INNHALD

Denne rapporten omtalar påpeika avvik og merknader innan dei reviderte områda. Systemrevisjonen omfatta følgjande område:

1) Opplysning, råd og rettleiing. Lovheimel er lov om sosiale tenester mv. § 4-1, jf. § 2-1.

2) Sosiale tenester direkte retta mot rusmiddelmisbrukarar - praktisk bistand og opplæring, støttekontakt og plass i institusjon. Lovheimel er lov om sosiale tenester mv. §§ 4-2 a, c og d, 4-3, jf. §§ 2-1 og 8-1.

3) Mellombels husvære. Lovheimel er lov om sosiale tenester mv. § 4-5, jf. §§ 2-1 og 4-2.

4) Oppfølging i behandlingsopplegg. Lovheimel er lov om sosiale tenester mv. § 6-1 fjerde ledd, jf. første ledd, §§ 2-1 og 4-1.

5) Naudsynte tiltak ved avslutninga av opphald i institusjon. Lovheimel er lov om sosiale tenester mv. § 6-1 fjerde ledd, jf. første ledd, §§ 2-1 og 4-1.

Det vart ikkje funne grunnlag for avvik eller merknader.

Dato:

Rapporten er utarbeidd etter systemrevisjon ved Lindås kommune i perioden 12.05.05 – 24.06.05. Revisjonen inngår som ein del av den planlagde tilsynsverksemda til Fylkesmannen i år .

Føremålet med systemrevisjonen er å vurdera korleis verksemda nyttar internkontroll til å oppfylla krav frå styresmaktene. Revisjonen omfattar undersøking av om

• aktivitetar blir utførde slik dei er framstilte skriftleg og munnleg
• verksemda når måla sine og driv verksemda innanfor dei rammene styresmaktene har sett.

Ein systemrevisjon blir gjennomførd ved gransking av dokument, ved intervju og ved verifikasjonar. Verifikasjon inneber å sjekke om rutinar, prosedyrar og instruksar blir følgde i praksis, og om dei fysiske tilhøva tilfredsstiller krava frå styresmaktene. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav frå styresmaktene.
• Merknad er tilhøve som ikkje kjem inn under definisjonen av avvik, men der tilsynet med utgangspunkt i krav frå styresmaktene avdekkjer potensial for betring.

Fylkesmannen gjennomførde tilsyn med Lindås kommune i 2004 med same tema. Fylkesmannen registrerer ein positiv utvikling i kommunen på dei reviderte områda. Kommunen har likevel ikkje fastsette rutinar for samarbeid mellom avdelingane med vedtaksfullmakt etter sosialtenestelova § 4-2. Der føreligg heller ikkje prosedyrar eller fastsette rutinar for oppfølging av rusmiddelmisbrukarar under og etter institusjonsopphald.

Delegasjonsreglementet er ikkje oppdatert etter siste omorganisering.

Dokumentasjon frå verksemda sjølv:

• Delegasjonsreglement av 11.10.95
• Delegasjonsreglement pleie- og omsorgsetaten av 01.09.01
• Organisasjonsplan for Lindås kommune 20.05.05
• Referat av 04.03.05 om rusvernplan
• Internkontrolldokument for sosialkontoret
• Prosedyrar for utarbeiding av individuell plan
• Opplæringsplan 2005 for Lindås sosialkontor
• Diverse informasjonsmateriell til brukarar
• 3 vedtak om heimehjelp
• 3 vedtak om midlertidig bustad
• Oversyn over rusmisbrukarar med tenester etter sosialtenestelova § 4-2a
• Oversyn over rusmisbrukarar med individuell plan
• Oversyn rusmisbrukarar under behandling i institusjon 2004 og 2005.
• Oversyn rusmisbrukarar under behandling utanfor institusjon 2004 og 2005.

Korrespondanse mellom verksemda og Fylkesmannen:

• Varsel om tilsyn datert 12.05.05
• Brev med oversending av etterspurd dokumentasjon datert 07.06.05
• Brev med oversyn misbrukarar under behandling datert 10.06.05
• Diverse e-post

Systemrevisjonen omfatta følgjande aktivitetar:

Melding om tilsyn vart sendt ut 12.05.05

Opningsmøte vart halde 21.06.05

Intervju
8 personar vart intervjua.

Verifikasjonar
Følgjande verifikasjonar vart gjennomførde:
Gjennomgang av 17 saksmapper

Sluttmøte var halde 24.06.05

Det blei ikkje funne avvik eller gjort merknader på dette området.

Oversikt over personer frå verksemda som var direkte involverte i revisjonen.

I tabellen under er det gjeve ei oversikt over deltakarane på opningsmøte og sluttmøte og over personar som vart intervjua.

Frå Fylkesmannen deltok:
Vibeke Herskedal og Jarle Landås (tilsynsleiar)