Protokoll frå møte i Avdelingsstyret 08.03.2006 kl. 10.00- på Rekkedal Gjestehus

Til stades: Kjell-Einar Dagfinrud, Bente Afset, Hallgerd Conradi, Jan Driveklepp, Per Halse, Elfrid Sundnes Joa, Ingun Klepp, Anne Marie Verpe (vara), Olav Thokle (vara) Til dette møtet var instituttleiarar og vararepresentantar innkalla.

Forfall: Jørgen Amdam, Brynhild Solvang, ekstern representant Terje Kjøde, studentrepresentant Mari Lome, Gro Brandal (vara), Per Magne Aadnanes (instituttleiar RLK), Eli-Mette Lüthcke (vara), Øyvind Standal (vara), Bernt Olav Øvregaard (vara), Kolbein Halkjelsvik (vara)

Merknadar til innkalling og sakliste:

Orienteringssaker

a) Personalsaker
b) Økonomisaker
c) Studiesaker
d) Forskrift om ansettelse og opprykk i undervisnings- og forskerstillinger
e) Frivillig og offentlig – prosessamtalen og nettverksbygging. Godkjent på dekanfullmakt.
f) Høyring – diverse retningsliner
g) Utkast til samarbeidsavtale mellom HVO og Høgskulen i Ålesund om Mastergradsstudium sosial- og helsefagleg arbeid.


SAK 08/06: STRATEGIPLAN FOR HVO – HØYRING ASF

Styret for Avdeling for samfunnsfag meiner at arbeidsgruppa sitt framlegg til ny strategiplan for Høgskulen i Volda er eit godt utgangspunkt for utarbeiding av ein endeleg strategiplan. Avdelingsstyret ber om at dei synspunkta som kom fram i drøftinga av saka, vert innarbeidde med avdelinga sine kommentarar i den endelege høyringsuttalen.

Avdelingsstyret gjorde slikt samrøystes vedtak:

Styret for avdeling for samfunnsfag sluttar seg til tilrådinga og peikar på følgjande:

  1. Utkastet er eit godt utgangspunkt til ny strategiplan; han er kortfatta og målområda let seg operasjonalisere.
  2. Kontakt med samfunnsliv og vekt på det globale perspektiv er også ein del av rammer og utfordringar knytt til HVO i framtida; m.a. ser ein føre seg større vekt på tilrettelegging slik at HVO får større del av innreisande studentar
  3. ASF gjer framlegg om at HVO får ein annan visjon. Vårt framlegg er: Kultur, mangfald og danning.
  4. Kapittelet om tydeleg fagleg profil bør få ei anna overskrift. Vi ser gjerne at nynorsken sin plass og vert løfta inn her
  5. Høgskulen som studiestad må tydelegare markerast. Det kan m.a. gjerast ved at avsnitt to vert flytta fram i kapittelet om fleksible studietilbod
  6. ASF er ikkje usamd i at ein skal auke rekrutteringa av kvinner til fagmiljø og stillingstypar som er mannsdominerte, men tenkjer oss ei kjønnsnøytral formulering.
  7. Strategiplanen må få ein grundig språkvask

    8.  

SAK 09/06: AVDELINGSSTRUKTUR HVO – HØYRING ASF

Avdelingsstyret gjorde slikt samrøystes vedtak:

UTTALE FRÅ AVDELINGSSTYRET:

  1. Avdelingsstyret syner til sine tidlegare merknader i omorganiseringssaka, og saknar ei klarare analyse og grunngjeving for endringar i avdelingsstrukturen.
  2. Avdelingsstyret viser til at dei 2 alternative modellane som er oppstilte ikkje fører til oppsplitting av avdelinga. Avdelingsstyret ser positive sider ved å innlemme historie og/eller samfunnsfagmiljøet i avdelinga, men har vanskar med å sjå korleis det praktisk skal gjennomførast. (lokalisering)
  3. Avdelingsstyret meiner at koordinerings- og leiingsutfordringar i t.d profesjonsutdanningar der fagpersonar frå fleire institutt og avdelingar gjev bidrag, må løysast i den ordinære linja ved HVO. Løysingar må difor søkjast ved å konkretisere utfordringane betre, og deretter å vidareutvikle samarbeidsformer og prosedyrer som ein del av arbeidet i studienemnda. Studienemnda vil få eit ansvar når det og gjeld integrasjon i og innspel til policyutforming av lærarutdanningane. Avdelingsstyret går ikkje inn for å etablere nye byråkratiske løysingar ved sida av eller over etablerte system for administrasjon og leiing ved Høgskulen.

    4.  

SAK 10/06: NYE EMNEPLANAR VED INSTITUTT FOR RELIGION, LIVSSYN OG KYRKJEFAG:
REL 127 – BIBEL, TRO OG FORMIDLING (15 STP), OG
REL 128 – KRISTENT ARBEID MED BORN OG UNGE (15 STP)

Avdelingsstyret gjorde slikt samrøystes vedtak:

Emneplanane REL 127 – Bibel, tro og formidling (15 stp), og REL 128 – Kristent arbeid med born og unge (15 stp) vert godkjent slik dei ligg føre korrigert for dei endringar som vart påpeika i møtet knytt til presisering og form.

SAK 11/06: SENSORAR VED ASF, VÅRSEMESTERET 2006

Avdelingsstyret gjorde slikt samrøystes vedtak:

  1. Dei framlagde oversyna over sensorar ved Institutt for planlegging og administrasjon, Institutt for religion, livssyn og kyrkjefag og Institutt for sosialfag vert godkjend.
  2. Avdelingsstyret ber om at det kjem klart fram kva fagbakgrunn og tittel nye eksterne sensorar har når ein slik plan vert sett opp seinare.

      3.  

       

Hallgerd Conradi                                         Kjell-Einar Dagfinrud
dekan                                                               kontorsjef