivitetar saman med pasientane.
• Fleire av pasientane i avdelinga er ”tunge” og treng mykje hjelp. Til tider er det trong for to, og i spesielle tilfelle tre, tilsette for å stelle ein pasient. Opplysningar om pasientane sine behov for hjelp til stell og pleie, og tal på tilsette på vakt, går fram av vedlegg 3.

• I dokumentasjon frå Os kommune om organisering av legetenesta innan eldreomsorga er det opplyst at Luranetunet fram til no har hatt 18 timar tilsynslegefunksjon pr. veke fordelt på 80 plassar i omsorgsbustadene, jf. vedlegg 1, dokument nr. 37. I samband med reduksjonar i bemanning i Os kommune er denne tilsynslegeordninga sagt opp. Det er lagt opp til at fastlegane i framtida skal ha ansvar for pasientane. I følgje merknaden ser fastlegane i kommunen på dette som problematisk og som ei lite funksjonell ordning.
• Ein av tilsynslegane ved Luranetunet slutta 20. mars 2002. Då tilsynet vart gjennomført var det ikkje klart korleis legetenestene til pasientane på Luranetunet vert organisert vidare. Det vart dessutan opplyst at pasientane i omsorgsbustadene er pleietrengande med omfattande behov for legetilsyn og kontinuitet i tenestetilbodet og det vart informert om behov for tettare samarbeid mellom pleiepersonalet og legane. Tilsynslegane har hittil i liten grad delteke i utarbeiding av felles/tverrfaglege rutinar for behandling av pasientane og i tverrfaglege møter og samarbeid med pleiepersonalet.
• Ved tilsynet var det fullt samsvar i vurderingane av at Luranetunet omsorgsbustader i praksis fungerer som ein sjukeheim og at pasientane i all hovudsak er sjukeheimspasientar, sjå kapittel 2 Spesielle forhold.

Vedlegg 1

DOKUMENTASJON MOTTEKEN FRÅ OS KOMMUNE I SAMBAND MED TILSYN 20. 21. mars 2002

• Brev av 14. februar 2002 med vedlegg frå Norlandia omsorg, Lurantunet Omsorgsdrift AS
  Funksjonsbeskrivelse primærkontakt, rutine A 10, revidert 24.08.01
  Funksjonsbeskrivelse hjelpepleier/ omsorgsarbeider, rutine A 10, revidert 24.08.01
  Funksjonsbeskrivelse gruppeleder, rutine A 10, revidert 24.08.01
  Funksjonsbeskrivelse renholdsassistent, rutine A 10, revidert 24.08.01
  Funksjonsbeskrivelse fagkoordinator/ nestleder, rutine A 10, revidert 24.08.01
  Funksjonsbeskrivelse verneombud, rutine A 10, revidert 24.08.01
  Funksjonsbeskrivelse hjemmehjelp/ pleiemedhjelper, rutine A 10, revidert 24.08.01
  Funksjonsbeskrivelse vertinne, rutine A 10, revidert 24.08.01
  Funksjonsbeskrivelse sykepleier, rutine A 10, revidert 24.08.01
  Luranetunet omsorgsdrift AS, organisasjonskart
  Visjonar i Norlandia på Luranetunet
  Bemanningsoversikt, Norlandia på Luranetunet
  Opplæringsplan for leiargruppa Luranetunet Omsorgsdrift AS, Norlandia 2002
  Opplæringsplan for Luranetunet Omsorgsdrift AS, Norlandia 2001
  Sjekkliste praktisk opplæring av ufaglærte
  Rutine for prosedyre ved avvik, rutine E1, revidert 14.02.02
  Avviksrapport og skademelding for beboere
• Organisasjonskart Lurane (Os kommune)
• Tankar om framtidig eldreomsorg i Os kommune
• Filosofi på Luranetunet
• Framtidig eldreomsorg i eit arbeidstakarperspektiv
• Funksjonsbeskrivelse for avdelingssjukepleiar/ avdelingsleiar open omsorg, ikkje datert, ikkje signert
• Kvalifikasjonskrav, funksjonsområde, ansvar og mynde for avdelingssjukepleiar brukt ved sjukeheimen, ikkje datert, ikkje signert
• Instruks for avdelingsleiarar, ikkje datert, ikkje signert
• Instruks for seksjonsleiar open omsorg, gjeld frå 01.02.97, ikkje signert
• Instruks for styrar ved Os sjukeheim, gjeld frå 01.02.97, ikkje signert
• Tal på omsorgsbustader, omsorgsbustder for alders demente, sjukeheimsplassar i bukollektiv med heildøgns omsorg, heimla sjukeheimsplassar m/heildøgns omsorg, heimla sjukeheimsplassar, trygdebustader for eldre
• Signert avtale av 20.02.2001mellom Os kommune og Pleie- og omsorgstenesta org. nr. 844 458 312
• Vedlegg 1 av 24.01.2001 Avtale mellom Os kommune og PLOM drift av Luranetunet, underskriven 20.02.2001
• Standardbrev vedtak om heimesjukepleie
• Standardbrev vedtak om plass i institusjon
• Standardbrev vedtak om tildeling av omsorgsbustad og kommunale tenester
• Standardbrev vedtak om avslag på fast plass i institusjon/heildøgns omsorgstilbod
• Vedtak av 05.01.02 om tildeling av bustad med heildøgns omsorg og pleie, avdeling for alders demente, og søknad om plass i sjukeheim/aldersheim m.v
• Vedtak av 15.01.02 om tildeling av heildøgns omsorg og pleie ved sjukeheim, og søknad om plass i sjukeheim/aldersheim m.v
• Vedtak av 18.12.01 om tildeling av bustad for heildøgns omsorg og pleie, avdeling for alders demente, søknad om plass i Gamleheimshagen
• Vedtak av 22.01.02 om heimesjukepleie
• Vedtak av 29.10.01 om dagplass ved Servicesenteret
• Søknad om heimesjukepleie
• Vedtak av 22.01.02 om dagplass ved Servicesenteret
• Vedtak av 26.11.01 om dagplass ved Servicesenteret
• Vedtak av 13.02.02 om dagplass ved Servicesenteret med søknad om plass i sjukeheim/aldersheim mv
• Søknad om heimesjukepleie
• Avslag av 15.01.02 på søknad om langtidsplass i institusjon
• Avslag av 15.01.02 på fast plass i institusjon/heildøgns omsorgstilbod, søknad om plass i sjukeheim/ aldersheim m.v.
• Avslag av 18.12.01 på fast plass i institusjon/heildøgns omsorgstilbod, søknad om plass i sjukeheim/aldersheim m.v.
• Avslag av 22.01.02 om avslag på søknad om korttidsplass i institusjon, søknad om plass i sjukeheim/aldersheim m.v.
• Søknad om bustad i Gamleheimshagen
• Søknad om plass i sjukeheim/ aldersheim m.v.
• Informasjonsflyt/ møtestruktur ved Lurane bu-behandlingsavdeling (møtestruktur som gjeld inntil kommunen etablerer bestillar utførarkontor
• Oversikt over personell i open omsorg
• Oversikt over personell ved Os sjukeheim
• Opplysningar om organisering av legetenesta innan eldreomsorg i Os kommune
• Årsmelding 2000, avdeling pleie og omsorg
• Plan opplæring/ utvikling for Luranetunet 2002
• Rekrutteringstiltak tiltak for å halda på fagfolk
• Skriftlege rutinar i Kvalitetssystem for Os kommune, helse og sosialetaten, ingen rutinar er daterte eller godkjende
  Tildeling av langtidsopphald
  Tenestetilbod. Handsaming av søknad
  Tildeling av heimesjukepleie
  Tildeling av heimehjelp
  Kriterier ved tildeling av heimesjukepleie
  Tildeling av trygdebustad
  Inntaksmøte
  Standardskjema saksutredning ”Kartlegging av funskjonsnivå og plassering i kategori”
  Melding om heimebuande brukar med spørsmål om demens
  Registrering av kategori brukar før innlegging i bufellesskap for demente på Lurane
• Demensomsorga i kommunen, tiltakskjede, sak 00/0047, datert 23.10.00
• Kriterier for inntak av brukarar i bufellesskap for demente
• Oversikt innhald i kvalitetsystem for helse og sosialetaten, systemdelen
• Oversikt innhald HMS-perm, pleie- og omsorg
• Oversikt innhald bebuarperm, pleie og omsorg
• Rutine perm for open omsorg
• Teknisk perm for Luranetunet

• Oversikt over personell ved Luranetunet (kommunal drift)
• Søknader til tidlegare mottekne vedtak om tildeling / avslag på søknad om helsehjelp, jfr. dok. 18 31.

Dokumentasjon motteken ved tilsynet 20. 21. mars 2002

• Standard innhald i serviceerklæringane for Os kommune

Dokumentasjon motteken før og uavhengig av tilsynet

• Brev av 23. august 1999 frå Fylkesmannen i Hordaland til Husbanken ”Luranetunet omsorgsbustader i Os kommune”.
  
  Brev av 11. november 1999 frå Fylkesmannen i Hordaland til Husbanken ”Luranetunet omsorgsbustader i Os kommune”, med vedlegg
  
  Brev av 11. september 1998 frå Husbanken til firma Bjerk og Bjørge AS ”Forhåndsvurdering - Luranetunet i Os kommune”.
  

Vedlegg 2

DELTAKARAR VED TILSYNET OS KOMMUNE 20. 21. MARS 2002

Namn	Stilling	Opnings- møte	Intervju	Slutt- Møte
Astrid Egge Døsen	Avdelingssjukepleiar	X	X	X
Marianne Flister	Hjelpepleiar	X	X	X
Knut Brinchmann Hansen	Tilsynslege	X	X	X
Hilde Mari S. Hansen	Avdelingssjukepleiar	X	X	X
Lars A Skorpen Hansen	Rådmann	X	X	X
Karen M. Haukeland	Sekretær I	X
Fanny Henriksen	Avdelingssjukepleiar	X	X	X
Solveig Henriksen	Omsorgsarbeidar	X	X
Marianne Hjelle	Ass. avdelingssjukepleiar	X	X	X
Birgit N. Holsen	Forvaltar	X	X	X
Anne Karin N. Klakegg	Sjukepleiar	X
Anders Lunde	Tilsynslege	X
Laila Ottesen	Assistent	X	X	X
Liv Rønning	Fagutviklar	X	X
Øyvind Tøsdal	Kommunaldirektør	X
Anne Valle	Einingsleiar	X	X	X
Margunn Vernøy	Hjelpepleiar	X	X	X
Kjellaug Årdal	Hjelpepleiar	X	X	X

Frå Fylkeslegen i Hordaland:
Ass. fylkeslege Agnes Maria Stafsnes, revisor
Førstekonsulent Rune Tjøsvoll, revisor
Fylkessjukepleiar Karl-Henrik Nygaard, revisor
Rådgjevar Anne Grete Robøle, revisjonsleiar

VEDLEGG 3

Tal på pasientar i langtidavdeling, Os sjukeheim	= 18	Kor mange av dei har fått diagnosen alders demens? 7		Kor mange er det mistanke om/ evt. er under utgreiing for alders demens? 1
Kor mange av dei treng hjelp til:	Alt personleg stell	Å stå opp/ leggje seg	På/av-kledning	Å ete, eventuelt som må matast	Å gå på WC	Til tann/ munnstell	Å orientere seg i avd, eventuelt gå ut	Kor mange bruker rullestol
= 13	= 14	= 17	= 8	= 15	= 17	= 17	= 12
Personale på vakt	Avd. leiar	Sjukepleiar	Vernepleiar	Hjelpepleiar	Omsorgsarb.	Assistent	Andre	I alt på vakt
Dagvakt	1	1		2	2	1-2		7
Kveldsvakt		1		1	1	1-2		5
Nattevakt		1		1				1
Kommentarar, evt. andre opplysningar:	Nattevakt: Sjukepleiar eller hjelpepleiar Dagvakt lørdag-søndag = 5 frå kl. 18.00 Samansetningen av personalet varierer. Det er ikkje alltid sjukepleiar på kveldsvakt – og ikkje alltid på dagvakt i helger. Sjukefråver/vakanser medfører at det nokre ganger berre er ein faglært på vakt Alt personleg stell: Bebuarar som berre kan vaske hender/andlete sjølv er teke med. Dei som ikkje treng hjelp til alt har likevel behov for tilsyn og veiledning.