INNHALD

Fylkesmannen og Helsetilsynet i Hordaland gjennomførte tilsyn med tenestetilbodet til vaksne personar med psykisk sjukdom i Fjell kommune 23. – 24. mars 2006. Tilsynet omfatta kommunens systematiske tiltak for å sikre at krav i helse- og sosiallovgjevinga blir oppfylte i ulike fasar av tenestetildelinga:

• Oppstartsfasen: behandling av nye søknader og førespurnader om helse og sosiale tenester, planlegging, utgreiing og avgjerd/vedtak om tenester.
• Iverksettingsfasen: frå avgjerder, vedtak og planar til konkrete og tilrettelagte tenester
• Oppfølgingsfasen: oppfølging av tenestemottakarar, revurdering og justering av tenester.

I tilknyting til kvar fase blei det undersøkt om krav til brukarmedverknad, individuell tilrettelegging, koordinering og forsvarlege tenester, blei oppfylte.

Ved tilsynet kom det ikkje fram opplysningar som gav grunnlag for å påpeike avvik eller gi merknad. Opplysningar ved tilsynet tilseier at kommunen har lagt til rette for brukarmedverknad og koordinert utgreiing, planlegging, iverksetting og oppfølging av tenester til vaksne med psykisk sjukdom og langvarige og samansette behov. Rutinar og tiltak som skal sikre dette var kjende og følgde av tilsette i kommunen som deltok i tilsynet.

Dato: 18. april 2006

Rapporten er utarbeidd etter tilsyn med helse- og sosialtenester til vaksne personar med psykisk sjukdom i Fjell kommune 23. – 24. mars 2006. Tilsynet går inn som ein del av den planlagde tilsynsverksemda hos Fylkesmannen og Helsetilsynet i Hordaland i dette året.

Dette tilsynet omfattar både helsetenester etter helselovgjevinga som er underlagt tilsyn frå helsetilsynet i fylket og sosiale tenester etter sosialtenestelova som er underlagt tilsyn frå fylkesmannen. Samanheng og heilskap i tenestetilbodet er blant dei mest kritiske faktorane ved tenesteyting til personar med psykisk sjukdom.

Fylkesmannen som ansvarleg for tilsyn med sosiale tenester og fylkeslegen, som er ansvarleg for tilsyn med helsetenestester, har oppnemnd eit felles tilsynslag for å gjennomføre tilsynet. Det er utarbeidd ein felles rapport. Oppfølginga av eventuelle avvik vil bli samordna frå Fylkesmannen og Helsetilsynet i Hordaland.

Tilsynet blei utført som systemrevisjon. Ein systemrevisjon blir gjennomført ved å granske dokument, ved intervju og andre undersøkingar.

Formålet med systemrevisjonen er å vurdere om verksemda tek hand om ulike krav i lovgjevinga gjennom internkontrollen sin. Revisjonen omfatta å undersøkje om:

• kva tiltak verksemda har for å avdekkje, rette opp og førebyggje brot på lovgjevinga innanfor dei områda tilsynet omfattar
• tiltaka blir følgde opp i praksis og om nødvendig korrigerte
• tiltaka er gode nok for å sikre at lovgjevinga blir følgd

Rapporten handlar om dei funn som blei gjort under revisjonen og gjev derfor inga fullstendig tilstandsvurdering av det arbeidet verksemda har gjort innanfor dei områda som tilsynet omfatta.

• Avvik dreier seg om at krav som er gitt i eller i tråd med lov eller forskrift, ikkje er oppfylte
• Merknad er forhold som ikkje er i strid med krav som er fastsette i eller i tråd med lov eller forskrift, men der tilsynsorganet finn grunn til å påpeike betringspotensial

Omsorgsavdelinga, sosialavdelinga og helseavdelinga i kommunen er sentrale i arbeidet med å gi helse- og sosial tenester til psykisk sjuke med langvarige og samansette behov. I rådmannens leiarteam deltek avdelingsleiarane for sosial, omsorg, helse, barnehage og skule. Teamet har regelmessig møte to gonger i månaden. Avdelingsleiarane har regelmessige møte med sine mellomleiarar. Det blir jamleg gjennomført møte mellom dei ulike avdelingane. Dette kan vera meir overordna møte på systemnivå 1 - 2 gonger i halvåret eller ordinære samarbeidsmøte/ansvarsgrupper i konkrete enkeltsaker. Samarbeidet mellom tilsette i og mellom avdelingane og med fastlegar er ut frå det som blei opplyst ved tilsynet, nært og godt.

Psykiatritenestene høyrer til helseavdelinga og omfattar psykiatrisk team med eigen leiar, eit dagsenter og to bufellesskap med felles leiar. Dagsenteret har ope seks dagar i veka og har også eit tilbod på kveldstid tre dagar for veka. Straumsfjellet omsorgsbustad har plass til sju bebuarar og har vore i drift sidan april 2003. Blombakkane omsorgsbustad har og plass til sju bebuarar som flytta inn i januar 2006. Psykiatrisk team gir tenester på dagtid måndag til fredag, for tida til om lag 150 personar. Fleire av dei mottek også tenester frå andre einingar i kommunen og frå spesialisthelsetenesta. Heimesjukepleien blir etter nærare avtale beden om å gi medisin eller sjå til pasientar i helger. Psykiatrisk sjukepleiar i ½ stilling ved legevakta er meint å styrkje det kommunale tenestetilbodet på kveldstid i helgene.

Tilsynet omfatta følgjande aktivitetar:

Melding om tilsyn blei sendt 11. januar 2006.

Program blei sendt 9. mars 2006

Opningsmøte blei halde 23. mars 2006

Intervju: 16 personar blei intervjua.

Sluttmøte blei halde 24. mars 2006

Oversikt over dokument og opplysningar som Fjell kommune har sendt over i samband med tilsynet og dokument som blei gjennomgått under tilsynet, er lista i kapittel 7.

Ved dette tilsynet er det under kvart tema lagt vekt på at kommunen følgjer regelverket om:

1 Brukarmedverknad

2 Samordning mellom dei ulike tenestene

3 Individuelt tilpassa tenestetilbod til den enkelte

4 Forsvarleg tenesteyting.

For å undersøkje dei ulike delane av kommunens tenester til personar med langvarige og samansette behov, er dei aktuelle problemstillingane sette opp langs ei tidsline: oppstart, iverksetting og oppfølging.

Oppstartfasen

Tilsynet har undersøkt om kommunen:

• fangar opp og vurderer nye førespurnader om tenester
• gjer tilstrekkeleg og samordna utgreiing av behovet for tenester
• avgjer/fattar vedtak som legg til rette for tenester og tiltak

Iverksettingsfasen

• Tilsynet har undersøkt om kommunen omset avgjerder og vedtak i planar og konkrete og tilrettelagte tenester

Oppfølgingsfasen

Tilsynet har undersøkt om kommunen:

• sikrar tilstrekkeleg stabilitet og kontinuitet i tenesteytinga slik at tenestemottakaren opplever ein føreseieleg og trygg kvardag
• sikrar at nye eller endra tenestebehov blir fanga opp og at nødvendige endringar blir gjort på ein samordna måte

Ved tilsynet kom det ikkje fram opplysningar som gav grunnlag for å påpeike avvik eller gi merknad.

• Lov av 30. mars 1984 nr. 15 om statlig tilsyn med helsetjenesten
• Lov av 13. desember 1991 nr. 81 om sosiale tjenester mv
• Lov av 19. november 1982 nr. 66 om helsetjenesten i kommunene
• Lov av 2. juli 1999 nr. 63 om pasientrettigheter
• Lov av 2. juli 1999 nr. 64 om helsepersonell m.v.
• Lov av 10. februar 1967 om behandlingsmåten i forvaltningssaker
• Forskrift av 23. desember 2004 nr.1837 om individuell plan etter helselovgivningen og sosialtjenesteloven
• Forskrift av 28. juni 2001 nr. 765 om habilitering og rehabilitering
• Forskrift av 27. juni 2003 nr. 792 om kvalitet i pleie- og omsorgstjenesten
• Forskrift av 21. desember 2000 nr. 1385 om pasientjournal
• Forskrift av 20. desember 2002 nr. 1731 om internkontroll i sosial- og helsetjenesten

Dokumentasjon frå verksemda knytt til den daglege drifta og andre viktige forhold, send over i samband med førebuing av tilsynet:

1. Organisasjonskart for helse, omsorg og sosialavdelingane med tenesteskildringar

2. Opplysningar om eining for tenester til psykisk sjuke , resultat av brukarundersøking 2005

3. Diverse informasjonsbrosjyrar

4. Plan for psykisk helse 2006 – 2009

5. Opplysningar om koordinerande instans for rehabiliteringstenester i Fjell kommune, prosjektrapport, retningsliner og malar for individuell plan

6. Samarbeidsavtale med Helse Bergen HF

7. Opplæringsplan for omsorg, sosial- og helseavdeling

8. Delegasjonsreglement for Fjell kommune, helsesjef og sosialsjef

9. Søknadsskjema om helse/omsorgstenester inkl. informasjon om tenestetilbod og eigenbetaling

10.  Skriv til utdeling til samtlege som vender seg til sosialtenesta 1. gong

11.  Opplysning om tverretatlege samarbeidsforum

12.  Årsbudsjett 2006 – Handlingsprogram 2006 – 2009, økonomiplan 2006 – 2009

13.  Rapport om flyktningar i Fjell kommune

14.  Informasjon på ”Fjellnettet”

15.  Innhaldsoversikt overordna internkontrollhandbok

16.  Diverse brosjyrar om tenester i kommunen

17.  Informasjonsavis for Fjell kommune ”Fjell nett no”

E-post 14. og 15. februar 2006
Kvalitetshandbok, Fjell kommune, psykiatritenesta

E-post 2. og 3. mars 2006
Personell i heimetenestene

Dokument som blei gjennomgått under tilsynet:
Søknader om tenester, vedtak om tenester, referat frå samarbeidsmøte, ansvarsgruppemøte og/eller individuelle planar til 22 tenestemottakarar med psykisk sjukdom og langvarige og samansette behov for tenester. Tenester er tildelte etter ei individuell vurdering, brukar medverkar, vedtak på tenester er oppdaterte. Tenestetilbod til nokre tenestemottakarar som ikkje ønskjer individuell plan er koordinert og følgd opp/evaluert i ansvarsgruppemøte eller samarbeidsmøte.

Korrespondanse mellom Fjell kommune og Fylkesmannen/Helsetilsynet i Hordaland:

• Melding om tilsyn blei sendt i brev av 11. januar 2006
• Stadfesting frå Fjell kommune om at dato for tilsynet høver, e-post av 23. januar 2006
• Dokumentasjon frå Fjell kommune, brev av 13. februar 2006 med vedlegg
• E-post frå Fjell kommune14. og 15. februar vedlagt kvalitetshandbok for psykiatritenesta,
• E-post frå Fjell kommune 2. og 3. mars 2006 med opplysningar om personell i heimetenestene
• Brev 9. mars 2006 vedlagt program for tilsynet
• E-post frå Fjell kommune 14. og 16. mars 2006 om korrigeringar av program

Tabellen under gir ei oversikt over deltakarane på opningsmøtet og sluttmøtet, og over kva personar som blei intervjua.

Frå Fylkesmannen og Helsetilsynet i Hordaland deltok:
Fosse, Grethe, ass. fylkeslege
Danielsen, Bjørn, rådgjevar
Robøle, Anne Grete, rådgjevar, leiar
Vebenstad, Torill, rådgjevar