|
|
Styret for Avdeling for Samfunnsfag 2. feb. -2000 kl. 13.15 på Strøm 314.
Til stades:
Kåre Heggen, Kjell-Einar Dagfinrud, Roar Amdam, Hallgerd Conradi (til kl. 15.30), Sveinung Dimmen, Birger Løvlie, Torrey Seland, Anne Marie Verpe (1. vara SOS), Per Magne Aadnanes (1. vara KKF), Håkon Bø (ref.) studentrepresentant Liz Camilla Malzow
Melde forfall:
Bente Afset, Thinken Røsvik Osborg, Bernt Olav Øvregaard studentrepresentant Cathrine Strømsæther
Referatet frå møta 14.12.99 og 17.12.99 vart godkjent utan merknadar.
Merknadar til innkalling og sakliste:
Birger Løvlie kommenterte at sakspapira vart sendt ut seint og vurderte om han skulle be om at møtet vart utsett, ev. at sakene vart gjennomgått utan at det vart fatta vedtak. Fakta er at sakene vart sendt ut torsdag 27.01., og dette er dermed innanfor den 5-dagarsfristen som avdelingsstyrereglementet har fastsett.
Saker til Ymse:
· Studentrepresentant Liz Camilla Malzow melde ei sak vedkomande deltaking i Studentrådet.
· Birger Løvlie melde ei sak om evaluering av avdelingsadministrasjonen.
Orienteringssaker
a) Nye stipendiatstillingar
b) Felles sosialarbeidarutdanning – prosjekt
c) Rekneskapsoversyn
d) Arbeidsplansaka
e) Oppstart av studieeiningar våren 2000, jf. sak 36/99: ”Budsjettframlegg, måltal og studietilbod for år 2000.”
f) Framdriftsrapport frå planlegginga av mastergradsmodulen ”planlegging i eit livsløpsperspektiv.”
g) Personale: Orientering om tilsetjingssak i administrativ stilling som studiekoordinator.
h) Ombygging Strøm 2. etg. og paviljongar
i) Studentrekrutteringsnemnda ved ASF
j) Samarbeid med mediefag om fellesseminar for våre profesjonsstudentar og journalistikkstudentane?
k) Invitasjon til samarbeid om utdanningstilbodet ”Samfunnsplanlegging i eit minoritets- og innvandringsperspektiv”
l) Styresaker frå siste møte i HVO-styret
SAK 01/00: BUDSJETTNEDDELING FOR ÅR 2000
Kåre Heggen kom med følgjande tilleggsframlegg, nytt punkt 7:
7. Avdelingsadministrasjonen vert beden om å undersøke nærare faktortildelinga til KKF ved studiar knytt til allmenn- og førskulelærarutdanningane, samt KRL og Kyrkje- og arbeidsrett. Eventuell auka utteljing på instituttbudsjettet for KKF vert overført frå fellesdelen av budsjettet.
Avdelingsstyret gjorde slikt samrøystes vedtak:
1. Avdelingsstyret ønskjer i hovudsak å bygge på ASF sin fordelingsmodell ved neddelinga av budsjettet internt ved avdelinga.
2. Avdelingsstyret vedtek at alle fageiningar som krev 3-årig grunnutdanning skal vektast med faktor 1,9.
3. Avdelingsstyret vedtek å auke resultatdelen i modellen frå nominelt kr 600.000,- i 1999 til kr 750.000,- ved fordelinga for år 2000.
4. Avdelingsstyret korrigerer for den kraftige relative veksten ved institutt for kommunalfag, slik at kr 200.000,- vert halde attende, og i staden fordelt mellom institutt for sosialfag og institutt for kristendomskunnskap og kyrkjefag.
5. Avdelingsstyret fordeler budsjettet eks. vikarstipendmidlar slik til dei ulike einingane ved avdeling for samfunnsfag:
a. Institutt for sosialfag kr 6.573.793,-
b. Institutt for kristendomskunnskap og kyrkjefag kr 3.738.403,-
c. Institutt for kommunalfag kr 3.042.662,-
d. Fellesmidlar kr 716.143,- inkl øyremerkte midlar til bruk i samband med opptaket år 2000.
6. Avdelingsstyret ber om at det vert lagt fram postbudsjett for kvar eining på avdelingsstyremøtet 14.03.2000.
7. Avdelingsadministrasjonen vert beden om å undersøke nærare faktortildelinga til KKF ved studiar knytt til allmenn- og førskulelærarutdanningane, samt KRL og Kyrkje- og arbeidsrett. Eventuell auka utteljing på instituttbudsjettet for KKF vert overført frå fellesdelen av budsjettet.
SAK 02/00: OPPFØLGING AV UTVIKLINGSPLANEN FOR ASF
Torrey Seland kom med følgjande tilleggsframlegg, nytt punkt 2 c):
Vurdere intervju og prøveførelesing ved tilsetjing av nye medarbeidarar.
Magnar Hjertenæs hadde bedt seg friteken for å sitte i eit utval med føremål å sikre studiekvaliteten studietilboda i avdelinga, og Kåre Heggen kom med følgjande framlegg:
Institutt for kristendomskunnskap og kyrkjefag og studentane nemner opp ein representant kvar som skal sitte i utvalet.
Hallgerd Conradi gjekk før votering i denne saka.
Avdelingsstyret gjorde slikt samrøystes vedtak:
1. Avdelingsstyret meiner prinsipielt at alle nytilsette i faglege stillingar ved ASF utan pedagogisk erfaring eller kompetanse, bør få tilbod om opplæring/kurs. Det bør vurderast om slik opplæring skal vere eit vilkår for fast tilsetting. Avdelinga tek eit initiativ overfor HVO sentralt, for å etablere eit slikt opplæringstilbod, i eller utanfor høgskulen.
2. Avdelingsstyret set ned eit utval for å greie ut tiltak for å sikre studiekvaliteten ved studietilboda i avdelinga. Ein bed utvalet om å arbeide med desse spørsmåla:
a) vurdere og kome med forslag til prosedyrar og arbeidsmåtar for ei meir systematisk evaluering av studietilboda, gjerne med framgangsmåtar som kan vere felles for fleire studietilbod,
b) kome med forslag til tema og opplegg for eit avdelingsseminar om studiekvalitet i løpet av 2000.
c) Vurdere intervju og prøveførelesing ved tilsetjing av nye medarbeidarar.
Utvalet får slik samansetjing: Tore Hagen (leiar), Nils Magne Magerøy og Håkon Bø.
Institutt for kristendomskunnskap og kyrkjefag og studentane nemner opp ein representant kvar som skal sitte i utvalet.
3. Det vert snarast innført tilbod om medarbeidarsamtalar etter ein modell som er skissert i saksframstillinga over.
4. Avdelingsstyret bed avdelinga arbeide for å hjelpe til med å skaffe fagleg rettleiing for tilsette i avdelinga, eventuelt ei gruppe, som ønskjer å arbeide med kvalifisering til førstelektor.
5. Avdelingsstyret bed om at det blir sett i gang arbeid med å rekruttere ein ny professor II i ledig stilling ved avdelinga.
SAK 03/00: HØYRINGSUTTALE TIL RAPPORT OM FORSKINGSORGANISERINGA
Roar Amdam kom med følgjande tilføyingsframlegg til punkt 4:
Arbeidsdelinga mellom dekanane og forskingsutvalet bør vere slik at dekanane har ansvar for å stimulere kvar einskild vitskapleg tilsette til FoU- aktivitet, og/eller å syte for stimulerande ordningar på si avdelinga. Arbeidsavtalane og medarbeidarsamtalar kan vere eit nyttig reiskap for dette. Forskingsutvalet bør ha eit overordna ansvar for å stimulere dei vitskapleg tilsette til å danne forskinggrupper på høgskulen og Møreforsking Volda sine prioriterte område og/eller på prosjekt/program med ekstern finansiering. Gruppestrukturen skal vere fleksibel og skal ha som hovudmål å stimulere dei vitskapleg tilsette til å samarbeide om initiering og gjennomføring av FoU-arbeid. Forskingsutvalet bør ha fullmakter til å tildele høgskulen sine FoU-stipend og Møreforsking Volda sine kompetansemidlar til dei einskilde vitskapleg tilsette og til gruppene. I tillegg til dekanane bør avdelingsleiaren ved Møreforsking Volda vere fast medlem av gruppa. Forskingsutvalet bør ha ein fast sekretær (forskingskoordinator).
Dette framlegget vart vedteke med 5 mot 4 røyster.
Torrey Seland kom med følgjande framlegg til nytt punkt 6:
Det vert i Evalueringa gjeve uttrykk for at fleire opplever kulturelle trekk ved høgskulen som legg hindringar for forskingsverksemda. Nokre ser manglande forståing for forsking i sentraladministrasjonen som eit problem, og/eller andre finn negative haldningar på avdelingsnivået. Felles her synes å være at forsking blir bagatellisert, og at ein einsidig fokuserar på det meir undervisningsretta. Her må leiinga ved HVO både sentralt og på avdelingsnivå ta eit klårare ansvar og legge sterkare til rette for at den einskilde kan ivareta og fremje både undervisning og forsking. Forskingsverksemda bør kunne styrkast både via budsjett, ved å nytte arbeidsplansystemet betre, og ved å leggje til rette for fagleg rettleiing. Her vil det være viktig å fremje kurs for dei som ønskjer, men har lita forskingsrøynsle, og ved at dei som er i toppstillingar får visse pliktar til å rettleia andre.
Dette framlegget vart samrøystes vedteke.
Avdelingsstyret gjorde slikt vedtak:
Avdelingsstyret sluttar seg til uttalen slik som den går fram av saksutgreiinga ovanfor, men med følgjande tilføying til punkt 4 og eit nytt punkt 6 som erstattar det som står i saksutgreiinga:
Arbeidsdelinga mellom dekanane og forskingsutvalet bør vere slik at dekanane har ansvar for å stimulere kvar einskild vitskapleg tilsette til FoU- aktivitet, og/eller å syte for stimulerande ordningar på si avdelinga. Arbeidsavtalane og medarbeidarsamtalar kan vere eit nyttig reiskap for dette. Forskingsutvalet bør ha eit overordna ansvar for å stimulere dei vitskapleg tilsette til å danne forskinggrupper på høgskulen og Møreforsking Volda sine prioriterte område og/eller på prosjekt/program med ekstern finansiering. Gruppestrukturen skal vere fleksibel og skal ha som hovudmål å stimulere dei vitskapleg tilsette til å samarbeide om initiering og gjennomføring av FoU-stipend. Forskingsutvalet bør ha fullmakter til å tildele høgskulen sine FoU-midlar og Møreforsking Volda sine kompetansemidlar til dei einskilde vitskapleg tilsette og til gruppene. I tillegg til dekanane bør avdelingsleiaren ved Møreforsking Volda vere fast medlem av gruppa. Forskingsutvalet bør ha ein fast sekretær (forskingskoordinator).
6. Det vert i Evalueringa gjeve uttrykk for at fleire opplever kulturelle trekk ved høgskulen som legg hindringar for forskingsverksemda. Nokre ser manglande forståing for forsking i sentraladministrasjonen som eit problem, og/eller andre finn negative haldningar på avdelingsnivået. Felles her synes å være at forsking blir bagatellisert, og at ein einsidig fokuserar på det meir undervisningsretta. Her må leiinga ved HVO både sentralt og på avdelingsnivå ta eit klårare ansvar og legge sterkare til rette for at den einskilde kan ivareta og fremje både undervisning og forsking. Forskingsverksemda bør kunne styrkast både via budsjett, ved å nytte arbeidsplansystemet betre, og ved å leggje til rette for fagleg rettleiing. Her vil det være viktig å fremje kurs for dei som ønskjer, men har lita forskingsrøynsle, og ved at dei som er i toppstillingar får visse pliktar til å rettleia andre.
SAK 04/00: Ymse
1) Studentråd
Studentrepresentant Liz Camilla Malzow tok opp problemet med å få studentane til å møte på studentrådsmøta. Institutta vert oppmoda om å ta opp dette med studentane.
2) Evaluering av avdelingsadministrasjonen
Birger Løvlie ønskte ei evaluering av avdelingsadministrasjonen. Han trekte i den samanheng fram at han ein dag måtte makulere nokre av papira sine sjølv, og at han på eit tidlegare tidspunkt hadde bede avdelingsleiinga om at det vart kjøpt inn mobiltelefonar utan at dette hadde vorte teke til følgje.
Kåre Heggen Kjell-Einar Dagfinrud
dekanus kontorsjef
|
