INNHOLD

Samandrag
1 Innleiing
2 Om verksemda - særlege tilhøve
3 Dokumentunderlag
4 Gjennomføring
5 Reviderte område og funn
6 Deltakarar ved tilsynet

Denne rapporten omtalar påpeika avvik og merknader innan dei reviderte områda. Systemrevisjonen omfatta følgjande område:

Tuberkulosekontroll

• av asylsøkjarar under opphald i ordinære asylmottak
• av busette flyktningar og familiegjenforente frå land med høg førekomst av tuberkulose

Nødvendig helsehjelp og helseundersøking ved behov

• til asylsøkjarar under opphald i ordinære mottak
• til busette flyktningar og familiegjenforente frå land med høg førekomst av tuberkulose

Tilsynet med miljøretta helsevern i asylmottak

Hovudkonklusjon

Giske kommune har planlagt og organisert helsetenesta på ein slik måte at asylsøkjarar og flyktningar under opphald i asylmottak får oppfølging innan dei reviderte områda. Vidare har kommunen eit system for å fange opp og gje familiegjenforente oppfølging innan dei reviderte områda. Kommune følgjer opp sitt tilsynsansvar med miljøretta helsevern i asylmottaket.

Det blei gitt eit avvik til kommunen etter tilsynet:

Avvik 1: Giske kommune har ikkje etablert tuberkulosekontrollprogram som ein del av sin smittevernplan.

Dato: 30.06.2004

Rapporten er utarbeidd etter systemrevisjon i Giske kommune i perioden 25.02. - 27.04.2004. Revisjonen inngår som ein del av eit landsomfattande tilsyn med kommunehelsetenesta i 2004. Vidare går tilsynet inn som ein del av den planlagde tilsynsverksemda til Helsetilsynet i Møre og Romsdal i år.

Føremålet med systemrevisjonen er å vurdere korleis verksemda nyttar internkontroll til å oppfylle krav frå styresmaktene. Revisjonen omfattar undersøking av om

• aktivitetar vert utførde slik dei er framstilt skriftleg og munnleg
• verksemda når måla sine og driv verksemda innanfor dei rammene styresmaktene har sett

Ein systemrevisjon blir gjennomførd ved gransking av dokument, ved intervju og ved verifikasjonar. Verifikasjon handlar om å sjekke rutinar og prosedyrar, og om instruksar vert følgde i praksis, og om dei fysiske tilhøva tilfredsstiller krava frå styresmaktene. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav frå styresmaktene
• Merknad er tilhøve som ikkje kjem inn under definisjonen av avvik, men der tilsynet med utgangspunkt i krav frå styresmaktene avdekkjer potensial for betring

Giske kommune er ein øykommune med i underkant av 6 600 innbyggjarar. Kommune-helsetenesta har på bakgrunn av kommunen si storleik ein god oversikt over asylsøkjarar, flyktningar og familiegjenforente. I helsetenesta sitt arbeid med asylsøkjarar, flyktningar og familiegjenforente er helsestasjonen og legetenesta sentral. Helsestasjonen har eigen kontaktperson i 20 % stilling for nyankomne flyktningar.

Vigra statlig mottak ligg i Giske kommune og har kapasitet på ca. 140 plassar til asylsøkjarar og flyktningar.

Dokumentasjon frå verksemda sjølv:

• IK-system beståande av følgjande delar: 0) innleiing 1) krav 2) mål 3) medverknad 4) organisasjon 5) kompetanse 6) kartlegging, planlegging, oppfølgjing 7) samhandling, prosedyrar 8) vedlikehald, utvikling
• Organisasjonskart
• Oversikt over dei tilsette på helsestasjonen
• Prosedyre for tuberkulose
• Prosedyrar for asylsøkjarar/ flyktningar
• Prosedyrar for helsestasjon og skulehelseteneste
• Rutinehandbok for mottak av flyktningar i Giske kommune
• Smittevernplan og prosedyre for tuberkulosekontroll
• Psykiatriplan
• Oversikt over tilsette med oppgåver innan flyktninghelsetenesta
• Verksemdplan 2003 og årsmelding 2002 for helsestasjon
• Delegasjonsvedtak
• Tilsynsplan for miljøretta helsevern
• Tilsynsrapportar frå tilsyn med miljøretta helsevern
• Oversikt over personell i kommunen som utførar tilsyn med miljøretta helsevern

Korrespondanse mellom verksemda og Helsetilsynet i Møre og Romsdal:

• Varsel om tilsyn frå Helsetilsynet i Møre og Romsdal, datert 25.02.2004
• Brev datert 23.03.2004 frå Giske kommune med tilbakemelding vedlagt etterspurt dokumentasjon.
• Brev av 29.03.2004 frå Helsetilsynet i Møre og Romsdal til Giske kommune med endeleg program for tilsynet.

Systemrevisjonen omfatta følgjande aktivitetar:

Melding om tilsyn vart send ut 25.02.2004

Opningsmøte vart halde 27.04.2004

Intervjuer
5 personar vart intervjua

Verifikasjonar
Følgjande verifikasjonar vart gjennomførde:

• gjennomgang av journalar til dei 20 siste asylsøkjarar som vart busett på asylmottaket før 01.04.2004
• gjennomgang av journalar til dei 10 siste personar som er flytta frå mottaket til anna kommune
• gjennomgang av journalar til dei 10 siste overføringsflyktningane som er busette i kommunen for meir enn 14 dagar sidan
• gjennomgang av journalar til dei 18 siste personane som er familiegjenforent og som kom frå høgendemiske land for meir enn tre månader sidan

Sluttmøte vart halde 27.04.2004

Område 1:

Tuberkulosekontroll

Avvik 1

Giske kommune har ikkje etablert tuberkulosekontrollprogram som ein del av sin smittevernplan.

Avvik frå følgjande krav frå styremaktene:

• Smittevernloven § 7-1 
• Forskrift om tuberkulose § 2-1.

Avviket er basert på følgjande observasjonar:

• Kommunen manglar tuberkulosekontrollprogram i gjeldande smittevernplan. Smittevernplan skal reviderast i 2004. Kommunen har IK-prosedyre for helsetenesta som sikrar at tuberkulosekontroll av asylsøkjarar og flyktningar blir følgde opp.
• I tilsynet blei det i tillegg, utan at det vart funne grunnlag for å påpeike avvik, vurdert om kommunen:
• har eit system som sikrar at asylsøkjarar og flyktningar frå land med høg førekomst av tuberkulose får eller har fått tuberkulose undersøking innan 14 dagar etter at dei kom til landet
• sikrar at familiegjenforente frå land med høg førekomst av tuberkulose får gjennomført tuberkulose undersøking snarast mogleg etter busetting i kommunen
• har eit system som sikrar at funn ved tuberkulose undersøking til personar frå land med høg førekomst av tuberkulose vert vurdert, og følgt opp der det er mistanke om tuberkulose.

Dei observasjonar som vert lagt til grunn for at det ikkje blei påpeika avvik eller gitt merknad er:

• I styrande dokument er det gitt prosedyrar og sjekklister for oppfølging av området. Prosedyrane, sjekklistene og praksis er kjent for aktuelt helsepersonell og dei nyttar desse i sitt arbeid.

Område 2:

Nødvendig helsehjelp og helseundersøking ved behov før tildeling av fastlege

Det vart ikkje funne avvik eller gjort merknader innan dette området.

I tilsynet blei det under område 2 vurdert om kommunen:

• gjev flyktningar, asylsøkjarar og familiegjenforente informasjon om helsetenesta snarast mogleg etter at dei kjem til kommunen.
• gjev denne gruppa tilbod om nødvendige førebyggande tiltak, individuell undersøking og behandling i forhold til smittsam sjukdom.
• Gjev tilbod om nødvendig helsehjelp ved behov i perioden før det er tildelt fastlege til:
  - gravide asylsøkjarar, flyktningar og familiegjenforente slik at desse får tilbod om svangerskapsomsorg
  - asylsøkjarar, flyktningar og familiegjenforente med psykisk sjukdom slik at disse får nødvendig helseteneste
• tilbyr individuelle samtaler med asylsøkjarar og flyktningar kort etter dei kjem for å gi informasjon om helsetenesta og foreta ein første vurdering av generell helsetilstand og behov for helsetenester til flyktningar, asylsøkjarar og familiegjenforente til flyktningar snarast mogleg etter dei kjem

Dei observasjonar som vert lagt til grunn for at det ikkje blei påpeika avvik eller gitt merknad er:

• I styrande dokument er det gitt prosedyrar og sjekklister for oppfølging av området. Prosedyrane, sjekklistene og praksis er kjent for aktuelt helsepersonell og dei nyttar desse i sitt arbeid.

Område 3:

Tilsynet med miljøretta helsevern i asylmottak

Det vart ikkje funne avvik eller gjort merknader innan dette området.

Giske kommune følgjer opp sitt tilsynsansvar med miljøretta helsevern i asylmottaket. Det er klart kven som har ansvaret og oppgåva med å føre tilsyn med miljøretta helsevern i asylmottaket. Kommunen har gjennom styrande dokument sikra at hendingar som gjeld miljøretta helsevern ved asylmottak vert formidla til dei som har tilsynsansvaret.

Oversikt over personar frå verksemda som var direkte involverte i revisjonen.

I tabellen under er det gjeve ei oversikt over deltakarane på opningsmøte og sluttmøte og over personar som vart intervjua.

Frå Helsetilsynet i Møre og Romsdal deltok:
Einar Andersen, revisjonsleiar
Bergljot Vinjar, revisor
Vigdis Rotlid Vestad, revisor