Bok nr. 17  Mellom sann skrift og mytisk røynd. 
                   Festskrift til Jan Inge Sørbø i høve 50 års-dagen.

Rakel Christina Granaas, Geir Hjorthol og Nora Simonhjell (red.)
Pris: 150,-
Utgjevingsår: 2004

Jan Inge Sørbø 50 år!

Dr. philos Jan Inge Sørbø er professor på Ivar Aasen-instituttet, Høgskulen i Volda. Sørbø har markert seg som ein breitt orientert og produktiv forskar. Han har mellom anna skrive bøker om den offentlege samtalen og presse-etiske grunnspørsmål, teologi og litteratur, filosofen Hans Skjervheim og forfattarane Alexander Kielland, Ronald Fangen og Arnold Eidslott. I tillegg er Sørbø skjønnlitterær forfattar.

Mellom sann skrift og mytisk røynd er skriven av kollegaer som alle har ein personleg og fagleg relasjon til jubilanten. Tekstane i festskriftet har fått stor spennvidde både i tematikk og sjanger. Her finn vi tekstar om vitskapsteoretiske grunnproblem, reiseessay, artiklar om Paal-Helge Haugens lyrikk, resepsjonen av Jane Austen i nordiske litteraturhistorier, den tvitydige nynorske identiteten, litteratur og tabu, trivialjournalistikk, dyrespor i teologien, og bibelspor i vårt daglege snakk. Berte Kanutte Aarflot får òg si hylling - i diktform, og om du trudde at mennesket er det einaste talande dyret, blir det motsagt her.

Festskriftet er redigert av dosent Rakel Christina Granaas, førsteamanuensis Geir Hjorthol og førstelektor Nora Simonhjell.