Det vart utført tilsyn med Lærdal kommune sitt tenestetilbod til psykisk utviklingshemma på følgjande områder:

• Om kommunen sikrar at tenestemottakar mottek eit forsvarleg tenestetilbod etter sosialtenestelova § 4-2 a-d, i samsvar med eventuelle endringar i bistandsbehovet og uavhengig av endringar i ressursråmene.
• Om kommunen sikrar at utviklingshemma mottek sosiale tenester utan bruk av ulovleg makt og tvang.

Fylkesmannen fann at Lærdal kommune pr. i dag ikkje utøve makt og tvang mot nokon tenestemotakarar. I intervju kom det fram at temaet makt og tvang ikkje var oppe som tema på personalmøte.

Fylkesmannen vart elles informert om at personalgruppa rundt brukarane var stabil og det kom også fram under intervjua at det var eit godt arbeidsmiljø. Fylkesmannen fekk og inntrykk av at kommunen var fleksibel med å tilføre ekstraressursar i form av ekstrahjelp, når det etter ei fagleg vurdering var behov for det til den enkelte brukar.

Fylkesmannen fann at det ikkje låg føre noko rutinehandbok i kommunen og det var heller ikkje nedfelt rutinar på området for tilsynet. Til tross for mangel på rutinar i kommunen fann Fylkesmannen ikkje at dette hadde ført til brot på lovkrava. Kommunen er liten og oversiktlig og rapportering og informasjon vert gjeve munnleg. Fylkesmannen såg likevel eit behov i kommunen for å utarbeide rutinar då det gjeldande systemet er avhengig av enkelttilsette og stabilitet. Kommunen er derfor sårbar ved eventuelle sjukmeldingar eller oppseiingar.

Fylkesmannen fann ikkje grunn til å gi avvik innafor desse områda, men det var grunnlag for å gi følgjande merknader:

1) Kommunen har ikkje gode nok rutinar som sikrar at kommunen gjennom planlegging og organisering bidreg til å sikre at verksomheita ikkje utøve ulovleg makt og tvang.

2) Kommunen har ikkje gode nok rutinar til å sikre at tenestene ikkje vert utført med bruk av makt og tvang i strid med lovføresegnene.

Dato: 07.04.06

Rapporten er utarbeidd etter tilsyn i Lærdal kommune den 15. mars 2006, og er gjennomført av Fylkesmannen i Sogn og Fjordane. Tilsynet er ein del av det landsomfattande tilsynet med bruk av makt og tvang overfor personar med psykisk utviklingshemming, som Statens helsetilsyn har bestemt skal gjennomførast i inneverande år. Tilsynet er gjennomført i som ein systemrevisjon.

Føremålet med tilsynet er å vurdere korleis verksemda tek i vare ulike myndigheitskrav gjennom sin internkontroll. Tilsynet omfattar undersøking om:

a. aktivitetar vert utført som beskrive og uttalt

b. verksemda driv si verksemd innanfor dei rammene som myndigheitene har sett

Heimel for Fylkesmannen sitt tilsyn er Lov om sosiale tenester § 2-6, der det står at Fylkesmannen pliktar å føre tilsyn med kommunen si verksemd etter Kap. 4 og 4A og skal kontrollere at verksemda vert drive i samsvar med lova og forskrifta til lova.

Fylkesmannen kan utan hinder av teieplikta krevje innsyn i dei opplysningar som er nødvendige for at Fylkesmannen kan utføre sine oppgåver. I samband med tiltak etter kap 4A kan tilsynet gjennomføre tilsynsbesøk i bustaden utan brukaren sitt samtykke.

Dersom verksemd etter kapittel 4 og 4A vert drive på ein måte som kan ha skadelege følgjer for tenestemottakar eller på anna måte er uheldig eller uforsvarleg, kan Fylkesmannen gi pålegg om å rette opp forholdet.

Systemrevisjon vert gjennomført ved gransking av dokument, ved intervju og ved verifikasjonar. Verifikasjonar inneber å sjekke om rutinar, prosedyrar og instruksar vert følgt opp i praksis, og om dei fysiske forhold tilfredstiller myndigheitskrava. Rapporten viser avvik og merknader som vart avdekka under tilsynet.

Definisjonar på eit avvik og ein merknad er slik:

• Avvik vert definert som brot på vilkår gjeve i gjeldande lov eller forskrift
• Merknad er tilhøve som ikkje vert omfatta av definisjonen for avvik, men der

Lærdal kommune hadde per 01.01.2006 2155 innbyggjarar, og 12 personar er utviklingshemma med tiltak etter lov om sosiale tenester kap. 4.

Kommunen har organisert tenesta som tenesta for pleie og omsorg med, Gudrun Sigurdardottir som tenesteleiar, og overordna fagleg ansvarleg for kapittel 4A. Men det er tenesteleiar for sosiale tenester, Marianne Voldum, som er tillagt vedtaksmynde etter lov om sosiale tenester generelt.

Fylkesmannen hadde formøte med kommunen den 15.02.06. Tilsynet vart gjennomført på ein dag. Det vart halde opningsmøte og gjennomført 8 intervju med tilsette som har ansvar og/eller oppgåver knytte til emnet for tilsynet. Tilsynet gjennomførte også synfaring i ein bustad til ein person med psykisk utviklingshemming, dette etter avtale med kommunen.

Sluttmøtet vart halde på slutten av dagen, etter verifikasjon av relevante dokumenter.

Dokumentunderlag for kontrollen var :

• Organisasjonsplan for Lærdal kommune
• Delegasjonsreglement
• Stillingsomtale for
  a) Tenesteleiar for pleie- og omsorg
  b) Tenesteleiar for sosiale tenester
• Enkeltvedtak for tildeling av sosiale tenester til personar med psykisk utviklingshemming
• Individuell plan for personar med psykisk utviklingshemming
• Skjema for personskade på tilsette
• Skjema for pasientskade
• Oversikt over avlastningsbustad
• Kopi av turnusplan for person i verna bustad
• Oversikt over psykisk utviklingshemma som kommunen har ansvar for med alder og diagnosar

Systemrevisjonen omfatta følgjande aktivitetar:

Revisjonsvarsel og innkalling til formøte ble utsendt 11.01.06

Fylkesmannen mottok dokumentasjon frå kommunen 03.02.06

Formøte vart halde med kommunen den 15.02.06

Dagsorden vart sendt kommunen 02.03.06

Opningsmøte vart halde 15.03.06

Intervju: 8 personar vart intervjua

Verifikasjonar:

• Forslag til mal for skadeavverjande tiltak i nødssituasjonar
• Avviksskjema
• Kontrollskjema til vikar for gjennomføring av vakter
• Sjekkliste i samband med opplæring av nytilsette
• Dagbok
• Loggen til ein brukar i verna bustad

Sluttmøte 15.03.06

Det vart ikkje funne grunnlag for å gi avvik eller merknader.

Merknad 1:
Kommunen har ikkje gode nok rutinar som sikrar at kommunen gjennom planlegging og organisering bidreg til å sikre at verksomheita ikkje utøve ulovleg makt og tvang.

Observasjonar:

• I gjennom intervju og innsendt dokumentasjon kom det fram at det ikkje er klart og kjent i heile organisasjonen kven som har ansvar og oppgåver med å skrive enkeltmeldingar og førebu og utforme og gjere vedtak etter sosialtenestelova kap. 4A.

Merknad 2:
Kommunen har ikkje gode nok rutinar til å sikre at tenestene ikkje vert utført med bruk av makt og tvang i strid med lovføresegnene.

Observasjonar:

• Det kom fram under intervjua at tenesteytarane ikkje har tilstrekkeleg kunnskap om kva slags prosedyrar som skal følgjast etter bruk av skadeavverjande tiltak i nødssituasjonar – skriving av enkeltmeldingar
• Det kom fram under intervjua at dei tilsette ikkje har tilstrekkeleg kunnskap og dugleik som sikrar forsvarleg utøving av makt og tvang – tilstrekkeleg opplæring om emnet makt og tvang

Oversikt over personar som deltok i tilsynet frå Lærdal kommune:

Frå Fylkesmannen i Sogn og Fjordane møtte følgjande personar:
Borgtor Bøyum, observatør
Kari Vold Olsen, revisor
Ann Heidi Forbregd, revisjonsleiar