Om Høgskulen / Humanistiske fag og lærarutdanning /

NO104 Tekst og kultur

Tilrettelegging og gjennomføring våren 2007

Nordisk institutt ved Høgskulen i Volda ønskjer deg velkomen til nettstudium i litteratur, anten du er ein rutinert student som var med oss i haust, eller du er nyregistrert no.

NO104 er utarbeidd av faglærarane Rakel Christina Granaas og Geir Hjorthol. Granaas er instituttleiar og Hjorthol er programansvarleg. Kari Garshol Welle er emneansvarleg. Vi har sett av torsdag og fredag i kvar veke til å svare på e-post, telefonar, gi rettleiing med meir.

Når det gjeld spørsmål av praktisk eller formell karakter, kan du vende deg til studiekoordinator Sylvi Gulla Hovdenakk.

Er studiet omfattande?

NO104 utgjer ein fjerdepart av årsstudiet i norsk/nordisk. Arbeidsmengda kan reknast som ein halvtidsjobb. Tek du eitt emne pr. semester, er du halvtidsstudent. Om du i tillegg ønskjer å følgje NO102, Språket som kultur, er du å rekne som fulltidsstudent.

Full orientering om pensum, arbeidskrav og eksamen finn du i emneplanen på nettet http://hivolda.studiehandbok.no/hivolda2/layout/set/popup/content/view/full/13534/language  eller www.hivolda.no → for studentar → studieplanar 06/07 → norsk (nordisk) årsstudium → emnetabellar.

Pensumbøkene kan kjøpast/tingast hos Studentbokhandelen i Volda (sfsbok@hivolda.no), hos Haugen Bok i Volda (www.haugenbok.no) eller der det måtte passe.

Vi samlar nokre av pensumtekstane i kompendium (Kompendium 1: Litteraturhistoriske tekstar, Kompendium 2: Artiklar om Garborg, Jacobsen, Skram, Ibsen og Strindberg, Kompendium 3: 1890-åra. Tekstar og sekundærlitteratur). Kompendia vil vere klare til semesterstart og kan kjøpast/tingast frå Hustrykkeriet (roarjo@hivolda.no ).

Er det mange leksjonar, og kor ofte legg vi dei ut?

NO104 er sett saman av i alt 20 leksjonar som fordeler seg slik:

-         Tyngdepunkt 1: ”Litteratur og kultur” (fire leksjonar)

-         Tyngdepunkt 2: ”Identitet og kjønn” (seks leksjonar)

-         Tyngdepunkt 3: ”Ibsen og Strindberg” (fire leksjonar)

-         Tyngdepunkt 4: ”1890-talet, subjektet og moderniteten” (fem leksjonar)

-         Oppsummering: (ein leksjon)

Vekeplanen på siste side viser korleis leksjonane er fordelte utover i semesteret.

Du får to nye leksjonar kvar veke, ein på tysdag og ein på torsdag, men det blir eit opphald i samanheng med innlevering av godkjenningsoppgåver. Slik får ein òg høve til å førebu seg på det neste tyngdepunktet.

Samlingar i Volda

Det blir arrangert to samlingar i Volda, i veke 7 og i veke 17 (sjå vekeplanen nedanfor). Undervisninga er då fredag kl. 17.15 – 21.00 og laurdag kl. 10.15 – 14.00. Program for samlingane blir lagt ut i Classfronter i byrjinga av semesteret.

Samlingane er eit frivillig tilbod til dei studentane som held til i Volda eller har høve til å reise hit. Samlingane vil vere eit supplement til nettleksjonane.

Kollokviegrupper

Nettstudentane blir oppmoda om å ta kontakt med kvarandre på nettet ved å nytte Forum i Classfronter. Dei som bur i nærleiken av kvarandre kan danne kollokviegrupper på heimstaden sin.

Studentar som held til i Volda og i nærområdet blir inviterte til å delta på eit lærarstyrt kollokvium kvar fredag 10.15 – 12.00.

Oppgåveskriving

For kvart av dei fire tyngdepunkta skal du skrive ei godkjenningsoppgåve (om lag 3 sider). Formålet med desse er at du skal arbeide aktivt med pensumstoff, lære noko om analyseteknikk og få skrivetrening. Når du leverer desse oppgåvene innan fristane (sjå vekeplanen), vil du få rettleiing og vurdering av faglærar. Det er korte fristar, så det er viktig å arbeide målretta frå starten av kvart tyngdepunkt. Du får inntil to nye forsøk om du ikkje får godkjent oppgåva ved første innlevering. Oppgåvene er å rekne som arbeidskrav.

Det er viktig at studenten held kontakt med faglærar og gjer individuelle avtalar om det skulle vere naudsynt. Meld alltid ifrå om det oppstår problem.

Vi har stipulert arbeidsmengda i ei godkjenningsoppgåve til tre dagar. Ved kvar godkjenningsoppgåve vil du ha tre kvardagar samt ei helg til disposisjon (sjå under viktige datoar).

Dersom du av ein eller annan grunn ikkje er i stand til å halde innleveringsfristen, kan du få eit par dagars utsetjing. I så fall må du ta kontakt med studiekoordinator Sylvi Gulla Hovdenakk for å gjere avtale om dette.

Studentar som ikkje er aktive frå semesterstart og leverer godkjenningsoppgåver, blir kopla av studiet etter innleveringsfristen for det andre tyngdepunktet. Det same gjeld studentar som ikkje oppfyller dei to siste arbeidskrava.

Oppfylte arbeidskrav er eit vilkår for å få gå opp til eksamen.

Eksamen

I slutten av semesteret kjem ein to vekers heimeeksamen. Du får to oppgåver å velje mellom. Oppgåvene kan gå på tvers av tyngdepunkta.

Viktige datoar

Studiestart:  23. januar

Fristar for innlevering av godkjenningsoppgåver:

Tyngdepunkt 1: utlevering 2. februar, innlevering 6. februar

Tyngdepunkt 2: utlevering 28. februar, innlevering 4. mars

Tyngdepunkt 3: utlevering 16. mars, innlevering 20. mars

Tyngdepunkt 4: utlevering 13. april, innlevering 17. april

Utlevering av eksamensoppgåver: 30. april kl. 09.00

Frist for innlevering av eksamensoppgåver: 15. mai kl. 14.00

Sensur: veke 22/23.  

Kontaktinformasjon

Rakel Christina Granaas (rcg@hivolda.no, tlf. 70 07 50 95)

Geir Hjorthol (gh@hivolda.no, tlf. 70 07 51 04)

Kari Garshol Welle (kw@hivolda.no, tlf. 70 07 53 08)

Sylvi Gulla Hovdenakk (sgh@hivolda.no, tlf. 70 07 50 15)

Vi ser fram til eit givande og inspirerande semester!

Ta kontakt om du har spørsmål.

Sjå vekeplan nedanfor (med atterhald om endringar).

NO104: TEKST OG KULTUR  1870-1900  – VEKEPLAN

Skriv ut