International public health - IPH - ny tverrfagleg internasjonal modul i folkehelsearbeid ved HF

Som ein av dei få i verda tilbyr Avdeling for Helsefag (HF) nå ein ny modul om IPH som gir ei grunnleggjande forståing av og tilnærming til folkehelsearbeid. Modulen er utvikla på tvers av utdanningane og vert nå tilbode på tvers av avdelingane. Andre vert oppfordra til å søkje i eit bachelorprogram ved universitet eller høgskole i inn- og utland, eller som ei vidareutdanning.

"Stretch your knowledge Make a difference" seier brosjyra, og prosjektkoordinator Jorid Grimeland meiner utsegnet beskriv kjerna i modulen godt:"Folkehelsearbeid er eit ansvar for alle uansett utdanning. Det bør vera alles ansvar - felles for alle nivå og sektorar. I dette arbeidet meiner eg at vi i avdelinga har vore med på å gje folkehelsearbeidet eit løft."

Folkehelse på alvor

Modulen har eit internasjonalt og eit nasjonalt perspektiv fordi vi lever i ei globalisert verd, den er dermed også svært samfunnsrelevant.

Modulen kan åpne for arbeid nasjonalt og internasjonalt på mange område. Ein kan tenkje seg helse- og sosialteneste, arbeidshelse i offentleg og privat verksemd (HMS), friviljuge organisasjonar og annan offentleg og privat verksemd alt etter kva profesjon/interesse ein har.

Folkehelse i internasjonalt perspektiv

Kvifor er denne modulen så viktig, og kvifor bør ein velja den?

Jorid Grimeland seier det slik: "Internasjonalt folkehelsearbeid inneber å arbeida i settingar der lokale forhold betyr mykje for folk si helse.
Studenten får ei internasjonal forståing i utdanninga si, og får sjanse til å vera med å gjera ein forskjell.
Verda treng dynamiske profesjonelle som har internasjonal kompetanse .
Du kan vera med å påverka helsetilstanden til samfunn der du vel å jobba."

Prosjektkoordinator Jorid Grimeland (Foto: Idun Stokka)

Arbeidsspråk og arbeidsform

Undervisnings- og arbeidsspråk er engelsk, både skriftleg og muntleg, både fordi mange internasjonale og nasjonale verksemder nytter engelsk som arbeidsspråk, og fordi dette er det dominerande språket innan forsking.

Arbeidsformen er ressursforelesingar og gruppearbeid. Prosjektarbeid er viktig, og studentane skal planleggje, gjennomføre og rapportere eit lite prosjekt.

Prosjektet kan vera forarbeid til ei bacheloroppgåve.

International Public Health avdelingsovergripande?

Målgruppa i første omgang er eigne studentar. Modulen vert óg tilboden til studentar i bachelorprogram frå andre universitet og høgskolar i inn- og utland

Andre kan ta modulen som ei vidareutdanning, om dei har 120 studiepoeng frå universitet eller høgskole.

Det er 40 studieplassar for studentar i bachelorprogram utanfor HFog 40 for personar som tek modulen som vidareutdanning

HF har vendt seg til Avdeling LU, SAM og SU med tibod om at denne modulen kan tas som ein valfri modul i bachelorutdanningane på desse avdelingane.

Presentasjon engelsk

EVU-katalog IPH

Oppdatert: 30. mars 2007 14:51:43
Redigert av: Idun Stokka