Eventuelle særskilte forkrav/opptakskrav:

Ingen spesielle, men ei allmenn interesse for språk og litteratur er positivt. 

Kompetanse:

Saman med allmennlærarutdanning/PPU kvalifiserer studiet til arbeid som engelsklærar.
Studiet gjev språkleg og kulturell kunnskap og innsikt som kan nyttast i andre yrke der engelsk språk vert brukt.
Studiet kvalifiserer til vidare studium i engelsk på bachelornivå (200-emne), og vidare på masternivå. Delar av studiet går inn som naturlige kjerneemne i bachelorgrader i språk, respektive litteratur.

 

Mål:

Gjennom å gi studenten fagleg innsikt, skal studiet fremje personleg utvikling hjå studenten, leggje grunnlaget for vidare engelskstudium, og kvalifisere for yrkeslivet. Desse hovudmåla inkluderer følgjande delmål:

Studiet skal gi
- språkglede
- grunnleggande forståing av struktur og funksjon i engelsk språk
- god evne til å bruke engelsk språk skriftleg og munnleg
- innsikt i kultur og samfunn i land der engelsk er hovudspråk
- gode litteraturopplevingar
- innsikt i arbeid med og bruk av litteratur

For studentar som tek fagdidaktikk/metodikk:
- grunnlag for å planleggje, gjennomføre og vurdere eiga undervisning
- grunnlag for å vurdere læreverk og fagplanar, og for å ta del i vidareutvikling av faget

 

Innhald:

Studiet består av 6 emne på til saman 60 studiepoeng (ECTS), 3 emne på til saman 30 studiepoeng i haustsemesteret, og 3 emne på 30 studiepoeng i vårsemesteret. Der det finst ein A- og ein B-variant av same emne, vel lærarstudentar A-varianten: andre studentar kan velje A eller B.

The course of study contains 6 modules of varying size, constituting a total of 60 credits (ECTS). Three modules of 30 credits are offered in the autumn and another three in the spring. Where an A and a B version of the same module exist, teacher training students choose the A module; other students can choose A or B.

Haust:
ENG111: Engelsk fonetikk (10,00 poeng)

ENG112A: Didaktikk/metodikk 1 (5,00 poeng) eller ENG 112B: Variantar av engelsk (5,00 poeng)

Eng 113: Engelsk litteratur 1 (15,00 poeng)

Vår:
ENG114: Engelsk grammatikk (10,00 poeng)

ENG115A: Didaktikk/metodikk 2 (5,00 poeng) eller ENG115B: Omsetjing (5,00 poeng)

Eng 116: Engelsk litteratur 2 (15 poeng)

 

Evaluering og kvalitetssikring:

Studentane tek del i studieevaluering og kvalitetssikring gjennom valde representantar som gjev tilbakemelding på innhald og funksjon i studiet minimum ein gong kvart semester. Der det er naturleg nyttar ein og spørjeskjema for å få tilbakemelding frå studentane.