Protokoll frå møte i Avdelingsstyret 01.02.2006 kl. 13.15-15.15 på Strøm 314

 

Til stades:      Kjell-Einar Dagfinrud, Bente Afset, Jørgen Amdam, Hallgerd Conradi, Jan Driveklepp, Per Halse, Ingun Klepp, Brynhild Solvang, ekstern vararepresentant Eli-Mette Lüthcke, studentrepresentant Mari Lome

 

Forfall: ekstern representant Terje Kjøde, Elfrid Sundnes Joa

Studentrepresentant Hans Magne Rørvik møtte ikkje

 

Merknadar til innkalling og sakliste: Ingen

 

Orienteringssaker

a) Omorganisering ved HVO - vedtak og prosess vidare

b) Opptaket våren 2005

c) Strategiplan for HVO – høyring

d) Personalsaker

e) NAV

f)  SHP

 

SAK 01/06: INTERN FORDELING AV BUDSJETTRAMMER VED ASF FOR 2006

 

Avdelingsstyret gjorde slikt samrøystes vedtak:

 

  1. Det vert sett av midlar på fellesnivået på kr. 4 000 000. Løyvingane til institutta vert slik: ISF kr. 11 908 307,  IPA kr.5 675 356, og RLK kr.6 069 337.
  2. Kontorsjef får fullmakt til å justere budsjetta i samsvar med eventuelle inndragingar og nye driftsmidlar i løpet av budsjettåret.
  3. Budsjettansvarlege vert bedne om å kome med framlegg til postbudsjett til neste møte i avdelingsstyret våren 2006. Postbudsjettet skal også inkludere eventuelle overføringar eller inndragingar frå år 2005, og påreknelege inntekter i budsjettåret 2006.
  4. Styret for ASF vil beklage at den styrevedtekne budsjettmodellen  utan vidare vart endra ved budsjettarbeidet 2006. HVO sitt fellesnivå får med dette ein større del av studiepoengproduksjonen på kostnad av avdelingane. ASF ser med bekymring på at auken i administrasjonsressurssar går ut over fagbudsjetta.
  5. Styret for ASF ser med uro på forholdet mellom klare styringssignal om måtehald i studentopptaket, og manglande budsjettmessige konsekvensar ved å unnlate å fylgje desse.

 

SAK 02/06: RETNINGSLINER FOR PROSJEKT – OG KLIENTPRAKSIS VED BARNEVERNSPEDAGOG – OG SOSIONOMUTDANNINGANE  VED HØGSKULEN I VOLDA

 

Avdelingsstyret gjorde slikt samrøystes vedtak:

Styret for avdeling for samfunnsfag  vedtek  nye  Retningsliner for prosjekt- og klientpraksis ved barnevernspedagog – og sosionomutdanningane  ved Høgskulen i Volda.  Retningslinene vert gjort gjeldande frå det tidspunktet dei er godkjende av direktøren.

 

 

SAK 03/06: PROTOKOLL FRÅ AVDELINGA SITT STUDIEKVALITETSUTVAL

 

Avdelingsstyret gjorde slikt samrøystes vedtak:

 

Styret for avdeling for samfunnsfag godkjenner den framlagte protokollen.

 

 

SAK 04/06: NY STUDIUM OG EKSAMENSFORSKRIFT VED HØGSKULEN I VOLDA –  PRAKTISKE ORDNINGAR

 

Avdelingsstyret gjorde slikt samrøystes vedtak:

 

Styret for avdeling for samfunnsfag godkjenner at dekanus i saker som vedkjem utdanningsplanar, tilrettelagt studiesituasjon, utsetting av arbeidskrav, fråvær utover 80% regelen, eksamenstidspunkt samt eksamensform ved utsett prøve lar dette vere saker som instituttleiar i hovudsak tek stilling til. Dekanus vert halden orientert, og vert elles trekt inn ved prinsipielle spørsmål, tvil og større avvik.

 

 

SAK 05/06: SENSOROPPNEMNING TEAM- OG KUNNSKAPSUTVIKLING

 

Avdelingsstyret gjorde slikt samrøystes vedtak:

 

Det framlagde oversynet over sensorar ved eksamen i Team- og kunnskapsutvikling vert godkjend.

 

 

SAK 06/06: REVISJON AV STUDIEPLAN: HELSEPEDAGOGIKK  – TILPASSA FARMASØYTAR.

 

Saksutgreiing og innstilling vart lagt fram i møtet.

 

Avdelingsstyret gjorde slikt samrøystes vedtak:

Styret for avdeling form samfunnsfag godkjenner den reviderte studieplanen i Helsepedagogikk – tilpassa farmasøytar.


Per Halse gjekk etter denne saka.
 

SAK 07/06: EVENTUELT: AVDELINGSSTYRET SIN MERKNAD TIL ORIENTERINGSSAK A

 

Avdelingsstyret gjorde slikt samrøystes vedtak:

Avdelingssstyret sluttar seg til dispensasjonssøknaden  frå leiargruppa, og ber om at den vert handsama av HVO-styret straks.

 

 

 

Hallgerd Conradi                                         Kjell-Einar Dagfinrud
dekan                                                               kontorsjef