Om Høgskulen / Humanistiske fag / Nettstudium /

NO103 Tekst og struktur

Tilrettelegging og gjennomføring hausten 2006

Nordisk institutt ved Høgskulen i Volda ønskjer deg velkomen til nettstudium i litteratur.

Emnet NO103 er utarbeidd av faglærarane Rakel Christina Granaas (rcg@hivolda.no, 70 07 50 95) og Geir Hjorthol (gh@hivolda.no, 70 07 51 04). Granaas er instituttleiar og Hjorthol er programansvarleg for fagstudia i norsk. Emneansvarleg for NO103 er Kari Welle (kw@hivolda.no, 70 07 53 08). Vi har sett av torsdag og fredag i kvar veke til å svare på e-post, telefonar, gi rettleiing med meir.

Når det gjeld spørsmål av praktisk eller formell karakter, kan du vende deg til studiekoordinator Sylvi Gulla Hovdenakk (sgh@hivolda.no, 70 07 50 15).

Er studiet omfattande?

Emne NO103 utgjer ein fjerdepart av årsstudiet i norsk/nordisk. Arbeidsmengda kan reknast som ein halvtidsjobb. Tek du eitt emne pr. semester, er du halvtidsstudent. Om du i tillegg ønskjer å følgje NO101, Språket som struktur, er du å rekne som fulltidsstudent.

Pensum

Full orientering om pensum, arbeidskrav og eksamen får du i emneplanen som du finn på nettet (www.hivolda.no, klikk deretter på ”for studentar” og deretter → studieplanar 06/07).

Pensumbøkene kan kjøpast/tingast hos Studentbokhandelen i Volda (sfsbok@hivolda.no), hos Haugen Bok i Volda (www.haugenbok.no) eller der det måtte passe. Vi samlar nokre av pensumtekstane i eit kompendium. Dette gjeld tekstar som ikkje står i innføringsbøkene eller i tekstsamlinga Norske tekster (sjå emneplanen). Kompendiet kan du tinge hos Hustrykkeriet (roarjo@hivolda.no ) ved semesterstart. Tittel: NO103 Litteratur og struktur. Teori og tekstar. Merk at eitt av verka, Løveids Måkespisere, er utselt frå forlaget. Det blir trykt opp som kompendium som du kan tinge frå Studentbokhandelen i Volda.

Er det mange leksjonar, og kor ofte blir dei lagde ut?

Emne NO103 er sett saman av i alt 20 leksjonar, som fordeler seg slik:

-         Leksjon 1: Introduksjon. Geir Hjorthol

-         Tyngdepunkt 1: Epikk. Leksjon 2-7 ved Geir Hjorthol

-         Tyngdepunkt 2: Lyrikk. Leksjon 8-11 ved Rakel Christina Granaas

-         Tyngdepunkt 3: Sakprosa. Leksjon 12-15 ved Geir Hjorthol

-         Tyngdepunkt 4: Dramatikk. Leksjon 16-19, ved Rakel Christina Granaas

-         Leksjon 20: Om oppgåveskriving, ved Geir Hjorthol

Vekeplanen viser korleis leksjonane og godkjenningsoppgåvene er fordelte utover i semesteret.

Du får to nye leksjonar kvar veke, ein på tysdag og ein på torsdag, men i dei vekene du skal levere godkjenningsoppgåve (sjå nedanfor), får du berre éin ny leksjon.

Samlingar i Volda

Det blir arrangert to samlingar i Volda, i veke 36 og 44. Undervisninga er då lagt til fredag kl. 17.00 – 21.00 og laurdag kl. 10.00 – 14.00. Program for samlingane blir lagt ut i Classfronter i byrjinga av semesteret.

Samlingane er eit frivillig tilbod til dei studentane som held til i Volda eller har høve til å reise hit. Samlingane vil vere eit supplement til nettleksjonane.

Kollokviegrupper

Nettstudentane blir oppmoda om å ta kontakt med kvarandre på nettet ved å nytte Forum i Clasfronter. Dei som bur i nærleiken av kvarandre, kan danne kollokviegrupper på heimstaden sin.

Studentar som held til i Volda blir inviterte til å delta på eit lærarstyrt kollokvium kvar fredag kl. 10.15 – 12.00.

Oppgåveskriving (arbeidskrav)

For kvart av dei fire tyngdepunkta skal du skrive ei godkjenningsoppgåve (om lag tre sider). Dette blir rekna som arbeidskrav. Formålet med godkjenningsoppgåvene er at du skal arbeide aktivt med pensumstoff, utvikle analyseteknikk og få skrivetrening. Når du leverer desse oppgåvene innan fristane (sjå vekeplanen), vil du få rettleiing og vurdering av faglærar. Det er korte fristar, så det er viktig å arbeide målretta frå starten av kvart tyngdepunkt. Du får inntil to nye forsøk om du ikkje får godkjent oppgåva ved første innlevering.  

Vi har stipulert arbeidsmengda i ei godkjenningsoppgåve til tre dagar. Når oppgåva blir lagd ut fredag morgon, har du denne dagen, måndag og tysdag til disposisjon. Treng du helga, har du den og.

Dersom du av ein eller annan grunn ikkje er i stand til å halde innleveringsfristen, kan du få eit par dagars utsetjing. I så fall må du ta kontakt med studiekoordinator Sylvi Gulla Hovdenakk for å gjere avtale om dette.

Studentar som på grunn av sjukdom eller andre hindringar treng lengre utsetjing, kan søkje om dette.    

Studentar som ikkje er aktive frå semesterstart og leverer godkjenningsoppgåver, blir kopla av studiet etter innleveringsfristen for det andre tyngdepunktet. Det same gjeld studentar som ikkje oppfyller dei to siste arbeidskrava.

Oppfylte arbeidskrav er eit vilkår for å få gå opp til eksamen.

Eksamen

I slutten av semesteret kjem ein to vekers heimeeksamen. Du får to oppgåver å velje mellom. Oppgåvene kan gå på tvers av tyngdepunkta.

Viktige datoar

Undervisningsstart: 24. august

Godkjenningsoppgåver (arbeidskrav):

Tyngdepunkt 1: Utlevering: 15. september. Innlevering: 19. september   

Tyngdepunkt 2: Utlevering: 4. oktober. Innlevering: 8. oktober

Tyngdepunkt 3: Utlevering: 20. oktober. Innlevering: 24. oktober

Tyngdepunkt 4:  Utlevering: 8. november. Innlevering: 12. november

Får å få rettleiing/kommentar på oppgåvene, er det viktig at du held fristane.

Merk at arbeidskrava må vere oppfylte for at du skal få gå opp til eksamen.

Utlevering av eksamensoppgåver: 20. november kl. 09.00

Frist for innlevering av eksamenssvar:  4. desember kl. 14.00

Sensur: veke 51. Vi kjem tilbake med informasjon om dato.

Ta kontakt om du har spørsmål!

Vi ser fram til eit givande og inspirerande semester!

Sjå semesterplan på neste side!
NO 103: Tekst og struktur – nettleksjonar og fristar hausten 2006

Skriv ut