Stillingsinstruksen kan til ei kvar tid gjerast til gjenstand for revisjon. Slik revisjon skal gjerast av Studenttinget sitt styre i samråd med leiar, nestleiar og organisasjonssekretær. Revisjonen skal leggast fram for Studenttinget for godkjenning.
Arbeidstakar pliktar å følgje den stillingsinstruksen som til ei kvar tid er gjeldande.
Arbeidskontrakt og stillingsinstruks er utfyllande og bindande avtaledokument for arbeidsgjevar og arbeidstakar. Studenttinget kan med heimel i stillingsinstruksen utforme utfyllande og meir detaljerte retningsliner for organisasjonssekretæren sine arbeidsoppgåver.

1    Tilsettingsforhold
1.1  Organisasjonssekretæren vert tilsett av Høgskulen i Volda.
1.2  Stillinga sitt arbeidsområde er som organisasjonssekretær for Studenttinget i Volda (STiV).
1.3  Organisasjonssekretæren sin næraste overordna er styret i Studenttinget ved leder.
1.4  Organisasjonssekretæren forventes å ha et nært samarbeid med leiar og nestleiar
1.5  Organisasjonssekretæren skal informere styret om verv/stillingar han/hun har innan andre organisasjonar.
1.6  Tvistesaker vedrørande tilsettingsforhold vert i neste instans avgjort av Høgskulen i Volda, ved administrerande direktør.

2    Arbeidstid
2.1  Organisasjonssekretæren er tilsett i 50% stilling. Kontortid for organisasjonssekretæren vert bestemt i samarbeid med leiar.
2.2  Det må reknast med kveldsmøte og noko overtid i samband med stillinga. Ein må også rekne med inntil fire helger i semesteret i samband med kurs, konferanse og seminar.
2.3 Overtid vert kompensert med avspasering etter avtale med leiar. Det kan eventuelt verte innvilga ei ekstra ferieveke etter avtale.

3   Oppgåver
3.1  Organisasjonssekretæren har ansvaret for den daglige drifta og informasjonsarbeidet ved Studenttinget sitt kontor. Arbeidsoppgåver er:
3.2  Sekretærfunksjon for Studenttinget sine organ og arbeidsgrupper
3.3  Ansvar for arkiv og generelle kontorrutiner
3.3.1 motta og hjelpe enkeltstudentar og studentråd/foreiningar som tek kontakt. Behandling av klagesaker i samarbeid med leiar
3.3.2 økonomirapportering, budsjett og bilagsbehandling saman med leiar
3.3.3 informasjonsarbeid i samarbeid med informasjonsansvarlig i styret, eksempelvis utvikling av brosjyrer og plakatar
3.3.4 ansvar for Studenttingets nettsider
3.3.5 arrangering av konferansar og seminar
3.3.6 utredning og rådgivning overfor styret i studentpolitiske og organisatoriske saker etter forespørsel frå styret
3.3.7 Leiar kan, med styrets godkjenning, pålegge organisasjonssekretæren representasjonsoppgåver for Studenttinget på kurs og seminar, samt i visse råd og utval.

4 Avgrensingar
4.1  Organisasjonssekretæren skal ikkje delta/engasjere seg i arbeidet med personval til/i studenttinget. Dette gjeld ikkje arbeid med praktisk tilrettelegging og informasjonsvirksomheit i samband med vala.
4.2  Organisasjonssekretæren skal ikkje ha verv/stillingar innan andre organisasjonar som kan ventast å kome i konflikt med organisasjonssekretæren sitt arbeid.
4.3  Organisasjonssekretæren skal ikkje ha tillitsverv på Høgskolen i Volda.
4.4  Organisasjonssekretæren skal ikkje ta på seg eller verte pålagt oppgåver som naturlig høyrer inn under høgskulen, studentråda eller Studentsamskipnaden.
4.5  Det vert understreka at studentpolitiske, fagkritiske og velferdspolitiske spørsmål tilhøyrer Studenttinget sitt ansvarsområde. Organisasjonssekretæren har det administrative ansvaret for Studenttinget.
4.6  Organisasjonssekretæren har ikkje stemmerett eller forslagsrett i studenttinget, berre talerett.