Den strategiske planen til Studenttinget i Volda inneheld mål og strategiar knytte til hovudoppgåvene til STiV:
* studentane sine faglege rettar
* studentane sine sosiale og velferdsmessige rettar
* studentane sine økonomiske rettar
* studentane sine demokratiske rettar
Planen skal følgjast opp gjennom utviklings- og handlingsplanar innanfor fagtilbod (fagansvarleg i styret), velferdstilbod (velferdsansvarleg i styret), internasjonalisering (internasjonalt ansvarleg i styret), nasjonale saker (landsstyrerepresentant) og fremjing av STiV (informasjonsansvarleg i styret).
Den strategiske planen skal vere ein reiskap for å styrkje posisjonen til STiV.
Strategiplanen skal rullerast og behandlast av tinget årleg.
1. Vi skal kontinuerlig vere pådrivarar for å betre og kvalitetssikre studiekvaliteten ved HVO, og sikre studentanes interesser.
2. Vi skal skape større engasjement blant studentane.
3. Vi skal arbeide for å betre studentkvardagen i Volda, og vere ein paraply for lag og organisasjonar.
4. Vi skal sette lokale, regionale og nasjonale studentsaker på dagsorden.
1. Vi skal kontinuerlig vere pådrivarar for å betre og kvalitetssikre studiekvaliteten ved HVO, og arbeide med å sikre studentanes interesser. Dette vil seie:
Vi skal vere eit bindeledd mellom studentane og der avgjerder vert tekne.
Vi skal leggje til rette for dei internasjonale studentane ved HVO. Dette kan gjerast ved til dømes fadderordning når dei kjem, kontakt med lag og organisasjonar og å gjere informasjon tilgjengeleg på engelsk.
Studentrepresentantane i høgskulestyret, i studentsamskipnaden og andre nemnder og utval ved HVO har oppmøteplikt på tingmøte. Studentrepresentantane skal i tillegg rapportere til STiV-styret ved behov.
Vi skal arbeide med å fremje kommunikasjon og samarbeid mellom avdelingane på HVO, og arbeide for ei standardisering av formelle krav ved dei ulike avdelingar.
Vi skal vere ein pådrivar i arbeidet med kvalitetsreforma, og skal leggje premissar for utvikling av Høgskulen i Volda som studieplass, då særleg med fokus på eit læringsmiljø som er tilpassa alle.
STiV skal utarbeide læringsmiljørapport, for overlevering til læringsmiljøutvalet, til kvar semesterstart.
STiV skal jobbe for å få 100% organisasjonssekretær
STiV skal vere ein ressurs for dei engasjerte. Organisasjonssekretær skal ha organisert og samla inn lister over tillitsvalde og representantar i fagutval ved alle emne så raskt som mogleg etter kvar semesterstart. Tillitsvaldkurs må gjennomførast i løpet av september, dette i samarbeid med studiesjef/HVO-administrasjonen. Dette bør følgjast opp med tillitsvaldhelg rett etter nyttår. Fagutvalskurs bør haldast før medio oktober.
Tingmedlemar skal få nødvendig opplæring i studentpolitisk arbeid. Kurs skal gjennomførast ved semesterstart, med oppfølgingshelg rett etter nyttår.
Stiv skal arbeide for at leiar og styret i STIV får kompensasjon i form av godtgjersle for den arbeidsmengda dei legg ned i verva sine.
2. Vi skal skape større engasjement blant studentane. Det vil seie:
Vi skal arrangere informasjonskampanjar ved alle val og viktige hendingar der det er viktig at studentane engasjerar seg.
Vi skal synleggjere vårt arbeid for studentane. Det er viktig at STiV viser fram resultata av det arbeidet dei gjer.
Vi skal sette ned ei arbeidsgruppe, med medlem frå STiV, høgskulen og lag og organisasjonar, som skal sjå nøye på korleis ein kan betre engasjementet hjå studentane.
Vi skal ha eit nært samarbeid med studentmedia.
STiV skal arrangere debattkveldar for studentane og medlemene i Studenttinget. Det er viktig at ein arrangerer kveldar med konstruktiv debatt to gonger i semesteret. Her kan ein samarbeide med Høgskulen og invitere føredragshaldarar. Det er viktig at ein løfter blikket utover Volda.
Dette gjennom å sende studentar på kurs og konferansar, lokalt, regionalt og nasjonalt.
3. Vi skal arbeide for å betre studentkvardagen i Volda, og vere ein paraply for lag og organisasjonar. Dette vil seie:
Vi skal arbeide for at lag og organisasjonar ved HVO vert organiserte på ein måte som gjev betre informasjonsflyt og meir samarbeide mellom gruppene.
Målet er at ei samkøyring av lag og organisasjonar skal gje studentane ved HVO eit betre og meir synleg tilbod.
Vi skal arrangere møte for alle lag og organisasjonar for studentar i Volda ved behov, men minst ein gong i semesteret. Dei som mottek eller har tenkt å søke støtte frå SfS har møteplikt.
4. Vi skal sette lokale, regionale og nasjonale studentsaker på dagsorden. Dette vil seie:
Stiv skal arbeide opp mot StL
STiV skal prioritere å sende studentar på kurs og konferansar. Studentane skal rapportere tilbake til STiV.
STiV skal arbeide for å betre kontakten med andre høgskular og parlament.