Fylkesmannen i Hordaland gjennomførte tilsyn i Meland kommune 27. – 28. mars 2006. Tilsynet vart utført som systemrevisjon. Fylkesmannen har under tilsynet hatt merksemd på korleis kommunen sikrar at forholda blir lagt til rette for tenesteyting med minst mogeleg bruk av tvang og makt, og om tenestemottakarane sitt tenestetilbod blir endra i samsvar med endring i hjelpebehov.

Denne rapporten gjer greie for dei avvik og merknader som blir påpeikte innanfor dei områda som blei reviderte. Systemrevisjonen gjaldt følgjande område:

• Om kommunen sikrar at tenestemottakar får eit forsvarleg tenestetilbod etter lov om sosiale tenester § 4-3 jf § 4-2 bokstav a-d, i samsvar med eventuelle endra hjelpebehov og uavhengig av endra rammer.
• Om kommunen sikrar utføring av tenester etter lov om sosiale tenester § 4-2 bokstav a-d for personar med psykisk utviklingshemming utan bruk av tvang og makt i strid med reglane i lov om sosiale tenester kapittel 4A.

Det vart under tilsynet funne grunnlag for følgjande avvik:

• Meland kommune sikrar ikkje at tenester etter lov om sosiale tenester § 4-2 bokstav a-d til personar med psykisk utviklingshemming er i samsvar med reglane i lov om sosiale tenester kapittel 4A

Fylkesmannen i Hordaland fann ikkje grunnlag for merknader innanfor dei kontrollerte områda av verksemda.

Dato: 11.05.06

Rapporten er utarbeidd etter systemrevisjon ved Meland kommune i perioden 27. – 28.mars 2006. Revisjonen er ein del av det landsomfattande tilsyn med bruk av tvang og makt mot personar med psykisk utviklingshemming som Statens Helsetilsyn har fastsett skal gjennomførast for 2006 og går inn som ein del av den planlagde tilsynsverksemda hos Fylkesmannen i Hordaland dette året.

Fylkesmannen har fullmakt til å føre tilsyn med sosialtenesta etter lov om sosiale tenester § 2-6.

Formålet med systemrevisjonen er å vurdere om verksemda tek hand om ulike krav i lovgivinga gjennom internkontrollen sin. Revisjonen omfatta å undersøkje om:

• kva tiltak verksemda har for å avdekkje, rette opp og førebyggje brot på lovgivinga innanfor de tema tilsynet omfattar
• tiltaka blir følgde opp i praksis og om nødvendig korrigerte
• tiltaka er gode nok for å sikre at lovgivinga blir følgd

Ein systemrevisjon blir gjennomført ved å granske dokument, ved intervju og andre undersøkingar.

Rapporten handlar om avvik og merknader som er avdekte under revisjonen og gir derfor inga fullstendig tilstandsvurdering av det arbeidet verksemda har gjort innanfor dei områda som tilsynet omfatta.

• Avvik dreier seg om at krav som er gitt i eller i tråd med lov eller forskrift, ikkje er oppfylte
• Merknad er forhold som ikkje er i strid med krav som er fastsette i eller i tråd med lov eller forskrift, men der tilsynsorganet finner grunn til å påpeke betringspotensial

Kommunen yter tenester etter lov om sosiale tenester til 33 personar med psykisk utviklingshemming. Heimetenesta Sone Sør og Sone Nord tildeler tenester etter lov om sosiale tenester § 4-2 bokstav a, b og d. Kommunen tildeler og yter avlastning i kommunal avlastningsbustad og i private heimar. Vidare er det sosialtenesta som tildeler dagtilbod til dømes på Meland arbeidssenter, oppfølging i feriar ol. Kommunen har nyleg starta gjennomføring av ei omorganisering der ansvar for å tildele tenester etter lov om sosiale tenester § 4-2 bokstav c (støttekontakt) formelt sett skal liggje til sone sør og nord. Vidare er det ei drøfting knytt til innhaldet og tildelinga av dagtilbodet som ikkje enno er sluttført.

Fylkesmannen i Hordaland hadde i forkant av tilsynet møte med Helse Bergen v/Habiliteringstenesta. Fylkesmannen tok også initiativ til samtale med representant frå Meland NFU (Norsk forbund for Utviklingshemmede)

Systemrevisjonen omfatta følgjande aktivitetar:

Revisjonsvarsel blei sendt ut 19.01.06 . Oversikt over dokument som verksemda har sendt over i samband med tilsynet, er gitt i kapitlet Dokumentunderlag.

Opningsmøte blei halde 27.03.06.

Intervju
11 personar blei intervjua.

Oversikt over dokumentasjon som blei gjennomgått under revisjonsbesøket, er gitt i kapitlet Dokumentunderlag.

Sluttmøte blei halde 28.03.06.

I dette tilsynet har merksemda vore retta mot om kommunen sikrar at forholda vert lagt til rette for tenesteyting til personar med psykisk utviklingshemming med minst mogeleg bruk av tvang og makt jf § 4A-4, og om tenestemottakar sitt tenestetilbod etter lov om sosiale tenester § 4-2 bokstav a-d blir endra i samsvar med endring i hjelpebehov.

Tilsynet omfatta følgjande område:

Område 1:

• Om kommunen sikrar at tenestemottakar får eit forsvarleg tenestetilbod etter lov om sosiale tenester § 4-3 jf § 4-2 bokstav a-d, i samsvar med eventuelle endra hjelpebehov og uavhengig av endra rammer.

Område 2:

• Om kommunen sikrar utføring av tenester etter lov om sosiale tenester § 4-2 bokstav a-d for personar med psykisk utviklingshemming utan bruk av tvang og makt i strid med reglane i lov om sosiale tenester kapittel 4A.

Område 1:
Fylkesmannen fann ikkje grunnlag for avvik eller merknader på dette område.

Område 2:

Avvik:
Meland kommune sikrar ikkje at tenester etter lov om sosiale tenester § 4-2 bokstav  a-d til personar med utviklingshemming er i samsvar med reglane i sosialtenestelova kapittel 4A

Avvik frå:

• Lov om sosiale tenester §§ 4A-4 jf 2-1 andre ledd og forskrift om internkontroll i sosial og helsetenesta § 4 bokstav c og g

Kommentar:
I lov om sosiale tenester § 4A-4 er det bestemt at kommunen plikter å sørgje for at forholda vert lagt til rette for minst mogeleg bruk av tvangstiltak. Det er presisert at tenesteytarane skal sikrast nødvendig opplæring og fagleg rettleiing. Slik nødvendig opplæring kan vere grunnleggjande opplæring for personell som ikkje har gjennomgått nokon opplæring i lov om sosiale tenester kapittel 4A, og det kan være vidareutdanning eller etterutdanning for personell som treng kunnskap for å ajourføre eller vidareutvikle sine kunnskapar for det arbeidet dei skal utføre.

Avviket bygger på følgjande observasjonar:

• Det er ikkje gitt opplæring i reglane om bruk av tvang og makt i kapittel 4A til alle som har ansvar for, tildeler og utfører tenester til personar med psykisk utviklingshemming
• Tilsette på fleire nivå har ikkje tilstrekkeleg kunnskap til å identifisera handlingar som omfattar tvang og makt, under dette ein klår forståing av tvangsomgrepet i kapittel 4A
• Av tilsendt dokumentasjon og intervju kom det fram at kommunen ikkje har tilstrekkjelege rutinar for eigenkontroll med å overhalde reglane i kapittel 4A
• Det vert nytta varslingssystem med tekniske innretningar knytt til ein tenestemottakarar utan at det er føretatt vurderingar opp mot reglane i kapittel 4A

Fylkesmannen fann ikkje grunnlag for merknader på dette område.

• Lov om sosiale tenester av 13.12.91, kapittel 4 og 4A
• Lov av 10 februar 1967 om behandlingsmåten i forvaltningssaker
• Forskrift av 20.desember 2002 nr. 1731 i sosial- og helsetenesta
• Forskrift av 27. juni 2003 nr. 792 om kvalitet i pleie- og omsorgssektoren

Dokumentasjon frå verksemda knytt til den daglege drifta og andre viktige forhold som blei send over da revisjonen blei førebudd:

• Organisasjonskart kommunalavdeling for helse og sosiale tenester
• Ansvarsstruktur økonomi – delegering av tilvisningsmynde datert 20.02.06
• Delegering av vedtaksmynde – lov om sosiale tenester - frå rådmann til kommunalsjef datert 21.02.06
• Delegering av mynde til å ta avgjerd om skadeavverjande tiltak etter lov om sosiale tenester § 4A-5 bokstav a – frå kommunalsjef til soneleiar sone sør og nord datert 21.02.06
• Årsmelding for 2004
• Prosedyre knytt til bruk av tvang og makt datert 20.02.06
• 9 stk enkeltvedtak om tildeling av tenester etter lov om sosiale tenester § 4-3 jf § 4-2 bokstav a-d
• 1 stk individuell plan
• 1 stk enkeltmelding om skadeavverjande tiltak i naudsituasjon
• Delegasjonsreglement for Meland kommune datert 13.11.96
• Vedrørande mellombels subdelegasjon frå rådmann til fagsjefane datert 19.11.96.
• Delegering av vedtaksmynde frå kommunalsjef til soneleiar sone sør og sone nord datert 17.03.06
• Delegering av vedtaksmynde frå fagsjef til sosialleiar datert 31.01.00.

Dokumentasjon som blei gjennomgått under revisjonsbesøket:

• Kompetanseutviklingsplan 2005-2006 for kommunalavdeling for helse- og sosiale tenester
• Samarbeidsavtale mellom Meland kommune og Meland arbeidssenter 2005 – 2006
• Stillingsomtale for koordinator for funksjonshemma datert 20.03.02
• Primærkontaktfunksjonen – Heimetenestene – udatert
• Stillings- og funksjonsbeskriving – Soneleiar/Avdelingssjukepleiar datert 20.03.02
• Kvalitetssystem – helse- og sosialtenesta – Metodeperm for arbeidsplassen knytt til utarbeiding av individuell plan og oppretting av tverrfaglege ansvarsgrupper datert 05.09.05
• Kvalitetssystem – helse- og sosialtenesta – Metodeperm for arbeidsplassen knytt til oppbygging av kvalitetssystem
• Heimetenesta Sone sør: Gjennomgang av 6 mapper/journalar
• Heimetenesta Sone nord: Gjennomgang av 4 mapper/journalar
• Sosialtenesta: Gjennomgang av 5 mapper/journalar

Korrespondanse mellom verksemda og Fylkesmannen:

• Revisjonsvarsel datert 19.01.06
• Oversending av dokumenter frå kommunen motteke den 02.03.06 og 22.03.06
• Utsending av endeleg program for revisjonen pr. e-post datert 23.03.06

Tabellen under gir ei oversikt over deltakarane på opningsmøte og sluttmøte, og over kva personar som blei intervjua.

Frå tilsynsorganet deltok:
Vibeke Herskedal, revisjonsleiar
Torill Vebenstad
Ellen H. Arrestad