Til stades: Torrey Seland, Kjell-Einar Dagfinrud, Håkon Bø (ref.), Sveinung Dimmen, Alf Roger Djupvik, Klaus Egge, Birger Inge Jacobsen, Ingun Klepp (1. vara SOS), Hildegunn Valen, Per Magne Aadnanes, ekstern representant Gerd Fløde Bjørlo

Melde forfall: Tor-Johan Ekeland, Marit Solhaug

Fråverande: studentrepresentantane Trygve Andresen og Rebekka Aaberg

Referatet frå førre møte vart godkjent utan merknadar.

Merknadar til innkalling og sakliste: Ingen.

Orienteringssaker

a) Rekneskap 2002
b) Paviljongane - datamaskiner
c) Utviklingsplanen for ASF for 2003

SAK 28/02: INTERN FORDELING AV BUDSJETTET FOR 2003

Avdelingsstyret gjorde slikt samrøystes vedtak:

Avdelingsstyret fordeler budsjettet for år 2003 slik mellom budsjetteiningane:

1. Det vert sett av midlar på fellesnivået til drift, (kr. 850 000) administrasjon, (kr. 1 732 000) omstilling i samband med kvalitetsreforma, (kr. 891 000) stipendiatstillingar (kr. kr. 343 900) og frikjøp av dekanus (kr. 120 000) til saman kr. 3 936 900.
2. Løyvingane til institutta vert slik: Institutt for sosialfag (ISF) kr. 7 866 429, institutt for planlegging og administrasjon (IPA) kr.3 614 949, og institutt for kristendomskunnskap og kyrkjefag (KKF) kr.5 703 429 (inkl. vikarstipend)
3. Avdelingsstyret ber om at det vert laga til eit forslag for bruk av kvalitetsreformmidlane til neste styremøte.
4. Kontorsjef får fullmakt til å justere budsjetta i samsvar med eventuelle inndragingar og nye driftsmidlar i løpet av budsjettåret.
5. Avdelingsstyret ber om at alle budsjettansvarlege kjem med framlegg til postbudsjett til neste avdelingstyremøte. Postbudsjettet skal også inkludere eventuelle overføringar frå år 2002, og påreknelege inntekter i budsjettåret 2003.
   
   

SAK 29/02: OMRÅDE FOR STIPENDIATSTILLINGAR VED ASF

Saka vart lagt fram i møtet utan framlegg til vedtak.

Etter ordskiftet vart det røysta punktvis over prioriteringsrekkefølga. Punkt 1 vart vedteke med 7 mot 2 røyster. Punkt 2 vart vedteke med 8 mot 1 røyst. Punkt 3 vart samrøystes vedteke.

Avdelingsstyret gjorde slikt vedtak:

Avdelinga prioriterer forslag til område for stipendiatstillingar slik:

1. Stipendiatstilling i "Forebygging av barne og ungdomskriminalitet."
2. Stipendiatstilling i "Religionskunnskap/Religionsdidaktikk"
3. Stipendiatstilling i "livssynskunnskap/kyrkjeforskning"

SAK 30/02: STUDIEPLAN FOR REGIONALT UTVIKLINGSARBEID OG ENDRINGSLEIING

Avdelingsstyret gjorde slikt samrøystes vedtak:

Avdelingsstyret godkjenner vedlagde framlegg til studieplan Regionalt utviklingsarbeid og endringsleiing (15 studiepoeng) som eit emne på 200-nivå.

SAK 31/02: OPPNEMNING AV VALSTYRE FOR ASF

Avdelingsstyret gjorde slikt samrøystes vedtak:

1. Det vert oppnemnt valstyre ved ASF i samsvar med oppstillinga over.
2. Bernt Olav Øvregaard vert leiar for valstyret.
3. Valstyret trer i funksjon umiddelbart, og fungerer inntil nytt valstyre vert nemnt opp i forbindelse med neste ordinære val av avdelingsstyre ved ASF.

SAK 32/02: INTRODUKSJONSPROGRAM FOR NYTILSETTE ASF

Avdelingsstyret gjorde slikt samrøystes vedtak:

1. Avdelingsstyret sluttar seg til vedlagde rutinar for introduksjon av nytilsette.
2. Rutinane vert tekne i bruk frå 01.01.03.
3. Ordninga vert evaluert i 2005.