Om Høgskulen / Samfunnsfag / Om avdelinga / Avdelingsstyre / 2000 /

Protokoll frå møte i Avdelingsstyret 28.11.2000 kl. 13.15-15.45 på Strøm 314

Til stades:      Torrey Seland, Kjell-Einar Dagfinrud, Håkon Bø (ref.), Alf Roger Djupvik, Klaus Egge, Tor-Johan Ekeland (til kl. 15.00), Birger Inge Jacobsen, Nils Magne Magerøy, Per Magne Aadnanes, ekstern representant Gerd Fløde Bjørlo, studentrepresentantane Jannicke Nordbø, Lillian Helene Brusdal, Liz Camilla Malzev

Melde forfall: Sveinung Dimmen

Referatet frå førre møte vart godkjent utan merknadar.

Merknadar til innkalling og sakliste: Tor-Johan Ekeland ba om at sak 43, Ymse 1, vart handsama før kl. 15.00. Dette vart teke til følgje.

Saker meldt under ymse:
1) Pensum på 2. barnevern
2) Avdelinga sin representant i studienemnda

Orienteringssaker

a)       Ny FoU-konsulent. Bente Gunn Lien orienterte.

b)      Oversyn over fordelinga av strategiske midlar i år 2000.

c)      Vedtak om underkjenning av praksis

d)      Revisjon av kompetansekatalogen ved avdelinga

e)      Sensoroppnemningar

f)        Møte i Høgskulerådet 30.11.00

SAK 36/2000: REVIDERT UTVIKLINGSPLAN

Avdelingsstyret gjorde slikt samrøystes vedtak:

Utviklingsplanen for ASF for 2001 vert godkjent.

SAK 37/00: STUDIETILBOD FOR ÅR 2001

Avdelingsstyret gjorde slikt samrøystes vedtak:

Avdelingsstyret vedtek studietilbod for institutta for år 2001 i samsvar med tabellvedlegget med dei kommentarar som kom fram i møtet.

SAK 38/2000: FORDELING AV ASF SINE RESERVEMIDLAR I SAMBAND MED OPPTAKET FOR ÅR 2000

Klaus Egge kom med følgjande framlegg:

Saka vert utsett.

Dette framlegget fall med 6 mot 7 røyster (inkl. leiar si dobbelrøyst).

Sveinung Dimmen hadde fremja følgjande framlegg til møtet:

1.      Institutt for kommunalfag får tilbakeført kr 200.000 av avdelinga sine fellesmidlar.

2.      Restbeløpet på kr 134.389 blir fordelt på dei tre institutta etter oppfylt måltalsproduksjon.

Dette framlegget vart røysta over som alternativ til kontorsjefen sitt framlegg til vedtak og fekk 2 røyster.

Avdelingsstyret gjorde slikt vedtak med 10 mot 2 røyster:

Avdelingsstyret fordeler dei øyremerkte midlane til studentopptak med kr. 146 510 til sosialfag. kr. 183 570 til kristendomskunnskap og kyrkjefag, og kr. 4 309 til kommunalfag.

SAK 39/00: ASF sitt framlegg til fordeling av 45-posten (ombyggingar og utstyr) for år 2001     

Tor-Johan Ekeland kom med følgjande alternative framlegg etter at kontorsjefen sitt framlegg til vedtak samrøystes hadde falt:

Avdelingsstyret prioriterer søknad på post 45 når det gjeld utstyr for år 2001 slik:

1. Utstyr til undervisningslokale:                           kr 210.-240.000,-
2. Kopimaskin:                                                               kr   55.000,-

Avdelingsstyret prioriterer søknad på post 45 når det gjeld ombyggingar for år 2001 slik:

1. Bygging av «Torg» i 3. etasje, Strøm-huset:                 kr 185.000,-

Avdelingsstyret gjorde slikt samrøystes vedtak:

Avdelingsstyret prioriterer søknad på post 45 når det gjeld utstyr for år 2001 slik:

1. Utstyr til undervisningslokale:                           kr 210.-240.000,-
2. Kopimaskin:                                                    kr   55.000,-

Avdelingsstyret prioriterer søknad på post 45 når det gjeld ombyggingar for år 2001 slik:

1. Bygging av «Torg» i 3. etasje, Strøm-huset:      kr 185.000,-

Sak 43, Ymse 1, vart handsama på dette punktet i dagsorden. Tor-Johan Ekeland gjekk etter denne saka

SAK 40/2000: FRAMLEGG TIL INNSPARING PÅ 2001-BUDSJETTET

Avdelingsstyret gjorde slikt samrøystes vedtak:

1. Avdelingstyret viser til at avdelinga har produsert i overkant av det pålagte kravet siste år, inkludert den pålagte auken frå i fjor på 32 heiltidsekvivalentar.
2. Avdelingsstyret peikar på at ei framskriving av førre års vedtekne studietilbod vil på grunn av innføringa av mastergradsstudiet gi ei auke i måltalet ved avdelinga på om lag 5 heiltidsekvivalentar.
3. Avdelingsstyret peikar på at oppstart av 2 nye planlagte einingar i mastergradsstudiet i samfunnsplanlegging hausten 2001vil føre til ytterlegare måltalsauke på 20 ekvivalentar.
4. Avdelingsstyret peikar på at avdelinga si måloppnåing i år 2000 er gjort i all hovudsak innanfor det tildelte fagbudsjettet.
5. Avdelingsstyret peikar på dei omstillingsprosessane som avdelinga har gjennomført og er inne i, og ber om at ressursar til omstillingsarbeid vert plassert på avdelingsnivå.
6. Avdelingsstyret peikar på at det ikkje lenger er vesentlege innsparingsgevinstar å hente ved å samordne undervisninga ved denne avdelinga meir.
7. Avdelingsstyret ber styret merke seg FoU-produksjonen som kjem frå avdelinga, og ber styret skape nødvendig rom for slik aktivitet ved å verdsetje den meir i samsvar med den normerte ressursinnsatsen styret tidlegare har vedteke for slikt arbeid. (jf høgskulestyresak 25/99)

SAK 41/2000: SØKNAD OM Å LEGGE NED KYRKJEVERJEUTDANNINGA

Avdelingsstyret gjorde slikt samrøystes vedtak:

1.       Avdelingsstyret ber om at det ikkje vert teke opp studentar til kyrkjeverjeutdanninga hausten år 2001.

2.       Avdelingsstyret ber om at kyrkjeverjeutdanninga vert lagt ned.

SAK  42/00: GODKJENNING AV SENSORAR

Avdelingsstyret gjorde slikt samrøystes vedtak:

Avdelingsstyret godkjenner universitetslektor Inga Bostad som ekstern sensor og forskar J. Peter Burgess som intern sensor ved examen philosophicum.

SAK 43/00: DELEGERING AV MYNDE TIL DEKANUS VED GODKJENNING AV KLIENTPRAKSIS

Per Magne Aadnanes kom med følgjande alternative framlegg etter at kontorsjefen sitt framlegg til vedtak samrøystes hadde falt:

1. Saka vert utsett.
2. Institutt for sosialfag vert bedt om å utgreie saka nærare.

Avdelingsstyret gjorde slikt samrøystes vedtak:

1. Saka vert utsett.
2. Institutt for sosialfag vert bedt om å utgreie saka nærare.

SAK 44/00: Ymse

1) Pensum til 2. Barnevern

Studentrepresentant Jannicke Nordbø gjorde greie for denne saka. Her kom det m.a. fram synspunkt om at pensum er for stort, pensumendringane kjem for seint i semesteret og at det burde ha vore rutinar for fastsetting av pensum. Instituttleiar Tor-Johan Ekeland tok sjølvkritikk for måten pensumendringane har vorte gjennomført på ved instituttet.

2) Representant til studienemnda

Torrey Seland gjorde greie for denne saka. Avdelingsstyret skal velje representant og vararepresentant til Høgskulen si studienemnd. Lars Jørgen Vik og Alf Roger Djupvik har sagt seg villige til å vere høvesvis representant og vararepresentant. Denne saka vart teken opp til votering og med følgjande samrøystes vedtak:

Lars Jørgen Vik og Alf Roger Djupvik vert vald til høvesvis representant og vararepresentant i Høgskulen si studienemnd.

Torrey Seland                                                                        Kjell-Einar Dagfinrud

dekanus                                                                                  kontorsjef

Skriv ut