Det vart utført tilsyn med Fjaler kommune sitt tenestetilbod til psykisk utviklingshemma på følgjande områder:

• Om kommunen sikrar at tenestemottakar mottek eit forsvarleg tenestetilbod etter sosialtenestelova § 4-2 a-d, i samsvar med eventuelle endringar i bistandsbehovet og uavhengig av endringar i ressursråmene.
• Om kommunen sikrar at utviklingshemma mottek sosiale tenester utan bruk av ulovleg makt og tvang.

Fylkesmannen fann at Fjaler kommune pr. i dag ikkje utøve makt og tvang overfor sine tenestemottakarar. I intervju kom det fram at temaet makt og tvang ble diskutert blant personalet og det var oppe som tema på personalmøte og temakveldar. Fylkesmannen såg og av grunnlagsdokumenta at kommunen har arbeida aktivt med styringssystemet i kommunen.

Når det gjaldt tildeling av tenester etter sosialtenestelova § 4-2 a-d såg Fylkesmannen at kommunen hadde gått frå å fatte vedtak om heimetenester med ein varigheit på eit år, til varigheit på eit og eit halvt år. I perioden i mellom ville evaluering av hjelpetilbodet skje i samsvar med endringar i behovet til tenestemottakar. Dette er positivt med tenke på at slike vedtak skal evaluerast kontinuerleg i tilfelle endringar i tenestemottakar sitt hjelpebehov.

Fylkesmannen fann ikkje grunn til avvik eller merknader innafor desse områda.

Dato: 07.04.06

Rapporten er utarbeidd etter tilsyn i Fjaler kommune den 9. mars 2006, og er gjennomført av Fylkesmannen i Sogn og Fjordane. Tilsynet er ein del av det landsomfattande tilsynet med bruk av makt og tvang overfor personar med psykisk utviklingshemming, som Statens helsetilsyn har bestemt skal gjennomførast i inneverande år. Tilsynet er gjennomført i som ein systemrevisjon.

Føremålet med tilsynet er å vurdere korleis verksemda tek i vare ulike myndigheitskrav gjennom sin internkontroll. Tilsynet omfattar undersøking om:

a. aktivitetar vert utført som beskrive og uttalt

b. verksemda driv si verksemd innanfor dei rammene som myndigheitene har sett

Heimel for Fylkesmannen sitt tilsyn er Lov om sosiale tenester § 2-6, der det står at Fylkesmannen pliktar å føre tilsyn med kommunen si verksemd etter Kap. 4 og 4A og skal kontrollere at verksemda vert drive i samsvar med lova og forskrifta til lova.

Fylkesmannen kan utan hinder av teieplikta krevje innsyn i dei opplysningar som er nødvendige for at Fylkesmannen kan utføre sine oppgåver. I samband med tiltak etter kap 4A kan tilsynet gjennomføre tilsynsbesøk i bustaden utan brukaren sitt samtykke.

Dersom verksemd etter kapittel 4 og 4A vert drive på ein måte som kan ha skadelege følgjer for tenestemottakar eller på anna måte er uheldig eller uforsvarleg, kan Fylkesmannen gi pålegg om å rette opp forholdet.

Systemrevisjon vert gjennomført ved gransking av dokument, ved intervju og ved verifikasjonar. Verifikasjonar inneber å sjekke om rutinar, prosedyrar og instruksar vert følgt opp i praksis, og om dei fysiske forhold tilfredstiller myndigheitskrava. Rapporten viser avvik og merknader som vart avdekka under tilsynet.

Definisjonar på eit avvik og ein merknad er slik:

• Avvik vert definert som brot på vilkår gjeve i gjeldande lov eller forskrift
• Merknad er tilhøve som ikkje vert omfatta av definisjonen for avvik, men der

Fjaler kommune hadde per 01.01.2006 2881 innbyggjarar, og 32 personar er utviklingshemma med tiltak etter lov om sosiale tenester kap. 4.

Kommunen har organisert tenesta som teneste for bistand og omsorg med konstituert leiar Tone Martinessen Skaar som tenesteleiar. Det er og ho som er tillagt vedtaksmynde etter lov om sosiale tenester generelt, og er overordna fagleg ansvarleg for kapittel 4A.

Fylkesmannen hadde formøte med kommunen den 15.02.06. Tilsynet vart gjennomført på ein dag. Det vart halde opningsmøte og gjennomført 8 intervju med tilsette som har ansvar og/eller oppgåver knytte til emnet for tilsynet. Tilsynet gjennomførte også synfaring i to bustader til personar med psykisk utviklingshemming. Dette etter avtale med kommunen.

Sluttmøtet vart halde på slutten av dagen, etter verifikasjon av relevante dokumenter.

Dokumentunderlag for kontrollen var :

• Organisasjonskart for Bistand og omsorg
• Omstilling i Fjaler kommune K-vedtak 0054/99- frå 07.09.99
• Organisering av leiarfunksjon Pleie- og omsorgtenesta og rehabiliteringstenesta
• Vedteken plan for tverrfagleg rehabilitering m/vedlegg om Fjaler på tvers
• Vedteken plan for Bistand og omsorg
• Delegasjonsreglement
• Skjema for sakshandsaming/rutinar etter § 4A-5, 3. ledd bokstav a, Skadeavverjande tiltak i enkelttilfelle
• Stillingsomtale lagleiar
• Stillingsomtale fagkonsulent
• Stillingsomtale mottakskoordinator
• Funksjonsbeskriving særkontakt/kontaktperson for brukar
• Oversikt tal avlastningsbustader/bustader for personar med utviklingshemming
• Oversikt personale og turnusplan for arbeidslag 2 og arbeidslag 3
• Oversikt tal personar med utviklingshemming kommunen yter tenester til
• Infoskriv om handtering av avvik, rutineskjema om avvik
• Rutine for oppnemning av ansvarsvakt ved lagleiar sitt fråver
• Skjema/rutinar for organisering av brukararbeid til brukarperm
• Rutinebeskriving for internopplæring
• Oversikt meldingar skadeavverjande tiltak for 2005
• Mapper for 10 utvalde personar med psykisk utviklingshemming

Systemrevisjonen omfatta følgjande aktivitetar:

Revisjonsvarsel og innkalling til formøte ble utsendt 11.01.06

Fylkesmannen mottok dokumentasjon frå kommunen 03.02.06

Formøte vart halde med kommunen den 15.02.06

Dagsorden vart sendt kommunen 16.03.06

Opningsmøte vart halde 29.03.06

Intervju: 8 personar vart intervjua

Verifikasjonar:

Perm som omhandle sosialtenestelova sitt kap 4A

Opplæringsperm i to bustader til personar med psykisk utviklingshemming

Intern info-perm i to bustader

Mellom anna rutinar avviksskjema og Iplos registreringsskjema

To brukarpermar

Rapport bok til ein brukar

Sluttmøte 29.03.06

Det vart ikkje funne grunnlag for å gi avvik eller merknader.

Det vart ikkje funne grunnlag for å gi avvik eller merknader.

Oversikt over personar som deltok i tilsynet frå Fjaler kommune:

Frå Fylkesmannen i Sogn og Fjordane møtte følgjande personar:
Arne Røyrvik, revisor
Kari Vold Olsen, revisor
Ann Heidi Forbregd, revisjonsleiar