INNHALD

Denne rapporten omtalar påpeika avvik og merknader innan dei reviderte områda. Systemrevisjonen omfatta følgjande område:

Praktisk bistand og opplæring, jf sosialtenestelova § 4-2a

Midlertidig bustad, jf sosialtenestelova § 4-5

Dato: 29.06.05

Rapporten er utarbeidd etter systemrevisjon ved Os kommune i perioden 25.05.05 - . Revisjonen inngår som ein del av den planlagde tilsynsverksemda til Fylkesmannen i år.

Føremålet med systemrevisjonen er å vurdera korleis verksemda nyttar internkontroll til å oppfylla krav frå styresmaktene. Revisjonen omfattar undersøking av om

• aktivitetar blir utførde slik dei er framstilte skriftleg og munnleg
• verksemda når måla sine og driv verksemda innanfor dei rammene styresmaktene har sett.

Ein systemrevisjon blir gjennomførd ved gransking av dokument, ved intervju og ved verifikasjonar. Verifikasjon inneber å sjekke om rutinar, prosedyrar og instruksar blir følgde i praksis, og om dei fysiske tilhøva tilfredsstiller krava frå styresmaktene. Rapporten omhandlar avvik og merknader som er avdekte under revisjonen.

• Avvik er definert som mangel på oppfylling av krav frå styresmaktene.
• Merknad er tilhøve som ikkje kjem inn under definisjonen av avvik, men der tilsynet med utgangspunkt i krav frå styresmaktene avdekkjer potensial for betring.

2. Om verksemda - særlege tilhøve

3. Dokumentunderlag
Dokumentasjon frå verksemda sjølv:

• Årsmelding 2004
• Vidaredelegasjon av 07.11.02
• Årsmelding 2004 frå bestillar og forvaltningseininga
• 10 vedtak om heimehjelp
• Årsmelding 2004 frå psykiatriske og sosiale tenester
• Midlertidige butilbod med kvalitetsavtale, Bergen kommune
• Rettleiingshefte frå eining for psykiatriske og sosiale tenester oppdatert september 2004
• Eit vedtak om middagsombringing
• Serviceerklæring frå sosialteneste 2003
• Serviceerklæring for heimehjelp 2003

Korrespondanse mellom verksemda og Fylkesmannen:

• Varsel datert 25.05.05
• Brev frå Os kommune med etterspurde vedlegg datert 08.06.05
• E-post til kommunen med intervjuliste
• Telefaks frå kommunen 23.06.05

Systemrevisjonen omfatta følgjande aktivitetar:

Melding om tilsyn vart send ut 25.05.05

Opningsmøte vart halde 22.06.05

Intervju
7 personar vart intervjua.

Sluttmøte var halde 24.06.05

Avvik
Os kommune følgjer ikkje alle krav til saksbehandling i forvaltningslova ved tildeling av tenester etter sosialtenestelova kapittel 4

Avvik frå følgjande krav frå styremaktene:

• Forvaltningslova §§ 16, 23 og 27, 3. ledd, jf. sosialtenestelova § 8-1.  

Kommentar:

Avviket er basert på følgjande observasjonar:

• Det vart opplyst i intervju at rusmiddelmisbrukare utan fast bustad får oppfølging av kommunen i form av praktisk bistand utan at det vert fatta skriftleg vedtak om dette.
• Det kom fram i intervju at kommunen ikkje sender førehandsvarsel ved vedtak om endring av tenester etter sosialtenestelova § 4-2a
• Det følgjer av framlagde vedtak at det i underretning om vedtaket ikkje vert opplyst om retten til å sjå dokumenta i saka

Merknad
Os kommune gir berre tilbod om hospits i Bergen som midlertidig bustad for rusmiddelmisbrukarar utan butilbod.

Merknaden er basert på følgjande observasjonar:

• Det følgjer av framlagd dokumentasjon og opplysningar gjeve i intervju at Os kommune ikkje har nokon tilbod til rusmiddelmisbrukarar utan bustad ut over hospits i Bergen. Mange takker nei til dette tilbodet og er derfor utan butilbod.

Oversikt over personar frå verksemda som var direkte involverte i revisjonen.

I tabellen under er det gjeve ei oversikt over deltakarane på opningsmøte og sluttmøte og over personar som vart intervjua.

Frå Fylkesmannen deltok:
Astrid Moldestad og Jarle Landås