Juridiske fag

Høgskolen i Telemark (HiT) har omlag 5000 studentar og 500 tilsette. Høgskolen er organisert i fire avdelingar og har undervisnings- og FoU-verksemd i Bø, Notodden, Porsgrunn og Rauland. Fellesadministrasjonen er plassert i Porsgrunn.

Ved Avdeling for allmennvitskaplege fag i Bø er det ledig ei 100 % fast stilling som førsteamanuensis/ førstelektor/ høgskolelektor i juridiske fag frå l. august 2008 (eventuelt tidlegare). Ved avdelinga er det f.t. om lag 90 undervisnings-/forskingsstillingar, og om lag 15 administrative stillingar. Stillinga er knytt til Institutt for økonomi og informatikk. Instituttet har om lag 30 faglege stillingar.

Til stillinga er det lagt ansvar for undervisning i juridiske emne i bachelorstudia i økonomi og administrasjon, innovasjon og entreprenørskap samt revisjon, og eigedomsmekling. Det er også lagt forskings- og utviklingsoppgåver i tilknyting til fagområdet. Stillinga kan bli tillagt arbeids- og undervisningsoppgåver knytte til studium ved andre avdelinger ved høgskolen, og deltaking i samarbeidsoppgåver på tvers av institutt- og avdelingsgrenser må påreknast. Det er lagt administrative oppgåver til stillinga.

For fast tilsetjing som høgskolelektor krevst det juridisk embetseksamen. Det vil bli lagt vekt på gode kvalifikasjoner i forretningsjuss og juridiske fag generelt. Vidare krevst det forskingskvalifikasjonar ut over mastergrads-/hovudfagsnivå, og/eller relevant yrkeserfaring. Søkjarar med forskingskompe­tanse vil bli priori­terte. Det blir og føresett pedagogisk kompetanse dokumentert gjennom minst ½ års praktisk-pedagogisk utdanning eller gjennom kortare kurs i høgskolepedagogikk, og minst eitt års erfaring frå undervisning/rettleiing. Søkjar som ikkje har slike pedagogiske kvalifikasjonar, kan bli tilsett med plikt til å kvalifisere seg innan 3 år frå ein tiltrer stillinga.

For å få tilsetjing som førsteamanuensis blir det i tillegg kravd norsk doktorgrad på aktuelt fagområde eller tilsvarande utanlandsk doktorgrad godkjent som likeverdig med norsk doktorgrad, eller kompetanse på tilsvarande nivå dokumentert ved vitskapleg arbeid av same omfang og kvalitet.

For tilsetjing som førstelektor vert det kravd omfattande forskings- og utviklingsarbeid som i kvalitet og omfang tilsvarar arbeidsmengde og nivå for ei doktorgradsavhandling.

Aktuelle søkjarar vil bli innkalte til konferanse og må rekne med å halde prøveforelesning.

Stilling som førsteamanuensis og førstelektor, stillingskode 1011 og 1198, er plassert i lønssteg 57-70 i statens lønsregulativ. Stilling som høgskolelektor, stillingskode 1008, er plassert i lønssteg 45-63, avhengig av tidlegare tenestetid. Det går 2 % av lønna til lovfesta innskott i Statens Pensjonskasse.

Den statlege arbeidsstyrken skal i størst muleg grad gjenspegle mangfaldet i befolkninga. Personar med innvandrarbakgrunn oppfordrast til å søke stillinga. Ved avdelinga er det få kvinner i undervisnings-/forskingsstillingar, og kvinner blir oppmoda om å søkje.

Interesserte kan få nærare omtale av stillinga ved å vende seg til instituttleiar Hans Martin Rugstad, tlf. 35 95 27 50 eller høgskolelektor Sveinung Sauar, tlf. 35 95 26 21.

Søknad merka ref nr. 07/1570 med rettkjende avskrifter av vitnemål og attestar samt publikasjonar m.v. - alt i 3 eksemplar – skal sendast til Høgskolen i Telemark, Avdeling for allmennvitskapelege fag, Hallvard Eikas plass, 3800 Bø i Telemark, innan 21.10.07.