INNHALD

Samandrag
1 Innleiing
2 Om verksemda - særlege tilhøve
3 Dokumentunderlag
4 Gjennomføring
5 Reviderte område og funn
6 Deltakarar ved tilsynet

Vedlegg 1 – Dokumentasjon

Ansvars- og rapporteringsliner ved DPS Stord er klare. Etablering av Psykiatrisk klinikk i Helse Fonna frå 1. september 2003 har så langt ikkje hatt konsekvensar for verksemda internt. Det er tilsett kvalifisert personell i fagstillingane ved poliklinikken, men det er for tida ikkje tilsett psykolog med klinisk spesialitet. Senteret har lagt til rette for regelmessig intern­undervising og etter- og vidareutdanning for medarbeidarane.

Pasientar innlagt i somatisk avdeling etter sjølvmordsforsøk kan få psykiatrisk tilsyn same eller påfølgjande arbeidsdag. Det er ikkje vaktordning ved vaksenpsykiatrisk poliklinikk utanom ordinær arbeidstid. Pasientar som blir innlagde etter sjølvmordsforsøk i helger, blir forsøkt haldne tilbake til første vanlege arbeidsdag, men dette lukkast ikkje alltid. Ein stor del av dei som blir innlagde på grunn av alvorleg forgifting har rusproblem.

Det er innarbeidd praksis for å prioritere og følgje opp pasientar som treng øyeblikkeleg eller halv-øyeblikkeleg hjelp og andre alvorleg psykisk sjuke. Det gjeld til dømes pasientar med psykoseproblematikk. Ved akutte kriser kan døgnavdelinga ta i mot pasientar på kort varsel.

Pasientretta verksemd er prioritert. Driftsstatistikk og data som blir rapporterte til andre blir brukt til å følgje med på utvikling i eiga verksemd. Det er forum for å evaluere praksis og drøfte faglege spørsmål med tilsette, og behandlarane får konkrete tilbakemeldingar i høve til eige arbeid. Frå 1. september skal alle nye pasientar få tilbod om individuell plan. Døgnavdelinga nyttar individuell plan.

DPS Stord har godkjenning for tvunge psykisk helsevern utan døgnopphald, men tvangs­vedtak har berre unntaksvis vore aktuelt. Det har oftast vist seg at pasientar som er utskrivne til tvunge psykisk helsevern utan døgnopphald, har vore i stand til å samarbeide om behandlinga.

DPS Stord har godt samarbeid med relevante samarbeidspartnerar om den einskilde pasient. Døgnavdelinga driv omfattande for- og ettervern og samarbeider med kommunane om individuelle planar til dei pasientane dette er aktuelt for. Det er faste samarbeidsfora med dei største kommunane og etter behov med dei minste, men det er ikkje oppretta forum for møte med relevante institusjonar i helseføretaket.

Tilsynet har vist at senteret prioriterer å gje tilbod til alvorleg psykisk sjuke, men at det ikkje er rutinar som sikrar at det blir gitt naudsynt informasjon til pasient og tilvisande instans etter vurdering av søknader som er avslått. I all hovudsak har pasientar som er tekne inn til behandling, først vore inne til inntaksvurdering. Det blir ikkje gitt skriftleg melding om behandlings­start før pasienten får innkalling til time. Tilvisande instans får detaljert tilbake­melding, men ikkje alltid innan 30 dagar.

Ved tilsynet påpeikte Helsetilsynet i Hordaland to avvik og ein merknad:

Avvika er:

1. Pasientane får ikkje skriftleg tilbakemelding om resultat av vurdering, om rett til naudsynt helsehjelp, når behandlinga kan komme i gang eller opplysning om klagerett etter Lov om pasientrettigheter § 7-1 og § 7-2. Vurdering er ikkje alltid avslutta innan 30 dagar.

Avvik frå: Lov om spesialisthelsetjenesten § 3-11, jf Lov om pasientrettigheter §§ 2-1 og 2-2.

2. DPS Stord vurderer ikkje om pasienten har rett til naudsynt helsehjelp ved avslag på søknad. Det blir ikkje sendt svar til pasienten, og vedkomande blir ikkje gjort kjent med klagerett etter Lov om pasientrettigheter § 7-1 og § 7-2.

Avvik frå: Lov om spesialisthelsetjenesten § 3-11 og lov om pasientrettigheter § 2-2, jf  § 2-1.

Merknaden er:

1. Tilbakemelding til tilvisande instans etter inntaksvurdering er meir omfattande enn det som er naudsynt for å sikre forsvarleg helsehjelp.

Dato: 21. oktober 2003

1. Innleiing

Rapporten er utarbeidd etter systemrevisjon ved Distriktspsykiatrisk senter Stord (DPS Stord) poliklinikk og døgnavdeling, 23. og 24. september 2003, og inngår i det landsomfattande tilsynet i 2003 med helsetenester til vaksne med psykiske problem.

Føremålet med systemrevisjonen er å vurdere korleis verksemda nyttar internkontroll til å oppfylla krav frå styresmaktene. Revisjonen omfatta undersøking av om

• aktivitetar blir utførde slik dei er framstilte skriftleg og munnleg
• verksemda når måla sine og driv verksemda innanfor dei rammene styresmaktene har sett.

Ein systemrevisjon blir gjennomførd ved gransking av dokument, ved intervju og ved verifikasjonar. Verifikasjon inneber å undersøkje om rutinar, prosedyrar og instruksar blir følgde i praksis.

Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav frå styresmaktene.
• Merknad er tilhøve som ikkje kjem inn under definisjonen av avvik, men der tilsynet med utgangspunkt i krav frå styresmaktene avdekkjer potensial for betring.

2. Om verksemda - særlege tilhøve

Frå 1. september 2003 er alle verksemder i Helse Fonna organisert i ni klinikkar som kvar er leia av ein klinikkdirektør. DPS Stord høyrer til Psykiatrisk klinikk. Ved tidspunktet for tilsynet hadde dei tilsette ved senteret ikkje registrert praktiske konsekvensar av omorganiseringa i helseføretaket.

DPS Stord omfattar vaksenpsykiatrisk poliklinikk, dagavdeling med 10 plassar og døgn­avdeling med 20 plassar. Med utgangspunkt i oppdraget frå Statens helsetilsyn, var dagavdelinga ikkje omfatta av tilsynet.

Poliklinikken og dagavdelinga er samlokalisert i Leirvik, mens døgn­avdelinga ligg på Fitjar, drygt tre mil unna. Avdelingsoverlege er leiar for DPS Stord. Dag- og døgnavdelinga har eigne avdelingsleiarar. Kommunane Bømlo, Fitjar, Stord og Tysnes, med eit folketalet på ca 34 000, er opptaksområde for DPS Stord.

Døgnavdelinga har tre postar; langtid/rehabilitering, korttid, og ein psykogeriatrisk post der kommunane kjøper plassar. Ved døgnavdelinga er psykiater til stades to dagar i veka og somatisk tilsynslege tre timar i veka. Avdelinga har ikkje eiga vaktordning, men kan tilkalle/kontakte psykiater heile døgnet. Dersom ingen av psykiaterane ved DPS Stord er tilgjengelege blir lokal legevakt nytta.

Dagavdelinga blir primært nytta til alvorleg sjuke med psykoseproblematikk eller dobbeldiagnosar. Det blir også drive gruppeterapi i form av kurs der 6-10 pasientar møter ein gong i veka i 12 veker. Ved tidspunkt for tilsynet var det i gang kurs med ulike tema: angst, depresjon og dobbeldiagnosar (”Eit betre liv”). Kursdeltakarane er registrerte som pasientar ved poliklinikken, og 90 % fullfører kursa.

Det er tilsett fagfolk i alle fagstillingar (ni ved poliklinikken). Ingen av psykologane er spesialistar. Senteret har godkjenning for tvunge psykisk helsevern utan døgnopphald, men fattar ikkje slike vedtak. Det er Valen sjukehus som fattar vedtak og gjennomfører kontroll­undersøkingar når DPS Stord står for behandlinga.

I samsvar med avtale mellom poliklinikken og relevante somatiske avdelingar i sjukehuset, kan dei somatiske avdelingane be om psykiatrisk tilsyn til pasientar som har gjort sjølvmordsforsøk. På kvardagar vil tilsynet vanlegvis bli gjennom­ført neste dag. Poliklinikken har inga vaktordning i helgene. Psykiatrisk tilsyn vil då ikkje kunne gjennom­førast før første arbeidsdag.

Pasientar som blir avviste, blir i all hovudsak avviste på grunnlag av opplysningar i tilvisingane. Tilviste pasientar blir elles nesten utan unntak tekne inn til vurdering i form av ein eller fleire inntakssamtalar. Inntaksvurderingane blir fordelt på ulike behandlarar. Etter avslutta vurdering kan pasienten bli overført til ein annan behandlar dersom problemstillinga tilseier det. Det er ein hovud­ansvarleg behandlar, men det er praksis for å diskutere eller få konkret hjelp av andre etter behov og problemstilling.

3 Dokumentunderlag

Dokumentasjon frå DPS Stord i brev med vedlegg, mottatt hos Helsetilsynet i Hordaland 11. juli 2003. Oversikt over dokumentasjon går fram av vedlegg 1.

Dokumentasjon som blei lagt fram ved tilsynet. Oversikt over dokumentasjon går fram av vedlegg 1.

Korrespondanse mellom helseføretaket og Helsetilsynet i Hordaland går fram av kapittel 4.

4 Gjennomføring
Systemrevisjonen omfatta følgjande aktivitetar:

Melding om tilsyn blei sendt 30. mai 2003. Melding om endra dato blei sendt 24. juni 2003

Program blei sendt 20. august 2003.

Opningsmøte blei halde 23. september 2003

Intervju: 10 personar blei intervjua. Intervju med direktør for Psykiatrisk klinikk, Helse Fonna HF, blei gjennomført 15. september 2003.

Verifikasjonar
Følgjande verifikasjonar blei gjennomførde:

• Vurdering av tilvisingar – resultat av vurdering – svar til pasient og tilvisande instans
• Tilvising som resulterte i mottak av pasient: Journalar på dei 30 sist tilviste pasientane til poliklinikken, blei gjennomgått. Tilvisingane var i all hovudsak mottekne i juni, juli og august.
• Tilvising som resulterte i avslag: Alle avviste tilvisingar i 2003, 22 saker, blei gjennomgått.
• Psykiatrisk tilsyn og oppfølging av pasientar innlagt etter sjølvmordsforsøk
• 17 pasientjournalar frå Felles intensivavdeling og 17 pasientjournalar frå vaksenpsykiatrisk poliklinikk blei gjennomgått. Seks pasientjournalar frå Felles intensivavdeling og seks frå poliklinikken gjaldt forskjellige pasientar. 11 pasientjournalar inneheldt samsvarande opplysningar.
• Individuell plan – poliklinikk og døgnavdeling
• 13 pasientjournalar ved døgnavdelinga og seks pasientjournalar frå journalar frå poliklinikken blei gjennomgått.

Sluttmøte blei halde 24. september 2003.

5 Reviderte område og funn

Område 1: Styring og leiing

Det blei ikkje gitt avvik eller merknader under dette området.

Område 2: Pasientrettar

Avvik 1 Pasientane får ikkje skriftleg tilbakemelding om resultat av vurdering, om rett til naudsynt helsehjelp, når behandlinga kan komme i gang eller opplysning om klagerett etter Lov om pasientrettigheter § 7-1 og § 7-2. Vurdering er ikkje alltid avslutta innan 30 dagar

Avvik frå følgjande krav:

• Lov om spesialisthelsetjenesten § 3-11, jf Lov om pasientrettigheter §§ 2-1 og 2-2

Avviket er basert på følgjande observasjonar:

• Det blei opplyst at tilbakemelding etter inntaksvurdering blir sendt til tilvisande instans, men ikkje til pasienten.
• Ved verifikasjon av 58 journalar blei det ikkje funne tilbakemelding til pasient.
• I 10 av dei 30 sist tilviste sakene var inntaksvurdering ikkje starta innan 30 dagar.

Avvik 2 DPS Stord vurderer ikkje om pasienten har rett til naudsynt helsehjelp ved avslag på søknad. Det blir ikkje sendt svar til pasienten, og vedkomande blir ikkje gjort kjent med klagerett etter Lov om pasientrettigheter § 7-1 og § 7-2

Avvik frå følgjande krav:

• Lov om spesialisthelsetjenesten § 3-11 og lov om pasientrettigheter § 2-2, jf § 2-1

Avviket er basert på følgjande observasjonar:

• I 22 verifiserte pasientjournalar var avslag grunngitt med
  • manglande kapasitet
  • mangelfulle opplysningar i tilvisinga eller med
  • at pasienten ikkje var frå DPS Stord sitt opptaksområde.
• Det blei ikkje funne tilbakemelding til pasienten i nokon av pasientjournalane.

Merknad 1 Tilbakemelding til tilvisande instans etter inntaksvurdering er meir omfattande enn det som er naudsynt for å sikre forsvarleg helsehjelp

Merknaden er basert på følgjande observasjonar:

• Ved verifikasjon av journalar gjekk det fram at tilvisande lege vanlegvis får heile inntaksvurderinga (kopi av journal) som tilbakemelding på søknaden. Inntaks­vurderinga er omfattande med mellom anna gjennomgang av problemstilling, aktuell anamnese, psykiatrisk status presens og bakgrunns­opplysningar. Det blir også sett ein tentativ diagnose og planlagt behandling, til dømes eit tal samtalar eller psykoterapi.
• Det kunne ikkje dokumenterast at pasientane var klar over omfanget av opplysningane som ble sendt til tilvisande lege, og tilbakemeldingane inneheldt ofte opplysningar av svært privat karakter som ikkje var naudsynte for at tilvisar skulle kunne gje pasienten forsvarleg helsehjelp.

Område 3: Samhandling og samanheng i tenestetilbod

Det blei ikkje gitt avvik eller merknader under dette området.

6 Deltakarar ved tilsynet

I tabellen under er det gjeve ei oversikt over deltakarane på opningsmøte og sluttmøte og over personar som vart intervjua.

Frå Helsetilsynet deltok:

• Grude, Paul, seniorrådgjevar, Helsetilsynet i Rogaland
• Robøle, Anne Grete, rådgjevar, Helsetilsynet i Hordaland (revisjonsleiar)
• Stafsnes, Agnes Maria, ass.fylkeslege, Helsetilsynet i Hordaland
• Tang, Bjørg Eikum, rådgjevar, Helsetilsynet i Sogn og Fjordane
• Ånestad, Torild Trane, rådgjevar, Helsetilsynet i Rogaland
  
  

Dokumentasjon frå DPS Stord motteken i brev med vedlegg 11.07.2003:

• 1. Styrande dokumentasjon Stord sjukehus:
  • - Mål, retningsline, datert 13.12.2001
  • - Vårt verdigrunnlag, retningsline, datert 13.12.2001
  • - Vår visjon, retningsline, datert 13.12.2001
• 2. Stord sjukehus, distriktspsykiatrisk senter
  • - Målsetjing psykiatrisk senter, informasjon, ikkje datert, signert
• 3. Styringsdokument 2003 Helse Fonna HF
• 4. Styringsdokument 2003 Helse Vest RHF
• 5. Årsmelding 2002 DPS Stord
• 6. Organisasjonskart for psykiatrisk klinikk fra 1997/98
• 7. Organisasjonskart Fylkessjukehuset (FSS) fra mai, 1998
• 8. Organisasjonsstruktur fase 1 – Stord sjukehus
• 9. Helse Fonna HF – overordnet organisasjonsmodell, datert 15.01.2003
• 10. Fylkessjukehuset på Stord
  • - Stillingsinstruks for adm.leiar ved klinisk avd. fra 06.10.1992
  • - Stillingsinstruks for avdelingsoverlege fra 06.10.1992
  • - Instruks utarbeidd av adm.sjefane Odda, Voss, Stord, udatert
  • - Stillingsinstruks for oversjukepleiar, udatert
  • - Organisasjonskart Fylkessjukehuset (FSS) datert mai, 1998
  • - Organisasjonskart Kir/Gyn/Føde klinikk, udatert
  • - Organisasjonskart Med.Klinikk, udatert
  • - Organisasjonskart Psykiatrisk Klinikk, udatert
  • - Organisasjonskart Røntgenavdeling, udatert
  • - Organisasjonskart, Serviceavdeling, udatert
  • - Organisasjonskart for Fysikalsk Med. og Rehab., udatert
• 11. Fylkessjukehuset på Stord, brev til Hordaland fylkeskommune ang. instruksar for administrativ leiar ved klinisk avdeling, datert 15.10.1992
• 12. Stord sjukehus, distriktpsykiatrisk senter
  • - Arbeidsbeskrivelse for kontorleiar, psykiatrisk klinikk, retningsline datert 01.01.2002
  • - Arbeidsbeskrivelse for sekretær, retningsline datert 24.06.2003
  • - Arbeidsbeskrivelse for oversjukepleiar, retningsline datert 01.01.2002
  • - Assisterende avdelingssjukepleiar, retningsline datert 01.01.2002
  • - Off. godkjend sjukepleiar/vernepleiar/miljøterapeut, retningsline datert 01.01.2002
  • - Hjelpepleiar/miljøarbeidar, retningsline datert 01.01.2002
  • - Aktivitetsleiar, retningsline datert 01.01.2002
  • - Arbeidsbeskrivelse sekretær, retningsline datert 01.01.2002
• 13. Rapport om spesialistutdanning ved DPS – Stord for året 2002
• 14. Vekeplan – møter ved psykiatrisk poliklinikk, udatert
• 15. Stord sjukehus – Årsmelding 2002
• 16. Undervisningsprogram for leger våren 2002
• 17. Undervisningsprogram for leger høsten 2002
• 18. Oversikt møter klinikk våren 2002
• 19. Oversikt møter klinikk høsten 2002
• 20. Stord sjukehus, rapport om spesialistutdanning i psykiatri (m/vedlegg), datert 27.05.03
• 21. Stord sjukehus, kontrakt vedr. gjennomføring av SEPREP datert 29.11.2002
• 22. Stord sjukehus, Distriktpsykiatrisk senter
  • - Akutt hjelp, retningsline datert 01.01.2002
  • - Oppfølging og føring av medisinkort og lab.prøver – medikamentell behandling, retningsline udatert
  • - Øyeblikkelig hjelp ved psyk.pol (vaktliste), retningsline datert 01.01.2002
• 23. Stord sjukehus, skjema for henvisning sjølvmordsforsøk
• 24. Referat fra møte Stord sjukehus 14.06.2002
  • - Tema: Rutiner for oppfølgjing av sjølvmordsforsøkere og etterlatte, samarbeid mellom sjukehus og kommunar i Stord lokalsjukehusområde
• 25. Stord sjukehus, notat datert 15.10.2001
  • - Vedr.: Legeerklæring i forbindelse med psykiatrisk undersøkelse som fører til eventuell tvangsinnleggelse ved Valen sjukehus
• 26. Stord sjukehus, Distriktspsykiatrisk senter, psykiatrisk poliklinikk
  • - Innlegging av pasienter i sjukehus, retningsline datert 01.01.2002
  • - Behandling av søknader til psykiatrisk poliklinikk/dagavd./døgnavd., retningsline datert 01.01.2002
  • - Journalopptak ved psykiatrisk poliklinikk, retningsline datert 01.01.2002
  • - Psykofarmaka, retningsline datert 01.01.2002
  • - Ventelistebehandling internt ved DPS, retningsline datert 01.01.2002
  • - Inntaksprosedyre ved Dagavdelingen til gruppe behandling, retningsline datert 01.07.2003
• 27. Stord sjukehus, Distriktspsykiatrisk senter, Fitjar døgnavdeling
  • - Hvem har tilgang på pasientjournalen, regningsline udatert
  • - Journalhandtering, retningsline datert 01.01.2002
  • - Prosedyre for utdeling av medisiner, retningsline datert 01.01.2002
  • - Rapportering – Hvordan skal vi håndtere pasientopplysninger?, retningsline udatert
  • - Somatisk tilsyn, retningsline datert 01.01.2002
  • - Prosedyre pasient overføres til annen institusjon, retningsline udatert
  • - Innleggelse i og utskrivelse frå DPS-Stord, døgnavd., retningsline udatert
  • - Administrative prosedyrer, retnignsline datert 01.01.2002
• 28. Stord sjukehus, Distriktspsykiatrisk senter
  • - Behandling av søknader til psykiatrisk poliklinikk/dagavd./døgnavd., retningsline datert 01.01.2002
  • - Administrative prosedyrer, retningsline datert 01.01.2002
  • - Rutiner vedr. innleggelse i og utskrivning frå psykiatrisk døgnavdeling Fitjar, Stord sjukehus, datert 25.03.03
  • - Inntaksprosedyre ved Psykiatrisk klinikk, avd. Fitjar, retningsline udatert
  • - Prosedyre på innleggelse av pasienter til Psykiatrisk klinikk avd. Fitjar, udatert
  • - Prosedyre på individuelle planer, udatert
  • - Prosedyrar angående pasientar søkt inn til døgnavdelinga, udatert
  • - Prosedyre pasientar som reinnlegges med tegn på akutte psykose, udatert
  • - Prosedyre angående pasienter som har tilbud på psykiatrisk dagavdeling, og som vert søkt døgnavdeling, udatert
  • - Forvern med pasienten, dagavdeling og døgnavdeling, udatert
  • - Prosedyre pasient overføres til annen institusjon, retningsline datert 01.01.2002
  • - Rapportering – Hvordan skal vi håndtere pasientopplysninger?, retningsline datert 01.01.2002
  • - Prosedyre, rapportering til renholds personal, udatert
  • - Hvem har tilgang til pasientjournalen?, retningsline udatert
  • - Journalhandtering, retningsline datert 01.01.2002
  • - Cardex registrering, udatert
  • - Pas til døgn avd., udatert
  • - Individuelle planer, udatert
  • - Når ny pasient kommer til Psykiatrisk døgnavdeling, Fitjar, udatert
  • - Ved forvern av ny pasient som behøver innleggelse Psykiatrisk døgnavdeling, Fitjar, udatert
  • - Prosedyre for å unngå at det blir tomt for medisin før ny bestilling blir sendt, udatert
  • - Prosedyre vad gjelder medisiner, udatert
  • - Medisin deling fra skap til dosett, udatert
  • - Prosedyre ved utlevering av eventuelt medisin som klasses som narkotiske preparat og skal signeres, udatert
  • - Prosedyre for å unngå at det blir tomt for medisin før ny bestilling blir sendt, udatert
  • - Somatisk tilsyn, retningsline datert 01.01.2002
  • - Prosedyre når pas er innlagt ved psykiatrisk avd./eller sjukemeldt av en lege ved psykiatrisk avd.
• 29. Hjelpemidler for synshemmede, datert 24.02.2003
• 30. Alders- og sykehjem
• 31. DPS Stord, Døgnavdeling – prosedyrer
  • - Ansvars sjukepleier ved psyk. Klinikk Døgnavdeling Fitjar
  • - Miljøterapeut/psykiatrisk hjelpepleier ved psyk. Klinikk avd. Fitjar, udatert
  • - Arbeidsoppgåver natt, udatert
  • - Rutiner for nattevakter, udatert
  • - Aktivitetslister, udaterte
  • - Manglende bakvakt, udatert
  • - Forelesninger og diskusjoner fra høst 2001
  • - Psyk. Helse høst 02. 03. 04-vår deltaker Anne Grete Røksund, udatert
  • - Vidare utdanning Psyk. Helse 2 årig deltids utdanning
  • - Seprep utdanning 2 årig, udatert
  • - Brev datert 30.11.2002 til klinikk leiar Leif S. Hauge ang. fortsatt veiledning fra våren 03 for personalet ved avd. Fitjar
  • - Notat av 03.10.2002 ang. veiledning våren, høsten 03
  • - Veileder utdanning, udatert
  • - Oversikt over datoer for veiledning høsten 2002
• 32. Stord DPS, avd. Fitjar
  • - Informasjon til ny ansatt, datert 22.07.2001
  • - Informasjon om Helse Fonna HF, Psykiatrisk klinikk, DPS Stord døgnavdeling, datert 24. april 2003
  • - Prosedyre på mat og drikke på reiser med pasienter, udatert
  • - Hvordan håndteres trussel/vold/konflikt, udatert
  • - Verneombud, retningsline udatert
  • - Informasjon om dekning av kursutgifter, udatert
• 33. Stord sjukehus, psykiatrisk poliklinikk
  • - Gjennomgående kontorrutinar psykiatrisk poliklinikk, retningsline datert 01.01.2002
• 34. Stord sjukehus, psykiatrisk poliklinikk
  • - Mal for brev ang. tilbakemelding til pasient, datert 23.06.2003
  • - Mal for brev ang. innkalling til vurderingssamtale ved Psykiatrisk poliklinikk, datert 23.06.2003
  • - Mal for brev ang. tilbakemelding til lege, datert 24.06.2003
  • - Mal for brev ang. endring av time, datert 24.06.2003
  • - Mal for brev ang. innhenting av epikrise-journal, datert 24.06.2003
• 35. Kvalitetsindikatorer Psykiatri fra 01.01.2003 – 31.05.2003
• 36. Øyenblikkstall, venteliste, datert 25.06.2003
• 37. Pasientstatistikk, Voksen Psykistrisk Poliklinikk 2. halvår 2002 og 1. halvår 2003
• 38. Pasientstatistikk, Døgnavdeling 2. halvår 2002 og 1. halvår 2003
• 39. Capsy – Utvalg diagnose, Fitjar Døgnavdeling 2. halvår 2002, datert 23.06.2003
• 40. Capsy – Utvalg diagnose, Fitjar Døgnavdeling 1. halvår 2003, datert 23.06.2003
• 41. Stord sjukehus, Psykiatrisk klinikk
  • - Beleggsrapport fra 01.01.2003 – 31.05.2003, datert 23.06.2003
  • - Beleggsrapport fra 01.07.2002 – 31.12.2002, datert 23.06.2003
• 42. Oversikt over ansatte ved DPS Stord Døgnavdeling og poliklinikk
• 43. Skjema for informert samtykke
• 44. Skjema for individuell plan
• 45. Brev datert 22.08.2001til alle leger i kommunene i Kvinnherad, Odda, Etne, Ølen, Sveio, Tysnes, Fitjar, Bømlo, Stord fra Psykiatrisk poliklinikk ang. halvdagsseminar 27.09.2001
• 46. Program for Stord Seminaret 2002
• 47. Program for Stord Seminaret 2001
• 48. Program for Stord Seminaret 2000
• 49. Program for Stord Seminaret 1999
• 50. Program for Stord Seminaret 1998
• 51. Program for Stord Seminaret 1997
• 52. Program for Stord Seminaret 1996
• 53. Program for Stord Seminaret 1995
• 54. Innbydelse til fagleg seminar om angst og panikklidelser til primærleger i Sunnhordland og legar ved Fylkessjukehuset, datert 11.02.1994
• 55. Program Smertebehandling – Omsorg ved livets slutt 21. og 22.10.1993
• 56. Invitasjon til kontorfaglig seminar 2. og 3.04.1992 ang. kontorpersonalets plass i det psykiatriske team/avdeling
• 57. Invitasjon til jubileums og fagseminar 18. og 19.04.1991
• 58. Brev fra Den norske Lægeforening til Stord sjukehus, Psykiatrisk klinikk ang. tilbakemelding på Rapport om spesialistutdanning i psykiatri for 2002, datert 19.06.2003
• 59. Brev fra Den norske Lægeforening til Stord sjukehus, Psykiatrisk klinikk ang. tilbakemelding på rapport om utdanningsvirksomheten i psykiatri for 2002, datert 12.06.2003

Dokumentasjon motteken i møte med klinikkdirektøren 15.09.2003

• 60. Høringsutkast – Organisasjonsstruktur nivå 2-3, frå klinikkdirektøren, datert 15. 09.2003

Dokumentasjon framlagt/motteken ved tilsynet 23. og 24.09.2003

• 61. Stord sjukehus, Distriktpsykiatrisk senter
  • - Akutt hjelp, retningsline, udatert
  • - Epikrise, retningsline, udatert
  • - Øyeblikkelig hjelp ved psyk.pol (vaktliste), udatert
  • - Konsultativ psykiatrisk teneste- liasson, udatert.
  • - Avviksbehandling/melderutinar, datert 15.02.2000
• 62. Standardbrev
  • - Begjæring om observasjon og/eller tvungen psykisk helsevern (for tutor)
  • - Legeerklæring (tilråding om tvunge psykisk helsevern)
• 63. Perm frå Felles intensivavdeling: ”Psykiatri – Intoks”
  • - Referat frå møte 30.10.2003; Handtering av saker med urolege aggressive evt. psykiatrisk behandlingstrengande pasientar som har kombinert somatisk sjukdom/skade
  • - Retningsliner for behandling av pasientar som bevisst har skada seg sjølv eller gjort sjølvmordsforsøk – Born/ungdom – Vaksne, udatert
  • - Standardbrev til pasientar som ikkje har hatt kontakt med psykiatrisk poliklinikk før utskriving.
  • - Standardbrev/tilvising til Psykiatrisk poliklinikk
• 64. Mal for individuell plan, døgnavdelinga
• 65. ”Prioriteringskriterier for voksenpsykiatriske poliklinikker” – Invitasjon til høyringskonferanse 4.06.2003, brev av 9.05.2003 frå Norsk psykologforening og Norsk psykiatrisk forening
• 66. ”Avviste henvisninger i tidsrommet 01.01.-31.07.2003 ved psykiatrisk poliklinikk DPS Stord” – oversyn
• 67. ”Venteliste pr ansvarlig behandler” (CAPSY) – utskrift pr 19.09.2003