Denne rapporten gjer greie for dei avvika og merknadene som blei påpeikte innanfor dei områda som blei reviderte. Systemrevisjonen gjaldt følgjande område:

Tenester til rusmiddelmisbrukarar etter sosialtenestelova kap. 4 og 6

Fylkesmannen avdekka eit avvik:

Vaksdal kommune sikrar ikkje at rusmiddelmisbrukarar med behov for langvarige og koordinerte tenester får tilbod om individuell plan.

Dato:

Rapporten er utarbeidd etter systemrevisjon ved Vaksdal kommune i perioden 19.09.06 - 17.11.06. Revisjonen går inn som ein del av den planlagde tilsynsverksemda hos Fylkesmannen i dette året

Fylkesmannen har fullmakt til å føre tilsyn med sosialtenesta etter lov om sosiale tenester § 2-6.

Formålet med systemrevisjonen er å vurdere om verksemda tek hand om ulike krav i lovgivinga gjennom internkontrollen sin. Revisjonen omfatta å undersøkje om:

• kva tiltak verksemda har for å avdekkje, rette opp og førebyggje brot på lovgivinga innanfor de tema tilsynet omfattar
• tiltaka blir følgde opp i praksis og om nødvendig korrigerte
• tiltaka er gode nok for å sikre at lovgivinga blir følgd

Ein systemrevisjon blir gjennomført ved å granske dokument, ved intervju og andre undersøkingar.

Rapporten handlar om avvik og merknader som er avdekte under revisjonen og gir derfor inga fullstendig tilstandsvurdering av det arbeidet verksemda har gjort innanfor dei områda som tilsynet omfatta.

• Avvik dreier seg om at krav som er gitt i eller i tråd med lov eller forskrift, ikkje er oppfylte
• Merknad er forhold som ikkje er i strid med krav som er fastsette i eller i tråd med lov eller forskrift, men der tilsynsorganet finner grunn til å påpeke betringspotensial

Vaksdal kommune tildelar og yter tenester etter sosialtenestelova kap. 4 i fire ulike einingar. Tre av einingane yter sosiale tenester til rusmiddelmisbrukare. Med støtte frå sosial – og helsedirektoratet har kommunen oppretta eit prosjekt MIR for miljøarbeid i rusomsorgen. Hensikta er å gjere kvardagen lettare for rusmiddelmisbrukarane i kommunen Rusmiddelmisbrukarane som er med i prosjektet får oppfølging kvar veke ved oppsøkande/miljøretta teneste. Prosjektet inneber også deltaking i arbeid med å sette i stand ein båt.

Systemrevisjonen omfatta følgjande aktivitetar:

Revisjonsvarsel blei sendt ut19.09.06. Oversikt over dokument som verksemda har sendt over i samband med tilsynet, er gitt i kapitlet Dokumentunderlag.

Opningsmøte blei halde 06.11.06.

Intervjuer

7 personar blei intervjua.

Oversikt over dokumentasjon som blei gjennomgått under revisjonsbesøket, er gitt i kapitlet Dokumentunderlag.

Sluttmøte blei halde 09.11.06.

Tilsynet omfatta tenester til rusmiddelmisbrukarar med utgangspunkt i følgjande krav:

1. Opplysning, råd og rettleiing, jf lov om sosiale tenester mv. § 4-1, jf. § 2-1.
2. Tenester direkte retta mot rusmiddelmisbrukarar - praktisk bistand og opplæring, støttekontakt og plass i institusjon, jf lov om sosiale tenester mv. §§ 4-2 a, c og d, 4-3, jf. §§ 2-1 og 8-1.
3. Mellombels husvære, jf lov om sosiale tenester mv. § 4-5, jf. §§ 2-1 og 4-2.
4. Oppfølging i behandlingsopplegg, jf lov om sosiale tenester mv. § 6-1 fjerde ledd, jf. første ledd, §§ 2-1 og 4-1.
5. Naudsynte tiltak ved avslutninga av opphald i institusjon, jf lov om sosiale tenester mv. § 6-1 fjerde ledd, jf. første ledd, §§ 2-1 og 4-1.

Avvik 1:
Vaksdal kommune sikrar ikkje at rusmiddelmisbrukarar med behov for langvarige og koordinerte tenester får tilbod om individuell plan.

Avvik frå følgjande krav frå styresmaktene:

Sosialtenestelova § 4-3a, jf Forskrift om internkontroll i sosial- og helsetenesta § 4

Kommentar:
Den som har behov for langvarige og koordinerte tenester har rett til å få utarbeida individuell plan. Dette inneber at kommunen må vurdera om personar har rett på individuell plan og tilby dette til personar som fyller krava.

Avviket byggjer på følgjande:

• Det vart opplyst i intervju og går fram av framlagt dokumentasjon at ingen rusmiddelmisbrukarar som mottar sosiale tenester har individuell plan, men at fleire vil kunne ha rett på slik plan. Ingen av dei aktuelle er gitt tilbod om individuell plan.
• Det er ikkje fastsett rutinar for arbeidet med individuell plan for rusmiddelmisbrukare
• Ansvaret for arbeidet med individuell plan for rusmiddelmisbrukare er ikkje klart plassert..

• Lov av 13. desember 1991 nr. 81 om sosiale tjenester mv.
• Forskrift av 20. desember 2002 nr. 1731 om internkontroll i sosial- og helsetenesta.
• Lov om behandlingsmåten i forvaltningssaker av 10. februar 1967.

Dokumentasjon frå verksemda knytt til den daglege drifta og andre viktige forhold som blei send over da revisjonen blei førebudd:

• Organisasjonskart over den administrative leiinga i kommunen
• Internkontrolldokument for sosialteneste datert 05.10.06
• Delegasjonsreglement frå kommunestyret datert 10.06.03
• Delegasjonsreglement frå Rådmann datert 24.02.03
• Årsmelding 2005
• Rutinehåndbok for sosial- og barneverntenesten revidert 05.10.06
• Plan for sikkerheitsrutinar datert 01.07.03
• Kommunal rusplan oppdatert 20.02.06
• Tenesteskildringar godkjent av kommunestyret 2005
• Tenesteskildring tiltaksarbeid
• Kopi av tre siste vedtak om praktisk bistand
• Kopi av tre siste vedtak om tildeling av mellombels husvære
• Dokumenter frå prosjekt MIR
  - Søknad om tilskot av 12.05.05
  - Tildeling av tilskot av 11.07.05
  - Prosjektrapport 2005
  - Søknad om forlenging av 14.02.06
  - Tildeling av tilskot for 2006 datert 05.04.06
• Kvalitetsavtale vedr. mellombels bustad med Nye Dale Vertshus datert 02.10.06

Dokumentasjon som blei gjennomgått under revisjonsbesøket:

• Gjennomgang av mapper frå tre av einingane for til saman 8 rusmiddelmisbrukarar

Korrespondanse mellom verksemda og Fylkesmannen:

• Varsel datert 19.09.06
• Oversending av dokument frå kommunen datert 06.10.06
• Brev frå kommunen datert 25.10.06
• E-post til kommunen om intervjuliste 30.10.06 og 31.10.06
• E-post frå kommunen med oversikt over aktuelle tilsette i kommunen 24.10.06 og 25.10.06

Tabellen under gir ei oversikt over deltakarane på opningsmøte og sluttmøte, og over kva personar som blei intervjua.

Frå tilsynsorganet deltok:
Hilde Ordemann
Vibeke Herskedal
Jarle Landås, revisjonsleiar