PPU deltid / PPU deltid

Tilbake 

Praktisk Pedagogisk Utdanning ved HVO

Oppstart og organisering av undervisning

Undervisninga i pedagogikk/didaktikk vil bli lagt til samlingar ca. ein gong i månaden, fredag kveld 17.00 – 21.00 og laurdag på dagtid 09.00 – 15.00 i studieåret 2004/2005 (med atterhald om endringar for studieåret 2005/2006).   Første samling vert 3. - 4. september. Denne første samlinga er lagt til Høgskulen i Volda grunna innføring i IKT/ Class Fronter og registrering. Seinare samlingar vert halde omkring på dei ulike høgskulane i fylket.

Undervisninga er organisert i fokustid (førelesingar) og i seminartid (studentaktive arbeidsformer med bl.a. oppgåveløysing, framføring osb.).  Nærare spesifisert undervisningsplan og oversikt over undervisningsstad  vert delt ut ved oppstart. Merk at ein del av undervisninga i pedagogikk/didaktikk krev obligatorisk oppmøte.

I tilegg vert det  undervisning i fagdidaktikk.  Denne undervisninga vert organisert saman med heiltidsstudiet i Volda og vil dels bli lagt til haust- og vinterferien, dels vil den bli lagt til helgesamlingar. All undervisning i fagdidaktikk er obligatorisk.

Praksis

Praksis utgjer 6 veker av studieåret og blir gjennomført slik det første studieåret:

Ei veke observasjonspraksis i gruppe på 3-5 studentar  12 – 15 timar( veke 40)

5 veker individuell rettleia praksis med eit omfang på 8 – 12 timar pr. veke

            I tillegg kjem rettleiingstid og møteverksemd.

Det er praksiskontoret ved spesialkonsulent Geir Humberset som har alt ansvar med organisering av praksis. Studentane kan kome med ønskje om praksisskule. Stort sett er det grunnskular og vidaregåande skular i Møre og Romsdal som utgjer vår praksisarena, men i einskilde høve kan studentar få gjennomføre ein praksisperiode utanfor denne regionen.  Det er mogeleg å avvikle den eine praksisperioden i utlandet.  Merk at studentar som har fått studieplass på PPU-yrkesfag, skal ha begge dei lange praksisperiodane på vidaregåande skule, og praksis skal avviklast på to ulike skular.

Det vert gjeve tilbod om opplæring i data i starten av studiet, særleg gjeld det bruk av Class Fronter som er den læringsplattforma vi nyttar som verkty i lærarutdanninga.  Det er ein føresetnad at studentar ved Praktisk pedagogisk utdanning har tilgang på datamaskin då all informasjon vert gjeve gjennom Class Fronter.

Obligatoriske arbeidskrav

Gjennom studieåret skal det innleverast til saman 7 ulike oppgåver som skal godkjennast før ein får gå opp til eksamen.

Studieslutt / eksamen

Studiet vert avslutta  med  munnleg eksamen i byrjinga av juni 2006  

Helsing

Harriet Pedersen

Studieleiar Praktisk-pedagogisk utdanning

Skriv ut