Forsking og utvikling / Forsking ved HVO / FoU-pris / FoU-pris ved Høgskulen i Volda og Møreforsking Volda

På styremøte 28.10.05 vart det vedtatt å opprette ein FoU-pris for Høgskulen i Volda og Møreforsking Volda. HVO har frå før oppretta ein pris for godt læringsmiljø. Målet med FoU-prisen er å rette merksemda mot FoU-arbeid gjennom å synleggjere og heidre framifrå innsats. Ved sidan av å gi honnør til prisvinnarane er intensjonen med prisen at vinnarane skal fungere som førebilete og modellar for resten av fagmiljøet, slik at kvaliteten på og omfanget av FoU-arbeidet aukar.

Retningslinjer for tildeling

1. Pris for godt FoU-arbeid vert tildelt personar eller miljø som har gjort ein markert innsats på FoU-område som er strategisk viktige for HVO og MFV. Ved tildeling skal det leggjast vekt på desse kriteria:
                 
   Enkeltperson:
                     
   - FoU-arbeid med svært høg kvalitet
   - FoU-arbeid med relevans for avdelinga/eininga sine strategiske mål
   - Publisering i vitskaplege publiseringskanalar
   - Sentrale vitskaplege verv i inn- og utland
   - Innsats som miljøbyggjar
   - FoU med ekstern finansiering
   - Nasjonalt og internasjonalt samarbeid
   - Allmenn- og målretta formidling og samfunnskontakt
   
   Fagmiljø:
   
   - FoU-arbeid med svært høg kvalitet
   - FoU-arbeid med relevans for avdelinga/eininga sine strategiske mål
   - Publisering i vitskaplege publiseringskanalar
   - Utviklinga i interne og eksterne ressursar til fagmiljøet (budsjett)
   - Utvikling i talet på ferdige doktorgrader i fagmiljøet
   - Utvikling i talet på opprykk blant personalet i fagmiljøet
   - Nasjonalt og internasjonalt samarbeid
   - Allmenn- og målretta formidling og samfunnskontakt
         
2. Prisen er på kr 30.000 til enkeltperson og kr 50.000 til fagmiljø og blir delt ut av styret for Høgskulen i Volda. Rektor står for overrekkinga. Med prisen følgjer ein diplom med namnet på prisen, året for tildelinga og namn på enkeltperson/fagmiljø som får prisen.
                                        
3. Prisen skal nyttast til tiltak som fremjar vidare arbeid og utvikling på FoU-området, til dømes studiereiser, konferansar, miljø- og nettverksbygging eller utstyr til FoU-arbeid.  
             
4. Alle tilsette, studentar, formelle organ ved Høgskulen, brukarar og andre eksterne interessentar kan fremje kandidatar til prisen.
             
5. Alle framlegg skal vere grunngjevne og syne kva for eigenskapar ved personen eller FoU-miljøet som bør heidrast. Framlegga bør ta utgangspunkt i retningslinjer og vurderingskriterium, og skal sendast til styret for Høgskulen i Volda ved høgskuledirektøren innan utgangen av april.
              
6. Eit utval gir den grunngjevne innstillinga si til styret innan 31. mai. Utvalet er sett saman av medlemmene i Forskingsutvalet. Rektor er leiar av innstillingsutvalet.
             
7. Dersom det ikkje er kome inn forslag med god nok kvalitet, blir ikkje prisen delt ut dette året.

Skriv ut