Alle studentar skal registrere seg i Studentweb ved å stadfeste utdanningsplanen sin og oppdatere semesteradressa si. Ved stadfesting av utdanningsplanen blir du også meldt opp til undervisning og eksamen i dei emna du planlegg å ta i komande semester.

Pinkode til Studentweb finn du på giroen for betaling av semesteravgift. Du kan også få koden ved å kontakte sørvistorget, om du skulle gløyme den.
Dersom du treng ny giro,  vil du finne all nødvendig informasjon i Studentweb under "Betaling" eller ved å kontakte sørvistorget.

Studentar på studieprogram på minst 60 studiepoeng får ved semesterstart oppnemnt ein utdanningsrettleiar. Utdanningsrettleiaren kallar inn nye studentar til ein samtale, individuelt eller gruppevis, tidleg i semesteret. Treng du fagleg rettleiing ved semesterstart, til dømes for å diskutere innpassing av tidlegare utdanning, så kontakt  utdanningsrettleiaren din.

Om du skal søkje om innpassing av tidlegare utdanning må du gjere dette snarast råd, slik at utdanninga di blir sett saman best mogleg. Komplette søknadar blir handsama fortløpande.Du finn søknadsskjema på www.hivolda.no/eksamen.

Steng dette vindauget