Protokoll frå møte i Avdelingsstyret 03.11.2005 kl. 13.15-15.30 på Strøm 314

Til stades:      Kjell-Einar Dagfinrud, Bente Afset, Hallgerd Conradi, Jan Driveklepp, Per Halse, Elfrid Sundnes Joa, Eli Fjeldseth Røys, Øyvind Standal (vara), Anne Marie Verpe (vara), Eli-Mette Lüthcke (ekstern vararepresentant), studentrepresentant Mari Lome og

Forfall: Jørgen Amdam, Ingun Klepp, ekstern representant Terje Kjøde, studentrepresentant Hans Magne Rørvik

Merknadar til innkalling og sakliste: Dekan Hallgerd Conradi meldte ei sak til Ymse.

Orienteringssaker

a)        Personalsaker

b)        Økonomisaker

c)        Studiesaker

d)        Tidsbruk til rettleiing og vurdering av mappeelement (skriftlege heimeoppgåver) ved ASF

e)        Forsøk med ny videokonferanseløysing ved ASF

f)          Omorganiseringsprosjektet

SAK 13/05:    UTKAST TIL FORSKRIFT OM STUDIER OG EKSAMENER VED

HØGSKULEN I VOLDA – UTTALE FRÅ AVDELING FOR SAMFUNNSFAG

Avdelingsstyret gjorde slikt samrøystes vedtak:

Styret for Avdeling for samfunnsfag seier seg nøgd med at Høgskulen i Volda no får ei samla forskrift. Forskrifta bør bli meir oversiktleg og lettare å ta seg fram i. Avdelingsstyret ber om at dei kommentarar som Avdeling for samfunnsfag har gitt til somme av kapitla  vert teke omsyn til ved sluttføringa av forskrifta.

Styret for Avdeling for samfunnsfag presiserte elles følgjande:

1. Til fotnote 4: Når det gjeld kva innsyn i ei klagesak ein klagekommisjon bør ha, så er det etter vårt syn to måtar å forstå dette på. For det første såleis at ein klagesensur skal vere ein uhilda ny sensur av eksamenssvaret. Etter denne måten å forstå det på bør klagekommisjonen ikkje ha innsyn i materialet, korkje frå klage, førstesensur eller anna. For det andre kan ein sjå klagesensur som ein ny sensur som fungerer som ei overprøving av førstesensuren. Og då bør klagekommisjonen ha fullt innsyn i materialet i saka.
2. Ved klager bør det vere eit krav om at studenten grunngjev klagen.
3. HVO bør ved sluttføring av forskriftene sikre seg at dei juridiske momenta er nærare gjennomgått spesielt med tanke på retningsliner ved praksis.

SAK   14/05:  REVIDERT FRAMLEGG UTVIKLINGSPLAN FOR AVDELING FOR

SAMFUNNSFAG 2005- 08

Avdelingsstyret gjorde slikt samrøystes vedtak:

Styret for Avdeling for samfunnsfag sluttar seg til Utviklingsplan for Avdeling for samfunnsfag 2005 –06 og ber der om at dei kommentarar som styret hadde, vert innarbeidde i den endelege versjonen av utviklingsplanen. Avdelingsstyret ber om at det hausten 2006 vert gitt ein rapport om korleis prioriteringane har vore ivaretekne, og ønskjer ny revisjon våren 2007.

Følgjande nye punkt 4 vert lagt til Prioritering 2005-07 under 3.2. Studiekvalitet:

4. Å styrke den pedagogiske dugleiken blant dei tilsette  m.a. ved fagseminar og kollegarettleiing

SAK 15/05: Ymse

1) Studiesaker

Studietilbod 2006:

• Rus - samfunnsproblem og førebygging vert forskyvd til hausten 2006.
• Rus 2 vert sett i gang hausten 2006 i Kristiansund

Hallgerd Conradi	Kjell-Einar Dagfinrud
dekan	kontorsjef