Informatikk

Høgskolen i Telemark (HiT) har omlag 5000 studentar og 500 tilsette. Høgskolen er organisert i fire avdelingar og har undervisnings- og FoU-verksemd i Bø, Notodden, Porsgrunn og Rauland. Fellesadministrasjonen er plassert i Porsgrunn.

Ved Avdeling for allmennvitskaplege fag i Bø er det ledig ei 100 % fast stilling som førsteamanuensis/ førstelektor/høgskolelektor i informatikk fag frå l. januar 2008. Ved avdelinga er det f.t. om lag 90 undervisnings-/forskingsstillingar, og om lag 15 administrative stillingar. Stillinga er knytt til Institutt for økonomi og informatikk. Instituttet har om lag 28 faglege stillingar. Avdelinga har elles fageiningar innen kultur- og humnistiske fag, idretts- og friluftslivsfag og natur-, helse- og miljøvernfag.

Til stillinga er det lagt et spesielt ansvar for å følgje opp samarbeidet med IT-næringslivet i regionen. Dessutan følgjer ansvar for undervisning i informatikk, både ved informatikkstudia og ved andre studium som økonomi/administrasjon og innovasjon/ entrepresnørskap.

Søkjarar må såleis ha brei undervisningserfaring innen informatikk frå høgare utdanning i emne som er relevante for høgskolens studium, og ha eigen erfaring frå næringsliv, etablering, prosjektleiing og liknande. Søkjarar må kunne vise til dokumenterbare resultat frå samarbeidsprosjekt og netteverksbygging.

Økonomi- og informatikkstudia ved høgskolen er i utvikling, og det kan i tråd med dette bli aktuelt med endrinagr i ansvarsområdet for stillinga.

Stillinga kan bli tillagt arbeids- og undervisningsoppgåver ved studium ved andre avdelingar i høgskolen og deltaking i samarbeids-oppgåver på tvers av institutt- og avdelingsgrenser. Det er lagt administrative oppgåver til stillinga.

For tilsetting som høgskolelektor blir det kravd høgare utdanning på mastergrads/hovudfagsnivå i informatikk, samt forskingskvalifikasjonar ut over mastergrads/hovudfagsnivå, og/eller relevant yrkeserfaring. Det blir og føresett pedagogisk kompetanse dokumentert gjennom minst ½ års praktisk-pedagogisk utdanning eller gjennom kortare kurs i høgskolepedagogikk, og minst eitt års erfaring frå undervisning/rettleiing. Søkjar som ikkje har slike pedagogiske kvalifikasjonar, kan bli tilsett med plikt til å kvalifisere seg innan 3 år frå ein tiltrer stillinga.

Det blir i tillegg lagt vekt på vitskapleg, pedagogisk og administrativ røynsle frå næringslivet.

For å få tilsetjing som førsteamanuensis blir det i tillegg kravd norsk doktorgrad på aktuelt fagområde eller tilsvarande utanlandsk doktorgrad godkjent som likeverdig med norsk doktorgrad, eller kompetanse på tilsvarande nivå dokumentert ved vitskapleg arbeid av same omfang og kvalitet.

For tilsetjing som førstelektor vert det kravd omfattande forskings- og utviklingsarbeid som i kvalitet og omfang tilsvarar arbeidsmengde og nivå for ei doktorgradsavhandling.

Aktuelle søkjarar vil bli innkalte til konferanse og må rekne med å halde prøveforelesning.

Stilling som førsteamanuensis og førstelektor, stillingskode 1011 og 1198, er plassert i lønssteg 57-70 i statens lønsregulativ. Stilling som høgskolelektor, stillingskode 1008, er plassert i lønssteg 45-63, avhengig av tidlegare tenestetid. Det går 2 % av lønna til lovfesta innskott i Statens Pensjonskasse.

Den statlege arbeidsstyrken skal i størst muleg grad representere mangfoldet i befolkninga. Personar med innvandrarbakgrunn oppfordrast til å søke stillinga. Kvinner oppfordrast særskillt til å søke stillinga.

Interesserte kan få nærare omtale av stillinga ved å vende seg til instituttleiar Hans Martin Rugstad, tlf. 35 95 27 50 eller høgskolelektor Sveinung Sauar, tlf. 35 95 26 21.

Søknad merka ref nr. 07/1569 med rettkjende avskrifter av vitnemål og attestar samt publikasjonar m.v. - alt i 3 eksemplar – skal sendast til Høgskolen i Telemark, Avdeling for allmennvitskaplege fag, Hallvard Eikas plass, 3800 Bø i Telemark, innan 21.10.07.