§ 1.1. Formål
a) Studenttinget i Volda (STiV) er det øvste studentdemokratiske organ ved Høgskulen i Volda (HVO).
b) STiV skal arbeide for studentane sine faglege, velferdsmessige og demokratiske rettar.
§ 1.2. Organ
Studentdemokratiet i ved Høgskulen i Volda er delt inn i:
a) Studenttinget
b) Studenttinget sitt styre
c) Tillitsvalde i klassene
§2.1 Generelle vedtak
a) Studenttinget er studentdemokratiet sitt øvste organ og skal ha representantar frå alle avdelingane.
b) Studenttinget skal halde to møter i haustsemesteret og tre møter i vårsemesteret. Møta i studenttinget skal vere opne.
c) Studenttinget skal halde sitt fyrste møte i haustsemesteret innan 15.oktober.
2.1.1. Innkalling
a) Styret i STiV har ansvar for å organisere og kalle inn til møte i studenttinget.
b) Innkalling skjer per epost seinast 14 dagar før møtet.
c) Sakliste og sakspapir for studenttingsmøtet skal sendast ut skriftleg og per post seinast 7 dagar før studenttingsmøtet.
d) Saker som skal handsamast på studenttingsmøtet må vere styret i hende seinast 9 dagar før neste møte i studenttinget.
2.1.2. Møtevedtak
a) Studenttinget er vedtaksført når minst halvparten av medlemane er til stades.
b) Studenttinget skal ha to møteleiarar på møta.
c) Ekstraordinært studenttingsmøte kan krevjast av styret i STiV, av ¼ av medlemane i studenttinget eller når minst to av dei studentvalde styremedlemane i SfS eller Høgskulestyret krev det.
§2.2 Samansetning
a) 17 studentrepresentantar med vararepresentantar valt ved urneval. Desse er fordelt på dei ulike avdelingane etter plantala.
2.2.1. Medlemmar med tale-, forslags- og stemmerett
Studenttinget sine medlemmar.
2.2.2. Medlemmar med tale- og forslagsrett
a) Styret i STiV sine medlemmar.
b) Studentrepresentantar i formelle styringsorgan ved HVO
2.2.3. Medlemmar med talerett
Alle studentar ved Høgskulen i Volda har talerett i studenttinget.
2.2.4. Medlemmar med møteplikt
a) Studenttinget sine medlemmar
b) Styret i STiV.
c) Ein representant frå høgskulestyret.
d) Ein representant frå samskipnadsstyret.
2.2.5. Øvrige
Studenttinget kan ved ordinært fleirtal vedta å gi andre talerett i enkeltsaker.
2.3 Oppgåver
2.3.1. Arbeidsgrupper
Arbeidsgrupper vert skipa ved behov. Kategoriar der dette kan vere relevant er m.a. informasjon, studiekvalitet, internasjonalt arbeid og velferd/fadder.
2.3.2. Studenttinget skal behandle og gjere vedtak i saker som vedrører hovudlinjene for STiV eller som
er av stor prinsipiell tyding for desse
a) Velge representanter ihht. §8.2
b) Vedta budsjett og eventuelle budsjettendringar
c) Vedta revidert regnskap
d) Vedta strategiplan for ein periode på fire år som er open for revidering kvart år, og arbeidsprogram for kvart kalenderår ved siste tingmøte i kalenderåret.
e) Vedta endringar i vedtektene, økonomireglementet, forretningsorden og valreglementet
§3.1 Generelle vedtak
Styret i STiV er studenttinget sitt dagleg arbeidande organ og førebur alle sakene for studenttinget. Styret kan delegere saksforbredelser ved behov.
§3.2 Samansetning
Styret i STiV består av:
a) Leiar
b) Nestleiar
c) Fagansvarleg
d) Kontaktansvarleg
e) Velferdsansvarleg
f) Web/ Informasjonsansvarleg
g) Internasjonalt ansvarleg
h) LS representant
§3.3 Oppgåver
a) Utarbeide og legge fram forslag til budsjett og handlingsplan til godkjenning for studenttinget.
b) Saksførebuing for studenttinget.
c) Styret skal innstille i alle saker som blir lagt fram for studenttinget. Sakene kan sendast på høyring før behandling i tinget.
d) Har ansvaret for at vedtak fatta i studenttinget vert følgde opp.
e) Skal bruke økonomiske og personalmessige ressursar i samsvar med handlingsplanen, budsjettet og økonomirutinane.
f) Utarbeide rapport for Styret i STiV si verksemd i funksjonstida. Dette gjerast i slutten av kvart semester.
g) Styret i STiV skal lage møteplan for kvart semester.
3.3.1. Styremedlemmane sine oppgåver er regulert i eiga stillingsforklaring fatta av studenttinget.
§3.4 Sekretariatet
3.4.1. Sekretariatet skal bestå av ein organisasjonssekretær i 50% stilling.
3.4.2. Høgskulen har arbeidsgjevaransvaret, og utarbeider stillings- og arbeidsinstruks. Stillings- og
arbeidsinstruks må godkjennast av studenttinget.
3.4.3. Oppretting og nedlegging av permanente stillingar kan berre fattast av studenttinget i samråd med
høgskulen og samskipnaden.
3.4.4. Organisasjonskonsulenten har det daglege administrative ansvaret for sekretariatet.
§3.5 Val
3.5.1. Styret i STiV vert valt på fyljande måte: Informasjonsansvarleg og nestleiar vert valt på det første studenttingsmøtet i haustsemesteret. Leiar, kontaktansvarleg og fagansvarleg og vert valt på det første studenttingsmøtet i vårsemesteret. Internasjonalt ansvarlig, velferdsansvarleg og LS-representant vert valt på det siste møtet i vårsemesteret.
§4.1 – Generelle vedtak
Det skal veljast klassetillitsvalt og vara i alle klasser som gir 30 studiepoeng eller meir. Dette skal meldast til Styret i STiV innan 1. september i haustsemesteret og 15.januar i vårsemesteret.
§4.2 – Samansetning
Ein klassetillitsvalt og ein vara for kvar klasse.
§4.3 - Oppgåver
4.3.1. Klassetillitsvalte har møteplikt når studentrepresentantane i deira avdelingsstyre kallar inn til møte.
4.3.2. Klassetillitsvalte har informasjonsplikt ovanfor medstudentane i klassa om informasjon frå høgare
studentorgan. Dei skal jobbe for å ivareta klassa sine interesser på avdelingsnivå/instituttnivå.
4.3.3 Klassetillitsvalde bør også vere representant i fagutvalet for klassa.
§5.1 – Generelle vedtak
Det kan krevjast allmøte i saker av spesiell karakter, eller i saker der det er ynskjeleg å orientere eller få heile studentmassen sitt syn på saka. Styret i STiV skal kalle inn til allmøte dersom 5% av studentmassen, 1/3 av studenttinget eller 2 representantar frå styret i STiV krev det. Allmøte er rådgjevande for studenttinget.
§ 6.1 Samansetning
6.1.1. Kontrollkomiteen skal bestå av to personar. Desse konstituerer seg sjølve.
6.1.2. Medlemmane i kontrollkomiteen kan ikkje vere med i andre formelle organ underlagt STiV.
§6.2 - Oppgåver
6.2.1. Kontrollkomiteen skal:
a) Delta på møta i Studenttinget.
b) Føre kontroll med at STiV sine organ følgjer vedtektene.
c) Sjå til at STiV sin politikk vert ført i tråd med vedtak og handlingsplanar.
d) Sjå til at STiV sine ressursar vert disponert i samsvar med budsjetta.
e) Føre kontroll med gjennomføring av val.
§7.1 Representantar til dei ulike verva som skal velgast ved urneval
7.1.1. 2 representantar med tilhøyrande vara til Høgskulestyret
7.1.2. 17 representantar til studenttinget. Fordeling på dei ulike avdelingane skjer etter plantalet.
§7.2 Representantar til dei ulike verva som skal veljast av studenttinget
7.2.1. Styret i StiV
7.2.2. 3 studentrepresentantar og 3 nummererte vararepresentantar til SfS-styret.
7.2.3. Eit gitt tal representantar med tilhøyrande vara til dei ulike avdelingsråda
7.2.4. Representantar til dei ulike komiteane der det er krav om studentrepresentasjon.
7.2.5. Kontrollkomité
§8.1 – Budsjett
Styret i STiV skal kvar haust sette opp eit budsjett over dei midlane STiV vil disponere neste kalenderår.
Budsjettet varer frå 01.01 til 31.12 , og skal leggast fram for studenttinget for godkjenning seinast fyrste tingmøte i kalenderåret.
8.1.1. Budsjettet bør gå gjennom ei revidering på det andre eller tredje studenttingsmøte i vårsemesteret.
8.1.2 Styret i STiV har myndigheit til å omfordele på dei ulike budsjettpostane med inntil 5000 kr, om dette er
til det beste for studentane ved HVO. Ved større summar må studenttinget godkjenne dette.
§8.2 – Regnskap
Styret i STiV skal legge fram regnskap for året før seinast på det andre studenttingsmøtet i vårsemesteret.
8.2.1. Regnskapet for studenttinget skal reviderast av ein regnskapskyndig person ved Høgskulen i Volda.
Denne personen kan ikkje ha direkte tilknyting til STiV.
§9.1
Studenttinget sine medlemmar som ikkje fungerar i sitt verv, kan verte løyst frå si stilling i studenttinget og verte erstatta av ein person valt av studenttinget. Den som det blir stilt mistillit mot, skal få høve til å uttale seg.
§9.2
Mistillit må verte vedteke med kvalifisert fleirtal, 2/3 av studenttinget, på eit ordinært studenttingsmøte. Vedtak om mistillit skal skje bak lukka dører og avstemminga skal vere skriftleg.
§9.3
Ein student kan verte ekskludert frå tinget og miste talerett og eventuelt andre opparbeida rettar dersom særlege årsaker tilseier det. Slik eksklusjon må verte vedteke med 3/4 fleirtal på eit ordinært studenttingsmøte. Vedtak om eksklusjon skal skje bak lukka dører og avstemminga skal vere skriftleg. Den som foreslås ekskludert skal få høve til å uttale seg.
§10.1
Dispensasjon frå vedtektene til studenttinget krev 2/3 fleirtal av dei oppmøtte. Berre vedtaksført studentting kan gje dispensasjon.
§10.2
Framlegg til endring og tillegg til vedtektene skal sendast til studenttinget for handsaming. Framlegg til endringar skal være styret i STiV i hende minst 3 veker før neste møte i studenttinget.
Årsak til ønska forandring skal vedleggast skriftlig.
§10.3
Endringar i vedtektene krev 2/3 fleirtal av dei oppmøtte.
§10.4
Endringar i vedtektene gjeld frå møteslutt og erstattar tidlegare vedtekter.