For studentar / Regelverk / Forskrift om bachelorgraden ved Høgskulen i Volda

Vedteken av styret for Høgskulen i Volda 29. oktober 2002 med heimel i Lov av 12. mai 1995 nr. 22 om universiteter og høgskoler § 45, med endringar i Lov av 28. juni 2002 nr. 62, jf. kgl.res. av 11. oktober 2002 nr. 1124 § 15.

§ 1 Virkeområde
Forskrifta omhandlar krav til innhald og oppbygging av bachelorgraden ved Høgskulen i Volda.

§ 2 Krav til bachelorgraden
Bachelorgraden blir oppnådd på grunnlag av:

a)     Fullført 3-årig rammeplanfesta utdanning (180 studiepoeng) som i følgje rammeplanen eller forskrift gir bachelorgrad.

b)     Fullført 3-årig integrert utdanning utan rammeplan (180 studiepoeng) som i følgje vedtak i styret for Høgskulen i Volda gir bachelorgrad.

c)     Tre års normert studium (180 studiepoeng) med fagleg fordjuping (fag/emnegruppe/studium) på minimum 80 studiepoeng kombinert med fordjuping innan ytterleg eit fag, emne eller emnegruppe på minimum 30 studiepoeng. Graden må innehalde eit sjølvstendig arbeid på minimum 15 studiepoeng som er relevant i høve den faglege fordjupninga.

For § 2 a) – 2 c) gjeld at

·         graden kan omfatte 10 studiepoeng tilsvarande examen philosophicum og 10 studiepoeng tilsvarande examen facultatum.

·         graden må innehalde eit sjølvstendig arbeid på minimum 15 studiepoeng

·         det kan ikkje inngå fagleg overlapping på meir enn 15 studiepoeng

·         minimum 60 studiepoeng skal vere avlagt ved Høgskulen i Volda

§ 3 Studieeiningar
Studieeiningar som kan inngå i grunnlaget for graden under § 2 c) er:
Fullførte emne på minimum 10 studiepoeng. Mindre einingar kan godkjennast om dei samla utgjer minimum 10 poeng innanfor same fag/fagområde.

§ 4 Vitnemål
Vitnemål for oppnådd bachelorgrad etter § 2 a) og b) vert skrive ut automatisk for alle som oppfyller krava til fullført bachelorgrad.

Vitnemål for oppnådd grad etter § 2 c) vert skrive ut etter søknad. Søkjaren må sjølv dokumentere at krava er oppfylte.

§ 5 Overgangsordningar
Studentar som oppfyller krava til bachelorgraden når forskrifta er vedteken, vert tildelt denne graden.

Ein student kan ikkje oppnå både graden bachelor og graden candidata/candidatus magisterie (cand.mag.-graden) på grunnlag av same utdanning/studium, sjølv om grunnlaget for tildeling av cand.mag.-graden i omfang går ut over grunnlaget.

§ 6 Utfyllande retningslinjer
Styret for Høgskulen i Volda kan vedta utfyllande retningslinjer til denne forskrifta.

§ 7 Iverksetjing
Forskrifta trer i kraft når den kongelege resolusjonen er vedteken.

Skriv ut