Denne rapporten omtalar påpeika avvik og merknader innan dei reviderte områda. Systemrevisjonen omfatta følgjande område:

• Opplysning, råd og rettleiing. Lovheimel er lov om sosiale tjenester mv. § 4-1, jf. § 2-1.
• Sosiale tenester direkte retta mot rusmiddelmisbrukarar - praktisk bistand og opplæring, støttekontakt og plass i institusjon. Lovheimel er lov om sosiale tenester mv. §§ 4-2 a, c og d, 4-3, jf. §§ 2-1 og 8-1.
• Mellombels husvære. Lovheimel er lov om sosiale tjenester mv. § 4-5, jf. §§ 2-1 og 4-2.
• Oppfølging i behandlingsopplegg. Lovheimel er lov om sosiale tjenester mv. § 6-1 fjerde ledd, jf. første ledd, §§ 2-1 og 4-1.
• Naudsynte tiltak ved avslutninga av opphald i institusjon. Lovheimel er lov om sosiale tjenester mv. § 6-1 fjerde ledd, jf. første ledd, §§ 2-1 og 4-1.

Dato: 22.06.04

Rapporten er utarbeidd etter systemrevisjon ved Sveio kommune i perioden 03.06.04-07.06.04. Revisjonen inngår som ein del av den planlagde tilsynsverksemda til Fylkesmannen i år.

Føremålet med systemrevisjonen er å vurdera korleis verksemda nyttar internkontroll til å oppfylla krav frå styresmaktene. Revisjonen omfattar undersøking av om:

• aktivitetar blir utførde slik dei er framstilte skriftleg og munnleg
• verksemda når måla sine og driv verksemda innanfor dei rammene styresmaktene har sett.

Ein systemrevisjon blir gjennomførd ved gransking av dokument, ved intervju og ved verifikasjonar. Verifikasjon inneber å sjekke om rutinar, prosedyrar og instruksar blir følgde i praksis, og om dei fysiske tilhøva tilfredsstiller krava frå styresmaktene. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav frå styresmaktene.
• Merknad er tilhøve som ikkje kjem inn under definisjonen av avvik, men der tilsynet med utgangspunkt i krav frå styresmaktene avdekkjer potensial for betring.

Dokumentasjon frå verksemda sjølv:

• Reglement for intern delegering i Sveio kommune gjeldande frå 01.01.03
• Reglement for intern delegering i Sveio kommune gjeldande frå 07.06.04
• Hefte ”organisering og ansvarsdeling” pr. 01.06.03
• HMS internkontrollhandbok for Sveio kommune
• Edruskapspolitisk handlingsplan for Sveio kommune 2002 - 2004-06-21
• Mal for utarbeiding av individuell plan
• Prinsipp for intern rapportering og felles resultatmål for rapportering 2004
• Interne rutinar for hjelp til rusmisbrukarar datert 01.02.04
• 3 saker om plass på rusinstitusjon
• 3 sakar om støttekontakt
• 1 sak om stønad til dekning av mellombels husvære

Korrespondanse mellom verksemda og Fylkesmannen:

• Varsel om tilsyn datert 14.04.04
• Oversending av dokumenter frå Sveio kommune datert 18.05.04
• Oversending av dokument datert 25.05.04

Systemrevisjonen omfatta følgjande aktivitetar:

• Melding om tilsyn vart send ut 14.04.04
• Intervjuar

6 personar vart intervjua.

Verifikasjonar
Følgjande verifikasjonar vart gjennomførde:

• Gjennomgang av saksmapper til 3 rusmisbrukarar under behandling

Område 1: Det vart ikkje funne avvik eller gjort merknader på dette området.

Område 2:

Sveio kommune sikrar ikkje den einskilde rusmiddelmisbrukar heilskaplege tenester etter lov om sosiale tenester § 4-2.

Avvik frå følgjande krav frå styremaktene:

• Lov om sosiale tenester (sosialtenestelova) § 4-2, og § 2-1, jfr. forskrift om internkontroll i sosial og helsetenesten § 4 bokstav g, jfr. § 2-1, 1. og 2. ledd

Kommentar:

Sosialtenestelova 4-2 reknar opp kva sosiale tenester skal omfatte. Kommunen kan i utgangspunktet velje hjelpeforma i det einskilde tilfellet, men kommunen har eit ansvar for at hjelpebehovet til den som har rett på tenester er dekkja. Dette medfører at kommunen må gjennomføra ei samla vurdering av den einskilde sine behov for sosiale tenester.

Sosialtenestelova § 6-1 fastset at sosialtenesta skal hjelpe den einskilde til å komme bort frå misbruk av rusmidlar ved råd, rettleiing, jfr. § 4-1 og hjelpetiltak, jfr. § 4-2. Etter sosialtenestelova § 2, 2. ledd skal kommunen ha internkontroll for å sikre at verksemda og tenester etter kapitla 4, 4A, 6 og 7 er i samsvar med krav fastsett i eller i medhald av lov eller forskrift. Forskrifta § 4 bokstav g fastset at den eller dei ansvarlege for verksemda skal utvikle, setja i verk, kontrollere, evaluere og betra naudsynte prosedyrar, instruksar, rutinar, eller andre tiltak for å avdekkje og rette opp brot på sosialtenestelova.

Avviket er basert på følgjande observasjonar:

• Det vart opplyst i intervju at 4 einingar har vedtaksmynde etter sosialtenestelova § 4-2 og at det ikkje ligg føre formalisert samarbeid mellom einingane vedrørande vurdering av tenestetilbodet til rusmiddelmisbrukarane etter § 4-2.
• Det kom fram i intervju ulik oppfatning om der ligg føre rutinar for samarbeid mellom avdelingane
• Det kom fram i intervju at kommunen ikkje har utpeikt ansvarleg person, for i det daglege, å samordne, koordinere og sikre eit samla tenestetilbod etter sosialtenestelova § 4-2
• Det kom fram i intervju at praktisk bistand og opplæring til den einskilde rusmiddelmisbrukar ikkje vert vurdert og tildelt

Avvik 2

Sveio kommune har ikkje ein klar fordeling av mynde vedrørande tildeling av tenester etter sosialtenestelova § 4-2, jfr. § 6-1

Avvik frå følgjande krav frå styremaktene:

• Sosialtenestelova § 2-1, jfr. forskrift om internkontroll i sosial og helsetenesta § 4 bokstav a, jfr. § 2-1, 1. og 2. ledd samt ulovfesta forvaltningsrettslege prinsipp

Kommentar:

Etter kommunelova § 6 er kommunestyret øvste kommunale organ med mynde til å fatta vedtak på vegne av kommunen dersom ikkje anna følgjer av delegasjonsvedtak. Slikt mynde kan delegerast til administrasjonssjef, som igjen kan vidaredelegera sitt mynde, jfr kommunelova § 23, 4. ledd. Etter sosialtenestelova § 2, 2. ledd skal kommunen ha internkontroll for å sikre at verksemda og tenester etter kapitla 4, 4A, 6 og 7 er i samsvar med krav fastsett i eller i medhald av lov eller forskrift. Forskrifta § 4 bokstav a fastsett at den eller dei ansvarlege for verksemda skal framstilla korleis verksemda er organisert. Det skal klart gå fram korleis ansvar, oppgåver og mynde er fordelt.

Avviket er basert på følgjande observasjonar:

• Det kom fram i intervju at vedtak om støttekontakt etter sosialtenestelova § 4-2 bokstav c vert fatta av leiar for rehabiliteringseininga. I framlagde delegasjonsreglement er vedtaksfullmakt vedrørande støttekontakt etter § 4-2 bokstav c delegert til 4 andre einingar men ikkje delegert til leiar for rehabiliteringsavdelinga Det vart bekrefta i intervju at framlagde delegasjonsreglement er gjeldande.
• Det går fram av tilsendt delegasjonsreglement at fullmakt til å fatte vedtak etter sosialtenestelova kapittel 4, 5 og 6 er delegert til 4 ulike einingar utan ei nærare oppdeling. Det kom likevel fram i intervju at det er meint at einingane skal ha vedtaksfullmakt innanfor kvar sine avgrensa områdar innan sosialtenestelova § 4-2 og at dette pr. i dag er praksis

Område 3:

Det blei ikkje funne avvik eller gjort merknader på dette området.

Område 4:

Det blei ikkje funne avvik eller gjort merknader på dette området.

Område 5:

Det blei ikkje funne avvik eller gjort merknader på dette området.

I tabellen under er det gjeve ei oversikt over deltakarane på opningsmøte og sluttmøte og over personar som vart intervjua.