Engelsk

Engelsk årsstudium, 60 stp

Engelsk 1, tilsvarer 1. del av engelsk årsstudium, 30 stp

Engelsk årsstudium er eit fagstudium, der arbeid med det språklege uttrykket står i fokus. Studiet gir ei innføring i engelskspråkleg kultur og litteratur, og samfunnstilhøve i vid tyding. Samtidig er innhald og arbeidsmåtar retta inn mot lærararbeid i grunnskulen.

Kva lærer du:
Studieprogrammet skal gi studenten fagleg innsikt og leggje grunnlaget for vidare engelskstudium og kvalifisere for yrkeslivet. Desse hovudmåla inkluderer følgjande delmål:

Studiet skal gi:

- språkglede
- grunnleggande forståing av struktur og funksjon i engelsk språk
- god evne til å bruke engelsk språk skriftleg og munnleg
- innsikt i kultur og samfunn i land der engelsk er hovudspråk
- gode litteraturopplevingar
- innsikt i arbeid med og bruk av litteratur

For studentar som tek fagdidaktikk/ metodikk:
- grunnlag for å planleggje, gjennomføre og vurdere eiga undervisning
- grunnlag for å vurdere læreverk og fagplanar, og for å ta del i vidareutvikling av faget

Oppbygging og gjennomføring:
Studiet består av fire emne på 15 studiepoeng kvar, to av desse er lagt til haustsemesteret, og to til vårsemesteret:

Haust:
Eng101: Engelsk språk 1
Eng102: Engelsk litteratur 1

Vår:
Eng103: Engelsk språk 2
Eng104: Engelsk litteratur 2

Vegen vidare - jobb og studium:
Årsstudium i engelsk er svært nyttig som ein del av eller i tillegg til anna utdanning eller yrkeserfaring. I allmennlærarutdanninga kan årsstudium i engelsk inngå som valfritt emne eller faget kan inngå i fagkretsen til studentar som set saman si eiga lærarutdanning med Praktisk-pedagogisk utdanning (PPU) på toppen. Det er viktig å vere merksam på at for å få undervisningskompetanse må ein velje fag som er nemnde i læreplanen for det skuleslaget ein ønskjer å arbeide i. Det er i dag stor etterspørsel etter undervisningskompetanse i engelsk i skuleverket.  Studentar som ønskjer undervisningskompetanse i engelsk må ta fagdidaktikk/ metodikk. Studiet kvalifiserer til vidare studium i engelsk på bachelornivå (200-emne).