<< Til studiestartsidene
<< Til registreringssidene / For Studentar
Obs!
Høgskulen i Volda vil i løpet av vårsemesteret 2007 få ny versjon av Studentweb. Denne instruksen er ikkje oppdatert i høve til den nye versjonen.
Dersom du finn at vi har byta versjon, og denne sida ikkje er oppdatert, venligst gi oss ei melding på epost: servicetorget@hivolda.no
Vi er takksame for all hjelp til å halde våre nettsider så feilfrie og oppdaterte som mogleg.
Logg deg inn i Studentweb
Oppstartbiletet til Studentweb ser slik ut:
Skriv fødselsnummer (11 siffer) - trykk på OK/GÅ VIDARE.
Skriv inn PIN-kode (4 siffer) - trykk på OK/GÅ VIDARE.
PIN-koden finn du på giroen for betaling av semesteravgift.
Etter innlogginga kjem du til hovedmenyen i Studentweb:
På denne sida ser du mellom anna om semesteravgiftinnbetalinga di er registrert og om utdanningsplanen din er stadfesta for komande semester.
Utdanningsplan
Klikk på "Utdanningsplan" i menyen til venstre i Studentweb. Du kjem no til den generelle delen av utdanningsplanen. Her finn du informasjon som er viktig for deg i utfyllinga av utdanningsplanen. Den generelle delen ser du her berre første gongen du går gjennom utdanningsplangodkjenninga, men du finn han når som helst att under "Innsyn" i hovedmenyen i Studentweb.
Gjer deg kjend med informasjonen under ”Les meir”-lenkjene på denne sida, dei opnar seg i nye nettlesarar når du klikkar på dei. Kryss av for at du har lese dokumenta og trykk på OK/GÅ VIDARE. Du kryssar av ved å klikke på firkantane til venstre for teksta ” Eg har lese og ….”
Individuell del
Etter at du har stadfesta den generelle delen av utdanningsplanen kjem du til den individuelle delen.
Obligatoriske emne i studiet kan allereie vere lagt inn i planen. Du må sjølv setje inn emne dersom
- du kan velje tidspunkt sjølv for dei obligatoriske emna i studiet
- du har valfrie emne i studiet ditt
Korleis du skal sette inn emne kan du lese meir om i dei neste punkta. Du finn meir informasjon om dei einskilde studia og emna i studieinformasjonsportalen på nettet. Dersom utdanningsplanen din allereie er utfylt med dei emna du skal ta kan du hoppe direkte til punktet om lagring av utdanningsplanen.
Setje inn nytt emne
Trykk på ”Sett inn nytt emne” til høgre for det semesteret du ønskjer å legge til emne i eller bruk knappen "Legg til emne" nede til høgre på sida. Du kjem då til eit bilete som ser slik ut:
Denne sida viser kva emnegrupper som er tilgjengelege for studiet du tek. Trykk på plussteiknet til venstre for kvar emnegruppe for å sjå dei einskilde emna i emnegruppa.
I oversikta vel du emna du vil setje inn i planen din ved å klikke ”Velg dette emnet”.
Dersom dette er det første emnet du legg til i utdanningsplanen din, får du opp ei melding der du blir spurt om å velje semester for dette emnet. Dersom du vel eit emne som ikkje kan takast i dette semesteret får du opp ei melding med spørsmål om du vil ta emnet i eit anna semester. I begge tilfella må du velje rett semester og klikke ”Legg til emne i planen”:
Dersom du ønskjer det kan du leggje til emne for seinare semester, men desse kan endrast seinare.
Ver merksam på at nokre emne gå over to eller fleire semester. Du får då først studiepoeng i eksamenssemesteret, slik at det ser ut som om du tek for lite i eitt semester og for mykje i eit anna. Dette har ikkje noko å seie for studiet ditt.
Gjenta dette for kvart emne du skal legge til i planen.
Lagre planen
Når du har lagt til emna du skal ta kjem du tilbake til dette biletet:
Legg merke til at du kan slette emne frå planen og flytte emne framover i tid. Dersom eit emne kan flyttast dukkar det opp ein meny til venstre for det emnet, der du kan velje eit nytt semester. Etter å ha valt nytt semester klikkar du på ”Utfør endringar” nede til høgre på sida.
Lagre planen ved å klikke ”OK – Lagre plan”.
Meld deg til eksamen
Når du har lagra planen din kjem du til eit bilete der du skal stadfeste eksamens- og undervisningsmeldingane dine for komande semester.
Nokre emne kan vere ført opp utan eksamensordning, desse blir lagt inn seinare i semesteret og vil då automatisk kome opp i planen din.
Gjer følgjande:
- Sjekk at det står rett eksamenstidspunkt på emna.
- Velg ”Ja” på at du følgjer undervisning på kvart av emna der dette er eit alternativ.
- Klikk "Stadfest emnepåmelding" og stadfest denne på kvart av emna der dette er eit alternativ.
Alle studentar må svare ja på at dei følgjer undervisning og stadfeste emnepåmeldingane sine, sjølv om dei ikkje planlegg å opphalde seg i Volda under studiet. Denne stadfestinga gir tilgang til Classfronter og andre elektroniske ressursar.
NB! Dersom du ikkje får opp nokon emne her kan noko ha gått gale i registreringa av utdanningsplanen din. Prøv på nytt eller ta kontakt med Studentkontoret.
Semesteradresse
Dersom du går gjennom utdanningsplanen din for første gong eit semester blir du spurt om å kontrollere semesteradressa di.
Før opp den adressa du oppheld deg på medan du studerer. Ved å klikke på "Heimeadresse" kan du redigere den folkeregistrerte heimstadadressa di. NB! Hugs å legge inn e-postadresse!
Målform
Dersom du går gjennom utdanningsplanen for første gong eit semester blir du spurt om kva målform du ønskjer å bruke.
Den målforma du gir opp her blir for tida brukt berre i Studentweb.
Kvitteringsside
Dersom du går gjennom utdanningsplanen din for første gong eit semester får du opp ei kvitteringsside, der du kan kontrollere informasjonen du har lagt inn i utdanningsplanen din.
Her ser du semesteradressa di, utdanningsplangodkjenninga og emna du har lagt inn i utdanningsplanen. Legg merke til at du kan bruke knappane nedst på sida for å kome tilbake til dei ulike delane i utdanningsplanen dersom du treng å gjere endringar.
NB! Dersom du ikkje får opp nokon emne her kan noko ha gått gale i registreringa av utdanningsplanen din. Prøv på nytt eller ta kontakt med Studentkontoret. Ein utdanningsplan er normalt ikkje riktig registrert før det ligg minst eitt emne i utdanningsplanen.
Retur til hovedmenyen i Studentweb
Etter at du har kontrollert opplysningane i utdanningsplanen kjem du tilbake til hovedmenyen i Studentweb.
Legg merke til at hovedmenyen no viser datoen for stadfesting av utdanningsplan.
Når semesteravgifta er betalt og statusfeltet for registrering har fått verdien "Ja" blir stadfesting av aktiv studentstatus sendt til Lånekassa.
Du har no fullført registrering av utdanningsplan for inneverande semester og meldt deg til undervisning og ordinære eksamenar for det komande semesteret.
Endringar?
Neste gong du loggar deg på Studentweb får du opp den generelle delen av utdanningsplanen i menyen til venstre under ”Innsyn”. Du kan gjere endringar i den individuelle delen av planen fram til fristen for semesterregistrering er ute under ”Oppdatere status”. Du kjem då direkte til den individuelle delen av utdanningsplanen.
Dersom du treng å endre semesteradressa di kan du gjere dette under "Oppdatere status" frå hovedmenyen i Studentweb.