Om Høgskulen / Humanistiske fag / Nettstudium /

NO201: Nynorsk skriftkultur

Semesterplan (tilrettelegging og gjennomføring) hausten 2006

Nordisk institutt ved Høgskulen i Volda ønskjer deg velkomen til vårt nye fordjupingsstudium i norsk på nettet. Faglærarar ved studiet er Odd Monsson (om@hivolda.no, tlf. 70 07 50 43) og Terje Aarset (taa@hivolda.no, tlf. 70 07 51 39). Emneansvarleg er Terje Aarset.

Når det gjeld spørsmål av meir praktisk eller formell art, kan du vende deg til studiekoordinator Sylvi Gulla Hovdenakk (sgh@hivolda.no, tlf. 70 07 50 15).

Omfang

NO 201 gir 15 studiepoeng og utgjer halvparten av fordjupingsstudiet i norsk (nordisk). I nivå og omfang svarar det til det tidlegare mellomfagstillegget. Arbeidsmengda kan reknast som ein halvtidsjobb. Den andre halvparten av fordjupingsstudiet er litterær. Sjå eigen informasjon på heimesida til HVO, Avdeling for humanistiske fag (www.hivolda.no), klikk deretter på Humanistiske fag – nettstudium). Her finn du også emneomtalar, med orientering om pensum, arbeidskrav og eksamen.

Pensum

Pensum er sett saman av nokre grunnbøker og ei rekkje artiklar som vil bli sende ut før semesterstart i august.

Grunnbok i språkhistorie er Finn-Erik Vinje: Et språk i utvikling (1978), og i nynorsk skriftkultur Ottar Grepstad: Viljen til språk (2006). Dei kan kjøpast/tingast hos Studentbokhandelen i Volda (sfsbok@hivolda.no), hos Haugen Bok i Volda (www.haugenbok.no) eller i næraste bokhandel for dei som ikkje er frå Volda-området, eller studerer i Volda.

Vi legg opp nokre artiklar frå boka Målreising i 75 år (1981). Denne boka kostar 75 kr (pluss porto) og kan kjøpast hos Norsk Målungdom, Pb. 285 Sentrum, 0103 Oslo (tlf. 22 47 71 16, e-post: skriv@nynorsk.no).

Nettleksjonar

NO 201 er sett saman av i alt 10 leksjonar. Dei fem første leksjonane (OM) tek for seg framveksten av skriftspråket som grunnlag for etableringa av ein skriftkultur i Noreg. Grunnlaget for studiet vil vere tekstproduksjon (med særleg vekt på sakprosatekster) frå 1500-talet og fram til i dag. Det vert lagt vekt på å setje det nynorske skriftspråket inn i eit allment (europeisk) perspektiv. Dei fem neste leksjonane (TAa) gjev ei brei innføring i norsk målreisingssoge og nynorsk som bruksmål, med vekt på nynorsk skulemål, kyrkjemål, administrasjonsmål, nynorsk i pressa og dei nynorske institusjonane. Detaljert plan (førebels utgåve) for haustsemesteret finn du nedanfor.

Undervisninga tek til i veke 34, og du får to nye leksjonar kvar veke (første leksjon 21.8.) til og med veke 38 (siste leksjon 21.9.). Leksjonane vil variere ein del i omfang. For å få fullt utbyte av leksjonane bør du ha lese den aktuelle pensumlitteraturen på førehand.

Samling

Det er førebels ikkje lagt opp til samling for NO201. Dette vil vi kome tilbake til etter emneregistreringa 1. september. Først då ser vi kor mange som har valt språk, og om det er praktisk mogleg å få til ei samling, slik det er lagt opp til i litteratur.

Oppgåveskriving

Arbeidet med semesteroppgåva er ein sentral del av studiet og samstundes det teljande skriftlege eksamensarbeidet. Dette er ei individuell oppgåve, der du får rettleiing undervegs. Du kan sjølv kome med framlegg om kva du vil skrive om, men oppgåveformulering og problemstilling må vere godkjend av rettleiaren. Tidleg i semesteret vil vi leggje ut ei liste med framlegg til oppgåver.

Du må velje oppgåve i starten av semesteret, seinast ei veke etter at pensum er presentert i leksjonane (29. september). Difor er det viktig at du orienterer deg i pensumlitteraturen så tidleg som råd. Vi ser gjerne at dei studentane som bur i nærområdet, møter til samtale om oppgåva tidleg i semesteret.

Arbeidskrav

Det er viktig at du kjem snøgt i gang med skrivinga. For å hjelpe deg med dette har vi sett som arbeidskrav at du innan 13. oktober skal levere eit førearbeid/utkast til semesteroppgåva på om lag 5 sider. Dette blir lese og kommentert av rettleiaren din, som skal godkjenne utkastet før du går vidare.

Viktige datoar

Seinast fredag 29. september: Studenten leverer forslag til emne, problemstilling, grov disposisjon, og forslag til teori og sekundærlitteratur. Respons og godkjenning frå faglæraren.

Seinast fredag 13. oktober: Studenten leverer utkast til semesteroppgåva (arbeidskrav). Kommentar og godkjenning frå rettleiaren.

Frist for innlevering av pensumliste: måndag 6. november. Ferdig utfylt pensumliste finn du på CF. Hugs underskrift!

I oktober og november har studenten rett til to rettleiingar på utkast til semesteroppgåva. Siste frist for innlevering til rettleiing: fredag 10. november.

Frist for innlevering av semesteroppgåve: fredag 27. november kl. 1400.

Sensur (skriftleg og munnleg): fredag 15. desember.

Eksamen

Semesteroppgåva er det skriftlege eksamensarbeidet. I tillegg kjem munnleg eksamen rett etter sensuren (i Volda, eller pr. telefon dersom det er naudsynt på grunn av store avstandar). Både skriftleg og munnleg eksamen blir evaluerte med bokstavkarakter. På munnleg eksamen får du særleg spørsmål frå dei delane av pensum som du ikkje har arbeidd med i oppgåva. Karakteren til munnleg eksamen utgjer ein tredel av den samla karakteren.

Sjå undervisningsplan på neste side!

VEKE	FAGLÆRAR, LEKSJONAR	MERKNADER	INNLEVERING
34	Odd Monsson Leksjon 1: Nynorsk skriftkultur – skriftspråket, kulturen og skriftkulturen Leksjon 2: ’Dansketida’ som skriftkulturelt omgrep	Pensum – sjå ovanfor
35	Odd Monsson Leksjon 3: Skriftkultur og statsdanning Leksjon 4: Skriftkulturen som grunnlag for ein norsk nasjonalstat
36	Odd Monsson Leksjon 5: Ideologi, skriftkultur og målreising på 1800-talet   Terje Aarset Leksjon 1: Nynorske i årstal Nynorske i skuleverket (folkeskulen, lærarskulen, gymnast, universitetet)
37	Terje Aarset Leksjon 2: Nynorsken som religiøst språk (Bibelen, gudstenesta, Blix-salmane, altarboka, salmeboka, lekmannsrørsla) Leksjon 3: Nynorsken i pressa (Dølen, Fedraheimen, Den 17de Mai, Syn og Segn, Norsk Tidend … Dag og Tid, lokalpressa)
38	Terje Aarset Leksjon 4: Nynorsk som administrasjonsmål Leksjon 5: Dei nynorske institusjonane (forlag, teater …) Den nynorske songskatten
39			Fredag 29. september: Framlegg til emne for oppgåva, problemstilling, disposisjon
41			Fredag 13. oktober: Utkast til semesteroppgåva (5 sider)
45			Måndag 6. november: pensumliste Fredag 10. november: Siste frist for innlevering til rettleiing
48			Måndag 27. november kl. 1400: Innlevering av semesteroppgåva
50			Fredag 15. desember: Sensur NO201, munnleg eksamen

Skriv ut