Det vart utført tilsyn med Stryn kommune sitt tenestetilbod til psykisk utviklingshemma på følgjande områder:

• Om kommunen sikrar at tenestemottakar mottek eit forsvarleg tenestetilbod etter sosialtenestelova § 4-2 a-d, i samsvar med eventuelle endringar i bistandsbehovet og uavhengig av endringar i ressursråmene.
• Om kommunen sikrar at utviklingshemma mottek sosiale tenester utan bruk av ulovleg makt og tvang.

Fylkesmannen fann at Stryn kommune pr. i dag ikkje har tenestemottakarar det vert brukt makt og tvang mot. I intervju kom det fram at temaet makt og tvang likevel var ein del av diskusjonane mellom personalet og det var jamleg oppe som emne på personalmøte. Fylkesmannen såg og av grunnlagsdokumenta at kommunen har arbeida aktivt med styringssystemet i kommunen og rapporteringsrutinar, ansvars- og arbeidsområda var kjent hjå alle vi intervjua.

Når det gjaldt tildeling av tenester etter sosialtenestelova § 4-2 a-d såg Fylkesmannen at kommunen hadde gått frå å fatte vedtak om heimetenester med ein varigheit på eit år, til tidsubestemte vedtak. Dette er positivt med tenke på at slike vedtak skal evaluerast kontinuerleg i tilfelle endringar i tenestemottakar sitt hjelpebehov. Fylkesmannen fann og at Stryn kommune hadde evaluerte tenesta årleg og at endringar i bistandsbehovet vart sett i verk som følgje av desse.

Fylkesmannen fann ikkje grunn til avvik eller merknader innafor desse områda.

Dato: 20.03.06

Rapporten er utarbeidd etter tilsyn i Stryn kommune den 09. mars 2006, og er gjennomført av Fylkesmannen i Sogn og Fjordane. Tilsynet er ein del av det landsomfattande tilsynet med bruk av makt og tvang overfor personar med psykisk utviklingshemming, som Statens helsetilsyn har bestemt skal gjennomførast i inneverande år. Tilsynet er gjennomført i som ein systemrevisjon.

Føremålet med tilsynet er å vurdere korleis verksemda tek i vare ulike myndigheitskrav gjennom sin internkontroll. Tilsynet omfattar undersøking om:

a.  aktivitetar vert utført som beskrive og uttalt

b. verksemda driv si verksemd innanfor dei rammene som myndigheitene har sett

Heimel for Fylkesmannen sitt tilsyn er Lov om sosiale tenester § 2-6, der det står at Fylkesmannen pliktar å føre tilsyn med kommunen si verksemd etter Kap. 4 og 4A og skal kontrollere at verksemda vert drive i samsvar med lova og forskrifta til lova.

Fylkesmannen kan utan hinder av teieplikta krevje innsyn i dei opplysningar som er nødvendige for at Fylkesmannen kan utføre sine oppgåver. I samband med tiltak etter kap 4A kan tilsynet gjennomføre tilsynsbesøk i bustaden utan brukaren sitt samtykke.

Dersom verksemd etter kapittel 4 og 4A vert drive på ein måte som kan ha skadelege følgjer for tenestemottakar eller på anna måte er uheldig eller uforsvarleg, kan Fylkesmannen gi pålegg om å rette opp forholdet.

Systemrevisjon vert gjennomført ved gransking av dokumenter, ved intervju og ved verifikasjonar. Verifikasjonar inneber å sjekke om rutinar, prosedyrar og instruksar vert følgt opp i praksis, og om dei fysiske forhold tilfredstiller myndigheitskrava. Rapporten viser avvik og merknader som vart avdekka under tilsynet.

Definisjonar på eit avvik og ein merknad er slik:

• Avvik vert definert som brot på vilkår gjeve i gjeldande lov eller forskrift
• Merknad er tilhøve som ikkje vert omfatta av definisjonen for avvik, men der

Stryn kommune hadde per 01.01.2005 6842 innbyggjarar, og 34 personar er utviklingshemma med tiltak etter lov om sosiale tenester kap. 4.

Kommunen har organisert tenesta som tenesta for funksjonshemma med koordinator for funksjonehemma som, Annita Søvik, tenesteleiar. Men det er Helse- og sosialsjef, Berit Wetlesen, som er tillagt vedtaksmynde etter lov om sosiale tenester generelt, og er overordna fagleg ansvarleg for kapittel 4A.

Fylkesmannen hadde formøte med kommunen den 15.02.06. Tilsynet vart gjennomført på ein dag. Det vart halde opningsmøte og gjennomført 8 intervju med tilsette som har ansvar og/eller oppgåver knytte til emnet for tilsynet og 1 støttekontakt. Tilsynet gjennomførte også synfaring i ein avlastningsbustad og ein bustad til ein person med psykisk utviklingshemming, dette etter avtale med kommunen.

Sluttmøtet vart halde på slutten av dagen, etter verifikasjon av relevante dokumenter.

Dokumentunderlag for kontrollen var :

• Organisasjonskart for Stryn kommune
• Stillingsomtale for
  a) koordinator for funksjonshemma
  b) gruppeleiar heimetenesta for funksjonshemma
  c) miljøterapeut og miljøarbeidar heimetenesta for funksjonshemma
• Vedtaksfullmakter /delegasjonsfullmakter
• Opplæringsplan 2006 for tilsette i tenestene for funksjonshemma
• Prosedyre for tildeling av heimetenester
• Prosedyre for tildelinga av avlastningstilbod
• Prosedyre for tildeling av aktivitetstilbod på Stryn arbeidssenter
• Prosedyre for rapportering av nesten-ulukke, personskade og skade på materiell
• Prosedyre for skadeavverjande tiltak i naudsituasjonar med vedlagde mal for melding/vedtak
• Standardmal for vedtak om planlagde skadeavverjande tiltak
• Enkeltvedtak for tildeling av tenester til 10 personar med psykisk utviklingshemming
• Individuell plan for 10 personar med psykisk utviklingshemming
• Liste over brukarar som er utplukka til tilsynet med definering av kva for tenestegruppe dei tilhøyrer.
• Melding om skade på tilsette dei to siste åra (2 stk.)
• Oversikt over avlastningsbustad og bustader der det bur personar med psykisk utviklingsheming tenester som får heimebaserte tenester
• Oversikt over personale i heimetenestene for funksjonshemma fordelt på grupper
• Kopi av turnusplan for gruppe som yter tenester til personar med psykisk utviklingshemming for ein avlastningsbustad, psykiatrigruppa og dei verna bustadane i kommunen/ bustadane til psykisk utviklingshemma
• Oversikt over psykisk utviklingshemma som kommunen har ansvar for med alder og diagnosar

Systemrevisjonen omfatta følgjande aktivitetar:

Revisjonsvarsel og innkalling til formøte vart sendt 11.02.06

Fylkesmannen mottok dokumentasjon frå kommunen 30.01.06

Formøte vart halde med kommunen den 15.02.06

Dagsorden vart sendt kommunen 28.02.06

Opningsmøte vart halde 09.03.06

Intervju : 9 personar vart intervjua

Verifikasjonar:

• 5 evalueringsskjema for støttekontakt frå 2005
• 5 vedtak om tildeling av sosiale tenester frå 2006
• 3 evalueringsskjema for tildelte heimetenester i 2005
• Rapportbøker
• Avviksrapportar
• Opplæringsskjema for nytilsette
• 5 kardex
• Prosedyre for tildeling av støttekontakt

Sluttmøte 09.03.06

Det vart ikkje funne grunnlag for å gi avvik eller merknader.

Det vart ikkje funne grunnlag for å gi avvik eller merknader.

Oversikt over personar som deltok i tilsynet frå Stryn kommune:

Frå Fylkesmannen i Sogn og Fjordane møtte følgjande personar:
Arne Røyrvik, revisor
Kari Vold Olsen, revisor
Ann Heidi Forbregd, revisjonsleiar