|
Protokoll frå møte i Avdelingsstyret 05.06.2001 kl. 13.15-15.00 på Strøm 314
Til stades: Torrey Seland, Kjell-Einar Dagfinrud, Håkon Bø (ref.), Sveinung Dimmen, Alf Roger Djupvik, Klaus Egge, Birger Inge Jacobsen, Ingun Klepp (1. vara SOS), Per Magne Aadnanes.
Melde forfall: Tor-Johan Ekeland, Nils Magne Magerøy, ekstern representant Gerd Fløde
Bjørlo, studentrepresentantane Jannicke Nordbø, Lillian Helene Brusdal, Liz Camilla Malzev
Referatet frå førre møte vart godkjent utan merknadar.
Merknadar til innkalling og sakliste: Ingen.
Orienteringssaker:
a) Endra rutiner for etablering av nye studieplanar.
b) Skriv om kostnader ved reformforslaga ved St. meld. nr. 27.
c) Status og informasjon om opptaksarbeidet sommaren 2001.
d) Tilråding frå sakkunnig utval – professorat i sosialfag.
e) Invitasjon til samarbeid frå Folkeuniversitetet i Haugesund og Karmøy.
f) Studenthus i Volda-avslutning av arbeidsgruppa sitt arbeid.
g) Referat frå møte 03.05.01. om prosjektet ”Ungdom, tjeneste, utdanning.”
h) Semesteravslutning 13.06.
i) Nye stipendiatfelt, meldefrist 15.06.
j) Nytt undervisningsprogram - ClassFronter
SAK 18/01: REVISJON AV FAGPLANAR FOR BARNEVERNSPEDAGOG OG SOSIONOMUTDANNINGA FOR STUDIEÅRET 2001-2002
Avdelingsstyret gjorde slikt samrøystes vedtak:
Avdelingsstyret godkjenner den vedlagte fagplanen for barnevernspedagog og sosionomutdanninga for studieåret 2001/2002.
SAK 19/01: REVISJON AV STUDIEPLANAR FOR KRISTENDOMSKUNNSKAP OG KYRKJEFAG FOR STUDIEÅRET 2001-2001
Avdelingsstyret gjorde slikt samrøystes vedtak:
Reviderte fagplaner for følgjande studier ved Institutt for kristendomkunnskap og kyrkjefag, for studieåret 2001/2002, vert godkjent med dei endringar som vart lagt fram på møtet:
FLREL Religion og etikk, 4 vt.
EXP Ex. Phil., 5 vt
EXF Ex. Fac., 5 vt.
KULS Kristendomkunnskap og menighetsarbeid, 20 vt.
KYMD Musikk og drama i kristeleg ungdomsarbeid, 5 vt.
KYDIA Diakoni valfag. 10 vt.
SAK 20/01: REVISJON AV STUDIEPLAN FOR KOMMUNALFAG
Avdelingsstyret gjorde slikt samrøystes vedtak:
1. Avdelingsstyret godkjenner institutt for kommunalfag sine studieplanar for studieåret 2001-2002.
2. Avdelingsleiinga får fullmakt til å gjere språklege og redaksjonelle endringar.
SAK 21/01: GODKJENNING AV NY STUDIEPLAN FOR KRISTELEG UNGDOMSARBEID, 10 VT.
Avdelingsstyret gjorde slikt samrøystes vedtak:
Avdelingsstyret slutter seg til vedlagte utkast til fagplan for nytt studie: ”Kristeleg ungdomsarbeid. Vidareutdanning for ungdomsarbeidarar, 10 vt., og ber om at planen vert sendt på høyring til aktuelle instansar med dei endringar som vart lagt fram på møtet.
SAK 22/01: FORSLAG TIL STUDIEPLAN FOR LEDELSE I HELSE- OG SOSIALADMINISTRASJON
Avdelingsstyret gjorde slikt samrøystes vedtak:
1. Avdelingsstyret synes samarbeidet som er etablert mellom dei 3 høgskulane er positivt, og ser det som viktig at dette vert ført vidare.
2. Avdelingsstyret peikar på at ein i fylket alt har ei generell leiarutdanning på 10 vt (offentleg organisering og leiing) på mastergradsnivå, som er open for alle, tilrettelagt som vidareutdanning, og utan studieavgift.
3. Avdelingsstyret ber om at eventuelle endringar vert innarbeidde i utkastet til studieplan, slik at den ikkje overlappar med eininga ”offentleg organisering og leiing,” og i høve til utdanning på bachelor-nivå.
4. Avdelingsstyret ber om at det vert teke omsyn til merknaden frå institutt for sosialfag om betre balanse mellom helse- og sosialtenestedelen i planen.
5. Avdelingsstyret gir dekanatet fullmakt til å innarbeide aktuelle merknadar (jf. pkt 3 og 4) i studieplanen.
SAK 23/01: OPPNEMNING AV OPPTAKSKOMITE
Avdelingsstyret gjorde slikt samrøystes vedtak:
Avdelingsstyret oppnemner Kai Bjørke og Hege Jeanette Lillebø som studentrepresentantar i opptakskomitéen ved avdelinga sommaren 2001.
Torrey Seland Kjell-Einar Dagfinrud
dekanus kontorsjef
|
