INNHALD

Denne rapporten omtalar påpeika avvik og merknader innan dei reviderte områda. Systemrevisjonen omfatta følgjande:

• Tenestetilbodet etter kapittel 4 i sosialtenestelova til rusmiddelmisbrukarar.

Fylkesmannen fann ikkje grunnlag for avvik, men det vart funne grunnlag for følgjande merknad:

Det er ikkje kjent blant alle i helse- og sosialsektoren i Sula kommune kven som har ansvar for å gje opplysning, råd og rettleiing for å hjelpe den enkelte til å kome bort frå misbruk av alkohol eller andre rusmiddel.

Rapporten er utarbeidd etter systemrevisjon med Sula kommune den 29. og 30. september 2004. Revisjonen inngår som ein del av den planlagde tilsynsverksemda til Fylkesmannen i år.

Føremålet med systemrevisjonen er å vurdera korleis verksemda nyttar internkontroll til å oppfylla krav frå styresmaktene. Revisjonen omfattar undersøking av om

• aktivitetar blir utførde slik dei er framstilte skriftleg og munnleg
• verksemda når måla sine og driv verksemda innanfor dei rammene styresmaktene har sett.

Ein systemrevisjon blir gjennomførd ved gransking av dokument, ved intervju og ved verifikasjonar. Verifikasjon inneber å sjekke om rutinar, prosedyrar og instruksar blir følgde i praksis, og om eventuelle fysiske tilhøva tilfredsstiller krava frå styresmaktene. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav frå styresmaktene.
• Merknad er tilhøve som ikkje kjem inn under definisjonen av avvik, men der tilsynet med utgangspunkt i krav frå styresmaktene avdekkjer potensial for betring.

Dokumentasjon frå verksemda sjølv:

• Organisasjonskart for helse- og sosialtenestane
• Organisasjonsplan for helse- og sosialsektoren
• Handlingsplan for rusmiddelarbeid i Sula kommune 2004 – 2007
• 4 husleigeavtaler med særavtaler
• 3 enkeltvedtak om tildeling av støttekontakt
• Delegasjonsreglement for Helse- og sosialsektoren
• Delegering av myndigheit – videredelegering av sektorsjefen sitt mynde
• Serviceerklæring for sosialtenesta
• Sosialtenesta informerer
• Sula kommune sitt kvalitetssystem
  - tiltaksgruppa for rusmiddelmisbrukarar og psykiatriske pasientar
  - ansvarsgruppearbeid
  - registreringsskjema for ansvarsgruppe
  - ansvargruppearbeid samtykke
  - stillingsforklaring for sosialkurator
  - retningslinje for saksbehandling om sosialhjelp

Systemrevisjonen omfatta følgjande aktivitetar:

Melding om tilsyn vart send ut 30.03.04 og 16.09.04.

Opningsmøte vart halde29. september 2004.

Intervju vart gjennomført med 6 personar.

Verifikasjonar vart gjennomført ved gransking av saksmappene til 6 rusmiddelmisbrukarar.

Sluttmøte vart halde 30. september 2004.

Nytt sluttmøte den 07.04.04.

Område 1: Tenester retta mot alle rusmiddelmisbrukarar.

Opplysning, råd og rettleiing

Merknad
Det er ikkje kjent blant alle i helse- og sosialsektoren i Sula kommune kven som har ansvar for å gje opplysning, råd og rettleiing for å hjelpe den enkelte til å kome bort frå misbruk av alkohol eller andre rusmiddel.

Kommentar:

Det følgjer av § 6-1, jf § 4-1 i sosialtenestelova at sosialtenesta gjennom råd, rettleiing og hjelpetiltak skal hjelpe den enkelte til å kome bort frå misbruk av alkohol og andre rusmiddel. Dersom det ikkje er kjent for dei tilsette i kommunen at sosialtenesta har dette ansvaret, kan det medføre at personar med behov for slik hjelp ikkje blir vist til rette ansvarlege.

Merknaden er basert på følgjande observasjonar:

• i intervju kom det fram at det ikkje er alle tilsette i helse- og sosialetaten som er kjent med at sosialtenesta er tillagt dette ansvaret i kommunen. Det kom også fram oppfatningar om at sosialtenesta sitt ansvar var avgrensa til arbeid med personar med eit langvarig og tungt rusmiddelmisbruk.
• i intervjua kom det fram at det er få personar i kommunen som mottek tilbod om råd, rettleiing og hjelpetiltak for å kome seg bort frå misbruk av alkohol og andre rusmidlar, jfr. merknadene til avvik nr. 1. nedanfor, under ”sosiale tenester direkte retta mot rusmiddelmisbrukarar”.

Tilsynet fann ikkje grunnlag for å gje avvik eller merknader på dette området.

Sosiale tenester direkte retta mot rusmiddelmisbrukarar

Tilsynet fann ikkje grunnlag for å gje avvik eller merknader på dette området.

Mellombels husvære

Tilsynet fann ikkje grunnlag for å gje avvik eller merknader på dette området.

Område 2: Tenester overfor rusmiddelmisbrukarar under rehabilitering og ved avslutning av institusjonsopphald.

Tilsynet fann ikkje grunnlag for å gje avvik eller merknader på dette punktet.

Oversikt over personer frå verksemda som var direkte involverte i revisjonen.

Frå Fylkesmannen deltok:

Dato: 28.april 2005