Om Høgskulen / Humanistiske fag / Nettstudium /

NO 203 Livshistorier. Biografi og roman

Tilrettelegging og gjennomføring hausten 2006

Nordisk institutt ved Høgskulen i Volda ønskjer deg velkomen til fordjupingsstudium i norsk på nettet. Faglærarar ved studiet er Rakel Christina Granaas (rcg@hivolda.no, 70 07 50 95) og Geir Hjorthol (gh@hivolda.no, 70 07 51 04), som også er emneansvarleg for NO203 og programansvarleg for fagstudia i nordisk. Saman med Granaas og Hjorthol har Kari Welle (kw@hivolda.no, 70 07 53 08) ansvar for oppgåverettleiing.

Torsdag og fredag i kvar veke er sett av til å svare på e-post og telefonar av fagleg karakter.  Når det gjeld spørsmål av meir praktisk eller formell art, kan du vende deg til studiekoordinator Sylvi Gulla Hovdenakk (sgh@hivolda.no), tlf. 70 07 50 15.

Omfang

NO 203 gir 15 studiepoeng og utgjer halvparten av fordjupingsstudiet i norsk (nordisk). I nivå og omfang svarar det til det tidlegare mellomfagstillegget. Arbeidsmengda kan reknast som ein halvtidsjobb. Den andre halvparten av fordjupingsstudiet er språkleg. Sjå eigen informasjon på heimesida til HVO, (www.hivolda.no), klikk deretter på humanistiske fag og nettstudium. Her finn du også emneomtalar med orientering om pensum, arbeidskrav og eksamen.

Kort oppsummert omfattar pensum i den litterære delen av fordjupingsstudiet åtte litterære verk og eit utval litteraturteori, litteraturhistorie og litteraturkritikk.

Dei litterære verka kan kjøpast/tingast hos Studentbokhandelen i Volda (sfsbok@hivolda.no), hos Haugen Bok i Volda (www.haugenbok.no) eller der det elles måtte passe. Teori og sekundærlitteratur finn du i to kompendium som du tingar hos Hustrykkeriet ved HVO
(roarjo@hivolda.no). Kompendia vil vere klare i god tid før semesterstart.

Organisering av semesteret

NO 203 er eit nettstudium som er sett saman av i alt ti leksjonar. Dei to første leksjonane tek for seg tekst- og sjangerteori, dei følgjande åtte gir deg ein introduksjon til kvart av pensumverka. Leksjonane vil variere ein del i omfang.

Semesteret er delt i to: ein undervisnings- og lesepriode i starten på fem veker, og deretter ein skriveperiode på knapt ti veker. Den første perioden vil i hovudsak gå med til å introdusere og arbeide med pensumlitteraturen: tekstar, teori, sekundærlitteratur og nettleksjonar. På denne måten vil du få eit godt grunnlag for å velje oppgåve (seinast 6. oktober). Utlegging av leksjonar startar i veke 34 og blir avslutta i veke 39.

For å få fullt utbyte av leksjonane bør du ha lese den aktuelle pensumlitteraturen (primærtekst, teori og sekundærlitteratur) på førehand. Med to leksjonar i veka går det fort unna. Skaff deg bøkene i god tid og kom i gang med lesinga! Detaljert plan for semesteret finn du nedanfor.

Samling

I slutten av veke 39 (fredag 29. – laurdag 30. september) skal vi ha ei oppsummerande samling ved HVO. Der får du høve til å ta opp spørsmål omkring val og skriving av oppgåve og diskutere fag med faglærarar og medstudentar. Samlinga startar fredag  (17.00 - 21.00) og held fram laurdag (10.00 - 14.00). Samlinga er frivillig.

Oppgåveskriving

Arbeidet med semesteroppgåva er ein sentral del av studiet og samstundes det teljande skriftlege eksamensarbeidet. Dette er ei individuell oppgåve, der du får rettleiing undervegs. Du skriv oppgåve om eitt eller fleire av pensumverka. I starten av semesteret vil vi legge ut ei liste med forslag til oppgåver.

Du kan velje oppgåve når som helst etter semesterstart, men seinast 6. oktober. Det er sjølvsagt ein fordel å kome i gang med skrivinga så tidleg som råd.

Arbeidskrav

Innan 23. oktober skal du levere eit forarbeid/utkast til semesteroppgåva på om lag fem sider.  Dette blir lese og kommentert av rettleiaren din, som skal godkjenne utkastet før du går vidare.

Viktige datoar

6. oktober:  Frist for val av oppgåve.

23. oktober: Frist for innlevering av utkast til semesteroppgåva (om lag fem sider). Dette er eit arbeidskrav. Du får kommentarar frå faglæraren.

13. november: Frist for siste innlevering for rettleiing.

1. desember: Frist for innlevering av semesteroppgåva (eksamen).

15. desember: Sensur og munnleg eksamen.

Eksamen

Eksamensoppgåve = semesteroppgåve. I tillegg kjem munnleg eksamen rett etter sensuren. Både skriftleg og munnleg eksamen blir evaluerte med bokstavkarakter. På munnleg eksamen får du særleg spørsmål frå dei delane av pensum som du ikkje har arbeidd med i oppgåva di. Karakteren på munnleg eksamen utgjer ein tredel av samla karakter.

Dersom du bur langt unna (utanfor Møre- og Romsdal og Sogn og Fjordane), kan du søkje Nordisk institutt om å få gå opp til munnleg eksamen pr. telefon.  

Sjå undervisningsplan på neste side!

NO 203 Livshistorier. Nettleksjonar hausten 2006

Skriv ut