|
Deltidsstudium over eitt år ORIENTERING TIL SØKJARANE
Opptakskrav
Norsk 2 eller tilsvarande
Kort om studieprogrammet
Studiet byggjer vidare på Norsk 2, vidareutdanning i lese- og skriveutvikling. Hovudvekta ligg på nyare lingvistisk, litteraturvitskapleg og fagdidaktisk teori og debatt.
Målet for studiet er å utvikle studenten sine evner til å stimulere lese- og skriveutvikling hos barn og unge. Studentane vil få innsyn i ulike sider ved lese- og skriveutviklinga i skulen. Studiet set lesing og og skriving inn i eit kultur- og danningsperspektiv, og det skal gi studentane innsikt i sentrale teoriar om lesing og skriving, om tekst og diskurs og om språk og sjanger. Ein ser litt på samanhengar mellom lesing og skriving, lese- og skiveprosessar og ulike former for lese- og skrivevanskar. IKT som lærings- og kommunikasjonsmedium står sentralt i studiet.
Oppbygging og gjennomføring
Studiet er nettbasert med fem samlingar på om lag to dagar, og studiet går over eitt år. På samlingane vil arbeidsformene variere mellom forelesingar og seminar. Mellom samlingane arbeider studentane individuelt og i grupper. Fagstoff og oppgåver vert drøfta på nettet med andre deltakarar og faglærarar. Gjennom kurset skjer ein løpande diskusjon om teoriar og og metodar knytt til eit klasseromsprosjekt, som er ei avgrensa undersøking om barn og unges utvikling av lese- og skrivekompetanse.
|
