Biblioteket / Søkjerettleiing til NCOM - Nordisk massekommunikasjonslitteratur

NCOM er ein bibliografisk database over nordiske publikasjonar innan feltet medievitskap og massemedier ved Statsbiblioteket i Aarhus. Databasen inneheld referansar til litteratur utgjeve sidan 1975. Dokumentalistar ved Statsbiblioteket i Aarhus, Universitetet i Tammerfors, Universitetet i Reykjavik, Universitetet i Bergen og Göteborgs universitet rapporterer inn referansar til databasen. Pr. 1.1.97 inneheldt basen omlag 25.000 referansar.

Bibliografien registrerer bøker, artiklar i antologiar og tidsskrift, avhandlingar, forskingsrapportar, konferanserapportar, arbeidspapir, hovudfagsoppgåver og anna grått materiale.

Avansert søking

Ein kan bruka dei boolske operatorane: and, or, not, word in sequences mellom ord i eit tekstfelt. Mellom tekstfelta kan ein bruka and og or.

Trunkeringsteikn er $.

Søking i dei enkelte felta

Titel (enkelte ord).
Ein skriv inn eitt eller fleire pregnante ord frå tittelen:

Dagbladet innhaldsanalyse

Forfatter - efternavn.
Namnet skal  vera på forma førenamn etternamn. Ein kan også velja berre å søkja på etternamnet. Store og små bokstavar spelar inga rolle:

roppen
johann roppen

Emneord - kontrollerede
Desse emneorda er på engelsk, og er også brukte i den trykte utgåva av Nordicom. Der finn ein dei i emneordsregisteret. Sjå også nedanfor om Indeksoppslag.

documentary films
television documentaries

Kryss av for "Ord i rækkefølge" eller "og" for søking på fleire ord i same felt samtidig.

Avgrensing av søkemengda

Døme nr. 1:

Emneord - kontrollerede:    documentary films

Emneord- supplerende:       Norway

Døme nr. 2:

Emneord - kontrollerede:    documentary films

Udgivelsesår:                      1998

Her kan ein berre skriva inn eitt og eitt år i gangen, det er ikkje mogleg å redusera treffmengda til ein periode.

Døme nr. 3.

Emneord - kontrollerede:    documentary films

Språk:                                   nor

(Det må brukast standardiserte kodar for språk: t.d.: eng, swe, dan, fin)

Andre døme på søk:

Emne: Korleis vert innvandrarar omtalt i massemedia?

I dette søket bruker vi termane  press, mass media, newspapers som er ord som dekkjer nærliggjande omgrep. I tillegg vil vi søkje på termen immigrants i kombinasjon med desse termane. I NCOM kan vi ikkje få søkt på alle desse termane samtidig. Løysinga er å gjere fleire søk på dei ulike termane:

Kryss av for og  for søking på fleire ord i same felt samtidig:

1. søk:

Emneord - kontrollerede: newspapers immigrant$

2. søk:

Emneord - kontrollerede: press immigrant$

3. søk:

Emneord - kontollerede: mass media immigrant$

Indeksoppslag

Det kan gjerast oppslag i desse indeksane:

Forfatter
Emneord - Alle
Emneord - Kontrollerede
Udgiver

Marker først kva type indeks du vil søkja i. Deretter skriv du nokre av dei første bokstavane i det ordet der du vil starta søket. Du får opp ei alfabetisk liste der det også er oppgitt framfor kvar term kor mange gonger den finst i basen. Ved å klikka på den enkelte termen får du opp ei treffliste med dei aktuelle referansane.

Framvising av referansane

Du kan velja mellom fire ulike format:

Kort format: Ei linje for kvar referanse med opplysningar om forfattar, tittel og utgivingsår.

Standardformat: Den bibliografiske referansen vert vist med fortekstar. Her er også emneord med.

Langt format: Dette tilsvarer standardformatet, med referat av innhaldet i tillegg.

Inndataformat: Dette viser postane med MARC-kodar.

Når du har trefflista framme på skjermen i kort format, kan du bla fram og tilbake i skjermbiletet for å få fram fleire referansar. Dersom du har valt eitt av dei andre formata, kan du til ei kvar tid velja å visa posten i eitt av dei andre formata. Du kan også bla fram post for post ved å klikka på "Næste post".

Utarbeidd av:
Kirsten Hundvebakke, kh@hivolda.no

Skriv ut