Avdeling for samfunnsfag (ASF) tilbyr høgare utdanning innanfor kommunalfag, kristendomskunnskap og kyrkjefag, og sosialfag.
Studia ved ASF varer frå 1 til 4 år, og fleire av utdanningane er retta mot administrativt arbeid innan offentleg forvaltning. Dette gjeld m.a. kommunal planlegging og administrasjon og kyrkjeverjeutdanning. Avdelinga er i tillegg til grunnutdanningane engasjert i ei rekkje etter- og vidareutdanningstilbod. Dette gjeld t.d. vidareutdanning for trygdefunksjonærar, kombinerte trygdestudium, kurs i regional planlegging, og kurs i leiing for offentleg tilsette.
Studentmåltalet for avdelinga er 540 og desse er fordelt med 255 på sosialfag, 185 på kristendomskunnskap og kyrkjefag og 100 på kommunalfag. I tillegg kjem 69.6 heiltidsekvivalentar som vi gjev tilbod om gjennom kurs, etter- og vidareutdanning.
Kandidatproduksjonen for 1997 var god. 255 kandidatar vart uteksaminert. Til samanlikning vart det uteksaminert 169 kandidatar ved avdelinga i 1996. Ein gjer merksam på at «kandidatproduksjon» i denne statistikken er det same som utskrevne vitnemål/karakter-utskrifter. Avdelinga uteksaminerte t.d. 29 barnevernspedagogar, 40 sosionomar, 29 kommuneplanleggjarar og 3 kateketar. 51 studentar har avlagt eksamen i kristendomskunnskap grunnfag og 38 studentar har fått vitnemål for utdanninga i kristendomskunnskap og menig-hetsarbeid (KULS).
Tabellen under syner måltal og talet på uteksaminerte kandidatar ved avdelinga i 1997.
INSTITUTT |
MÅLTAL 1997 |
UTEKSAMINERTE KANDIDATAR 1997 |
|
SOSIALFAG |
255 |
81 |
|
KOMMUNALFAG |
100 |
38 |
|
KRISTENDOMSKUNN-
|
185 |
|
|
KEV |
69.6 |
|
|
SUM |
609.6 |
255 |