Fylkesmannen i Aust-Agder har som eit ledd i eit landsomfattande tilsyn gjennomført tilsyn som systemrevisjon i Åmli kommune. Den 09.10.06 var det synfaring i tilpassa bueiningar der kommunen yter sosiale tenester heile døgeret samt gransking av alminnelige vedtak. Den 11.10.06 var det opningsmøte, intervjuar og sluttmøte.

Denne rapporten gjer greie for dei avvika og merknadene som blei påpeikte innanfor dei områda som blei reviderte. Systemrevisjonen gjaldt følgjande område:

Om kommunen sikrar at tenestemottakarar får eit forsvarleg tenestetilbod etter lov om sosiale tenester § 4-3 jf § 4-2 bokstav a-d, på ein slik måte at det er i samsvar med endra behov uavhengig av kommunens rammer.

Om kommunen sikrar utføring av tenester etter lov om sosiale tenester § 4-2 a-d for personar med psykisk utviklingshemming utan bruk av tvang i strid med reglane i lov om sosiale tenester Kap 4A.

Det vart under tilsynet funne grunnlag for eitt avvik og ein merknad.

Avvik:
Alle tilsette som utfører tenester for kommunen har ikkje fått den naudsynte opplæringa om tvang og makt. I einskilde situasjonar har det vore nytta ulovlig tvang og makt. Kommunen har ikkje alltid følgt dei reglane for sakshandsaming som loven krev ved bruk av tvang og makt.

Merknad:
Kommunen har ei utfordring i å sjå til at dei formelle vedtaka om dei alminnelige tenestene etter Kap 4 er eit uttrykk for dei tenestene som blir ytt i praksis.

Dato:

Rapporten er utarbeidd etter systemrevisjon ved Åmli kommune i perioden 01.09.06 - 31.10.06. Revisjonen er ein del av det landsomfattande tilsynet med bruk av tvang og makt mot personar med psykisk utviklingshemming som Statens helsetilsyn har fastsett skal gjennomførast i 2006, og går inn som ein del av den planlagde tilsynsverksemda hos Helsetilsynet i Aust-Agder i dette året.

Helsetilsynet i fylket har fullmakt til å føre tilsyn med helsetenesta etter lov om statleg tilsyn med helsetenesta § 2.

Formålet med systemrevisjonen er å vurdere om verksemda tek hand om ulike krav i lovgivinga gjennom internkontrollen sin. Revisjonen omfatta å undersøkje om:

• kva tiltak verksemda har for å avdekkje, rette opp og førebyggje brot på lovgivinga innanfor de tema tilsynet omfattar
• tiltaka blir følgde opp i praksis og om nødvendig korrigerte
• tiltaka er gode nok for å sikre at lovgivinga blir følgd

Ein systemrevisjon blir gjennomført ved å granske dokument, ved intervju og andre undersøkingar.

Rapporten handlar om avvik og merknader som er avdekte under revisjonen og gir derfor inga fullstendig tilstandsvurdering av det arbeidet verksemda har gjort innanfor dei områda som tilsynet omfatta.

• Avvik dreier seg om at krav som er gitt i eller i tråd med lov eller forskrift, ikkje er oppfylte
• Merknad er forhold som ikkje er i strid med krav som er fastsette i eller i tråd med lov eller forskrift, men der tilsynsorganet finner grunn til å påpeke betringspotensial

Åmli kommune er ein innlandskommune med om lag 1850 innbyggjarar der om lag 25 % av innbyggjarane bur i eller nær Åmli sentrum, og resten bur spreitt. Folketalet har vist ein svak nedgang dei seinare åra. Talet på psykisk utviklingshemma ligg på landsgjennomsnitt.

Etter ei omorganisering er det no ein såkalla flat struktur med 11 avdelingar under rådmannen, der Avdeling for funksjonshemma har ansvar for tenester til dei psykisk utviklingshemma i kommunen.

Kommunen har ikkje rapportert tvangsbruk til Fylkesmannen sidan sosialtenestelova Kap 6A trådde i kraft 01.01.99. Heller ikkje etter sosialtenestelova Kap 4A har Fylkesmannen motteke meldingar om tvang og makt.

Systemrevisjonen omfatta følgjande aktivitetar:

Revisjonsvarsel blei sendt ut 01.09.06. Oversikt over dokument som verksemda har sendt Fylkesmannen i samband med tilsynet, er gitt i kapitlet Dokumentunderlag.

Synfaring blei gjennomført måndag 11.10.06, der vi og hadde samtale med pårørande/hjelpeverje.

Opningsmøte blei halde onsdag 11.10.06.

Intervju
6 personar blei intervjua.

Oversikt over dokumentasjon som blei gjennomgått under revisjonsbesøket, er gitt i kapitlet Dokumentunderlag.

Sluttmøte blei halde onsdag 11.10.06.

I dette tilsynet har merksemda vore retta mot om kommunen sikrar at forholda vert lagt til rette for tenesteyting til personar med psykisk utviklingshemming med minst mogeleg bruk av tvang og makt jf § 4A-4, og om tenestemottakar sitt tenestetilbod etter lov om sosiale tenester § 4-2 bokstav a-d blir endra i samsvar med endring i hjelpebehov.

Tilsynet omfatta følgjande område:

Område 1:
Om kommunen sikrar at tenestemottakar får eit forsvarleg tenestetilbod etter lov om sosiale tenester § 4-3 jf § 4-2 bokstav a-d, i samsvar med eventuelle endra hjelpebehov og uavhengig av endra rammer.

Område 2:
Om kommunen sikrar utføring av tenester etter lov om sosiale tenester § 4-2 bokstav a-d for personar med psykisk utviklingshemming utan bruk av tvang og makt i strid med reglane i lov om sosiale tenester kapittel 4A.

Område 1:
Fylkesmannen fann ikkje grunnlag for avvik på dette området.

Merknad:
Kommunen har ei utfordring i å sjå til at dei formelle vedtaka om dei alminnelige tenestene etter Kap 4 er eit uttrykk for dei tenestene som blir ytt i praksis.

Merknaden byggjer på følgjande observasjonar:

• Kommunen har vedtak som beskriv kva type tenestar som skal ytast, og det er grunngjeve på ein god nok måte.
• Kommunens ressursar på området er i utgangspunktet tilstrekkelege, men det er ikkje sikkert at vedtaka er uttrykk for det reelle tenestetilbodet som brukarane får. Brukarane har ofte 1:1 tenester i egen bueining, men det er og tidspunkt der dei må dele på ressursane.
• Tenesteytarane er ikkje godt kjent med innhaldet i vedtaka.
• Tenesteytarane endrar i nokre høve tenestene etter behov hos brukarane, utan at det fattast nye vedtak om Kap 4 tenester.

Kommentar:
Gjennom internkontroll skal kommunen på ein planlagd og systematisk måte styre verksemda. Dette kan i denne samanheng gjerast ved å sikre at dei tilsette har kunnskap om de alminnelige vedtaka etter Kap 4. Presise vedtak sikrar at tenestene vert tilpassa den einskilde. Ved endra behov skal vedtaka endrast dersom det er vesentlege endringar.

Område 2:

Avvik 1:
Alle tilsette som utfører tenester for kommunen har ikkje fått den naudsynte opplæringa om tvang og makt. I einskilde situasjonar har det vore nytta ulovlig tvang og makt. Kommunen har ikkje alltid følgt dei reglane for sakshandsaming som loven krev ved bruk av tvang og makt.

Avvik frå:

• Lov om sosiale tenester § 2-3 (opplæring)
• Lov om sosiale tenester Kap 4A, §§ 4A-2 andre ledd (tvangsomgrepet), 4A-6, tredje ledd (særlige grenser for bruk av tvang) og 4A-7 (sakshandsamingsreglar)
• Forskrift om internkontroll § 4 (systematisk styring og kontroll)

Avviket byggjer på følgjande observasjonar:

• Ved tilsetjing i tenesta for funksjonshemma gis det opplæring og informasjon om korleis dei tilsette skal handtere reglane i Kap 4A, det gjeld og vikarar. Fleire av personalet som er fast tilsett har i 2005 vore med på Fylkesmannens kurs om Kap 4A.
• Det er ikkje gjeve opplæring til støttekontaktar eller til andre private som er leigd inn for å utføre tenester. Det betyr at det ikkje er gitt god nok opplæring i reglane om bruk av tvang og makt i kapittel 4A til alle som har ansvar for, tildeler og utfører tenester til personar med psykisk utviklingshemming i kommunen.
• Kap. 4A er ikkje med på opplæringsplanen for kommunen.
• Interne rapportar dokumenterar at tvangsbruk har vore nytta. I nokre situasjonar er det gjort på ein slik måte at det er ulovlig tvangsbruk.
• Der tvang og makt har vore nytta, har ikkje alltid sakhandsamingsreglane i Kap 4A vore følgt, dvs at melding til Fylkesmannen ikkje er nedskriven slik prosedyren i loven krev.
• Kommunen har system for å registrere tvangsbruk internt, og det er høve til å ta opp Kap 4A sakar i personalmøtar. I einskilde høve har dette likevel ikkje fungert slik at alle sakar har vore fanga opp.

• Lov om sosiale tenester av 13.12.91, kapittel 4 og 4A
• Lov av 10. februar 1967 om behandlingsmåten i forvaltningssaker
• Forskrift av 20.desember 2002 nr. 1731 i sosial- og helsetenesta
• Forskrift av 27. juni 2003 nr. 792 om kvalitet i pleie- og omsorgssektoren

Dokumentasjon frå verksemda knytt til den daglege drifta og andre viktige forhold som blei send over da revisjonen blei førebudd:

• Organisasjonskart
• Delegasjonsreglement
• Opplæringsplan
• Prosedyre for situasjonar der Kap 4A skal nyttast
• Definisjonar, ulike rutinar
• Rutinar for skadeavvergjande meldingar
• Skjema for skadeavvergjande tiltak
• Utskrift av lovtekst
• Oversikt overtilsette
• Miljøregler
• Tilsettingsrutinar
• Anonymisert oversikt over særlig krevjande psykisk utviklingshemma i kommunen

Dokumentasjon som blei gjennomgått under revisjonsbesøket:

• Fire brukarmapper om Kap 4 tenester til psykisk utviklingshemma
• Permar med miljøregler, rutinar, registreringar og rapportbok.

Korrespondanse mellom verksemda og Helsetilsynet i Aust-Agder:

• 01.09.06 Varsel om tilsyn
• 22.09.06 Brev med dokumentasjon frå kommunen

Tabellen under gir ei oversikt over deltakarane på opningsmøte og sluttmøte, og over kva personar som blei intervjua.

Frå tilsynsorganet deltok:
Egil Nordlie og Lasse Svenstrup Andersen