Om Høgskulen / Samfunnsfag / Om avdelinga / Avdelingsstyre / 2002 /

Protokoll frå møte i Avdelingsstyret 23.04.2002 kl. 13.15-15.40 på Strøm 314

Til stades: Torrey Seland, Kjell-Einar Dagfinrud, Håkon Bø (ref.), Sveinung Dimmen, Alf Roger Djupvik (til kl. 15.20), Klaus Egge, Birger Inge Jacobsen, Per Magne Aadnanes, ekstern representant Gerd Fløde Bjørlo, studentrepresentant Trygve Andresen

Melde forfall: Tor-Johan Ekeland

Fråverande: studentrepresentantane Rebekka Aaberg og Marit Solhaug

Referatet frå førre møte vart godkjent utan merknadar.

Merknadar til innkalling og sakliste:
· Sak 11/02 går ut.
· Ny sak 15/02: STUDIEPLAN FOR OFFENTLEG RETT 2

Orienteringssaker

a) Rapport om internasjonaliseringsarbeidet ved ASF
b) Mastergradsmodul i Kriminalitetsforebygging. Oppstart i mai. Over 30 studentar.

SAK 08/02: FAGPLAN FOR BACHELOR I SOSIALT ARBEID - BARNEVERNSPEDAGOGUTDANNINGA OG SOSIONOMUTDANNINGA

Avdelingsstyret gjorde slikt samrøystes vedtak:

Fagplanane for bachelorstudium i sosialt arbeid, barnevernspedagogutdanninga og for bachelorstudium i sosialt arbeid, sosionomutdanninga vert godkjent for studieåret 2002-2003 med følgjande merknadar:

· Heile planen bør underleggast ein språkleg gjennomgang. Særskilt bør omtalar av kopling til "Kvalitetsreformen" utelatast frå planen.
· Vurderings- og evalueringsordningane bør gjerast tydelegare.
· Pensum bør knytast kvar einskild modul og ikkje berre til kvart årssteg.

SAK 09/02: REVISJON AV STUDIEPLANAR VED INSTITUTT FOR
KRISTENDOMSKUNNSKAP OG KYRKJEFAG

Avdelingsstyret gjorde slikt samrøystes vedtak:

Framlegg til studieplanar ved Institutt for Kristendomskunnskap og kyrkjefag vert godkjent for studieåret 2002-2003 med følgjande merknadar:

· Heile planen bør underleggast ein språkleg gjennomgang. T.d. bør det i omtale av studiemodulane stå studiepoeng og ikkje vekttal.
· Kateketutdanninga bør nemnast særskilt.
· Supplerande litteratur bør kuttast.
· Omtalane av dei einskilde studieeiningane bør følgje same struktur gjennom heile planen.

SAK 10/02: STUDIEPLAN FOR BACHELORGRAD I OFFENTLEG ADMINISTRASJON OG SAMFUNNSPLANLEGGING, OG REVISJON AV MASTERGRADSMODULANE VED INSTITUTT FOR PLANLEGGING OG ADMINISTRASJON

Avdelingsstyret gjorde slikt samrøystes vedtak:

Framlegg til studieplan for bachelorgrad i offentleg administrasjon og samfunnsplanlegging vert godkjent for studieåret 2002-2003 med dei merknadar som kom fram i møtet.

Framlegg til studieplan for mastergradsmodulane Regional planlegging og utvikling, Integrasjonsmodulen med masteroppgåve, Offentleg organisering og leiing, Kommunal leiing, Lokal planlegging og Agenda 21 og Livsløpsperspektiv i samfunnsplanlegging vert godkjent for studieåret 2002-2003 med dei merknadar som kom fram i møtet.

Alf Roger Djupvik gjekk etter denne saka.

SAK 11/02: GODKJENNING AV OPPGRADERT STUDIEPLAN FOR MASTERMODUL I "BARNE- OG UNGDOMSVERN"

Denne saka vart trekt før møtet.

SAK 12/02: GODKJENNING AV SENSORAR

Avdelingsstyret gjorde slikt samrøystes vedtak:

Vedlagte planer for sensorar for våren 2002 for Institutt for kristendomkunnskap og kyrkjefag og Institutt for Planlegging og administrasjon vert godkjent.

SAK 13/02: SØKNADER OM TILDELING AV ØYREMERKTE OMSTILLINGSMIDLAR VED ASF

Avdelingsstyret gjorde slikt samrøystes vedtak:

· Institutt for planlegging og administrasjon vert tildelt kr 100 000,- til utvikling av ein bachelorgrad i offentleg rett.
· Institutt for kristendomkunnskap og kyrkjefag vert tildelt kr 100 000,- til utvikling av ein bachelorgrad innanfor sine utdanningsfelt med planlagt oppstart frå hausten 2003.

SAK 14/02: UTREDNING AV INNFØRINGSOPPLEGG FOR NYANSATTE VED ASF

Avdelingsstyret gjorde slikt samrøystes vedtak:

Det etableres et ad hoc utvalg til å vurdere rutiner og opplegg for innføring og integrering av nyansatte ved ASF. Arbeidet bør være ferdig 1. september i år. Utvalget får slik sammensetning: Gro Brandal (leder), Øyvind Standal, Ralph Meier og dekanus.

SAK 15/02: STUDIEPLAN FOR OFFENTLEG RETT 2

Studieplanen vart lagt fram i møtet.

Avdelingsstyret gjorde slikt samrøystes vedtak:

1. Studieplanen vert sendt attende til fagansvarleg for studieeininga, som vert beden om føreta ein nærare gjennomgang av heile studieplanen.
2. Dekanus får fullmakt til å godkjenne studieplanen.

Torrey Seland - dekanus

Kjell-Einar Dagfinrud - kontorsjef

Skriv ut